राष्ट्रीय बालिका दिवस  हिन्दी देवनागरी में पढ़ें।

rashtriy balika divas
rashtriy balika divas
vivaran is din indira gandhi pahali bar pradhanamntri ki kursi par baithi thi isalie is din ko rashtriy balika divas ke roop men manane ka nirnay liya gaya.
tithi 24 janavari
uddeshy balikaon ko ghareloo hinsa, bal vivah v dahej jaisi chizon ke bare men sachet karana chahie.
any janakari kishoriyon v balikaon ke kalyan ke lie sarakar ne 'samagr bal vikas seva', 'dhanalakshmi', 'sabala' jaisi yojanaen chalaee hain. in sabaka uddeshy ladakiyon, khasakar kishoriyon ko sashakt banana hai taki ve age chalakar ek behatar samaj ke nirman men yogadan de saken.

rashtriy balika divas (angrezi:National Girl Child Day) 24 janavari ko manaya jata hai. 24 janavari ke din indira gandhi ko nari shakti ke roop men yad kiya jata hai. is din indira gandhi pahali bar pradhanamntri ki kursi par baithi thi isalie is din ko rashtriy balika divas ke roop men manane ka nirnay liya gaya hai. yah nirnay rashtriy star par liya gaya hai. aj ki balika jivan ke pratyek kshetr men age badh rahi hai chahe vo kshetr khel ho ya rajaniti, ghar ho ya udyog. rashtramandal khelon ke gold maidal ho ya mukhyamntri aur rashtrapati ke pad par asin hokar desh seva karane ka kam ho sabhi kshetron men ladakiyan saman roop se bhagidari le rahi hai.[1]

har kshetr men ladaki age, phir kyon ham ladaki se bhagen.

manane ka karan

aj balika har kshetr men age badh rahi hai lekin aj bhi vah anek kuritiyon ka shikar hain. ye kuritiyon usake age badhane men badhaen utpann karati hai. padhe-likhe log aur jagarook samaj bhi is samasya se achhoota nahin hai. aj hazaron ladakiyon ko janm lene se pahale hi mar diya jata hai ya janm lete hi lavaris chhod diya jata hai. aj bhi samaj men kee ghar aise hain, jahan betiyon ko beton ki tarah achchha khana aur achchhi shiksha nahin di ja rahi hai. bharat men 20 se 24 sal ki shadishuda auraton men se 44.5 pratishat (qarib adhi) auraten aisi hain, jinaki shadiyan 18 sal ke pahale hueen hain. in 20 se 24 sal ki shadishuda auraton men se 22 pratishat (qarib ek chauthaee) auraten aisi hain, jo 18 sal ke pahale man bani hain. in kam umr ki ladakiyon se 73 pratishat (sabase zyada) bachche paida hue hain. in bachchon men 67 pratishat (do-tihaee) kuposhan ke shikar hain.[1]

anupat

kanya bhroon hatya ki vajah se ladakiyon ke anupat men kafi kami ayi hai. poore desh men linganupat 933:1000 hai.

vriddhi dar men giravat

1991 ki janaganana se 2001 ki janaganana tak, hindoo aur musalamanon donon ki hi janasnkhya vriddhi dar men giravat aee hai. 2001 ki janaganana ka yah tathy sabase zyada hairan karata hai ki 0 se 6 sal ke bachchon ke ling anupat men bhi bhari giravat aee hai. yahan kul ling anupat men 8 ke antar ke muqabale bachchon ke ling anupat men ab 24 ka antar darj hai. yah unake svasthy aur jivan-star men giravat ka anupat bhi hai. yah antar bhayavah bhavishy ki or bhi ishara karata hai. eshiya mahadvip men bharat ki mahila saksharata dar sabase kam hai. gauratalab hai ki ‘neshanal kamishan phaaur protekshan aauph childrns raits’ yani enasipisiar ki ek riport men bataya gaya tha ki bharat men 6 se 14 sal tak ki zyadatar ladakiyon ko har din ausatan 8 ghnte se bhi zyada samay keval apane ghar ke chhote bachchon ko snbhalane men bitana padata hai. isi tarah, sarakari ankadon men darshaya gaya hai ki 6 se 10 sal ki jahan 25 pratishat ladakiyon ko skool chhodana padata hai, vahin 10 se 13 sal ki 50 pratishat (thik doguni) se bhi zyada ladakiyon ko skool chhodana padata hai. 2008 ke ek sarakari sarvekshan men 42 pratishat ladakiyon ne yah bataya ki ve skool isalie chhod deti hain, kyonki unake mata-pita unhen ghar snbhalane aur apane chhote bhaee-bahanon ki dekhabhal karane ko kahate hain. logon ko isake dushparinamon ke prati agah karane aur ladakiyon ko bachane ke lie 24 janavari ko rashtriy balika divas manaya jata hai.[2]

badhaen

ladakiyon ke age n badhane ke karan yah bhi hai ki aksar gharon men kaha jata hai ki agar ladaki hai, to unhen ghar snbhalane aur apane chhote bhaee-bahanon ki dekhabhal karane ki adhik zaroorat hai. is prakar ki baten usake sudhar ki rah men badhaen banati hain. inhin sab sthitiyon aur bhedabhavon ko mitane ke maqasad se ‘balika divas’ manane par zor diya ja raha hai. ise balikaon ki apani pahachan n ubhar pane ke pichhe chhipe asali karanon ko samane lane ke roop men manane ki jarurat hai, jo samajik dharana ko samajhane ke sath-sath balikaon ko bahan, beti, patni ya man ke dayaron se bahar nikalane aur unhen samajik bhagidari ke lie protsahit karane men madad ke taur par jana jae.[3]

sujhav

rashtriy balika divas ke din hamen ladaka-ladaki men bhed nahin karane v samaj ke logon ko ling samanata ke bare men jagarook karane ki pratigya leni chahie. desh men ladakiyon ki ghatati snkhya ko dekhate hue hi rashtriy balika divas manaya jane laga hai.

bhedabhav

samaj men aj bhi balak aur balikaon men bhedabhav kiya ja raha hai. yahi karan hai ki balikaon ko janm lene se pahale (bhroon) hi khatm karavaya ja raha hai. sabhi ko milakar is kuriti ko mitana hai. bal vivah, bhroon hatya, shishu mrityu dar roke jane, stanapan karane, niyamit tikakaran, dahej pratha evn any samajik jvalnt vishayon men sudhar lana chahie.

jine ka usako bhi adhikar,
chahie use thoda sa pyar.
janm se pahale n use maro,
kabhi to apane man men vicharo.
shayad vahi ban jae sahara,
doobate ko mil jae kinara॥

atmanirbharata

balikaon ki sehat, poshan v padhaee jaisi chizon par dhyan die jane ki zaroorat hai taki badi hokar ve sharirik, arthik, manasik v bhavanatmak roop se atmanirbhar v saksham ban saken. balikaon ko ghareloo hinsa, bal vivah v dahej jaisi chizon ke bare men sachet karana chahie. unhen apane adhikaron ke prati bhi jagarook banaya jana chahie. kishoriyon v balikaon ke kalyan ke lie sarakar ne 'samagr bal vikas seva', 'dhanalakshmi' jaisi yojanaen chalaee hain. hal hi men lagoo huee 'sabala yojana' kishoriyon ke sashaktikaran ke lie samarpit hai. in sabaka uddeshy ladakiyon, khasakar kishoriyon ko sashakt banana hai taki ve age chalakar ek behatar samaj ke nirman men yogadan de saken.

balika divas ka nara

beti kudarat ka upahar
nahin karo usaka tiraskar
jo beti ko de pahachan
mata-pita vahi mahan


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 isalie manaya jae ‘balika divas’ (hindi) (ech.ti.em.el) meri khabar daaut kaaum. abhigaman tithi: 24 janavari, 2011.
  2. nari shakti ke roop men yad ki jaengi indira gandhi (hindi) (ech.ti.em.el) dainik bhaskar. abhigaman tithi: 24 janavari, 2011.
  3. balika divas-2010 (hindi) (ech.ti.em.el) manasi ki duniya. abhigaman tithi: 24 janavari, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah