विश्व शांति दिवस  हिन्दी देवनागरी में पढ़ें।

vishv shanti divas
vishv shanti divas
vivaran 'vishv shanti divas' ya 'antararashtriy shanti divas' poori prithvi par shanti aur ahinsa sthapit karane ke lie pratyek varsh 21 sitambar ko manaya jata hai.
tithi 21 sitambar
shuruat 1982
vishesh shanti ka sndesh duniya ke kone-kone men pahunchane ke lie snyukt rashtr ne kala, sahity, sinema, sngit aur khel jagat ki vishvavikhyat hastiyon ko shantidoot bhi niyukt kar rakha hai.
snbndhit lekh antararashtriy ahinsa divas, pandit javaharalal neharoo
any janakari snyukt rashtr mahasabha ne tin dashak pahale yah din sabhi deshon aur unake nivasiyon men shantipoorn vicharon ko sudridh banane ke lie samarpit kiya tha.

vishv shanti divas athava 'antararashtriy shanti divas' pratyek varsh '21 sitambar' ko manaya jata hai. yah divas sabhi deshon aur logon ke bich svatntrata, shanti aur khushi ka ek adarsh mana jata hai. 'vishv shanti divas' mukhy roop se poori prithvi par shanti aur ahinsa sthapit karane ke lie manaya jata hai. shanti sabhi ko pyari hoti hai. isaki khoj men manushy apana adhikansh jivan nyauchhavar kar deta hai. kintu yah kafi nirashajanak hai ki aj insan din-pratidin is shanti se door hota ja raha hai. aj charon taraf phaile bazaravad ne shanti ko vyakti se aur bhi door kar diya hai. prithvi, akash v sagar sabhi ashant hain. svarth aur ghrina ne manav samaj ko vikhndit kar diya hai. yoon to 'vishv shanti' ka sndesh har yug aur har daur men diya gaya hai, lekin isako amal men lane valon ki snkhya behad kam rahi hai.

itihas

varsh 1982 se shuroo hokar 2001 tak sitambar mahine ka tisara mngalavar 'antararashtriy shanti divas' ya 'vishv shanti divas' ke lie chuna jata tha, lekin varsh 2002 se isake lie 21 sitambar ka din ghoshit kar diya gaya. varsh 2012 ke 'vishv shanti divas' ki thim thi- "dharaniy bhavishy ke lie dharaniy shanti".[1]

uddeshy

sampoorn vishv men shanti kayam karana aj snyukt rashtr ka mukhy lakshy hai. snyukt rashtr chartar men bhi is bat ka spasht ullekh hai ki antararashtriy sngharsh ko rokane aur shanti ki snskriti vikasit karane ke lie hi yooen ka janm hua hai. sngharsh, atnk aur ashanti ke is daur men aman ki ahamiyat ka prachar-prasar karana behad zaroori aur prasngik ho gaya hai. isalie snyukt rashtrasngh, usaki tamam snsthaen, gair-sarakari sngathan, sivil sosayati aur rashtriy sarakaren prativarsh 21 sitambar ko 'antararashtriy shanti divas' ka ayojan karati hain. shanti ka sndesh duniya ke kone-kone men pahunchane ke lie snyukt rashtr ne kala, sahity, sinema, sngit aur khel jagat ki vishvavikhyat hastiyon ko shantidoot bhi niyukt kar rakha hai. snyukt rashtr mahasabha ne tin dashak pahale yah din sabhi deshon aur unake nivasiyon men shantipoorn vicharon ko sudridh banane ke lie samarpit kiya tha.

bharat aur vishv shanti

pandit javaharalal neharoo ne vishv men shanti aur aman sthapit karane ke lie panch mool mntr die the, inhen 'pnchashil ke siddhant' bhi kaha jata hai. yah pnchasootr, jise 'pnchashil' bhi kahate hain, manav kalyan tatha vishv shanti ke adarshon ki sthapana ke lie vibhinn rajanitik, samajik tatha arthik vyavastha vale deshon men parasparik sahayog ke panch adharabhoot siddhant hain.[1] isake antargat nimnalikhit panch siddhant nihit hain-

  1. ek doosare ki pradeshik akhndata aur prabhusatta ka samman karana.
  2. ek doosare ke viruddh akramak karyavahi n karana.
  3. ek doosare ke antarik vishayon men hastakshep n karana.
  4. samanata aur paraspar labh ki niti ka palan karana.
  5. shantipoorn sah-astitv ki niti men vishvas rakhana.

mana jata hai agar vishv uparokt panch binduon par amal kare to har taraf chain aur aman ka hi vas hoga.

safed kabootar udana

'vishv shanti divas' ke upalakshy men har desh men jagah-jagah safed rng ke kabootaron ko udaya jata hai, jo kahin na kahin 'pnchashil' ke hi siddhanton ko duniya tak phailate hain.[1] 'vishv shanti divas' ke avasar safed kabootar udane ki parnpara bahut purani hai, par in kabootaron ko udane ke pichhe ek shayar ka nimn sher bahut hi vicharaniy hai-

lekar chalen ham paigam bhaeechare ka,
taki vyarth khoon n bahe kisi vatan ke rakhavale ka.

vartaman parivesh

aj kee logon ka manana hai ki vishv shanti ko sabase bada khatara samrajyavadi arthik aur rajanitik chal se hai. vikasit desh yuddh ki sthiti utpann karate hain, taki unake sainy sajo-saman bik saken. yah ek aisa kadava sach hai, jisase koee inkar nahin kar sakata. aj sainy sajo-saman udyog vishv men bade udyog ke taur par ubhara hai. atnkavad ko alag-alag star par phailakar vikasit desh isase nipatane ke hathiyar bechate hain aur isake jariye akoot snpatti jama karate hain. hal hi men afaganistan, eeran aur irak jaise deshon men hue yuddhon ko visheshgy hathiyar maphiyaon ke lie ek phayade ka mela manate hain. unake anusar duniya men bhay aur atnk ka mahaul khada karake hi sainy saman bechane vale desh apani chandi kar rahe hain.[2]

insaniyat ka dharm

aj pratyek vyakti ko yah samajhana hoga ki insaniyat hi sabase bada dharm hai. manav kalyan ki seva se badhakar koee dharm nahin hai. bhasha, snskriti, pahanave bhinn-bhinn ho sakate hain, lekin vishv ke kalyan ka marg ek hi hai. manushy ko napharat ka marg chhodakar prem ke marg par chalana chahie. shanti ke mahatv ko svikar karate hue snyukt rashtr ne 1982 men ek prastav parit kiya tha, jisamen kaha gaya ki har 21 sitambar ko 'vishv shanti divas' manaya jaega. is sadi men vishv men phaili ashanti aur hinsa ko dekhate hue hal ke salon men shanti kayam karana mushkil hi lagata hai, kintu ummid par hi duniya kayam hai aur yahi ummid ki ja sakati hai ki jald hi vah din aega, jab har taraph shanti hi shanti hogi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 itihas vishv shanti divas ka (hindi). . abhigaman tithi: 01 sitambar, 2013.
  2. vishv shanti divas, ek din shanti ke nam (hindi). . abhigaman tithi: 01 sitambar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah