पीलू मोदी  हिन्दी देवनागरी में पढ़ें।

piloo modi
piloo modi
poora nam piloo modi
janm 14 navambar, 1926
janm bhoomi mumbee, maharashtr
mrityu 29 janavari, 1983
karm bhoomi bharat
karm-kshetr rajaniti
prasiddhi rajanitigy
nagarikata bharatiy
vishesh piloo modi 'svatntr parti' ke snsthapak the. ve gujarat rajy se chunav ladakar sansad bane the.
any janakari kaha jata hai ki indira gandhi aur julphikar ali bhutto ke bich jis shimala samajhaute par dastakht hue the, usaki pahali prati dekhane ka gaurav piloo modi ko prapt hua tha. desh ke doosare logon aur vishv ke patrakaron ko bad men.

piloo modi (angrezi: Piloo Mody, janm- 14 navambar, 1926; mrityu- 29 janavari, 1983) svatntr parti ke pramukh neta the. vah bharat men udaravadi evn mukt arthik nitiyon ke samarthak the. vah parasi dharm ke anuyayi the. vah lokasabha ke sabhasad bhi the. unake bhaee roosi modi, tata ki ispat kampani 'tisko' ke bhootapoorv adhyaksh the. apatakal (bharat) ke samay san 1975 men indira gandhi ne piloo modi ko misa ke antargat giraphtar karava liya tha.

parichay evn shiksha

piloo modi ka janm 14 navambar, 1926 ek mumbee ke ek parasi parivar men hua tha. inake pita sar homi modi the aur mata ledi 'jerabaee' thin. inake do bhaee roosi modi aur kali modi the. inaki patni ka nam 'vina' tha. inaki prarambhik shiksha deharadoon ke 'doon skool' men huee aur unaki uchchatar shiksha barkali ke 'kailiphorniya vishvavidyalay' men huee jahan unhone vastukala (arkitekchar) ka adhyayan kiya. piloo modi julphikar ali bhutto ke nazadiki mitr the evn unhonne prasiddh pustak "julphi may phrend" (Zulfy my Friend) likhi.

kariyar

piloo modi 'svatntr parti' ke snsthapak the. yah gujarat se chunav ladakar sansad bane phir snsad se ek sal ki anupasthiti ke bad, 10 aprail 1978 ko yah rajyasabha men shamil ho ge aur 1983 men apani mrityu tak vahan kary kiya.

snsad men piloo modi

svatntr parti ke snsthapak piloo modi kisi bhi samay sadan ka mahaul halka karane men mahir the, lekin apani angreji ki maharat se vah kee bar pithasin adhikari ke kop se bach bhi jate the. ek bar piloo sadan men bol rahe the. jesi jain unhen lagatar tok rahe the. piloo modi ne jhallakar kaha staaup barking (bhaunkana bnd karo). jain ne apatti ki ki unhen kutta kaha ja raha hai. is par pithasin adhikari ne is tippani ko karyavahi se nikal diya. piloo kahan chup rahane vale. unhonne phir kaha den staaup breying (gadhe ki tarah renkana). jain ki samajh men nahin aya aur yah tippani karyavahi ka hissa rah gee. piloo modi apane par bhi hns sakate the. ek din sadan men unhen ek sadasy ne toka ki pithasin adhikari ki taraph apani baik (pith) karake mat bolie. bhari bharakam sharir vale piloo modi ka tapak se javab aya, main to gol hoon.[1]

indira gandhi ka arop

indira gandhi aksar yah arop lagati rahati thin ki unaki sarakar ko videshi takaten dhvast karane men juti hain. piloo modi unake kattar virodhiyon men hote the. jab indira gandhi ne ek bar phir yah arop lagaya to ve agale din vah jo kamij pahanakar ae us par likha hua tha ki main siaie ka ejent hoon. is par snsad men jabaradast hngama hua. usake bad apatakal (bharat) ke samay san 1975 men indira gandhi ne piloo modi ko misa ke antargat giraphtar karava liya tha.[2]

snsad men has-parihas

ek bar jab ve sadan men khade hokar bol rahe the to unaki pith asan ki or thi. sitaram kesari turnt khade hue aur kahane lage ki yah asan ka apaman hai ve unaki or pith kie hue hain. is par tatkalin adhyaksh ne kaha ki ap isaki chinta mat kijie kyonki piloo modi ka akar aisa hai ki yah pata hi nahin chalata hai ki unaki pith kaha hain v pet kahan hai, yah sunakar sadan men thahake phoot pade. maloom ho ki ve kafi gol matol the.[2]

julphikar ali bhutto se mitrata

kendr sarakar ke poorv riyasaton ko di jane vali privipars ko samapt karane ke bad kuchh bhootapoorv rajaon ne svatntr parti ka gathan kiya tha. us parti ki tikat par bahut se sansad lokasabha men aye. piloo modi batate hain ki 26 joon, 1972 men shimala samajhaute ke pahale aur bad men unaki julphikar ali bhutto se kam se kam das ghnte tak mulakaten chalin. un mulakaton men piloo modi, unaki patni vina aur pakistan ke rashtrapati bhutto (us samay bhutto rashtrapati the) raha karate the aur ve log apane purane dinon aur mastiyon ko yad kar khoob hnsa karate the. piloo modi ek matr gair-sarakari mehaman the aur unaki bhutto se jitani karibi thi bharat men aur kisi vyakti ki nahin thi.[3]

shimala samajhauta

kaha jata hai ki indira gandhi aur bhutto ke bich jis shimala samajhaute par dastakht hue the, usaki pahali prati dekhane ka gaurav piloo modi ko prapt hua tha. desh ke doosare logon aur vishv ke patrakaron ko bad men.

ek aur prasng ko yad karate hue piloo modi ne bataya tha ki shikhar varta ke kee daur chale aur toot gaye. bhutto ke vidaee bhoj ke bad ek bar phir jab indira gandhi aur bhutto men batachit chali to achanak donon netaon ne aur varta ka prayas karane ki sochi. vah prayas phaladayi raha. shimala ke himachal bhavan men donon netaon men sahamati huee. us samay ilektraaunik taiparaitar talasha gaya. jab vah himachal bhavan men nahin mila to obaray klars hotal se mngaya gaya aur us par shimala samajhauta taip hua. modi ke anusar yah pahala samajhauta hai jo kisi hotal ki steshanari par taip hua tha. usake bad pakistan sarakar ki muhar dhoondhi gayi, pata chala ki varta men gatirodh ke karan saman men bandhakar vah lahaur bhej di gayi. lihaja bina sarakari muharon ke hi is samajhaute ki ghoshana huee thi.[3]

kushal vastukar

svatntrata ke bad bharat ne abhi tak keval ek hi naye shahar chadigadh ka nirman kiya hai. isake vastukar frans ke hi shri laa kar boojiye the. kar boojiye ke sath vastukar ka kary isi bharatiy snsad ke mahanh sansad 'svargiy piloo modi' ne kiya tha. snyog hai ki piloo modi gujarat se hi chunav ladakar lokasabha men aya karate the.[4]


panne ki pragati avastha
adhar
prarambhik
madhyamik
poornata
shodh

tika-tippani aur sndarbh

  1. hasyaras se hin rajaniti (hindi) jagran.com. abhigaman tithi: 02 aktoobar, 2016.
  2. 2.0 2.1 saksaina, vivek. rajaniti men ab nahin has-parihas (hindi) naya indiya. abhigaman tithi: 02 aktoobar, 2016.
  3. 3.0 3.1 piloo modi v bhutto ki dosti (hindi) dainik tribyoon. abhigaman tithi: 02 aktoobar, 2016.
  4. adamin, avadh. ajadi ke bad se hi rahe bharat v phrans ke madhur rishte (hindi) dainik tribyoon. abhigaman tithi: 02 aktoobar, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah