विश्व महासागर दिवस  हिन्दी देवनागरी में पढ़ें।

vishv mahasagar divas
vishv mahasagar divas
vivaran 'vishv mahasagar divas' prativarsh '8 joon' ko manaya jata hai. varsh 2008 men snyukt rashtr sngh dvara adhikarik manyata diye jane ke bad se yah divas manaya jata hai.
tithi 8 joon prativarsh
shuruat 2009 se
uddeshy is divas ko manane ka pramukh mukhy karan vishv men mahasagaron ke mahattv aur unaki vajah se ane vali chunautiyon ke bare men vishv men jagarookata paida karana hai.
snbndhit lekh mahasagar, vishv jal divas, jal pradooshan, paryavaran
any janakari apane arnbhik kal se aj tak mahasagar jivan ke vividh roopon ko snjoe hue hain. prithvi ke vishal kshetr men phaile athah jal ka bhndar hone ke sath mahasagar apane andar v as-pas anek chhote-chhote nazuk paritntro ko panah dete hain, jisase un sthanon par vibhinn prakar ke jiv v vanaspatiyan panapati hain. at: inaki suraksha avashyak hai.

vishv mahasagar divas (angrezi: World Oceans Day) prativarsh '8 joon' ko manaya jata hai. samudr ki mahattvapoorn bhoomika ke prati jagarookata badhane ke lie is divas ki shuruat varsh 1992 men ki gee thi.[1] san 1992 men riyo di janeriyo men hue 'prithvi grah' namak phoram men prativarsh vishv mahasagar divas manane ke phaisale ke bad aur san 2008 men snyukt rashtr sngh dvara is snbndh men adhi‍karik manyata die jane ke bad se yah divas manaya jane laga hai. vishv mahasagar divas manane ka pramukh karan vishv men mahasagaron ke mahatv aur unaki vajah se ane vali chunautiyon ke bare men vishv men jagarookata paida karana hai. isake alava mahasagar se jude pahaluon, jaise- khady suraksha, jaiv-vividhata, paristhitik sntulan, samudrik snsadhanon ke andhadhundh upayog, jalavayu parivartan adi par prakash dalana hai.

shuruat

pahala vishv mahasagar divas 8 joon, 2009 ko manaya gaya tha. isake bad se prativarsh 8 joon ko vishv bhar men 'vishv mahasagar divas' manaya jata hai. yah divas san 1992 men 'riyo di janeriyo' men hue "prithvi grah" namak phoram men prativarsh vishv mahasagar divas manane ke phaisale ke bad aur varsh 2008 men snyukt rashtr sngh dvara is sambndh men adhikarik manyata diye jane ke bad manaya jane laga.[2]

mahasagar hamari prithvi par n sirph jivan ka pratik hai, balki paryavaran sntulan men bhi pramukh bhoomika ada karata hai. prithvi par jivan ka arnbh mahasagaron se mana jata hai. mahasagariy jal men hi pahali bar jivan ka ankur phoota tha. aj mahasagar asim jaiv vividhata ka bhndar hai. hamari prithvi ka lagabhag 70 pratishat bhag mahasagaron se ghira hai. mahasagaron men prithvi par upalabdh samast jal ka lagabhag 97 pratishat jal samaya hua hai. mahasagaron ki vishalata ka andaja is bat se lagaya ja sakata hai ki yadi prithvi ke sabhi mahasagaron ko ek vishal mahasagar man liya jae to usaki tulana men prithvi ke sabhi mahadvip ek chhote dvip se pratit honge. mukhyat: prithvi par panch mahasagar hain, jinake nam is prakar hain-

  1. prashant mahasagar
  2. hind mahasagar
  3. atalantik mahasagar
  4. uttari dhruv mahasagar
  5. dakshini dhruv mahasagar

mahasagaron ka samajik, sanskritik aur arthik roop se mahattv manav ke lie inhen atimahattvapoorn banata hai. isalie mahasagaron ke prati jagarookata ke uddeshy se san 1992 se prativarsh 8 joon ko "vishv mahasagar divas" ke roop men manaya jata hai.

uddeshy

'vishv mahasagar divas' manane ka pramukh karan vishv men mahasagaron ke mahattv aur unaki vajah se ane vali chunautiyon ke bare men vishv men jagarookata paida karana hai. isake alava mahasagar se jude pahaluon, jaise -khady suraksha, jaiv-vividhata, paristhitik sntulan, samudrik snsadhanon ke andhadhundh upayog, jalavayu parivartan adi par prakash dalana hai. har sal 'vishv mahasagar divas' par poore vishv men mahasagar se jude vishayon men vibhinn prakar ke ayojan kie jate hain, jo mahasagar ke sakaratmak aur nakaratmak pahaluon ke prati jagarookata paida karane men mukhy bhoomika nibhate hain.[3]

jaiv vividhata

apane arnbhik kal se aj tak mahasagar jivan ke vividh roopon ko snjoe hue hain. prithvi ke vishal kshetr men phaile athah jal ka bhndar hone ke sath mahasagar apane andar v as-pas anek chhote-chhote najuk paritntro ko panah dete hain, jisase un sthanon par vibhinn prakar ke jiv v vanaspatiyan panapati hain. samudr men praval bhitti kshetr aise hi ek paritntr ka udaharan hai jo asim jaiv vividhata ka pratik hai. isi prakar tatiy kshetron men sthit maingrov jaisi vanaspatiyon se snpann van samudr ke anek jivon ke lie narsari ka kam karate hue vibhinn jivon ko ashray pradan karate hain. apane arnbhik kal se aj tak mahasagar jivan ke vividh roopon ko snjoe hue hain. mahasagaron men prithvi ka sabase vishalakay jiv vhel se lekar sookshm jiv bhi milate hain. ek anuman ke anusar keval mahasagar ke andar karib das lakh prajatiyan upasthit ho sakati hain. jaiv vividhata se snpann hone ke sath hi mahasagar dharati ke mausam ko nirdharit karane vale pramukh karak hain. samudri jal ki lavanata aur vishisht ooshmadharita ka gun prithvi ke mausam ko prabhavit karata hai. yah to ham janate hi hain ki prithvi ki samast ooshma men jal ki ooshma ka vishesh mahattv hai. jitani ooshma ek gram jal ke tapaman men ek digri selsiyas ki vriddhi karegi, usase ek gram lohe ka tapaman das digri badhaya ja sakata hai. adhik vishisht ooshma ke karan samudri jal din men soory ki oorja ka bahut bada bhag apane men sama leta hai. is prakar adhik vishisht ooshma ke karan samudr ooshma ka bhandarak ban jata hai, jisake karan vishv bhar men mausam sntulit bana rahata hai ya yoon kahen ki jivan ke lie ausat tapaman bana rahata hai.[4]

mausam ke sntulan men samudri jal ki lavanata jivan ke lie ek varadan hai. prithvi par jalavayu ke badalane ki ghatana aur samudri jal ka kharapan apas men antahsnbndhit hain. yah to ham janate hi hain ki thnda jal, garm jal ki tulana men adhik ghanatv vala hota hai. samudr men kisi sthan par soory ke tap ke karan jal ke vashpit hone se us kshetr ke jal ke tapaman men parivartan hone ke sath vahan ke samudri jal ki lavanata aur asapas ke kshetr ki lavanata men antar utpann ho jata hai, jisake karan garm jal ki dharaen thnde kshetron ki or chal deti hain aur thnda jal ushn aur kam ushn pradeshon men ata hai. samudr men ye dharaen keval is karan utpann hoti hain ki samudr ka jal khara hai. kyonki yadi sare samudron ka jal mitha hota to lavanata ka kram kabhi n banata aur jal ko ek sthan se doosare sthan par le jane vali dharaen sakriy n hoti. parinamasvaroop thnde pradesh bahut thnde rahate aur garm pradesh bahut garm. tab prithvi par jivan ke itane rng n bikhare hote kyonki prithvi ki asim jaiv-vividhata ka ek pramukh karan yah hai ki yahan anek prakar ki jalavayu maujood hai aur jalavayu ke nirdharan men mahasagaron ka mahattvapoorn yogadan nakara nahin ja sakata hai.

jivon ke paryavas par prabhav

vishv paryavaran divas

mahasagar ke pani ka tapaman aur aauksijan ka ghatata star samudri janavaron ko bhoomadhy rekha se door rakhane men ek sath milakar bhoomika nibhate hain, jahan aauksijan ki apoorti unaki bhavi zarooraten poori kar sakati hai. yah janakari ek ne shodh men samane aee hai. shodhakartaon ke mutabik, pani ka tapaman aauksijan ke lie janavaron ke metabaaulik zarooraton ki tivrata ko badhata hai. aisa vyayam ke dauran bhi hota hai, lekin garm pani men unake sharir ko shakti dene ke lie avashyak aauksijan ki matra kam rahati hai. oonchaee par bhi aisa hi hota hai. jalavayu parivartan ki vajah se lagabhag do-tihaee shvas snbndhi tanav garm tapaman ki vajah se hota hai, jabaki baki isalie hota hai, kyonki garm pani men gaisen kam ghuli huee hoti hain.

vashingatan vishvavidyalay men samudr vigyan ke esosiet prophesar aur is shodh ke pramukh kartis dyooch ke mutabik, "yadi apake metabaaulijm badhate hain to aisi sthiti men apako adhik bhojan aur aauksijan ki zaroorat hai.” “isaka matalab yah hai ki bhavishy men garm pani ki vajah se jal men rahane vale jivadhari aauksijan ki kami se mar jaenge. sabhi janate hain ki samudr men aauksijan ka star ghat raha hai aur yah jalavayu parivartan ke sath adhik ghatega.” yah shodh char atalantik mahasagar prajatiyon par kiya gaya. atalantik kaaud jo gahare samudr men rahata hai, atalantik raauk kraib jo tatiy pani men rahata hai, sharp snaut sibrim jo uposhnakatibndhiy atalantik aur bhoomadhy sagar men rahata hai aur samudr tal men rahane vali machhali eelapaut par kiya gaya. yah shodh ‘sains’ patrika men prakashit hua hai.[5]

manaviy gatividhiyon ka asar

vartaman men manaviy gatividhiyon ka prabhav samudron par bhi dikhaee dene laga hai. mahasagaron ke tatiy kshetron men dinon-din pradooshan ka star badh raha hai. jahan tatiy kshetr vishesh kar nadiyon ke muhanon par soory ke prakash ki paryaptata ke karan adhik jaiv-vividhata vale kshetron ke roop men pahachane jate the, vahin ab in kshetron ke samudri jal men bhari matra men pradooshanakari tatvon ke milane se vahan jivan snkat men hain. telavahak jahajon se tel ke risav ke karan evn samudri jal ke matamaila hone par usamen soory ka prakash gaharaee tak nahin pahunch pata, jisase vahan jivan ko panapane men pareshani hoti hai aur un sthanon par jaiv-vividhata bhi prabhavit hoti hai. yadi kisi karanavash prithvi ka tapaman badhata hai to mahasagaron ki karban daiaauksaid ko avashoshit karane ki kshamata men kami aegi, jisase vayumndal men gaison ki anupatik matra men parivartan hoga aur tab jivan ke lie avashyak paristhitiyon men asntulan hone se prithvi par jivan snkat men pad sakata hai. samudron se tel v khanij ke aniyntrit v avyavasthit khanan evn any audyogik karyon se samudri paritntr par nakaratmak prabhav pada hai. paryavaran sarnkshan ke lie pratibaddh snstha antar-sarakari painal ki riport ke anusar manaviy gatividhiyon se global varming ke karan samudri jal star men vriddhi ho rahi hai aur jisake parinamasvaroop vishv bhar ke mausam men badalav ho sakate hain.[4]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vishv mahasagar divas (hindi) jagaran josh. abhigaman tithi: 24 mee, 2016.
  2. vishv mahasagar divas (hindi) googal buks. abhigaman tithi: 24 mee, 2016.
  3. vishv mahasagar divas vishesh : 8 joon (hindi) vebaduniya. abhigaman tithi: 24 mee, 2016.
  4. 4.0 4.1 jivan ka abhinn ang hain mahasagar (hindi) indiya vaautar portal. abhigaman tithi: 24 mee, 2016.
  5. vishv mahasagar divas speshal (hindi) ABP nyooj. abhigaman tithi: 24 mee, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah