फ़ख़रुद्दीन अली अहमद  हिन्दी देवनागरी में पढ़ें।

fakharuddin ali ahamad
fakharuddin ali ahamad
poora nam fakharuddin ali ahamad
janm 13 mee, 1905
janm bhoomi purani dilli
mrityu 11 pharavari, 1977
mrityu sthan bharat
mrityu karan hridayaghat
abhibhavak karnal jalanoor ali ahamad
pati/patni abida begam
sntan paravej (putr), samina (putri), durej (putr)
qabr snsad marg par sthit 'grin domd jama masjid'
nagarikata bharatiy
parti kangres
pad bharat ke panchaven rashtrapati
kary kal 24 agast, 1974 se 11 faravari, 1977
shiksha snatak
vidyalay kaimbrij vishvavidyalay
bhasha hindi, angrezi
jel yatra 13 aprail, 1940 ko giraftar karake ek varsh ke lie jel men dal diya. riha hone kuchh samay pashchath inhen suraksha karanon se pun: giraftar kar liya gaya. is bar inhen aprail, 1945 tak sadhe tin varsh jel bhugatani padi.
vishesh yogadan fakharuddin ali ahamad ka rashtrapati nirvachit hona vibhinn alpasnkhyak samudayon ki jit thi. isase desh men sampradayik sauhard badha aur muslim varg men badhata asntosh kam hua.

fakharuddin ali ahamad (angrezi: Fakhruddin Ali Ahmed, janm: 13 mee, 1905 - mrityu: 11 faravari, 1977) bharatavarsh ke panchaven rashtrapati (nam ke anusar fakharuddin ali ahamad panchaven rashtrapati aur karyakal ke anusar yah chhathe rashtrapati) ke roop men jane jate hain. inaka rashtrapati chuna jana bhi bharatavarsh ki dharmanirapeksh snvaidhanik vyavastha ka ek jvalnt praman hai. 'muslim varg ko svatntr bharat men samman nahin prapt ho sakega' is kalpit adhar ke karan bharat ka vibhajan kiya gaya tha. muslim lig aur usake netaon ne satta lolupata ke karan paraspar sauhardr ko bhi bhari kshati pahunchaee thi. lekin fakharuddin ali ahamad ke roop men jab doosara muslim vyakti bharat ka rashtrapati bana to yah spasht ho gaya ki bharatiy snvaidhanik dharmanirapekshata ka vishv men koee sani nahin hai.

janm evn parivar

fakharuddin ali ahamad ka janm 13 mee, 1905 ko purani dilli ke hauz qazi ilaqe men hua tha. inake pita ka nam 'karnal jalanoor ali ahamad' aur dada ka nam 'khaliluddin ahamad' tha. fakharuddin ali ahamad ke dada golaghat shahar ke nikat kadarighat ke nivasi the, jo asam ke sivasagar men sthit tha. inake dada ka nikah us parivar men hua tha, jisane aurngazeb dvara asam vijay ke bad aurngazeb ke pratinidhi ke roop men asam par shasan kiya tha. fakharuddin ali ahamad ke pita tab angrez sena men indiyan medikal sarvis ke tahat karnal ke pad par the. inhen ek ghatana ke karan asam chhodane par majaboor hona pada tha.

ek din fakharuddin ali ahamad ke pita karnal jalanoor ali apane sathiyon tatha karnal sibaran bora ke sath shilang klab ke ek samaroh men yooropiyan atithiyon se alag sthan par baithe hue the. tabhi do asami karnalon ne samaroh ka yah kahate hue bahishkar kar diya ki unhen samaroh men prithakh rakha gaya hai. isase samaroh men vyavadhan pada aur kuchh kupit yooropiyan adhikariyon ne karnal jalanoor ali ahamad ka sthanantaran uttar pashchimi ilake men kar diya. sthanantaran ke bad jalanoor ali ahamad ko lohari ke navab ke qarib ane ka mauqa prapt hua, jab yah dilli men the. us parichay ke bad navab jiyauddin ahamad ke sath karnal jalanoor ali ahamad ki nikatata kafi badh gee. phir 1900 men inaka nikah navab sahab ki poti ke sath padh diya gaya loharu stet ke navab ki pautri ke sath nikah hona behad samman ki bat thi. inaki begam ka nam rukaiyya tha. fakharuddin ali ahamad inake hi putr hain. fakharuddin ali ahamad ke char bhaee aur panch bahanen thin. yah apane mata-pita ki chauthi sntan the.

vidyarthi jivan

fakharuddin ali ahamad n keval ek nami muslim gharane men paida hue the, balki inake parivar men behad sampannata aur shiksha ke prati achchhi jagriti bhi thi. inaki arnbhik shiksha uttar pradesh ke gonda men sarakari haee skool men sampann huee, lekin 1918 men pita ka sthanantaran dilli ho gaya. tab yah bhi dilli a ge. us samay vah satavin kaksha ke chhatr the. 1921 men unhonne pnjab vishvavidyalay, lahaur se maitrik ki pariksha uttirn ki. usake bad fakharuddin ali ahamad prasiddh stiphan kaaulej men dakhil hue. kuchh samay pashchath yah uchch adhyayan ke lie inglaind chale ge. kaimbrij vishvavidyalay ke antargat inaka dakhila sent kaitharin kaaulej men ho gaya. 1927 men fakharuddin ali ahamad ne snatak star ki shiksha tatha 1928 men vidhi ki shiksha sampann kar li. vidhi ki digri lene ke bad yah bharat laut ae aur pnjab haee kort men vakil ke taur par namankit hue.

vyavasay

fakharuddin ali ahamad apane pita ke mitr muhammad shaphi jo peshe se ek edavoket the unake sahayog men akar ek sahayogi ke roop men vidhi vyavasay karane lage. lekin kuchh samay bad pita ki prerana se fakharuddin ali asam chale ge. inhonne apane grih rajy ke gohati haee kort men vidhi vyavasay arnbh kiya. kuchh samay bad inhen badi saphalata prapt huee. yah uchchatam nyayalay men bataur varishth edavoket ke roop men kary karane lage. fakharuddin ali ke pita karnal jalanoor ali ahamad ek rashtravadi shakhs the lekin svayn fakharuddin ali ne unase ek qadam age rahate hue 1931 men akhil bharatiy kangres parti ki prathamik sadasyata prapt kar li. 1937 men yah asam lejisaletiv asembali men surakshit muslim sit se nirvachit hue. lekin tab vah ek svatntr ummidavar ki haisiyat se asembali men pahunche the. javaharalal neharoo ki salah par hi unhonne svatntr ummidavar ke taur par svayn ko namankit kiya tha. yah pahale javaharalal neharoo ke najadik ae. usake bad netaji subhash chandr bos se inaki antarngata badh gee. javaharalal neharoo ne inhen kangres ki kary samiti ka sadasy banaya. 1964 se 1974 tak yah kary samiti aur kendriy snsadiy bord men rahe.

1938 men jab gopinath boradoloee ke netritv men asam men kangres ki snyukt sarakar bani to fakharuddin ali ahamad ko vitt evn rajasv mntralay ka karyabhar saunpa gaya. vitt aur rajasv vibhag ka dayitv snbhalate hue inhonne vishisht evn ullekhaniy saphalata prapt ki tatha rajy ki vittiy sthiti men apekshit sudhar kiya. 15 navambar 1939 ko mukhyamntri gopinath ne rajyapal ko apana tyagapatr de diya. is karan vitt evn rajasv mntri ke roop men inaka karyakal kafi snkshipt raha.

jel yatra

mahatma gandhi ke netritv men jab satyagrah andolan shuroo hua to fakharuddin ali ahamad ne bhi usamen bhag liya. is karan angrez sarakar ne inhen 13 aprail 1940 ko giraphtar karake ek varsh ke lie jel men dal diya. riha hone kuchh samay pashchath inhen suraksha karanon se pun: giraphtar kar liya gaya. is bar inhen aprail 1945 tak sadhe tin varsh jel bhugatani padi.

dampaty jivan

fakharuddin ali ahamad ne vivah ka nirnay kafi samay bad kiya. unhonne 9 navambar 1945 ko 40 varsh ki umr men abida haidar ke sath nikah kiya. abida haidar ke valid ka nam muhammad sulatan haidar 'josh' tha. yah angrezi hukoomat ki sivil sarvis men the. begam abida ka janm haradoee uttar pradesh men 17 julaee, 1923 ko hua tha. nikah ke samay inaki ayu 22 varsh thi aur inake shauhar inase 18 varsh bade the.

fakharuddin ali ahamad ki patni abida begam ne aligadh muslim vishvavidyalay se snatak ki upadhi prapt ki thi. der se vivah hone ke bavajood inaka dampaty jivan saphal raha aur inhen tin sntanon ki prapti huee. pratham sntan ke roop men inhen putr prapt hua, jisaka nam paravej ahamad rakha gaya. doosari sntan putri thi, jisaka nam samina rakha gaya aur sabase chhoti sntan ke roop men putr ka nam durej ahamad rakha gaya. fakharuddin ali ahamad ki sharike-hayat abida begam sulajhe vicharon vali ek shikshit mahila thin aur phain arts men inaki kafi ruchi thi. vah sanskritik gatividhiyon men bhi utsah se bhag leti thin. abida begam ne indira kangres ke tikat par bareli uttar pradesh ki sit se lokasabha ka upachunav jita aur joon 1981 men sansad nirvachit hueen. lokasabha sadasya ke roop men inhonne bareli ki janata men apani vishisht sakh banaee. is karan bareli ki hi snsadiy sit se yah 1984 men pun: lokasabha men pahunchin.

rajanitik jivan

Blockquote-open.gif fakharuddin ali ahamad ne muslimon ko sndesh diya ki samast duniya men muslimon ki alag-alag bhashaen hain. inhonne udaharan dete hue spasht kiya ki eeran ke log parshiyan bhasha bolate hain, turki nagarik tarkish bhasha bolate hain, indoneshiya ke muslim indoneshiyaee bhasha bolate hain, pnjab ke musalaman pnjabi bhasha bolate hain aur maharashtriyan muslim marathi bhasha bolate hain. vah vyaktigat jivan men svayn bhi samast bhashaon ka samman karate the aur inaka vyaktitv hindustani snskriti ka mila-jula roop tha. Blockquote-close.gif

11 pharavari, 1946 ko gopinath boradoloee ke netritv men asam men kangres ki sarakar bani. lekin is bar ke chunav men fakharuddin ali ahamad har ge. parntu kangres ke anurodh par unhonne asam ke edavoket janaral ka padabhar snbhala aur 1952 tak is pad par bane rahe. 1952 men inhen rajyasabha ki sadasyata prapt huee aur snsad men pahunch ge. 1955 men vah bharatiy vakilon ke shishtamndal ka netritv karate hue soviyat sngh bhi ge. 1957 men unhonne yoo. en.o. men bharatiy shishtamndal ka netritv kiya.

isake bad fakharuddin ali asam vidhanasabha men nirvachit hue aur inhen asam rajy ki badi zimmedariyan di geen. apane karyakal ke dauran inhonne vitt, qanoon aur pnchayat vibhagon ko snbhala. 1962 men yah pun: asam vidhanasabha men pahunche aur inhen mntrimndal men sthan bhi prapt hua. lekin unhonne svaichchhik adhar par 'sthaniy svayatt sarakar' se tyagapatr de diya. 1964 men yah soviyat sngh ke nimntran par maausko ge. vapasi men inhonne japan aur hangakang ki yatra bhi ki. 1965 men vah maleshiya ke svadhinata samaroh men bharat sarakar ke pratinidhi ke roop men upasthit hue.

mntrimndal

fakharuddin ali ahamad shrimati indira gandhi ke qaribi sahayogi the. 29 janavari 1966 ko inhen snghiy mntrimndal men pradhanamntri indira gandhi ne shamil kar liya. inhen sinchaee evn oorja mntralay ka karyabhar kaibinet mntri ke roop men prapt hua. is prakar kendriy mntrimndal men muslim varg ke pratinidhitv men izafa hua aur asam rajy ka koee vyakti pahali bar kendriy mntri banane men saphal raha. yadyapi rashtriy rajaniti ke shirsh par yah pandit neharoo ke samay men hi a ge the lekin us samay yah sansad nahin the aur asam vidhanasabha ke pratinidhi hi the. jab inhen 'yooniyan kaunsil aauf ministars' men shamil kiya gaya to yah avashyak tha ki inhen agale chhah mah men snsad ke kisi bhi sadan ki sadasyata dilaee jae. at: aprail 1966 men yah rajyasabha men pahunche. inhonne shiksha mntri ke roop men bhi 14 navambar 1966 se 12 march 1967 tak kary kiya.

fakharuddin ali ahamad ne asam rajy ki barapeta snsadiy sit se lokasabha ka chunav lada aur vijayi hue. 1967 men is saphalata ke bad inhen kendriy mntrimndal men sharik karate hue audyogik vikas aur kampani mamalon ka mntralay saunpa gaya. 27 joon 1970 ko jab kendriy mntrimndal men bhari pherabadal kiya gaya to inhen khady evn krishi mntralay mila. 1971 ke lokasabha chunav men yah pun: barapeta ki sit se nirvachit hue. 3 julaee 1974 tak khady krishi mntri ke roop men inaki sevaen jari rahin.

videshi yatraen

fakharuddin ali ahamad ne yooniyan kaibinet ministar rahate hue pashchim jarmani, inglaind, hngari, bulgariya, itali, soviyat sngh, phrans, eeran aur shrilnka ki yatraen kin. morakko men jab islamik sammelan hua to yah bharat sarakar ke pratinidhi ke roop men sammilit hue. 1971 men vah bharat sarakar ke pratinidhi banakar arab amirat ge taki poorvi pakistan men pakistan dvara ki gee sainik karyavahi ke snbndh men bharat ka paksh prastut kar saken. kendriy mntri rahate hue vah vakph samiti ke sabhapati bane rahe.

1966 men jab galib punyatithi shatabdi samaroh dilli men manaya gaya to fakharuddin ali ahamad ne daauktar jakir husain ko samaroh samiti ka sachiv banaya. inake sahayog se galib kaaumpleks tatha galib myooziyam aur shodh pustakalay ki sthapana irvin haauspital ke nikat ki gee. 23 agast 1973 ko pradhanamntri shrimati indira gandhi ne galib aauditoriyam ka udghatan kiya. isake atirikt mirja galib ki smriti men ek svayattashasi nyas ki sthapana bhi ki gee.

rashtrapati pad par

3 julaee 1974 ko fakharuddin ali ahamad ne kendriy khady evn krishi mntri ke roop men apana tyagapatr de diya. kangres parti inhen agale rashtrapati chunav hetu apana pratyashi banana chahati thi. us samay kangres bahut mazaboot sthiti men thi aur usake prastavit ummidavar ka rashtrapati banana tay tha. rashtrapati chunav ka parinam 20 agast 1974 ko ghoshit hua. kangres ke pratyashi ke roop men inhen vijay prapt huee. tab inake pratidvndvi ummidavar tridip chaudhari the, jinhen vipaksh ki ath partiyon ne apana ummidavar banaya tha. fakharuddin ali ko dale ge voton ka 80 pratishat mila tha.

is chunav se pun: sabit hua ki bharat ki dharmanirapekshata sarvopari hai. is prakar ek 'kazi' ke pautr ne desh ka sarvochch pad prapt kiya. inaka rashtrapati nirvachit hona vibhinn alpasnkhyak samudayon ki jit thi. isase desh men sampradayik sauhard badha aur muslim varg men badhata asntosh kam hua. rashtrapati niyukt hone ke samay yah lok sabha ke sadasy bhi the, at: unhonne 21 agast 1974 lok sabha ki sadasyata se istipha de diya. 24 agast 1974 ko subah 9 baje fakharuddin ali ne bharat ke panchaven rashtrapati ke roop men pad evn gopaniyata ki shapath grahan ki. sarvochch nyayalay ke tatkalin mukhy nyayadhish shri e. en. re ne inhen uparashtrapati, pradhanamntri evn inake sathiyon ki upasthiti men hindi aur angreji bhasha men rashtrapati bhavan ke darabar hal men shapath grahan karaee. 31 topon ki salami ke madhy inhonne rashtrapati pad ka karyabhar snbhala.

1975 men soodi arebiya ke tatkalin raja phaisal ke nidhan par fakharuddin ali ahamad bharat sarakar ke pratinidhi ki haisiyat se antim snskar men upasthit hue. yah bharat ke dharmanirapeksh svaroop ke sath upasthit hue ekamatr rashtradhyaksh the. baki rashtradhyaksh muslim deshon ke pratinidhi ke roop men is mauke par upasthit hue the. rashtrapati banane ke bad yah hngari aur yoogoslaviya ki sarakari yatra par bhi ge.

fakharuddin ali ahamad ne desh men urdoo ko uchit samman dilane ke lie vibhinn star kar kary kie. lekin unhonne yah spasht kar diya ki koee bhi bhasha rashtriy sarakar ya rajy sarakar dvara prachalit bhasha nahin banaee ja sakati, jabaki vah bhasha am logon men prachalit n ho athava am logon ke snskaron men n ho. us samay bhasha ko lekar jo andolan kie ja rahe the, unake snbndh men fakharuddin ali ahamad ne spasht chetavani di ki bhashaon ko jabaran thopana thik nahin hoga. unhonne urdoo bhasha ko lekar muslimon ko bhi savadhan kiya ki matr urdoo hi muslimon ki bhasha nahin hai. kisi bhi dharm ki koee ek hi bhasha nahin ho sakati.

sndesh

fakharuddin ali ne muslimon ko sndesh diya ki samast duniya men muslimon ki alag-alag bhashaen hain. inhonne udaharan dete hue spasht kiya ki eeran ke log parshiyan bhasha bolate hain, turki nagarik tarkish bhasha bolate hain, indoneshiya ke muslim indoneshiyaee bhasha bolate hain, pnjab ke musalaman pnjabi bhasha bolate hain aur maharashtriyan muslim marathi bhasha bolate hain. vah vyaktigat jivan men svayn bhi samast bhashaon ka samman karate the aur inaka vyaktitv hindustani snskriti ka mila-jula roop tha.

indira gandhi ke qaribi

shrimati indira gandhi ke sath fakharuddin ali ahamad ke sadaiv atmiy evn parivarik snbndh rahe. donon ek-doosare ka hriday se samman karate the. mntri se rashtrapati banane tak bhi in snbndhon men vishvas aur sneh bana raha. shrimati indira gandhi ke parivarik samarohon men bhi vah shirakat karate the. isi prakar fakharuddin ali ahamad ke parivar men janm, maran evn varan snbndhi avasaron par shrimati gandhi ek atmiy jan ki bhanti upasthit rahati thin. shrimati indira gandhi ke pote rahul gandhi evn priynka gandhi ke janmadin samarohon men bhag lene jate the. indira gandhi inhen ghar lakar eed ke tyohar ki badhaee deti thi. isi prakar shrimati indira gandhi ke janmadin par vah apani begam ke sath indira gandhi ke avas par badhaee dene jate the. rashtrapati banane ke bad bhi unhonne is kram men koee vyatikram nahin kiya.

vyaktitv

fakharuddin ali ahamad achar, vichar evn snskaron se bahut adarshavadi insan the. inhonne apani zindagi men bhi kabhi bhi dhoomrapan nahin kiya aur n hi navabi snskriti ke pratik 'pan' ka rasasvadan kiya. achchhe vastron ke prati yah tab bhi utsahi rahe, jab svadesh lautane ke bad unhonne 'khadi' ko apana liya. is samay tak ke yah ekamatr aise rashtrapati the, jo vibhinn avasaron par pashchimi sabhyata vale paridhan dharan karate the. 1975 men jab vah soodan tatha ijipt ki rajakiy yatra par ge to unhonne yooropiyan paridhan dharan kie the. yah prat: kalin bhraman karate tatha golph khelate samay pray: ti-shart aur paint pahanate the.

khel men ruchi

fakharuddin ali ahamad ko bachapan se hi khelakood men kafi ruchi thi. skool evn kaaulej star par unhonne haauki tatha phutabaaul men pratinidhitv kiya. isake alava inhen tenis, golph aur shikar ki bhi ruchi thi. yah asam phutabaaul sngh aur asam kriket sngh ke bhi adhyaksh rahe. fakharuddin ali ahamad asam sports kaunsil ke upadhyaksh bhi rahe aur eshiyan laaun tenis sngh ke sath inaka snbndh bad men bhi bana raha. kalantar men inaki ruchi 'brij' khel men bhi paida huee.

antim samay

6 pharavari 1977 ko fakharuddin ali ahamad maleshiya, philipins aur barma (vartaman myanmar) ki rajakiy yatra par ge. lekin indoneshiya pahunchane ke bad yah kharab svasthy ke karan barma aur philipins ki yatraen sthagit karake 10 pharavari 1977 ko bharat laut ae. 11 pharavari 1977 ki subah batharoom men hridayaghat ka daura padane ke karan vah pharsh par gir pade. phir prat: 8 bajakar 52 minat par inaka nidhan ho gaya. inaki mrityu ke samay do chhoti bahanen tatha patni abida begam hi inake nikat the. bhaee, putr, beti tatha any log tab desh ke bahar the lekin inaki mrityu ke bad ve bharat pahunch ge.

antim snskar

shrimati indira gandhi ne fakharuddin ali ahamad ke daphanae jane ke sthan ki vyavastha men poorn sahayog pradan kiya. inhen snsad marg par sthit 'grin domd jama masjid' men rashtriy samman ke sath daphanaya gaya. 13 pharavari 1977 ko sham 4.30 baje inaka poorn muslim riti-rivajon ke sath antim snskar kiya gaya. is sthan par fakharuddin ali namaz ada karane bhi ate the aur yahan se inaka roohani lagav bhi tha. yah snyog hi tha ki inaka nidhan 11 pharavari 1977 ko shukravar ke din hua. inake antim snskar men kee videshi hastiyon ne shirakat ki jinamen jimi kartar (ameriki rashtrapati) ki mata liliyan kartar evn putr chip kartar bhi the. bharat sarakar ne fakharuddin ali ahamad ke nidhan ki adhisoochana kali patti vale gajat men prakashit ki. is prakar ek rashtravadi vyaktitv ka ant hua, jo 40 varshon se desh-seva ke kary men samarpit tha. poorv rashtrapati svargiy zakir husain ke sath fakharuddin ali ahamad ki gahari mitrata thi. donon hi bharat ke rashtrapati pad par pahunche. yah snyog hi tha ki donon ki mrityu rashtrapati bhavan ke snanagrih men phisalane ke bad huee aur donon ki mrityu ka karan hridayaghat raha.

samman

rashtrapati fakharuddin ali ahamad ki smriti ko shashvat rakhane ke uddeshy se bharat sarakar ne inake chitr se yukt dak tikat jari kiya. beshak insan sadaiv ke lie snsar men nahin rahata aur ek din use sharir tyagana hi hota hai tathapi fakharuddin ali ahamad jaise rashtrabhakt kabhi bhi vismrit nahin kie ja sakate. inaka nam bharat ke sachche sapoot ke roop men sadaiv yad kiya jata rahega. yah bharat ki dharmanirapeksh niti ke jvalnt aur anukaraniy vyaktitv ke karan bhi hamesha yad kie jaenge.



bharat ke rashtrapati
Arrow-left.png poorvadhikari
varahagiri venkat giri
fakharuddin ali ahamad uttaradhikari
nilam snjiv reddi
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah