राजस्थानी मुद्रा कला  हिन्दी देवनागरी में पढ़ें।

rajasthan ke prachin pradesh mevad men majjhamika (madhyamika) namadhari chittaud ke pas sthit nagari se prapt tamramudra is kshetr ko shivijanapad ghoshit karati hai. tatpashchath chhathi-satavin shatabdi ki svarn mudra prapt huee. janaral kaningham ko agara men mevad ke snsthapak shasak guhil ke sikke prapt hue tatpashchath aise hi sikke aujhaji ko bhi mile. isake urdhvapatal tatha adhovat ke chitran se mevad rajavnsh ke shaivadharm ke prati astha ka pata chalata hai. rana kumbhakalin (1433-1468 ee.) sikkon men tamr mudraen tatha rajat mudra ka ullekh janaral kaningham ne kiya hai. in par utkirn vikram samvath 1510, 1512, 1523 adi tithiyon 'shri kubhnlameru maharana shri kubhnkarnasy', 'shri ekalingasy prasadat' aur 'shri' ke vakyon sahit bhale aur damaru ka bindu chihn bana hua hai. yah sikke vargakriti ke jinhen 'taka' pukara jata tha. yah prabhav saltanat kalin mudra vyavastha ko prakat karata hai jo ki mevad men rana sanga tak prachalit rahi thi. sanga ke pashchath shanai: shanai: mugalakalin mudra ki chhaya hamen mevad aur rajasthan ke tatkalin anyatr rajyon men dikhalaee deti hai. sanga kalin (1509-1528 ee.) prapt tin mudraen tamr tatha tin pital ki hai. inake urdhvapatal par nagari abhilekh tatha nagari ankon men tithi tatha adhopatal par 'sultan vin sultan' ka abhilekh utkirn kiya hua milata hai. pratik chihnon men svastik, soory aur chandr pradarshit kiye ge hain. is prakar sanga ke uttaradhikariyon rana ratnasinh dvitiy, rana vikramadity, banavir adi ki mudraon ke snlagn mugal-mudraon ka prachalan bhi mevad men raha tha jo taka, rupy adi kahalati thi.

paravarti kal men alamashahi, mehatashahi, chandodi, svaroopashahi, bhoopalashahi, udayapuri, chittaudi, bhilavadi trishooliya, phintara adi kee mudraen bhinn-bhinn samay men prachalit rahin vahan samanton ki mudra men bhindariya paisa evn saloombar ka thingala v padamashahi namak tambe ka sikka jagir kshetr men chalata tha. british sarakar ka 'kaladar' bhi vyapar-vanijy men prayukt kiya jata raha tha. jodhapur athava maravad pradesh ke antargat prachinakal men 'pnchamark' mudraon ka prachalan raha tha. eesa ki doosari shatabdi men yahan bahar se ae kshatrapon ki mudra 'dram' ka prachalan hua jo lagabhag sampoorn dakshin-pashchimi rajasthan men arthik adhar ke sadhan-rup men pratishthit ho gee. bansavada zile ke saravaniyan ganv se 1911 ee. men prapt vir daman ki mudraen isaka praman hain. pratihar tatha chauhan shasakon ke sikkon ke alava maravad men 'phadaka' ya 'phadiya' mudraon ka ullekh bhi hamen prapt hota hai.

rajasthan ke any prachin rajyon men jo sikke prapt hote hain vah sabhi uttar mugalakal ya usake pashchath sthaniy shasakon dvara apane-apane nam se prachalit karae hue milate hain. inamen jayapur athava dhundhad pradesh men jhadashahi ramashahi muhar mugal badashah ke ke nam vale sikko men mummadashahi, pratapagadh ke salimashahi bansavada ke lachhamanashahi, boondi ka hali, katarashahi, jhalavad ka madanashahi, jaisalamer men akeshahi v tamr mudra - 'dodiya' alavar ka ravashahi adi mukhy kahe ja sakate hain. mudraon ko dhalane vali takasalon tatha unake thappon ka bhi adhyayan apekshit hai. inase tatkalin mudra-vigyan par vrihat prakash dala ja sakata hai. mudraon par ullekhit vivaranon dvara hamen satta ke kshetr vistar, shasakon ke tithikram hi nahin milate varanh inase rajanitik vyavaharon ka adhyayan bhi kiya ja sakata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah