गामा पहलवान  हिन्दी देवनागरी में पढ़ें।

gama pahalavan
gama pahalavan
poora nam gulam muhammad
janm 1880 eesavi
janm bhoomi amritasar, pnjab
mrityu 21 mee, 1960 lahaur, pakistan
khel-kshetr kushti
puraskar-upadhi 'jaaun bul bailt' 'rustam-e-zama', 'vishvakesari' athava 'vishvavijeta'
nagarikata bharatiy (bad men pakistani)
any janakari gama vishv ke ek matr pahalavan the jinhonne apane jivan men koee kushti nahin hari.
adyatan‎

gama pahalavan (angrezi: Gama Pahalwan, mool nam: gulam muhammad, janm: 1880 eesavi amritasar, pnjab - mrityu 21 mee, 1960 lahaur, pakistan) shayad hi koee aisa bharatiy khel-premi ho, jisane 'rustam-e-zaman' pahalavan ka nam n suna ho. gama pahalavan bharat men ek kinvadnti ban chuke hain. sharirik taqat ke lie jis prakar ajakal dara sinh ki misal di jati hai, isi prakar kuchh samay pahale tak 'gama pahalavan' ka nam liya jata tha. 15 aktoobar 1910 men gama ko 'vishv havivet chaimpiyanaship' (dakshin eshiya) men vijeta ghoshit kiya gaya. apane pahalavani ke daur men gama ki upalabdhiyan itani ashcharyajanak evn avishvasaniy hain ki sadharanat: logon ko vishvas nahin hota ki gama pahalavan vastav men hue the.

upadhiyan

gama ko 'sher-e-pnjab', 'rustam-e-zaman' (vishv kesari) aur 'd gret gama' jaisi upadhiyan di gayin. gama vishv ke ek matr pahalavan the jinhonne apane jivan men koee kushti nahin hari. gama ne bharat ka nam poore vishv men ooncha kiya. 1947 men bharat ki svatntrata ke bad jab pakistan bana to gama pakistan chale gaye. pakistan ke poorv pradhanamntri navaz sharif ki shadi gama pahalavan ke bhaee ki natini kulasum bat se huee hai.

prarambhik jivan

gama ka janm ek kushti-premi muslim parivar men 1880 men hua. amritasar pnjab men paida hue gama kashmiri 'bat' parivar ke 'pahalavan muhammad aziz' ke putr the. unaka janm ka nam 'gulam muhammad' tha. unaki rag-rag men kushti ka khel samaya hua tha. gama aur unake bhaee 'imamabakhsh' ne shuroo-shuroo men kushti ke danv-pech pnjab ke mashahoor 'pahalavan madhosinh' se sikhane shuroo kie. datiya ke maharaja bhavanisinh ne gama aur unake chhote bhaee imamabakhsh ko pahalavani karane ki suvidhayen pradan ki. das varsh ki umr men hi gama ne jodhapur, rajasthan men kee pahalavanon ke bich sharirik kasarat ke pradarshan men bhag liya aur 'maharaja jodhapur' ne gama ko unaki adbhut sharirik kshamataon ko dekhate hue puraskrit kiya.

kushti ke daur

19 sal ke gama ne tatkalin bharat vijeta 'pahalavan rahimabakhsh sultanivala' ko chunauti de dali. rahimabakhsh gujaranvala pnjab [1] ka rahane vala kashmiri, 'bat' jati ka hi tha. kahate hai rahimabakhsh ki lambaee 7 phit thi. gama men shakti aur phurti advitiy thi lekin gama ki lambaee 5 phut 7 inch thi. rahimabakhsh apani praudha avastha men pahunch chuka tha aur apani pahalavani ke antim samay ki kushtiyan lad raha tha. rahimabakhsh ki umr ka adhik hona gama ke paksh men jata tha.

aitihasik kushti

bharat men huee kushtiyon men yah kushti 'aitihasik kushti' ke roop men jani jati hai, jo ghnton tak chali aur ant men barabar chhooti. agali bar jab gama aur rahimabakhsh ki kushti huee to gama ne rahimabakhsh ko hara diya tha, lekin gama ki nak se khoon bahane laga tha aur ek kan bhi jakhmi ho gaya tha.

rahimabakhsh se antim kushti

rahimabakhsh (bharat kesari) ko gama ne apane pahalavani aur kushti ke daur ka sabase bada, chunautipoorn aur shaktishali pratidvndi mana. inglaind se lautane ke bad gama aur rahimabakhsh ki kushti ilahabad men huee. yah kushti bhi kafi der chali aur gama ne is kushti ko jitakar rustam-e-hind ka khitab jita.

inglaind ki yatra

rahimabakhsh sullatanivala ko chhod kar, jisase gama ki kushti barabar chhooti thi, gama ne bharat ke sabhi pahalavanon ko hara diya. 1910 ke as-pas gama ka nam ekaek duniya ke samane aya. 1910 ki bat hai, us samay gama ki umr lagabhag tis varsh ki thi. bngal ke ek lakhapati 'seth sharadakumar mitr' kuchh bharatiy pahalavanon ko inglaid le ge the. apane bhaee imamabakhsh ke sath gama inglaind gaye aur vahan ek khuli chunauti inglaind ke pahalavanon ko de dali. yah chunauti inglaind ke pahalavanon ko ek dhokhe jaisi lagi, jisamen gama ne matr 30 minat men 3 pahalavanon ko harane ki bat kahi thi, jisamen koee bhi pahalavan gama se kushti lad sakata tha, chahe vah kisi bhi sharirik akar aur vazan ka ho.

vishv dngal ka ayojan

us samay landan men 'vishv dngal' ka ayojan ho raha tha. isamen imamabakhsh, ahamadabakhsh aur gama ne bharat ka pratinidhitv kiya. gama ka qad sadhe panch fut 7 inch aur vazan 200 paund ke lagabhag tha. landan ke ayojakon ne gama ka nam ummidavaron ki soochi men nahin rakha. gama ke svabhiman ko bahut thes pahunchi. unhonne ek thietar kampani men jakar duniya bhar ke pahalavanon ko chunauti dete hue kaha ki jo pahalavan akhade men mere samane panch minat tak tik jaega, use 'panch paund' nakad diya jaega. pahale kee chhote-mote pahalavan gama se ladane ko taiyar hue.

gama aur rolar ki kushti

jab is chunauti ko svikar karake koee gama se ladane nahin aya to gama ne 'stenislas zibesko' aur 'frank gaaush' ko chunauti di. yah chunauti amerika ke pahalavan 'bainjamin rolar' ne svikar ki. gama ne rolar ko 1 minat 40 sekend men pachhad diya. gama aur rolar ki dobara kushti huee, jisamen rolar 9 minat 10 sekend hi tik saka.

pahalavan rolar ki har

gama ne pahale ameriki pahalavan rolar ko haraya aur imamabakhsh ne svitzaralaind ke konoli aur jan laim ko minaton aur saikindon men chitt kar diya. is par videshi pahalavanon aur dngal ke ayojakon ke kan khade hue aur unhonne gama ko sidhe vishv vijeta stenali jibisko se ladane ko kah diya.

stenislas zibesko se kushti

10 sitambar 1910 ko gama aur 'stenislas zibesko' ki kushti huee. is kushti men mashahoor 'jaaun bul bailt' aur 250 paauud ka inam rakha gaya. 1 minat se bhi kam samay men gama ne stenislas zibesko ko niche daba liya. zibesko akar men aur vazan men gama se bada tha, isalie 2 ghante 35 minat ki koshish ke bavajood bhi pet ke bal leta hua zibesko gama se chitt nahin ho paya. gama ne polaind ke is pahalavan ko itana thaka diya tha ki vah hanphane laga. jab gama ne zibisko ko niche pataka to vah apane bachav ke lie let gaya. usaka sharir itana vazani tha ki gama use utha nahin sake.

kushti ka doosara din

is par bhi jab har-jit ka phaisala n ho saka to kushti ko anirnit ghoshit kiya gaya aur phaisale ke lie doosare din ki tarikh tay ki gee. doosare din jibisko dar ke mare maidan men hi nahin aya. dngal ke ayojak jibisko ki khojabin karane lage, lekin vah n jane kahan chhip gaya aur is prakar gama ko vishv-vijayi ghoshit kiya gaya.

vishv vijeta upadhi

17 sitambar 1910 ko dobara donon ke bich kushti ki ghoshana huee, lekin nishchit tithi aur samay par zibesko gama ka samana karane nahin pahuncha. gama ko vijeta ghoshit kar diya gaya aur inam ki rashi ke sath hi 'jaaun bul bailt' bhi gama ko de di gee. isake bad gama ki upadhi 'rustam-e-zaman' (zamana), 'vishvakesari' athava 'vishvavijeta' ho gayi.

haraye gaye pahalavan

is yatra ke dauran gama ne anek pahalavanon ko dhool chataee, jinamen 'bainjamin raaular' ya 'rolar'[2], 'maauris deriz'[3], 'johan lem'[4] aur 'jasi pitarasan' [5] the. raaular se kushti men gama ne use 15 minat men 13 bar phenka. isake bad gama ne khuli chunauti di ki jo bhi kisi bhi kushti men khud ko 'vishvavijeta' kahata ho vo gama se do-do hatha azama sakata hai, jisamen japan ka joodo pahalavan 'taro miyaki', roos ka 'jaaurj hakenshamit', amarika ka 'fank gaaush' shamil the. kisi ki himmat gama ke samane ane ki nahin huee. isake bad gama ne kaha ki vo ek ke bad ek lagatar bis pahalavanon se ladega aur inam bhi dega lekin koee samane nahin aya.

stenislas zibesko se antim kushti

'rahimabakhsh sulatanivala' ko harane ke bad gama ne bharat ke mashahoor 'pahalavan pandit biddoo' ko 1916 men haraya. inglaind ke 'prins aauf vels' ne 1922 men bharat ki yatra ke dauran gama ko chandi ki beshaqimati 'gada' (gurj) pradan ki. is bar gama ne keval dhaee minat men hi jibisko ko pachhad diya. gama ki vijay ke bad patiyala ke maharaja ne gama ko adha man bhari 'chandi ki gurj' aur '20 hazar rupaye' nakad inam diya tha.

dakshin eshiya ka mahanh pahalavan

1927 tak gama ko kisi ne chunauti nahin di. 1928 men gama ka muqabala patiyala men ek bar phir zibesko se hua 42 sekend men gama ne zibesko ko dhool chata di aur dakshin eshiya ke mahanh pahalavan ki upadhi dharan ki. 1929 ke pharavari ke mahine men gama ne 'jesi pitarasan' ko dedh minat men pachhad diya. isake bad 1952 men apane pahalavani jivan se avakash lene tak gama ko kisi ne chunauti nahin di. gama apane pahalavani jivan men ajey rahe jo kisi bhi pahalavan ke lie aj bhi asambhav hai. yah gun gama ko vishv ka mahanatam pahalavan ke darje men le ata hai.

jivan ka antim daur

1947 men bharat ke bntavare ke samay gama pakistan chale gaye vahan apane bhaee imamabakhsh ke sath aur apane bhatijon ke sath rahe aur apana shesh jivan bitaya. 'rustam-e-zaman' ke akhiri din bade kasht aur musibat men guzare. ravi nadi ke kinare is ajey purush ko ek chhoti-si jhonpadi banakar rahana pada. apani amooly yadagaron sone aur chandi ke tamage bech-bechakar apani zindagi ke akhiri din guzarane pade. vah hamesha bimar rahane lage. unaki bimari ki khabar pakar bharatavasiyon ka du:khi hona svabhavik hi tha.

nidhan

maharaja patiyala aur bidala bandhuon ne unaki sahayata ke lie dhanarashi bhejani shuroo ki, lekin tab tak bahut der ho chuki thi. 22 mee, 1960 lahaur, pakistan ko 'rustam-e-zaman' gama mrityu se har ge. gama marakar bhi amar hai. bharatiy kushti-kala ki vijay pataka ko vishv men phaharane ka shrey keval gama ko hi prapt hai.

neshanal istitooyat aauf sportas

aj bhi patiyala men 'neshanal istitooyat aauf sportas' men unake kasarat karane ka upakaran rakha hua hai. yah ek patthar ka gol chakka hai, jisako gale men pahan kar gama baithak lagaya karate the. is gol chakke ka vazan 95 kilo hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. ab pakistan men
  2. snyukt rajy amarika
  3. frans
  4. svitazaraland ka yoorop vijeta
  5. svidan ka vishv vijeta

snbndhit lekh

suvyavasthit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah