योजना आयोग  हिन्दी देवनागरी में पढ़ें।

yojana ayog
yojana ayog
uddeshy desh ke snsadhanon ke sarvadhik prabhavi tatha sntulit upayog ke lie yojana banana.
sthapana 15 march, 1950
mukhyalay yojana bhavan, snsad marg, nee dilli
adhyaksh pradhanamntri
any janakari pradhanamntri narendr modi ne 15 agast, 2014 ko svatntrata divas ke avasar par lal qile ki prachir se kaha hai ki badalate vakt men hamen rachanatmak soch aur yuvaon ki kshamata ka adhikatam upayog karane vala snsthan banane ki jarurat hai.
bahari kadiyan adhikarik vebasait
adyatan‎

yojana ayog bharat sarakar ki pramukh svatntr snsthaon men se ek hai. isaka mukhy kary 'pnchavarshiy yojanaen' banana hai. is ayog ki sthapana 15 march, 1950 ko ki gee thi. bharat ka pradhanamntri yojana ayog ka adhyaksh hota hai. vittamntri aur rakshamntri yojana ayog ke paden sadasy hote hain. is ayog ki baithakon ki adhyakshata pradhanamntri hi karata hai. yojana ayog kisi prakar se bharat ki snsad ke prati uttaradayi nahin hota hai.

itihas

bharat men british shasan ke antargat sabase pahale 1930 ee. men buniyadi arthik yojanayen banane ka kary shuroo hua. bharat ki aupaniveshik sarakar ne aupacharik roop se ek kary yojana bord ka gathan bhi kiya, jisane 1944 se 1946 tak kary kiya. niji udyogapatiyon aur arthashastriyon ne 1944 men kam se kam tin vikas yojanayen banaee thin. svatntrata ke bad bharat ne yojana banane ka ek aupacharik maaudal apanaya aur isake tahat 'yojana ayog', jo sidhe bharat ke pradhanamntri ko riport karata tha, ka gathan 15 march, 1950 ee. ko pradhanamntri javaharalal neharoo ki adhyakshata men kiya gaya.
yojana bhavan

pnchavarshiy yojana ki shuruat

desh ki pratham pnchavarshiy yojana san 1951 men shuroo ki gayi thi. isake bad 1965 tak do aur pnchavarshiy yojanayen banaee gayin. san 1965 ke bad pakistan se yuddh chhid jane ke karan yojana banane ka kary men vyavadhan aya. lagatar do sal ke sookhe, mudra ka avamoolyan, qimaton men samany vriddhi aur snsadhanon ke ksharan ke karan yojana prakriya badhit huee aur 1966 aur 1969 ke bich tin varshik yojanaon ke bad chauthi pnchavarshiy yojana ko 1969 men shuroo kiya ja saka.

yojana ayog ka gathan

yojana ayog ke paden adhyaksh pradhanamntri hote hain. isake bad ayog ka upadhyaksh snstha ke kamakaj ko mukhy roop se dekhata hai. narendr modi ki sarakar banane tak yojana ayog ke upadhyaksh montek sinh ahaloovaliya the, jinhonne bad men istifa de diya. kuchh mahattvapoorn vibhagon ke kaibinet mntri ayog ke asthayi sadasy hote hain, jabaki sthayi sadasyon men arthashastr; udyog, vigyan evn samany prashasan jaise vibhinn kshetron ke visheshgy shamil hote hain. ye visheshgy vibhinn vishayon par apani ray sarakar ko dete rahate hain. ayog apane vibhinn prabhagon ke madhyam se kary karata hai. ayog ke visheshgyon men adhikatar arthashastri hote hain, yah is ayog ko bharatiy arthik seva ka sabase bada niyokta bana deta hai.

ab tak ayog ke upadhyaksh

ab tak ayog ke upadhyaksh ka pad jin logon ne snbhala unamen gulajarilal nnda, ti. krishnamachari, si. subrahmanyam, pi. en. haksar, manamohan sinh, pranab mukharji, ke. si. pnt, jasavnt sinh, madhu dndavate, mohan dhariya aur ar. ke. hegade jaise log shamil hain.

pramukh kary

jidipi (sakal ghareloo utpad) vikas dar (barahavin pnchavarshiy yojana)

san 1950 ke snkalp dvara yojana ayog ki sthapana ke samay isake karyon ko is prakar paribhashit kiya gaya-

  1. desh men upalabdh takaniki karmachariyon sahit samagri, pnji aur manav snsadhanon ka akalan aur rashtr ki avashyakataon ke anuroop in snsadhanon ki kami ko door karane hetu unhen badhane ki sambhavanaon ka pata lagana.
  2. desh ke snsadhanon ke sarvadhik prabhavi tatha sntulit upayog ke lie yojana banana.
  3. prathamikataen nirdharit karate aise kramon ko paribhashit karana, jinake anusar yojana ko karyanvit kiya jaye aur pratyek kram ko yathochit poora karane ke lie snsadhan avntit karane ka prastav rakhana.
  4. aise karakon ke bare men batana, jo arthik vikas men badhak hain aur vartaman samajik tatha rajanitik sthiti ke drishtigat aisi paristhitiyan paida karane ki janakari dena, jinase yojana ko saphalatapoorvak nishpadit kiya ja sake.
  5. is prakar ke tntr ka nirdharan karana, jo yojana ke pratyek pahaloo ko ek charan men karyanvit karane hetu zaroori ho.
  6. yojana ke pratyek charan men huee pragati ka samay-samay par moolyankan aur us niti tatha upayon ke samayojana ki sipharish karana jo moolyankan ke dauran zaroori samajhe jaen.
  7. aisi antarim ya anushngi sipharishen karana, jo use saunpe ge kartavyon ko poora karane ke lie uchit hon athava vartaman arthik paristhitiyon, chaloo nitiyon upayon aur vikas karyakramon par vichar karate hue athava paramarsh ke lie kendriy ya rajy sarakaron dvara use saunpi gee vishisht samasyaon ki janch ke bad uchit lagati hon.

karyon ka vistar

ek ayamik kendrit yojana pranali ki jagah bharatiy arthavyavastha nideshak yojana ki or badh rahi hai, jisamen yojana ayog ne bhavishy ke lie dirghakalin rananiti taiyar karane aur rashtr ke lie prathamikataen nirdharit karane ka uttaradayitv sambhala hai. yah sektar var lakshy nirdharit karata hai aur arthavyavastha ko vanchhit disha men le jane ke lie protsahan aur prerana ki vyavastha karata hai. manav vikas aur arthik vikas ke ati mahattvapoorn kshetron ke lie niti taiyar karane hetu badhiya drishtikon paida karane ke lie yojana ayog ekikrit bhoomika nibhata hai. samajik kshetr men gramin svasthy, peyajal, gramin oorja ki zarooraton, saksharata aur paryavaran snrakshan jaisi yojanaon ke lie samanvay aur samnjasy ki zaroorat hai. abhi inake lie samanvit niti taiyar kiya jana shesh hai. is karan ejensiyon ki bahutayat ho gee hai. ekikrit drishtikon se kafi kam kharch men achchhe parinam mil sakate hain.
ayog is bat par bal deta hai ki simit snsadhanon ka upayog aise achchhe dhng se ho aur unase adhikatam utpadan ho sake. keval yojana parivyay men vriddhi karate jane ke sthan par prayas yah hai ki avntit rashiyon ka upayog karane ki kushalata men vriddhi ho. upalabdh bajat snsadhanon ki atyadhik kami mahasoos hone ke karan rajyon aur kendr sarakar ke mntralayon ke bich snsadhan avntan pranali par kafi zor pada hai. isalie yojana ayog ko sabhi snbndhit pakshon ka dhyan rakhate hue madhyasth ki bhoomika nibhani padati hai. ayog ko shantipoorn parivartan karake sarakar men adhik utpadakata aur kushalata ki snskriti lane men sahayata karani hai. snsadhanon ke kushal prayog ki kunji yah hai ki sabhi staron par svayn apani vyavastha banane vale sngathan banae jaen. is kshetr men pranali badalav lane aur sarakar ke bich hi behatar pranaliyan vikasit karane ke lie salah dene hetu yojana ayog apani bhoomika nibhane ka prayas karata hai. prapt anubhavon ka labh phailane ke lie janakari vistarit karane ki bhoomika bhi yojana ayog nibhata hai.

sadasy

pradhanamntri ke paden adhyaksh hone ke sath, samiti men ek namajad upadhyaksh bhi hota hai, jisaka pad ek kaibinet mntri ke barabar hota hai. kuchh mahattvapoorn vibhagon ke kaibinet mntri ayog ke asthayi sadasy hote hain, jabaki sthayi sadasyon me arthashastr, udyog, vigyan evn samany prashasan jaise vibhinn kshetron ke visheshgy shamil hote hain. ayog apane vibhinn prabhagon ke madhyam se kary karata hai, jinake do prakar hote hain-

  1. samany yojana prabhag
  2. karyakram prashasan prabhag

yojana ayog ke visheshgyon men adhikatar arthashastri hote hain. yah is ayog ko bharatiy arthik seva ka sabase bada niyokta banata hai. kaibinet mntriyon ke saman hi ayog ke sadasyon ko vetan tatha bhatta diya jata hai. alochak yojana ayog ko ek "samanantar matrimandal" ya "sarvochch matrimandal" kahate hain.

kam huee ahamiyat

soviyat sngh ki snstha ke tarj par bharat men sthapit yojana ayog ki prasngikata 90 ke dashak men udarikaran ke bad khatm hone hone lagi thi. laisens raj khatm hone ke bad yah bina kisi prabhavi adhikar ke salahakar snstha ke taur par kam karati rahi. ab pradhanamntri narendr modi ne kaha hai ki badalate vaqt men hamen rachanatmak soch aur yuvaon ki kshamata ka adhikatam upayog karane vala snsthan banane ki jarurat hai.

ayog ke vivadit dave

  • 27.30 rupaye kharch karane vala gramin garib nahin, 2011 men yah sima 26 rupaye thi.
  • 33.33 rupaye kharch karane vala shahari garib nahin, 2011 men yah sima 32 rupaye thi.
  • 4080 rupaye pratimah (qarib 136 rupaye rojana) kamane vala panch vyaktiyon ka gramin parivar garibi rekha se oopar.
  • 5000 rupaye pratimah (qarib 166.5 rupaye rojana) kamane vala panch vyaktiyon ka gramin parivar garibi rekha se oopar.[1]

kaisa hoga naya dhancha

sarakar ki svatntr moolyankan karyalay ke mahanideshak ajay chhibbar ke anusar yojana ayog ki jagah ek thik taink baaudi ka gathan hona chahie. aisa bhi mana ja raha hai ki yojana ayog ki jagah utpadakata ayog ya vikas aur sudhar ayog ban sakata hai. kendriy mntralayon ko dhan avntan karane ka kam yojana ayog ki jagah naya yojana vibhag banakar vitt mntralay ko saunpa ja sakata hai. isi tarah rajyon ko dhan avntit karane ki shaktiyon ko vitt ayog ko diya ja sakata hai. chhibbar ke anusar ayog ka maujooda svaroop aur karyapranali vikas men sahayak nahin, balki badhak hai ai.ee.o. ka sujhav hai ki isaki jagah sudhar aur samadhan ke liye ek baaudi ka gathan ho, jisamen kendr, rajy aur snsad sadasyon aur niji kshetr ke pratinidhi shamil hon. nee snstha men rajyon ki bhoomika badhaee ja sakati hai. pradhanamntri narendr modi kendr aur rajyon ko milakar tim indiya ki bat karate hain. nee snstha men isaki jhalak dekhane ko mil sakati hai.

yojana ayog ki jagah modi ka speshal-5 painal

angreji akhabar ‘d ikonaaumik taims’ ki manen to pradhanamntri narendr modi se shaktiyan lene vala panch sadasyiy think taink yojana ayog ki jagah lega. akhabar ne sootron ke havale se snbhavana jataee hai ki poorv kendriy mntri suresh prabhu is painal ka sabase aham chehara ho sakate hain. sath hi mukt bazar ke himayati bharatiy-ameriki arthashastri aravind panagadhiya aur vivek debaraauy bhi is tim ka hissa ho sakate hain. adhikarik roop se painal ki adhyakshata pradhanamntri hi karenge.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. amar ujala | dinank- 18 agast, 2014 | prishth- 16
  2. yojana ayog ki jagah modi ka speshal-5 painal (hindi) mahanagar taims. abhigaman tithi: 18 agast, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah