रामस्वामी वेंकटरमण  हिन्दी देवनागरी में पढ़ें।

ramasvami venkataraman
ramasvami venkataraman
poora nam ramasvami venkataraman
any nam ar. venkataraman
janm 4 disambar, 1910
janm bhoomi madras
mrityu 27 janavari, 2009
mrityu sthan nee dilli
abhibhavak ramasvami ayyar (pita)
pati/patni janaki devi
sntan tin betiyan (padma, lakshmi evn vijaya)
nagarikata bharatiy
parti bharatiy rashtriy kangres
pad uparashtrapati aur bharat ke athaven rashtrapati
kary kal 25 julaee, 1987 se 25 julaee, 1992 tak
shiksha el.el.bi, snatakottar (arthashastr)
vidyalay madras vishvavidyalay, madras
puraskar-upadhi soviyat laind puraskar aur kee akadami puraskar
vishesh yogadan venkataraman tamilanadu ki audyagik kranti ke shilpakar mane jate hain. inhonne hi tatkalin mukhyamntri ke. kamaraj ko prerit kiya tha ki udyogon ka rashtriyakaran kiya jae, taki tamilanadu bharat ki audyogik hasti ban sake.
any janakari inhonne ek pustak 'maee presidenshiyal eeyars' shirshak se likhi. is pustak men inhonne apane rashtrapatitv kal ke panch varsh ki ghatanaon ka vistrit vivaran prastut kiya hai.
bahari kadiyan adhikarik vebasait

ar. venkataraman athava ramasvami venkataraman (angrezi: Ramaswamy Venkataraman) (janm- 4 disambar, 1910, madras - mrityu- 27 janavari, 2009 nee dilli) bharat ke athaven rashtrapati the. isake poorv uparashtrapati pad bhi inake hi pas tha. yah 77 varsh ki umr men rashtrapati bane. isase poorv uparashtrapati se rashtrapati banane vale daauktar radhakrishnan, daauktar zakir husain aur vi.vi. giri hi the. inaka kram chautha raha. unhonne 25 julaee, 1987 ko rashtrapati pad ki shapath grahan ki. yah ek snyog tha ki 35 varsh poorv jab desh ke pratham rashtrapati rajendr prasad ne shapath grahan ki thi, tab shri venkataraman bhi rashtrapati bhavan ke usi kaksh men maujood the. us samay kisane socha tha ki 35 varsh bad is itihas ko doharane vala vyakti bhi us ghadi vahin maujood hai.

jivan parichay

janm

ramasvami venkataraman ka janm 4 disambar, 1910 ko rajaradam ganv men hua tha, jo madras[1] ke tnjavur zile men padata hai. ab yah tamilanadu ke nam se jana jata hai. inake pita ka nam ramasvami ayyar tha. inake pita tnjavur zile men vakalat ka pesha karate the.

vidyarthi jivan

ramasvami venkataraman ki prathamik shiksha tnjavur men sampann huee. isake bad unhonne any parikshaen bhi saphalatapoorvak uttirn kin. tatpashchath unhonne arthashastr men snatakottar ki upadhi madras vishvavidyalay, madras se prapt ki. shiksha prapti ke bad inake samane do vikalp the - british hukoomat ki naukari karen athava svatntr roop se vakalat karen. inhonne doosara vikalp chuna aur 1935 ee. men madras uchch nyayalay men namankan karava liya. yah angrezon ke das banakar unaki gulami nahin karana chahate the.

dampaty jivan

shri ramasvami venkataraman ka vivah 1938 ee. men janaki devi ke sath sampann hua. inaka parivarik jivan bhara-poora raha hai. inhen tin putriyon tatha ek putr ki prapti huee. inaki tin betiyan kramash: padma, lakshmi evn vijaya hain. lekin putr ke sambandh men venkataraman ko durbhagyashali kaha ja sakata hai. inake putr ki 17 varsh ki ayu men mrityu ho gee thi. yah parivar ke lie ek badi trasadi thi aur is shok se mukt ho pana asan nahin tha. vakt ke pnje jo ghav dete hain, vah vakt ke maraham se hi bhar jate hain. lekin kuchh jakhmon ke nishan amit rahate hain. putr ki maut bhi aisa hi jakhm tha.

vyavasayik jivan

vidhi vyavasay men svayn ko sthapit karane vale ramasvami venkataraman apratim pratibha ke dhani the. inaki pratibha ko pradarshit karane ke lie hatya ke ek mukadamen ko udaharan svaroop pesh kiya ja raha hai. vastut: tamilanadu ke yuva ladakon ke jhund ne avesh men akar ek british adhikari ki hatya kar di thi. un yuvaon ko phansi ki saza sunaee gee thi. si. rajagopalachari unaki kam umr ko adhar banakar phansi ki saza bakhshavane ke lie apil kar chuke the, lekin unhen saphalata nahin prapt huee thi.

phansi ki saza ka din bhi nirdharit kar diya gaya. lekin ramasvami venkataraman ne british vakil ki sahayata se inglaind ki punarikshan kaunsil ke samaksh prarthana pesh karane men saphalata prapt kar li. choonki mamala inglaind ki privi kaunsil ke samaksh vicharadhin tha, is karan bharat sarakar apane vidhik adeshon ki poorti nahin kar sakati thi, lihaza saza par rok laga di gee. us samay si. rajagopalachari bharat ke shreshthatam vakilon men se ek the aur vah bhi aisa nahin kar paye the. tab si. rajagopalachari ne ramasvami venkataraman ki prashnsa ki thi. inhen 1946 men bharat sarakar dvara vakilon ke us painal men bhi sthan diya gaya, jo malaya aur singapur men subhash chandr bos evn bharatiy svatntrata sainaniyon ke bachav hetu niyukt kiya gaya tha. in svatntrata sainaniyon par yah arop tha ki unhonne donon sthanon par japaniyon ki madad ki thi. isase yah sabit ho jata hai ki venkataraman kafi pratibhashali the.

garibon ke sahayak evn mitr

kushal vakil hone ke atirikt vah tred yooniyan men bhi sakriy roop se bhag lete the. tamilanadu men log inhen shram evn qanoon ke dohare gyata ke roop men janate hain. vahan ke logon ka yah bhi manana tha ki ramasvami venkataraman garibon ke sahayak evn mitr hain. vah kee yooniyanon ke sath gahare se jude hue the. krishi kary karane vale vyaktiyon, riyasat ke karmachariyon, bndaragah karmiyon, relave karmachariyon aur karyashil patrakaron ki yooniyan ke sath bhi inake atmiy sambandh the.

rajanitik jivan

tnjavur zile ki krishi dashaon par bhi radhasvami venkataraman ki sidhi nigah thi. vah sthitiyon ko sudharane ke pakshadhar bhi rahe. inhonne 1952 men 'dhatu vyapar samiti' ke adhiveshan men bhi shirakat ki, jise antarrashtriy shram sngh ke tatvavadhan men ayojit kiya gaya tha. vidhi evn tred yooniyan men inaki snliptata se inhen kafi prasiddhi prapt huee. vakalat aur tred yooniyanon ke sampark men rahane ke karan yah rajaniti ki or bhi akarshit hue.

svadhinata sngram men sakriyata

shri venkataraman ne bharat ki svatntrata ke lie vidhik roop se yogadan diya. lekin 1942 ke bharat chhodo andolan ke samay vah poori tarah se svadhinata sngram men sakriy ho gaye. inhen british hukoomat ne giraftar karake do varsh ke lie jel men dal diya. 1944 men rihaee ke bad yah sarakar ke vividh mamalon men adhik ruchi rakhane lage. isi varsh kamaraj ke sath milakar inhonne tamilanadu kangres samiti men shramik prabhav ki sthapana ki. isake prabhari ke taur par yah samiti ke karyalay men kary karate rahe. shighr hi vah saphal 'tred yooniyan lidar' ke roop men sthapit ho ge.

'shram qanoon' patrika ka arnbh

ramasvami venkataraman

ramasvami venkataraman karmachariyon ke hit men vividh ladaee bhi ladate the aur unaki samasyaon ka samadhan bhi karate the. vah vartalap evn apasi talamel se samasyaen nipatate the. lekin jab qanooni mukabala karana hi karmachari ke hit men shesh rahata tha to yah qanooni ladaee ladate the. 1949 men inhonne 'shram qanoon' patrika ka arambh kiya. is patrika ko shram qanoon patrakarita men vishisht pahachan prapt huee. yadyapi anek patrakaron se madhur sambandh the, tathapi vah chahate the ki patrakaron ko eemanadari ke sath apane kartavyon ki poorti karani chahie aur patrakarita ke siddhanton ko apane karmakshetr ka abhinn ang banana chahie.

kangres snsadiy samiti men yogadan

ramasvami venkataraman 1947 se 1950 tak 'madras provinshal bar fedareshan' ke sachiv rahe. 1951 men inhonne apana namankan uchchatam nyayalay men karaya. 1953-1954 men yah kangres snsadiy dal ke sachiv bhi rahe. inhonne pradhanamntri pandit javaharalal neharoo ki samajavadi sambandhi nitiyon ka sadaiv samarthan kiya aur kangres snsadiy samiti men rahate hue apana vishisht yogadan bhi diya. bharatiy snvidhan men abhivyakt nagarik ke sampatti sambandhi adhikar (artikal-31) ke nirdharan men bhi yah nimitt bane aur inaki yashasvi bhoomika rahi. shri ti.ti. krishnamachari yah chahate the ki gramin evn shahari kshetr ko vikas ki drishti se alag-alag rakhana chahie. lekin ramasvami venkataraman ne is drishtikon ka virodh karate hue pandit neharoo ko sahamat kiya ki gramin evn shahari kshetron ke lie vikas ki saman niti honi chahie. tab pandit neharoo ne ramasvami venkataraman ka sath diya aur snsad men pesh ho chuke vidheyak men avashyak snshodhan karae. inaki ek prashnsaniy upalabdhi desh ke kapada milon ko rashtriyakrit karane ko lekar bhi thi.

sansad aur mntri pad

shri venkataraman ko padon ki lalasa kabhi nahin rahi, yadyapi 1957 ke chunavon men yah sansad ban gaye the. inhonne lokasabha ki sadasyata tyag di aur madras rajy sarakar men mntri banae ge. is samay ke. kamaraj madras ke mukhyamntri the. kamaraj ne inaki rajanitik pratibha ko nikhara, jab inhen kaibinet mntri ke roop men udyog, shram, parivahan, sahakarita, vanijyik kar tatha oorja sambandhi mntralay 1957 se 1967 tak saunpe ge. 2 aktoobar, 1975 ko kamaraj ki mrityu se poorv tak yah unake sahayak mitr bane rahe.

tamilanadu ki audyagik kranti ke shilpakar

venkataraman tamilanadu ki audyagik kranti ke shilpakar mane jate hain. inhonne hi kamaraj ko prerit kiya tha ki, udyogon ka rashtriyakaran kiya jae, taki tamilanadu bharat ki audyogik hasti ban sake. yahi karan hai ki inhen 'tamilanadu udyogon ka janak' kaha jata hai. unhonne hi lambi bas sevaon ka arambh tamilanadu men kiya tha. yadi vah tamilanadu ki sarakar men nahin hote to kendr men pandit neharoo ki sarakar men mntri hote.

satta parivartan ke bad

1967 men tamilanadu men satta parivartan hua aur kangres satta se bahar ho gee. tab shri venkataraman ko dilli men yojana ayog ka sadasy niyukt kiya gaya, sath hi udyog, shram, snchar evn relave, oorja tatha yatayat ke vishay bhi inake havale kiye ge. vah in karyalayon men 1971 tak rahe. is dauran inhen lokasabha se alag rakha gaya. aise men vah khali samay men si. rajagopalachari dvara sthapit 'svarajy patrika' ka sampadan karate the. 1977 men shrimati indira gandhi ke agrah par inhonne madras se lokasabha ka chunav lada aur vijayi hue. choonki yah kushal vakta aur snsadiy mamalon ke achchhe janakar the, at: kangres ke satta men n rahane par inhonne vipakshi sansad ki bhoomika ka nirvahan bhali-bhanti kiya.

raksha mntri

1980 men ramasvami venkataraman pun: lokasabha chunav jitakar snsad men pahunche. in chunavon se shrimati indira gandhi ki bhi satta men vapasi huee. tab inhen kendriy mntrimndal men sthan pradan kiya gaya. venkataraman 15 janavari, 1982 se 2 agast, 1984 tak desh ke raksha mntri rahe. isake atirikt inhen 16 janavari, 1980 se 9 agast, 1981 tak udyog mntralay ka karyabhar bhi sambhalana pada. isi prakar 28 joon, 1982 se 2 sitambar, 1982 tak inhonne grih mamalon ke mntralay ka karyabhar bhi vahan kiya.

uparashtrapati

isake pashchath kangres parti dvara shri ramasvami venkataraman ko desh ka uparashtrapati niyukt karane ka nirnay kiya gaya. 22 agast, 1984 ko inhonne uparashtrapati ka padabhar sambhal liya. sath hi uparashtrapati ke roop men rajyasabha ke sabhapati bhi bane. rajyasabha ke paden sabhapati ke roop men inake kary ki sarahana matr kangres dvara hi nahin balki vipaksh dvara bhi ki gee.

rashtrapati pad par

uparashtrapati banane ke lagabhag 25 mah bad kangres ko desh ka rashtrapati nirvachit karana tha. gyani jail sinh ka karyakal samapt hone vala tha. isi ke tahat 15 julaee, 1987 ko vah bharatiy ganarajy ke athaven nirvachit rashtrapati ghoshit kiye ge. 24 julaee, 1987 ko inhonne uparashtrapati se tyagapatr de diya. 25 julaee, 1987 ko madhyahn 12:15 par snsad bhavan ke kendriy kaksh men sarvochch nyayalay ke mukhy nyayadhish ar.es. pathak ne inhen rashtrapati ke pad evn gopaniyata ki shapath dilaee. is samay shri venkataraman ne safed choodidar pajama aur kali sheravani dharan kar rakhi thi. inhonne angrezi bhasha men shapath grahan ki.

shapath grahan karane ke turant bad shri venkataraman ne kaha-"main is uchchatam karyalay ke kartavyon ki poorti men koee truti nahin karoonga aur n hi snvidhan nirmataon dvara pradatt rashtrapati ki shaktiyon ka durupayog karoonga. poorv rashtrapatiyon, yatha-daauktar rajendr prasad, daauktar radhakrishnan aur daauktar zakir husain ne jo chamakadar parampara sthapit ki hai, main usaka nirvahan karoonga." jab inase soochana tntr ke vyakti ne poochha ki ap rashtrapati ke roop men kis prakar kary karane vale hain, to inhonne behad santulit javab diya-"yah janata hi tay karegi ki mera karyakal kaisa raha."

rashtrapati ke roop men shri venkataraman ke samane kee prakar ki kathinaiyan aeen, lekin vah rajanitik toofanon se desh ko surakshit nikalane men saphal rahe. 1990 men vishvanath pratap sinh ki sarakar alpamat men aee aur usaka patan hua. mee-joon 1991 men rajiv gandhi ki hatya ke samay bhi desh chunautiyon se ghira hua tha. lekin inhen janata par poorn vishvas tha ki vah kathinaiyon men bhi buddhimani aur rajanitik dooradarshita ka parichay degi.

rashtrapati karyakal

ramasvami venkataraman ke rashtrapati kal ke panch varshon (25 julaee, 1987 se 25 julaee 1992 tak) men yah sabit hua ki un paristhitiyon men unase behatar koee any rashtrapati nahin ho sakata tha. yadi unake jivan ki mahattvapoorn upalabdhiyon par drishtipat kiya jae to yah spasht ho jata hai ki shri venkataraman ne pratyek zimmedari ka nishtha se nirvahan kiya aur kabhi bhi ati mahattvakanksha athava pad ki lalasa nahin dikhaee. uparashtrapati rahate hue bhi inhonne kee zimmedariyon ka palan kiya.

videsh yatra

shri venkataraman ne apane karyakal ke dauran kee deshon ki sadbhavana yatra ki. mee 1992 men yah chhah divasiy chin yatra par ge. isake poorv koee bhi bharatiy rashtradhyaksh chin nahin gaya tha.

rashtrapati pad ke bad

rashtrapati pad se mukt hone ke bad shri venkataraman apane parivar ke sadasyon ke sath 'indiyan eyarafors' ke vishesh viman se tamilanadu ravana ho ge. bad men inhonne ek pustak 'maee presidenshiyal eeyars' shirshak se likhi. is pustak men inhonne apane rashtrapatitv kal ke panch varsh ki ghatanaon ka vistrit vivaran prastut kiya hai. yah pustak 671 prishthon ki thi. isake bad inhonne shram qanoon par bhi upayogi lekhan kary kiya. venkataraman antarrashtriy samajh evn sadbhav hetu diye jane vale antarrashtriy puraskar 'javaharalal neharoo avard' ki jyoori ke sadasy bhi rahe. vikas, shanti evn nishastrikaran ke kshetr men diye jane vale 'indira gandhi puraskar' ki chayan samiti men bhi the. vah 'javaharalal smriti kosh' ke upadhyaksh aur 'indira gandhi smriti kosh' ke nyasi bhi rahe. yah gandhinagar kharava instityoot, dilli vishvavidyalay aur pnjab vishvavidyalay rooral instityoot tatha dilli vishvavidyalay evn pnjab vishvavidyalay ke kulapati bhi the.

vyaktitv

yah behad akarshak vyaktitv ke svami the. inake chehare par sadaiv muskan rahati thi. venkataraman ka nam kabhi vivadon men nahin aya aur n hi in par bhrashtachar ka koee arop laga. yah svayn ko rajanitigy se zyada rashtravadi manate the, jisaka kary desh ki seva karana hota hai. ek bar inhonne kaha tha-"rajanitigy vah hai, jo agale chunav ke vishay men sochata hai aur rajaneta vah hai, jo agali pidhi ke vishay men sochata hai." shri venkataraman sabhi prakar ki jatiy vishamataon ko bura manate the, sath hi gutanirapekshata ke bhi bhi himayati the. yah jivan bhar shakahari rahe aur kabhi sharab ka sevan nahin kiya. vah gandhivadi vicharadhara ke ghor upasak the. inhen sngit, snskriti aur kala se bhi kafi lagav tha. 25 julaee, 1992 tak yah bharatiy ganarajy ke sabase mahattvapoorn pad par rahe.

samman aur puraskar

venkataraman ko kee vishvavidyalayon ne akadami puraskar bhi pradan kie. svatntrata sngram men yogadan hetu inhen tamrapatr dekar bhi sammanit kiya gaya. samajavadi deshon ki yatra ka vrittant likhane ke lie inhen 'soviyat laind puraskar' diya gaya.

antim samay

shri venkataraman ne achchhi umr paee aur jivan ke 98 basant dekhane ka saubhagy prapt kiya. 12 janavari, 2009 ko inhen 'yooroseplis' ki shikayat hone par nee dilli ke 'armi risarch end raifaral haauspital' men bharti karaya gaya, lekin inaki sthiti gambhir hoti chali gee. 20 janavari, 2009 ko inaka blad preshar (raktachap) kafi kam ho gaya. sath hi inhen infekshan bhi ho gaya tha. 26 janavari, 2009 ko aparahn 2:30 par sharir ke kee angon dvara kam band kar dene ke karan inaka aspatal men nidhan ho gaya. is prakar inake nidhan se ek yug ka ant ho gaya. lekin bharat mata ke is sachche sapoot ko desh kabhi vismrit nahin kar sakega.



bharat ke rashtrapati
Arrow-left.png poorvadhikari
gyani zail sinh
ramasvami venkataraman uttaradhikari
shnkaradayal sharma
Arrow-right.png


panne ki pragati avastha
adhar
prarambhik
madhyamik
poornata
shodh

bahari kadiyan

tika tippani aur sndarbh

  1. agast 1968 men madras stet ko tamilanadu men parivartit kiya gaya tha.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah