अहमदाबाद  हिन्दी देवनागरी में पढ़ें।

ahamadabad
jain mandir, ahamadabad
vivaran vartaman samay men ahamadabad ko bharat ke gujarat prant ki rajadhani hone ke sath sath ahamadabad ko ek pramukh audyogik shahar ke roop men jana jata hai.
rajy gujarat
zila ahamadabad
nirmata ahamadashah
nirman kal san 1411
bhaugolik sthiti uttar- 23°02′- poorv- 72°35′
marg sthiti ahamadabad gandhinagar se 27 kimi, porabndar se 392 kimi, dilli se 961 kimi ki doori par sthit hai.
kaise pahunchen havaee jahaz, rel, bas adi se pahuncha ja sakata hai.
havaee adda saradar vallabhabhaee patel havaee adda
relave steshan ahamadabad relave steshan
yatayat metro, siti bas, taiksi, riksha, aauto riksha
kya dekhen sabaramati ashram, jama masjid, kankariya jhil, svaminarayan mndir, jain mandir, adi
kahan thaharen hotal, dharmashala, atithi grah
kya khayen dhokala, khandavi, shrikhand, handavo, bhajiya, adi
es.ti.di. kod 079
e.ti.em lagabhag sabhi
Map-icon.gif googal manachitr
bhasha gujarati, hindi, angrezi
tyohar navaratr, makar snkranti ke parv par manaya jane vala patng utsav
any janakari ahamadabad ko bharat ka menachestar bhi kaha jata hai.
adyatan‎

ahamadabad shahar, ahamadabad zile ka prashasanik mukhyalay, gujarat rajy, pashchim-madhy bharat men, sabaramati nadi ke tat par mumbee (bhootapoorv bnbee) ke uttar men sthit hai.

sthapana

ahamadabad shahar ka nam sultan ahamad shah ke nam par rakha gaya hai. sanh 1411 ee. men gujarat ke tatkalin shasak sultan ahamad shah ne prachin hindoo shahar asaval ke nikat ahamadabad ki sthapana ki thi. ahamadabad ko bharat ka menachestar bhi kaha jata hai. vartaman samay men ahamadabad ko bharat ke gujarat prant ki rajadhani hone ke sath sath ahamadabad ko ek pramukh audyogik shahar ke roop men jana jata hai. aitihasik taur par, ahamadabad bharatiy svatntrata sngharsh ke dauran pramukh shivir adhar raha hai. mahatma gandhi ne sabaramati ashram ki sthapana ahamadabad men ki aur sh‍vatntrata sngharsh se juden anek anh‍dolan ki shuruat bhi yahin se huee thi. oon ki bunaee ke lie bhi ahamadabad kafi prasiddh hai. isake sath hi ahamadabad shahar vyapar aur vanijy kendr ke roop men bahut adhik vikasit ho raha hai.

itihas

ahamadabad shahar ek sadi ke andar hi yah ek dhanadhy evn vishal shahar ke roop men ubharakar samane a gaya tha, lekin saltanaton ki uthapatak v arajakata se ahamadabad ka patan hua aur sanh 1572 ee. men mugal badashah akabar ne ahamadabad par qabza kar liya. sanh 1707 ee. men aurngazeb ki mrityu ke sath hi isake punarodvar ka mugal abhiyan bhi samapt ho gaya aur sanh 1818 ee. men angrezon ke dvara gujarat ke adhigrahan ke sath hi isaka aur bhi adhik patan hua. sanh 1859 se 1861 ee. men ahamadabad men sooti vastr ki pahali mil sthapit huee aur shighr hi yah bharat ka chhatha sabase adhik janasnkhya vala shahar aur vishal antardeshiy audyogik kendr ban gaya. sanh 1960 ee. men ahamadabad ko gujarat rajy ki asthayi rajadhani banaya gaya. sanh 1970 ee. men rajy prashasan gandhinagar sthanantarit ho gaya. ahamadabad men hindoo, muslim v jain vastushilp ka milan hota hai aur isake prachin vastu avashesh nee milon aur karakhanon ki vastukala ke bilkul viparit hain.

svaminarayan mndir, ahamadabad

ahamadabad sabaramati ya prachin sabhramati ke tat par basa hua nagar hai. sanh 1411 ee. men ahamadashah bahamani ne ahamadabad ki ninv prachin hindoo nagar asaval ya ashapalli ke sthan par rakhi thi. isase pahale gujarat ki rajadhani anhalavada ya patan aur usase bhi pahale balabhi men thi. jain stotr tirth malachaity vndan men snbhavat: ahamadabad ko karanavati kaha gaya hai-[1] sanh 1273 ee. se 1700 ee. tak ahamadabad ki samriddhi gujarat ki rajadhani ke roop men badhi-chadhi rahi. 1615 ee. men sar tamas ro ne ahamadabad ko tatkalin lndan ke barabar bada nagar bataya tha. 1638 ee. men ek yooropiy paryatak ne ahamadabad ke vishay men likha tha ki snsar ki koee jati ya eshiya ki koee vastu aisi nahin hai jo ahamadabad men n dikhaee pade –

There is scarce any nation in the world or any commodity in Asia but may not be seen in this city.

ashchary nahin ki shahajahan ne mumatazamahal se vivah ke pashchath apane jivan ke kee sukhad varsh ahamadabad men bitae the.

sulatanon dvara banavae bhavan

ahamadabad ki tatkalin samriddhi ka karan isaka soorat adi bade bndaragahon ke prishth-pradesh men sthit hona tha. isilie ise gujarat ki rajadhani banaya gaya tha. gujarat ke sulatanon ke banavae hue yahan anek bhavan aj bhi vartaman men hain jo hindoo-muslim vastukala ke sngam ke sundar udaharan hain. gujarat men is mishrashaili ki ninv dalane vala sulatan ahamadashah hi tha.

  • in bhavanon men patthar ki jali aur naqqashi ka kam sarahaniy hai.
  • yahan ke smarakon men jama masjid (1424 ee.) mukhy hai. isamen 260 stnbh hai.
  • ahamadashah ki begamon ke maqabaron ko rani ki hajara kaha jata hai.
  • rani sipri ki masajid 50X20 phut ke pariman men bani hai.
  • sidi-saiyad ki masajid patthar ki jaliyon se sajjit khidakiyon ke lie prakhyat hai.
  • ahamadabad ke dakshin phatak- rajapur se paun mil par kankariya jhil hai jise sanh 1451 ee. men sulatan kutubuddin ne banavaya tha. jhil ke madhy men ek tapoo hai.
  • yahan ek durg ka nirman bhi kiya gaya tha. ahamadabad men samriddhi ki vipulata hote hue bhi ek bada dosh yah tha ki yahan dhool bahut udati thi, jisake karan jahangir ne nagar ka nam hi gardabad rakh diya tha.
relave steshan, ahamadabad

yatayat aur parivahan

ahamadabad se mumbee, madhy bharat, kathiyavad prayadvip aur rajasthan sima ki or sadaken jati hain. ahamadabad pashchimi relave ka pramukh jnkshan hai aur dilli, mumbee v kathiyavad prayadvip se relamarg dvara juda hai.

vyapar aur udyog

ahamadabad ki lagabhag adhi abadi sooti vastr udyog tatha any laghu udyamon par ashrit hai.

shikshan snsthan

ahamadabad men gujarat vishvavidyalay (1949) aur lalabhaee dalapatabhaee bharat vidya shodh snsthan hain.

janasnkhya

ahamadabad shahar ki janasnkhya (2001 ki ganana ke anusar) 35,15,361 hai.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. 'vede shrikaranavati shivapure nagadrahe nanake'.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah