पल्लव वंश
pallav vansh ke rajaoan ka mool kahaan se hua, is saval ko lekar aitihasikoan ne bahut tark-vitark kiya hai. ek mat yah hai, ki pallav log palhav ya parthiyan the, jinhoanne shakoan ke kuchh samay bad bharat mean pravesh kar uttar-pashchimi kshetr mean apane svatantr rajy sthapit kie the. shak raja rudradama ka ek amaty saurashtr par shasan karane ke lie niyukt tha, jisaka nam suvishakh tha. vah jati se palhav ya parthiyan tha. sambhavatah isi prakar ke palhav amaty satavahan samratoan ki or se bhi niyat kiye jate the, aur unhian mean se kisi ne dakshin ke pallav rajy ki sthapana ki thi. ab prayah aitihasik log pallavoan ka palhavoan ya parthiyanoan se koee sambandh nahian manate. kashiprasad jayasaval ke anusar pallav log brahman the, kyoanki ve apane ko dronachary aur ashvatthama ka vanshaj manate the.
itana nishchit hai, ki pallav rajy ki sthapana us samay mean huee, jabaki satavahan rajy khand-khand ho gaya tha. is vansh dvara shasit pradesh pahale satavahanoan ki adhinata mean the. yah mana ja sakata hai, ki pallav rajy ka sansthapak pahale satavahanoan dvara niyukt prantiy shasak tha, aur usane apane adhipati ki nirbalata se labh uthakar apane ko svatantr kar liya tha. pallav vansh ki satta ka sansthapak yah purush sambhavatah bappadev tha. kaanchipuram mean upalabdh hue do tamrapatroan se is vansh ke prarambhik itihas ke vishay mean anek mahatvapoorn batean jnat hoti haian. in tamrapatroan par 'skandavarma' nam ke ek raja ke dan puny ko utkirn kiya gaya hai, jise ek lekh mean 'yuvamaharajay' aur doosare mean 'dhammamaharajadhiraj' kaha gaya hai. isase soochit hota hai, ki ek danapatr usane tab utkirn karavaya tha, jab ki vah yuvaraj tha aur doosara us samay jab ki vah maharajadhiraj ban gaya tha. usane agnishtom, vajapey aur ashvamedh yajnoan ka anushthan kar apani shakti ka utkarsh kiya, aur tuangabhadra evan krishnaa nadiyoan dvara sianchit pradesh mean shasan karate hue kanji ko apani rajadhani banaya.
gupt samrat samudragupt ne dakshini bharat mean vijay yatra karate hue pallav raj vishnugop ko bhi atmasamarpan ke lie vivash kiya tha. samudragupt ki yah vijay yatra chauthi sadi ke madhy bhag mean huee thi. kathinaee yah hai, ki pallavoan ke prarambhik itihas ko janane ke lie utkirn lekhoan ke atirikt any koee sadhan hamare pas nahian hai. in lekhoan mean pallav vansh ke rajaoan ke apane shasan kal ki tithiyaan to di huee haian, par in rajaoan mean kaun pahale hua aur kaun pichhe, yah nirdharit kar sakana sambhav nahian hai. pallav vansh mean jo shasak hue unake nam is prakar hai:-
- shivaskand varman,
- vishnugop,
- sianh vishnu (575-600 ee॰),
- mahendr varman pratham (600-30 ee॰),
- narasianh varman pratham (630-68 ee॰),
- mahendr varman dvitiy (668-70 ee॰),
- parameshvar varman pratham (670-95 ee॰),
- narasianh varman dvitiy (695-720 ee॰),
- parameshvar varman dvitiy (720-31 ee॰),
- nandi varman dvitiy (731-95 ee॰),
- danti varman (796-847 ee॰),
- nandi varman tritiy (847-69 ee॰),
- nripattuang varman (870-79 ee॰),
- aparajit (879-97 ee॰).
|
|
|
|
|
|