सूर्य मन्दिर मोढेरा  हिन्दी देवनागरी में पढ़ें।

Disamb2.jpg soory mndir ek bahuvikalpi shabd hai any arthon ke lie dekhen:- soory mndir (bahuvikalpi)
soory mandir modhera
soory mandir modhera
vivaran 'modhera ka soory mandir' gujarat rajy ke modhera men sthit hai. yah mandir ahamadabad se lagabhag sau kilomitar ki doori par pushpavati nadi ke tat par sthit hai. yah mandir ab 'puratatv vibhag' ki dekh-rekh men ata hai.
rajy gujarat
nirmata bhimadev pratham
nirman kal 1026 ee.
prasiddhi yah mandir bharat ke prasiddh soory mandiron men se ek hai.
havaee adda ahamadabad havaeeadda
relave steshan ahamadabad relave steshan
bas adda bas evn taiksi
any janakari yah soory mandir sthapaty kala evn shilp ka bejod namoona hai. isake nirman men hindoo-eerani shaili ka prayog kiya gaya hai. solnki raja bhimadev ne is mandir ko do hisson men banavaya tha. isake pratham bhag men garbhagrih tatha dvitiy bhag men sabhamndap hai.

modhera ka soory mandir gujarat rajy ke modhera men sthit hai. yah mandir ahamadabad se lagabhag sau kilomitar ki doori par pushpavati nadi ke tat par sthit hai. is soory mandir ka nirman sooryavnshi solnki raja bhimadev pratham ne 1026 ee. men karavaya tha. modhera ka soory mandir ab puratatv vibhag ki dekh-rekh men ata hai aur hal hi men yahan paryatan sthalon ke rakh-rakhav men kafi sudhar hua hai. is prasiddh mandir ke as-pas bagicha bana hua hai aur saph-saphaee ka bhi poora dhyan rakha gaya hai. choonki yahan pooja-archana adi nahin hoti, isilie shraddhaluon ki bhid bahut kam hoti hai.

parichay

bharat apani prachin kal se hi sthapaty kala ke lie vishv men prasiddh raha hai. yahan ke rajaon dvara nirmit karavaye ge kee mandiron ka aj bhi koee mukabala nahin hai. bharat men kee soory mandir hain, jinamen se kuchh ke nam is prakar hain-

  1. udisa men konark soory mandir
  2. jammoo men sthit martnd soory mndir
  3. gujarat ke modhera ka soory mandir
  4. uttar pradesh men pratapagadh ka soory mndir
  5. soory mandir almoda

gujarat ke prasiddh shahar ahamadabad se qarib 100 kilomitar door aur patan namak sthan se 30 kilomitar dakshin disha men pushpavati nadi ke kinare basa ek prachin sthal hai- modhera. isi modhera namak ganv men bhagavan soory dev ka vishv prasiddh soory mandir hai, jo gujarat ke pramukh aitihasik v paryatak sthalon ke sath hi gujarat ki prachin gauravagatha ka bhi praman hai.[1]

itihas

modhera ke soory mandir ka nirman solnki vnsh ke raja bhimadev pratham ne san 1026 ee. men karavaya tha. is tathy ke praman yahan se prapt shilalekhon se milate hain. mandir ke garbhagrih ki divar par lage ek shilalekh par likha gaya hai- "vikram snvat 1083 arthath (1025-1026 eesa poorv)." yahan ke solnki raja sooryavnshi the aur bhagavan soory inake kul devata ke roop men pooje jate the. isi karan unhonne yahan is vishal soory mandir ki sthapana karavaee thi. solnki raja is mandir men apane adyadev soory bhagavan ki aradhana kiya karate the. yah samay videshi akramanakari mahamood gazanavi ke antnk ka samay tha. usane somanath aur isake as-pas ke kshetron ko apane kabje men kar liya tha. mahamood ke akraman ke prabhav se solnkiyon ki shakti aur vaibhav ko bhi apar kshati pahunchi thi. solnki samrajy ki rajadhani kahi jane vali anhilavad ka gaurav aur vaibhav bhi kshin hota ja raha tha. isi gaurav ki punarsthapana ke lie solnki raj parivar aur vahan ke dhanadhy varg v vyapariyon ne ekajut hokar bhavy mandiron ke nirman ki shurooat ki thi.

mandir ki kshati

muslim akranta alauddin khilazi ke akraman ke dauran is mandir ko kafi nukasan pahuncha tha. yahan par usane lootapat ki aur mandir ki anek moortiyon ko khndit kar diya tha. aj is mandir ke snrakshan ki jimmedari 'bharatiy puratatv vibhag' ke pas hai. samay ke thapedon ko sahate hue bhi yah mandir apani bhavyata ka praman prastut karata hai. vartaman men is mandir men pooja-archana adi karana nishedh hai.[1]

pauranik mahatta

gujarat ka yah prasiddh soory mandir mahattvapoorn paryatan v dharmik sthalon men se ek hai. door-door se shraddhalu evn sailani yahan darshan ke lie ate hain. yah mandir aur yah sthan apane pauranik mahatv ke karan bhi darshaniy hai. vibhinn puranon men bhi modhera ka ullekh milata hai. 'skndapuran' aur 'brahmapuran' ke anusar prachin kal men modhera ke as-pas ka poora kshetr 'dharmarany' ke nam se jana jata tha. vibhinn dharmik grnthon ke anusar bhagavan shriram ne lnka ke raja ravan ke snhar ke bad apane guru vashishth ko ek aisa sthan batane ke lie kaha, jahan par jakar vah apani atma ki shuddhi kar saken aur brahm hatya ke pap se mukti pa saken. tab guru vashishth ne shriram ko 'dharmarany' jane ki salah di thi. kaha jata hai bhagavan ram ne hi dharmarany men akar ek nagar basaya jo aj modhera ke nam se jana jata hai. shriram yahan ek ygy bhi kiya tha. vartaman men yahi vah sthan hai, jahan par yah soory mandir sthapit hai.

adbhut sthapaty kala

mandir par ukeri gee kalakritiyan

yah soory mandir sthapaty kala evn shilp ka bejod namoona hai. isake nirman men hindoo-eerani shaili ka prayog kiya gaya hai. solnki raja bhimadev ne is mandir ko do hisson men banavaya tha. isake pratham bhag men garbhagrih tatha dvitiy bhag men sabhamndap hai. garbhagrih kafi vistrit hai. isaki lnbaee 51 phut 9 inch tatha chaudaee 25 phut 8 inch hai. mandir ke sabhamndap men 52 stnbh hain, jin par utkrisht karigari ki gee hai. in stnbhon ki visheshata yah hai ki niche ki or dekhane par ashtakonakar aur oopar ki or dekhane par vah gol pratit hote hain. in stnbhon par devi-devataon ke chitr tatha ramayan, mahabharat adi ke prasngon ko adbhut sundarata v bariki se ukera gaya hai. is mandir ki sthapaty kala ati vishisht hai. isaka nirman is prakar se kiya gaya hai ki sooryoday hone par soory ki pahali kiran mandir ke garbhagrih men pravesh karati hai. mandir men ek vishal kund hai, jise 'sooryakund' tatha 'ramakund' kaha jata hai. modhera ke is soory mandir ko gujarat ka khajuraho ke nam se bhi jana jata hai, kyonki is mandir ki shilaon par bhi khajuraho jaisi hi naqqashidar anek shilp kalaen maujood hain. is vishv prasiddh mandir ki sthapaty kala ki sabase badi visheshata yah hai ki poore mandir ke nirman men judaee ke lie kahin bhi choone bilkul bhi nahin hua hai.[1]

snrachana

sooryakund, soory mandir (modhera)

mandir tak jane ke lie pakki pagadndi hai aur donon or sundar bagicha hai. mukhy dvar se pakki pagadndi par donon or bane sundar bagichon se gujarate hue sunahare-se balua-patthar se nirmit mandir pragnn tak jaya jata hai. mandir ke mukhy tin hisse hain. isamen sabase age sthit hai- sooryakund, jise 'ramakund' bhi kaha jata hai. jyamitiy snrachana vale is kund ke ghere men 108 devataon ke chhote-bade mandir bhi hain. vastu ke hisab se disha tay kar mandir men pravesh ke lie toran banavaya gaya tha. kund ke bad danee or mandir men pravesh karane ke lie toran bana hua tha, jisake ab dono khambhe hi ab bache hain, khilazi shasak alauddin khilazi ne mandir ko khndit karate samay toran ko tod diya tha. yahan se gujarate hue sabhamndap men pravesh kiya jata hai. yah varsh ke 52 saptah ko dhyan men rakhate hue 52 stambhon se bana hua hai. stambhon par pauranik kathaen ukeri gee hain.

isake bad hai mukhy mandir. ab yahan pooja-archana nahin hoti, kyonki mandir alauddin khilazi dvara khndit kar diya gaya tha. isake sath hi bhagavan soory dev ki svarn pratima tatha garbhagrih ke khajane ko bhi is muslim shasak ne loot liya tha. kamal ka phool bhagavan soory ka phool mana jata hai. isalie poora mndap aundhe kamal ke akar ke adhar par nirmit kiya gaya hai. mukhy mndap patthar ke stambhon ko ashtakoniy yojana se khade kar nirmit kiya gaya hai. charon dishaon se pravesh ke lie alnkrit toran bane hue hain. mndap ke bahari or charon aur 12 adityon, dikpalon, deviyon aur apsaraon ki moortiyan pratishthit hain. mandir ke bahari or charo taraf dishaon ke hisab se unake devataon ki moortiyan pratishthit ki gee hain. isamen soory devata ki pratima ko ghutanon tak ke joote pahanaye ge hain. samany roop se koee devata padukaen pahane nahin dikhaee dete.[2]

kaise pahunchen

is prasiddh soory mandir tak asani se pahuncha ja sakata hai. yahan ane ke lie lagabhag sabhi tarah ke sadhan upalabdh hain. yadi vayumarg dvara yahan ana ho to nikatatam havaeeadda ahamadabad hai. yahan se nikatatam relave steshan ahamadabad hai, jo lagabhag 102 ki.mi. ki doori par sthi‍t hai. ahamadabad se hi yahan jane ke lie bas evn taiksi ki suvidha bhi upalabdh hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 modhera ka soory mandir (hindi). . abhigaman tithi: 2 mee, 2013.
  2. soory mandir, modhera (hindi). . abhigaman tithi: 2 mee, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah