महाभारत द्रोण पर्व अध्याय 83 श्लोक 1-28
vyashititam (83) adhyay: dron parv ( pratijna parv )
arjun ki pratijna ko saphal banane ke liye yudhishthir ki shrikrishna se prarthana aur shrikrishna ka unhe ashhvasan dena sanjay kahate hai-rajanh tadanantar kuntikumar raja yudhishthir ne atyant prasann ho devakinandan janardan ka abhinandan karake poochha- madhusoodan. kya apaki rat sukhapoorvak biti hai1. achyut . kya apaki sampoorn jnanendriyaan prasann hai. tab bhagavanh shrikrishna ne bhi unase samayochit prashhn kiye tatpashchath sevak ne akar soochana di ki mantri , sena pati adi upasthit hai. us samay maharaj ki anumati pakar virat bhimasen, dhrishtadyumn, satyaki, chediraj, dhrishtaketu, maharathi drupad, shikhandi, nakul, sahadev, chekitan, kekayarajakumar, kuroovanshi yuyutsu,pachanlavir uttamauja, yughamanyu, subahu tatha draupadi ke pachoan putr-in sab logoan ko dvarapal bhitar le aya. ye tatha aur bhi bahut-se kshatriyashiromani mahatma yudhishthir ki seva mean upasthit hue aur sundar asan par baithe. mahabali aur mahatejasvi mahatma shrikrishna aur satyaki ye dono vir ek hi asanapar baithe the.tab yudhishthir ne un sab logo ke sunate hue kamalanayan bhagavanh madhusoodan ko sambodhit karake kadhur vani mean kaha-. prabho. jaise devata indr ka ashray lete hai, usi prakar ham log ekamatr apaka lekar yuddh mean vijay aur shashrat sukh pana chahate haian. shrikrishna . shatruoan ne jo hamare rajy ka nash karake hamara tiraskar kiya aur bhaanti-bhati ke klesh diye, un sabako ap achchhi tarah janate hai. bhaktavatsal sarveshhvar . madhusoodan . ham sab logo ka sukh aur jivan nirvah poornaroop se apake hi adhin hai.varshney. hamara man ap mean hi laga hua hai. atah ap aisa karean, jisase arjun ki abhishht pratijna saty hokar rahe. madhav. aj is du:kh aur aparsh ke mahasagar se par hone ki ichchha vale ham sab logo ke liye ap nauka ban jaiye. ap hi is sankat se hamara uddhar kijiye. shrikrishna . sangram mean shatru vadh ke liye udyat hua rathi bhi vaisa kary nahi kar pata, jaisa ki prayatnnashil sarathi kar dikhata hai. mahabahu janardan. jaise ap vrishnivanshiyo ko sampurn apattiyo se bachate hai usi prakar hamari bhi is sankat se raksha kijiye. shakhd, chakr aur gada dharan karane vale parameshhvar. nauka- rahit agadh kaurav-sagar mean nigagr pandavoan ka ap svayan hi nauka banakar uddhar kijiye. shatrunashak.sanatan devadeveshvar. vishno. jishno. hare. krishhn. vaikunth. purushottam. apako namaskar hai. madhav. devrrishi narad ne bataya hai ki ap shardadhanush dharan karane vale , sarvottam varadayak,puratan rrishi shreshhth narayan , unaki vah bat sathy kar dikhaiye.us rajasabha mean dharmaraj yudhishthir ke aisa kahane par uttam vakta kamalanayan bhagavanh shrikrishna ne sajal megh ke saman gambhir vani mean unhe ise is prakar uttar diya. shrikrishna bole- rajanh devataoan sahit sampurn loko mean koee bhi vaisa dhanurdhar nahi hai. ,jaise apake bhaee kuntikumar dhananjay hai..ve shaktishali, astrajnan sampann, parakrami, mahabali , yuddhakushal, sada amarshashil aur manushyoan mean param tejasvi hai. arjun ke kandhe vrish ke saman supushht hai , bhujaean badi -badi hai., unaki chal bhi shreshhth sianh ke sahॄsh hai, ve mahanh balavan yuvak aur shrisampann haian, atah apake shatruo ko avashhy mar dalege. mai bhi yahi karooanga,jisase kunti putr arjun duryodhan ki sari senaoan ko usi prakar jala dalege, jaise ag eedhan-ko jalati hai. aj subhadra kumar abhimanyu ki hatya karane vale us nich papi jayadrath ko arjun apane banoan dvara us marg par dal dege, jahaan jane par us jiv ko punah is lok mean darshan nahi hota . aj gidh, baj, krodh mare hue gidad tatha any narabhakshi jiv-jantu jayadrath ka maans khayeange.yadi indrasahit samapoorn devata bhi usaki raksha ke liye aje tathapi vah aj sangram mean mara jakar yamaraj ki rajadhani avashy ja pahuanchega. rajanh aj vijayashil arjun jayadrath ko marakar hi apake pas ayeange, ap aishvary se sampann rahakar shok aur chinta ko tyag dijiye.
« pichhe | age » |