अंतरराष्ट्रीय योग दिवस  हिन्दी देवनागरी में पढ़ें।

antararashtriy yog divas
antararashtriy yog divas
vivaran 'antararashtriy yog divas' sampoorn vishv men manaye jane vale pramukh divason men se ek hai. manav svasthy ki drishti se ise manaye jane ka bada mahattv hai.
tithi 21 joon
shuruat 2015
snbndhit lekh snyukt rashtr, snyukt rashtr mahasabha, narendr modi
any janakari 11 disambar, 2014 ko snyukt rashtr men 193 sadasyon dvara 21 joon ko 'antararashtriy yog divas' ke roop men manane ke prastav ko mnjoori mili.

antararashtriy yog divas (angrezi: International Yoga Day) ko prativarsh '21 joon' ko manane ka nirnay snyukt rashtr dvara liya gaya hai. bharatiy pradhanamntri narendr modi ki apil par snyukt rashtr ne '21 joon' ko 'vishv yog divas' ghoshit kiya hai. yog hazaron sal se bharatiyon ki jivan shaili ka hissa raha hai. ye bharat ki dharohar hai. vishv ke kee hisson men isaka prachar-prasar ho chuka hai, lekin snyukt rashtr ke is nirnay ke bad ummid ki ja rahi hai ki ab isaka vistar aur bhi tezi se hoga.

prastav

'antararashtriy yog divas' ko manaye jane ki pahal bharat ke pradhanamntri narendr modi ne 27 sitambar, 2014 ko 'snyukt rashtr mahasabha' men apane bhashan men rakhakar ki thi, jisake bad '21 joon' ko 'antararashtriy yog divas' ghoshit kiya gaya. 11 disambar, 2014 ko snyukt rashtr men 193 sadasyon dvara 21 joon ko 'antararashtriy yog divas' ko manane ke prastav ko mnjoori mili. pradhanamntri modi ke is prastav ko 90 din ke andar poorn bahumat se parit kiya gaya, jo snyukt rashtr sngh men kisi divas prastav ke lie sabase kam samay hai.

antararashtriy yog divas

pradhanamntri modi ke prastav ka 175 deshon ne samarthan kiya tha. 'snyukt rashtr mahasabha' ke adhyaksh saim ke. kutesa ka kahana tha ki- "itane deshon ke is prastav ko samarthan dene se saph hai ki log yog ke phayadon ke prati akarshit ho rahe hain." 'snyukt rashtr mahasabha' men apane pahale bhashan men narendr modi ji ne kaha tha ki- "bharat ke lie prakriti ka samman adhyatm ka anivary hissa hai." pradhanamntri modi ne ise vishv star par ane ki bat kahi thi.[1]

21 joon hi kyon

21 joon poore kailendar varsh ka sabase lamba din hai. prakriti, soory aur usaka tej is din sabase adhik prabhavi rahata hai. bengaluroo men 2011 men pahali bar duniya ke agrani yog guruon ne milakar is din 'vishv yog divas' manane par sahamati jataee thi.

is din ko kisi vyakti vishesh ko dhyan men rakhakar nahin, balki prakriti ko dhyan men rakhakar chuna gaya hai. snyukt rashtr men bharat ke lie pichhale sat salon ke dauran yah is tarah ka doosara samman hai. isase pahale yoopie sarakar ki pahal par varsh 2007 men snyukt rashtr ne mahatma gandhi ke janmadin yani '2 aktoobar' ko 'antararashtriy ahinsa divas' ke taur par ghoshit kiya tha.[2]

prachin adhyatmik paddhati

yog 5,000 sal purani bharatiy sharirik manasik aur adhyatmik paddhati hai, jisaka lakshy manav sharir aur mastishk men sakaratmak parivartan lana hai.

samaroh

antararashtriy yog divas

bharat men pratham 'antararashtriy yog divas' bade paimane par manaya gaya, jisaki taiyariyan bade jor-shor se bharat sarakar dvara ki gee thi. bharat men pratham antararashtriy yog divas ka mukhy samaroh dilli ke rajapath par ayojit kiya gaya, jisamen svayn pradhanamntri narendr modi ne shirakat ki. pradhanamntri modi ne rajapath par 16000 logon ke sath yog kiya. 'antararashtriy yog divas' samaroh ka ganatntr divas samaroh jaisa kavarej dooradarshan dvara kiya gaya, jisaka sidha prasaran bhi kiya gaya. prasaran antararashtriy manak ka ho yah sunishchit karane ke lie atyadhunik upakaran ka istemal kiya gaya. rajanitik logon ke atirikt yogaguru baba ramadev aur hindi filmon ke mahanayak amitabh bachchan bhi is samaroh bhi shamil the. snyukt rashtr men bhi yog divas manane ke lie vyapak taiyariyan ki gee thin. pahale 'antararashtriy yog divas' ke upalakshy men videsh mntri sushama svaraj ne snyukt rashtr men ayojit samaroh ki adhyakshata ki.

yog shivir

pratham 'antararashtriy yog divas' par bharat hi nahin balki doosare deshon men bhi yog shivir lagae gaye. isake lie alag-alag deshon men yog guruon ko bheja gaya tha. isi samay desh ke alag-alag hisson men bhi karodon logon ne yog shivir men hissa liya. yah ankada 'giniz buk aauf varld rikaaurd' men bhi darj hone ki sambhavana rakhata hai. aisa pahali bar tha, jab ek hi din aur ek hi samay itani badi tadad men log yog shiviron men hissa lene vale the.

yog divas ka uddeshy

nimn uddeshyon ki prapti ke liye yog ke antararashtriy divas ko angikrit kiya gaya hai-

  1. yog ke dvara tanav se rahat dilane ke dvara khud se unaki buri paristhiti men logon ki madad karana.
  2. yog ke dvara logon ke bich vaishvik samanvay ko majaboot karana.
  3. vriddhi, vikas aur shanti ko poore vishvabhar men phailana.
  4. logon ko sharirik aur manasik bimariyon ke prati jagaruk banana aur yog ke madhyam se isaka samadhan upalabdh karana.
  5. asvasthyakar karyon se bachana aur behatar svasth ko banane ke liye achchhe kary ko samman aur pracharit karana.
  6. sharirik aur manasik svasthy ke uchch star ka poori tarah se anand lene ke liye logon ko unake achchhe svasthy aur svasthy jivan-shaili ke adhikar ke bare men batana.
  7. svasthy ki suraksha aur dirghakalik svasthy vikas ke bich snbndh jodana.
  8. niyamit yog abhyas ke dvara sabhi svasthy chunautiyon se par pana.
  9. yog abhyas ke dvara logon ke behatar manasik aur sharirik svasthy ko pracharit karana.
  10. yog ke adbhut aur prakritik phayadon ke bare men logon ko batana.
  11. yog abhyas ke dvara logon ko prakriti se jodana.
  12. yog ke dvara dhyan ki adat ko logon men banana.
  13. yog ke samagr phayadon ki or poore vishvabhar men logon ka dhyan khinchana.
  14. poore vishv bhar men svasthy chunautipoorn bimariyon ki dar ko ghatana.
  15. vyast dinacharya se svasthy ke liye ek din nikal kar samudayon ko aur karib lana.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 21 joon-vishv yog divas (hindi) vishv snvad kendr. abhigaman tithi: 18 joon, 2015.
  2. 21 joon bana 'vishv yog divas' (hindi) didabalyoo. abhigaman tithi: 18 joon, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah