नवलखा मन्दिर  हिन्दी देवनागरी में पढ़ें।

navalakha mandir dhumali, kathiyavad, gujarat men sthit hai. yah mandir pauranik shilpakala ka ek utkrisht namoona hai. door se dekhane par aisa pratit hota hai ki ye mandir lagabhag 200 varsh purana hoga, kintu najadik se dekhane par yah bahut purana dikhata hai. manyata hai ki babara nam ke ek bhoot ne is mandir ka nirman kiya tha. navalakha mandir somanath ke jyotiling ke saman hi bahut ooncha hai.

itihas

is mandir ko dekhakar lagata hai ki isaka jirnoddhar bhi kiya gaya tha. pratit hota hai ki is mandir ko muslimon ne dhvns kar diya tha aur bad men kathi jati ke kshatriyon ne isaka punaroddhar karavaya. navalakha mandir ke vishay men manyata hai ki mandir ko babara bhoot ne ek hi rat men banaya tha. mandir ke charon or nag-arddhanag navalakh moortiyon ke shilp hain. sampoorn mandir 16 kone vali ninv ke adhar par nirmit kiya gaya hai. yah shiv mandir solnki kal men bane pramukh mahakay mandiron men se ek hai. navalakha mandir ka jirnoddhar hone se purana-mool bhag aj bhi majabooti ke sath khada hai, jabaki naye hisse men parisar chhota hai aur as-pas oonche makan hone ke karan tasavir lena kathin hai.

sthapaty kala

dhoomali men jo avashesh prapt hue hain, ve 12vin-13vin shatabdi ke mane jate hain. jethava rajy ki pahali rajadhani dhoomali parvatamala ke bich men ghati men sthit thi. usake kee khndahar aj bhi maujood hain. jethava rajy ke in mandiron ka nirman 10vin shatabdi men hua mana jata hai. gujarat ka yah mandir 'dvadash jyotilingon' men se ek somanath mandir ki tarah hi kafi ooncha hai. mandir ki chhat aur gumbaj ke bhitari hisse men jo sushobhan aur naqqashi dikhaee deti hai, vah alag-alag kalakhnd ki maloom hoti hai. mandir ke andar bada sa sabha-mndap, garbhagrih aur pradakshina path any mandiron ki bhanti hi hai.

is mandir men pravesh ke lie tin dishaon men pravesh chaukiyan hain. isaki tin khidakiyon se hava aur prakash ke karan paryatakon ke lie is mandir ko dekhana rochak anubhav rahata hai. navalakha mandir ki chhat ka gumbaj ashtakon akar ka hai. usake oopar vividh pakshion ki akriti pattharon par ukeri gee hai. ise pavitrata ka pratik mana jata hai. sabha mndap ki donon mnjilon ke stambhon ke upari hisse ko vaividhyapoorn akar diya gaya hai. usamen khasataur se manav mukhakriti, hathi ki mukhakriti, matsy yugal, vanar, aur kamatur nari ke shilp kalatmak drishti se mahattvapoorn hain.

shilp

navalakha mandir ke pichhe pith kshetr men do hathiyon ka shilp hai, jisamen donon ko apani soondh ke dvara apas men ladaee aur masti karate hue chitrit kiya gaya hai. mandir ke bahari kshetr men uttar disha men lakshmi-narayan, dakshin disha men brahma-savitri aur pashchim men shiv-parvati ke shilp dikhaee dete hain. mandir ke sthapaty men bharapoor vaividhy dikhayi deta hai. dhoomali men jethava samrajy ki 10vin se 12vin-13vin shatabdiyon ke bich ki samriddhi ko mandir ki shilpakari ke dvara samajha ja sakata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

- navalakha mandir

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah