विश्व जल दिवस  हिन्दी देवनागरी में पढ़ें।

vishv jal divas
vishv jal divas
vivaran vishv ke har nagarik ko pani ki mahatta se avagat karane ke lie hi snyukt rashtr ne "vishv jal divas" manane ki shuruat ki thi.
manane ki tithi 22 march
shuruat 1992
snkalp yah din jal ke mahatv ko janane ka aur pani ke snrakshan ke vishay men samay rahate sachet hone ka din hai.
any janakari aj bharat aur vishv ke samane pine ke pani ki samasya utpann ho gee hai. dharatal par tin chauthaee pani hone ke bad bhi pine yogy pani ek simit matra men hi upalabdh hai.
bahari kadiyan adhikarik vebasait

vishv jal divas (angrezi: World Water Day) pratyek varsh 22 march ko manaya jata hai. aj vishv men jal ka snkat kone-kone men vyapt hai. lagabhag har kshetr men vikas ho raha hai. duniya audyogikaran ki rah par chal rahi hai, kintu svachchh aur rog rahit jal mil pana kathin ho raha hai. vishv bhar men saf jal ki anupalabdhata ke chalate hi jal janit rog mahamari ka roop le rahe hain. kahin-kahin to yah bhi sunane men ata hai ki agala vishv yuddh jal ko lekar hoga. insan jal ki mahatta ko lagatar bhoolata gaya aur use barbad karata raha, jisake phalasvaroop aj jal snkat sabake samane hai. vishv ke har nagarik ko pani ki mahatta se avagat karane ke lie hi snyukt rashtr ne "vishv jal divas" manane ki shuruat ki thi.

jal divas ka prarambh

'vishv jal divas' manane ki shuruat snyukt rashtr ne varsh 1992 ke apane adhiveshan men 22 march ko ki thi. 'vishv jal divas' ki antararashtriy pahal 'riyo di jeneriyo' men 1992 men ayojit 'paryavaran tatha vikas ka snyukt rashtr sammelan' (yooenasieedi) men ki gee thi, jis par sarvapratham 1993 ko pahali bar 22 march ke din poore vishv men 'jal divas' ke mauke par jal ke snrakshan aur rakh-rakhav par jagarukata phailane ka kary kiya gaya.

snkalp ka din

'22 march' yani ki 'vishv jal divas', pani bachane ke snkalp ka din hai. yah din jal ke mahatv ko janane ka aur pani ke snrakshan ke vishay men samay rahate sachet hone ka din hai. ankade batate hain ki vishv ke 1.5 arab logon ko pine ka shuddh pani nahin mil raha hai. prakriti insan ko jivanadayi snpada jal ek chakr ke roop men pradan karati hai, insan bhi is chakr ka ek mahattvapoorn hissa hain. chakr ko gatiman rakhana pratyek vyakti ki zimmedari hai. is chakr ke thamane ka arth hai, jivan ka tham jana. prakriti ke khazane se jitana pani ham lete hain, use vapas bhi hamen hi lautana hai. ham svayn pani ka nirman nahin kar sakate. atah prakritik snsadhanon ko dooshit nahin hone dena chahie aur pani ko vyarth hone se bhi bachana chahie. 22 march ka din yah pran lene ka din hai ki har vyakti ko pani bachana hai.

jal

jal hi jivan

jal hi jivan hai, jal ke bina jivan ki kalpana adhoori hai. sab log is tathy ko bhali-bhanti janate hain ki jal kitana mahattvapoorn hai. lekin yah sab baten ham tab bhool jate hain, jab apani pani se bhari tnki ke samane munh dhote hue pani ko barbad karate rahate hain. ham kee litar moolyavan pani apani kimati kar ko nahalane men ya phir svayn bhi kafi der tak nahane men barbad kar dete hain. kitabi duniya aur kitabi gyan ko hamamen se bahut kam hi asal zindagi men utar pate hain aur isi ka natija hai ki aj bharat aur vishv ke samane pine ke pani ki samasya utpann ho gee hai. dharatal par tin chauthaee pani hone ke bad bhi pine yogy pani ek simit matra men hi upalabdh hai. us simit matra ke pani ka insan ne andhadhudh dohan kiya hai. nadi, talabon aur jharanon ko pahale hi ham kaimikal ki bhent chadha chuke hain, jo bacha hua hai, use ab ham apani amanat samajh kar andhadhundh kharch kar rahe hain. logon ko pani kharch karane men koee harj bhi nahin, kyoonki agar ghar ke nal men pani nahin ata to vah pani ka tainkar adi mngava lete hain. kintu halat har jagah ek jaise nahin hote hain.

pani lekar ati mahilaen

bharat men jal snkat

yadi ham bharat ki bat karen to dekhenge ki ek taraph dilli, munbee jaise mahanagar hain, jahan pani ki killat to hai, kintu phir bhi yahan pani ki samasya vikaral roop men nahin hai. lekin desh ke kuchh aise rajy bhi hain, jahan aj bhi kitane hi log saf pani ke abhav men ya phir rog janit gande pani se dam tod rahe hain. rajasthan, jaisalamer aur any registani ilakon men pani adami ki jan se bhi zyada kimati hai. pine ka pani in ilakon men badi kathinaee se milata hai. kee-kee kilomitar chal kar in pradeshon ki mahilaen pine ka pani lati hain. inaki zindagi ka ek aham samay pani ki jaddojahad men hi bit jata hai.

mahattvapoorn tathy

jal ke vishay men ek nahin balki kee chaunka dene vale tathy samane aye hain. vishv men aur vishesh roop se bharat men pani kis prakar nasht hota hai, is vishay men jo tathy samane ae hain, us par jagarookata se dhyan dekar ham pani ke apavyay ko rok sakate hain. anek tathy aise hain, jo hamen ane vale khatare se to savadhan karate hi hain, doosaron se prerana lene ke lie bhi protsahit karate hain. pani ke mahatv v isake anajane sroton ki janakari bhi inase milati hai. nimnalikhit kuchh tathy dhyan dene yogy hain-

nal se ata pani
  • munbee men roz vahan dhone men hi 50 lakh litar pani kharch ho jata hai.
  • dilli, munbee aur chennee jaise mahanagaron men paip lainon ke vaaulv ki kharabi ke karan roz 17 se 44 pratishat pani bekar bah jata hai.
  • izarail men ausatan matr 10 sentimitar varsha hoti hai. is varsha se vah itana anaj paida kar leta hai ki vah usaka niryat kar sakata hai. doosari or bharat men ausatan 50 sentimitar se bhi adhik varsha hone ke bavajood anaj ki kami bani rahati hai.
  • pichhale 50 varshon men pani ke lie 37 bhishan hatyakand hue hain.
  • bharatiy nari pine ke pani ke lie roj hi ausatan 4 mil

(lagabhag 6.4 ki.mi.) safar paidal hi tay karati hai.

  • jal janit rogon se vishv men har varsh 22 lakh logon ki maut ho jati hai.
  • hamare prithvi grah ka 70% se adhik hissa jal se bhara hai, jis par ek arab 40 ghan kilo litar pani hai. parantu, jal ki is vishal matra men mithe jal ki matra kafi kam hai. isamen se 97.3 pratishat pani samudr men hai, jo khara hai, shesh 2.7% mitha jal hai. isaka 75.2 phisadi bhag dhruviy kshetron men tatha 22.6 phisadi bhoomi jal ke roop men hai. is jal ka shesh bhag jhilon, nadiyon, kuon, vayumndal men, nami ke roop men tatha hare ped-paudhon men upasthit hota hai. inamen se upayog men ane vala jal ka hissa thoda hai, jo nadiyon, jhilon, tatha bhoomi jal ke roop men maujood hota hai. is pani ka 60van hissa kheti aur udyog karakhanon men khapat hota hai. baki ka 40van hissa ham pine, bhojan banane, nahane, kapade dhone evn saf-safaee men kharch karate hain. duniya men upasthit mithe jal ki ek pratishat matra[1] hamare sidhe upayog ke lie upalabdh hai.
  • pratyek vyakti ko kahin bhi pratidin 30 se 50 litar svachchh tatha surakshit jal ki avashyakata hoti hai aur isake bavajood 884 miliyan logon ko surakshit jal upalabdh nahin hai.
  • duniya bhar men pratyek varsh 1,500 ghan kilomitar gnde jal ka nirman hota hai. bhale hi gndagi tatha gnde jal kooorja tatha sinchaee ke lie upayog men laya ja sakata hain, par aisa hota nahin hai. vikasashil deshon men 80 phisadi kacharon ko bina shuddh kiye hin nishkasit kar diya jata hai, kyonki unamen isake lie koee niyam tatha snsadhan upalabdh nahin hai.
  • yadi brash karate samay nal khula rah gaya hai, to panch minat men qarib 25 se 30 litar pani barabad hota hai.
  • nahane ke tab men nahate samay 300 se 500 litar pani kharch hota hai, jabaki samany roop se nahane men 100 se 150 litar pani kharch hota hai.
  • vishv men prati 10 vyaktiyon men se 2 vyaktiyon ko pine ka shuddh pani nahin mil pata hai.
  • prati varsh 3 arab litar botal paik pani manushy dvara pine ke lie prayukt kiya jata hai.
  • nadiyan pani ka sabase bada srot hain. jahan ek or nadiyon men badhate pradooshan rokane ke lie visheshgy upay khoj rahe hain, vahin kal karakhanon se bahate hue rasayan unhen bhari matra men dooshit kar rahe hain. aisi avastha men jab tak qanoon men sakhti nahin barati jati, adhik se adhik logon ko dooshit pani pine ka samay a sakata hai.
  • prithvi par paida hone vali sabhi vanaspatiyan se hamen pani milata hai.
  • aloo men aur anannas men 80 pratishat aur tamatar men 15 pratishat pani hota hai.
  • pine ke lie manav ko pratidin 3 litar aur pashuon ko 50 litar pani ki avashyakata hoti hai.
  • ek litar gay ka doodh prapt karane ke lie 800 litar pani kharch karana padata hai. ek kilo gehoon ugane ke lie ek hazar litar aur ek kilo chaval ugane ke lie char hazar litar pani ki avashyakata hoti hai. is prakar bharat men 83 pratishat pani kheti aur sinchaee ke lie upayog kiya jata hai.[2]

barish ke pani ka mahattv

barish ke jal ka snchayan

vishv ki badhati huee janasnkhya tatha audyogik vikas ne bhi pradooshan men badhotari ki hai, jisase ab svachchh jal ki mang aur bhi badh gee hai. manav tatha paryavaran dasha, pey jal tatha krishi jal ki vartaman aur bhavishy ki upalabdhata khatare men hai. isake bavajood jal pradooshan ek prabhavashali mudda nahin ban pa raha hai. aj ka samay bahut mahattvapoorn hai, jab pratyek vyakti ko varsha ka pani adhik se adhik bachane ki koshish karani chahie. barish ki ek-ek boond kimati hai. inhen sahejana bahut hi avashyak hai. yadi abhi pani nahin saheja gaya, to snbhav hai ki pani keval hamari ankhon men hi bach paega. pahale kaha gaya tha ki hamara desh vah desh hai, jisaki godi men hazaron nadiyan khelati thin, kintu aj ve nadiyan hazaron men se keval saikadon men hi bachi hain. ve sab nadiyan kahan gee, koee nahin bata sakata. nadiyon ki bat chhod di jaye to hamare ganv-mohallon se talab aj gayab ho ge hain. inake rakh-rakhav aur snrakshan ke vishay men bahut kam kary kiya gaya hai.

jagarukata ki avashyakata

pani ka mahatv bharat ke lie kitana hai, yah ham isi bat se jan sakate hain ki hamari bhasha men pani par adharit kee muhavare aur lokoktiyan hain. vigyan aur paryavaran ke gyan se manav ne jo pragati ki hai, use prakriti snrakshan men lagana bhi zaroori hai. pichhale salon men tamilanadu ne varsha jal ka snrakshan karake jo misal qayam ki hai, use sare desh men vikasit karane ki avashyakata hai. aisa nahin hai ki pani ki samasya se ham jit nahin sakate. agar sahi dhng se pani ka sarnkshan kiya jae aur jitana ho sake pani ko barbad karane se roka jae to is samasya ka samadhan behad asan ho jaega. lekin isake lie jarurat hai- jagarukata ki. ek aisi jagarukata ki, jisamen chhote se chhote bachche se lekar bade-boodhe bhi pani ko bachana apana dharm samajhen.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. prithvi par pae jane vale kul jal ki matra ka 007%
  2. vishv jal divas (hindi) indiya vatar portal (hindi). abhigaman tithi: 22 march, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah