श्री कालाहस्ती मन्दिर  हिन्दी देवनागरी में पढ़ें।

shri kalahasti mandir andhr pradesh ke chittoor zile ke pas sthit shrikalahasti namak jagah par sthapit hai. ise 'dakshin ka kailash v kashi' kaha jata hai. yah mandir pennar nadi ki shakha svarnamukhi nadi ke tat par basa hai. is mandir ko 'rahoo-ketu mandir' ke nam se bhi jana jata hai. yahan par log rahu ki pooja v usaki shanti hetu ate hain. pray: log is mandir ke lie 'kalahasti' shabd ka bhi prayog karate hain. yah mandir bhagavan shiv ke pramukh mandiron me se ek hai.

shrikalahastishvar mndir

kalahasti steshan se ek mil par svarn rekha nadi hai. usamen jal thoda hi rahata hai. svarn rekha nadi ke par tat par hi shrikalahastishvar mndir hai. dakshin ke pnchatatv lingon men yah vayu tattvaling mana jata hai. yah mndir vishal hai. lingamoorti vayutattv mani jati hai, atah pujari bhi usaka sparsh nahin kar sakata. moorti ke pas svarnapatt sthapit hai. usi par mala adi chadhaee jati hai. is moorti men makadi, sarpaphan tatha hathi dant ke chihn spasht dikhate hain. sarvapratham inhin ne is ling ki aradhana ki hai.

mndir ke bhitar hi parvati ka prithakh mndir hai. parikrama men ganesh, kee shivaling, kartikey, chitragupt, yamaraj, dharmaraj, chandikeshvar, nataraj, sooyn bal subrahmany, lakshmi-ganapati, bal ganapati, kalabhairavadi ki moortiyan hain. mndir men hi bhagavan pashupati tatha dhanurdhar arjun ki moortiyan hain. arjun moorti ko yahan pnde ke kanapp kah dete hain. mndir ke samip pahadi hai. kaha jata hai ki usi par tap karake arjun ne shnkaraji se pashupatastr prapt kiya tha. oopar jo shivaling hai, vah arjun dvara sthapit hai. pichhe kanapp bhil ne usaki aradhana ki. pahadi par jane ke lie sidhiyan nahin hai. marg atapata hai. pattharon par utarate-chadhate jana padata hai. lagabhag adha mil chadhaee hai[1].

shaktipith- shrikalahasti basti ke doosare chhor par ek chhoti pahadi par samany-sa ek devi mndir hai. yah 51 shaktipithon men se ek hai. yahan sati ka dakshin skandh gira tha.

pauranik katha

shri kalahasti ke nam se pahachana jane vala yah tirth sthal dakshin ka pramukh dharmik kshetr hai. bharat men sthit bhagavan shiv ke tirth sthanon men is sthan ka vishesh mahattv hai. shri kalahasti ke bare me dharmik grnthon men bhi varnan milata hai. skndapuran, shivapuran jaise prachin dharmik grnthon men isake vishay men pramukh roop se ullekh kiya gaya hai. skndapuran men darshaya gaya hai ki is sthan par arjun ne prabhu shri kalahasti ke darshan kie, usake pashchath arjun ko bharadvaj muni ke bhi darshan hue the.[2]

ek any kathanusar isi jagah par tin pashuon dvara bhagavan shiv ki aradhana ka ullekh milata hai. kaha jata hai ki ek bar ek makadi, sarp tatha hathi ne yahan shivaling ko puja, jisamen makadi़ ne shivaling ki pooja karate samay usake upar jal ka nirman kiya tatha sarp ne shivaling se lipatakar puja ki aur hathi ne jal dvara shivaling ka abhishek kiya tha. inaki bhakti dekhakar bhagavan shiv ne inhen mukti ka varadan diya v is jagah ka nam bhi in pashuon ke nam, jo 'shri' yani makadi, 'kala' yani sarp tatha 'hasti' yani hathi ke nam par rakha gaya. yahan par in tinon pashuon ki moortiyan bhi sthapit hain. isake atirikt yah bhi mana jata hai ki kanappa namak ek adivasi ne yahan par shiv aradhana ki thi.

prakritik saundary

kalahasti mandir me desh bhar se ae shraddhaluon ka tanta laga rahata hai. is jagah ka vatavaran prakriti ke manohar roop ko apane men samae hue hai. kafi vishal ghere me phaila yah mandir svarnamukhi nadi ke kinare se pahad ki talahati tak pasara hua hai. mandir se tiroomalay parvat shrinkhala ka bahut hi sundar nazara dekha ja sakata hai. yahan ke aur bhi any khoobasoorat nazare is jagah ko akarshak bana dete hain.[2]

sthapaty kala

lagabhag do hazar varshon se shri kalahasti mandir apane mahattv se logon ko apani or akarshit kar raha hai. mandir ki banavat evn sundarata usake gaurav ka bakhan karati huee dikhaee deti hai. mandir ke charon or bada hi manoram vatavaran sthapit hai. kailash ya kashi ke roop men mana jane vala yah mandir apani vastukala ke lie bhi prasiddh hai. mandir ka shikhar dakshin bharatiy shaili men bana hua hai, jis par safed rng ka avaran hai. mandir men tin bhavy gopuram hain. isake sath hi mandir men sau stnbhon vala mndap hai, jo sthapaty ki drishti se advitiy hai. mandir ke andar kee shivaling sthapit hain. mandir men bhagavan kalahastishvar v devi gyanaprasoonanba bhi virajaman hain. mandir ka bhitari bhag panchavin shatabdi ka bana mana jata hai tatha bahari bhag bad men barahavin shatabdi men nirmit hua.

any darshanik sthal

mandir ke as-pas kee any mandir bhi sthapit hain, jinamen se manikanika mandir, sooryanarayan mandir, vishvanath mandir, kanappa mandir, krishnadevarya mndap, shri sukabrahmashramam, vaiyyalingakon, jise sahastr lingon ki ghati kaha jata hai. isake sath hi pahadon par sthit mandir v dakshin kali mandir pramukh hain.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindooon ke tirth sthan |lekhak: sudarshan sinh 'chakr' |prishth snkhya: 109 |
  2. 2.0 2.1 2.2 shri kalahasti mandir (hindoo). . abhigaman tithi: 31 aktoobar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah