बहिर्विवाह  हिन्दी देवनागरी में पढ़ें।

bahirvivah ka tatpary kisi jati ke ek chhote samooh se tatha nikat snbndhiyon ke varg se bahar vivah ka niyam hai. samaj men antarvivah ko asagotrata ka tatha bahirvivah ko asapindata ka niyam kahate hain. asagotrata ka arth hai ki vadhoo var ke gotr se bhinn gotr ki honi chahie. asapindata ka ashay saman pind ya deh ka athava ghanishth rakt ka snbndh n hona hai. hindoo samaj men prachalit sapindata ke samany niyam ke anusar mata ki panch tatha pita ki sat pidhiyon men hone vale vyaktiyon ko snpid mana jata hai, inake sath vaivahik snbndh varjit hai. prachin rom men chhathi pidhi ke bhitar ane vale snbndhiyon ke sath vivah nishiddh tha. 1215 ee. ki laitaran ki eesaee dharm parishadh ne inaki snkhya ghatakar char pidhi kar di. anek any jatiyan patni ke marane par usaki bahin ke sath vivah ko prathamikata deti hain kintu kaitholik charch mrit patni ki bahin ke sath vivah varjit thaharata hai. inglish charch men yah sthiti 1907 tak bani rahi. kuchh jatiyon men sthaniy bahirvivah ka niyam prachalit hai. isaka yah arth hai ki ek ganv ya khede men rahane vale nar-nari ka vivah arjit hai. chhota nagapur ke oravon men ek hi gram ke nivasi yuvak yuvati ka vivah nishiddh mana jata hai, kyonki samany roop se yah mana jata hai ki aisa vivah var athava vadhoo ke lie athava donon ke lie amngal lane vala hota hai.

vidvanon ki vyakhya

asapindata tatha asagotrata ke niyamon ke pradurbhav ke karanon ke snbndh men samajashastriyon tatha nrivnshashastriyon men bada matabhed hai. ek hi ganv men rahane vale athava ek gotr ko manane vale saman ayu ke vyakti ek doosare ko bhaee bahin tatha najadiki rishtedar manate hain aur inamen pray: sarvatr vivah varjit hota hai. kintu yahan yahi prashn utpann hota hai ki yah nishedh samaj men kyon prachalit hua? sar henari men, morgan adi vidvanon ne yah mana hai ki adim manushyon ne nikat vivahon ke dushparinamon ko shighr hi anubhav kar liya tha tatha jivanasngharsh men dirghajivi hone ki drishti se unhonne nikat snbndhiyon ke ghere se bahar vivah karane ka niyam bana liya. kintu any vidvanh‌ is mat ko thik nahin manate. unaka kahana hai ki adim manushyon men antarvivah ke dushparinamon jaisi jatil jivashastriy prakriya ko samajhane ki buddhi svikar karana tarkasngat nahin pratit hota. vaistaramark aur haivalak elis ne isaka karan najadiki rishtedaron ke bachapan se sada sath rahane ke karan unamen yaun akarshan utpann n hone ko mana hai. any vidvanon ne is vyakhya ko sahi nahin mana. braisted ne yah bataya hai ki prachin misr men samaj ke sabhi bhagon men bhaee bahin ke vivah prachalit the. bahirvivah (eksogemi) shabd ko angrezi men sabase pahale prachalit karane vale vidvanh‌ maikalinan ne yah kalpana ki thi ki arnbhik yoddha jatiyon men balikavadh ki darun pratha prachalit hone ke karan vivah yogy striyon ki snkhya kam ho gee aur doosari janajatiyon ki striyon ko apaharan karake lane ki paddhati se bahirvivah ke niyam ka shriganesh hua. kintu is kalpana men balikavadh evn apaharan dvara vivah ka atyadhik atirnjit aur avastavik chitran hai. bahirvivah ka niyam prachalit hone ke kuchh any karan ye batae jate hain-doosari jatiyon ki striyon ko pakad lane men garv aur gaurav ki bhavana ka anubhav karana, ganavivah (ek samooh men sab purushon ka sab striyon ka pati hona) ki kalpanik dasha ke karan doosari jatiyon se striyan grahan karana. abhi tak koee bhi kalpana is vishay men sarvasammat siddhant nahin ban saki.

bahirvivah ke niyam

bahirvivah ke niyam ke anusar har vyakti ko apane samooh ke bahar vivah karana hota hai. yadyapi antarvivah evn bahirvivah ke niyam pratyaksh roop men viradhi dikhaee padate hain parantu donon niyam ek - doosare ke poorak hai tatha do staron par vyavaharit hote hain. hindoo samaj men bahirvivah ke do roop paye jate hain:-

sagotr bahirvivah

ek gotr se jude vyakti sagotriy kahalate hain. gotr ek vnsh samooh (klan) ya parivar samooh hai, jisake sadasy apas men vivah karane se pratibnnti hote hain. yah manyata hai ki sabhi sagotriy ek hi poorvaj ki sntan hote hain aur un sabhi men rakt snbndh hota hai. sagotr bahirvivah ke niyam ko hindoo vivah adhiniyam 1955 ne aprabhavi bana diya hai.

sapind bahirvivah

sapind log ek doosare ke rakt snbndhi hote hain. pita ki or se sat evn mata ki or se panch pidhiyon tak jude rakt snbndh sapind kahalate hain. ek vyakti apane jivan sathi ka chunav sapind samooh ke antargat nahin kar sakata. hindoo vivah adhiniyam 1955 samanyat: sapind antarvivah ki ijajat nahin deta, parantu dakshin bharat men prachalit mamere-phuphere bhaee bahanon ko bhi prathagat roop men apavad svaroop svikar karata hai. sapind bahirvivah ka niyam sapind rishtedaron men vivah ka nishedh karata hai. jivit vyakti aur usake mare hue purakhon ke bich snbndh ko sapind snbndh kahate hain. sapind ka arth hai ve jinake sharir ka pind ek saman hain tatha ve jo mrit poorvaj ko ek sath pind dan karate hain. hindoo smritikar sagotr ki alag-alag paribhasha dete hain. hindoo vivah adhiniyam, 1955 pita ki taraph se panch pidhiyon evn mata ki taraph se tin pidhiyon tak sapind snbndh se jude vyaktiyon ke bich vaivahik snbndh ki svikriti nahin deta.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah