राजस्थानी चित्रकला  हिन्दी देवनागरी में पढ़ें।

oont savari, jaisalamer
Camel Safari, Jaisalmer

rajasthan men ati prachin kal se chitrakala ke prati logon men ruchi rahi thi. mukandara ki pahadiyon v aravali parvat shreniyon men kuchh shail chitron ki khoj isaka praman hai. kota ke dakshin men chambal ke kinare, madhopur ki chattanon se, alaniya nadi se prapt shail chitron ka jo byora milata hai usase lagata hai ki yah chitr bagair kisi prashikshan ke manav dvara vatavaran prabhavit, svabhavik ichchha se banae ge the. inamen manav evn javanaron ki akritiyon ka adhiky hai. kuchh chitr shikar ke kuchh yantr-tantr ke roop men jyamitik akar ke lie pooja aur tona totaka ki drishti se ankit hain. kota ke jalavada ganv ke pas vilas nadi ke kanya dah tal se baila, hathi, ghoda sahit ghudasavar evn hathi savar ke chitr milen hain. yah chitr us adim parampara ko prakat karate hain aj bhi rajasthan men 'mandala' namak lok kala ke roop men ghar ki divaron tatha angan men bane hue dekhe ja sakate hain. is prakar inamen adim lok kala ke darshan sahit tatkalin manav ki antarik bhavanaon ki abhivyakti sahaj prapt hoti hai. inhen bhi dekhen: rajasthani kala, rajasthani sthapaty kala evn rajasthan ki hastakala

itihas

kalibnga aur ahad ki khudaee se prapt mitti ke bartanon par kiya gaya alnkaran bhi prachinatam manav ki lok kala ka parichay pradan karata hai. jyamitik akaron men chaukor, gol, jalidal, ghumavadar, trikon tatha samanantar rekhaon ke atirikt kali v safed rekhaon se phool-patti, pakshi, khajoor, chaupad adi ka chitran bartanon par paya jata hai. utkhanit-sabhyata ke pashchath mitti par kie jane vale lok alnkaran kumbhakaron ki kala men nirntar prapt hote rahate hain kintu chitrakala ka chihn gyaharavin shadi ke poorv nahin hua hai. sarvapratham vikram snvat 1117/1080 ee. ke do sachitr grnth jaisalamer ke jain bhandar se prapt hote hain. aughaniryukti aur dasavaikalik sootrachoorni namak yah hastalikhit granth jain darshan se sambandhit hai. isi prakar tad evn bhoj patr ke grnthon ko surakshit rakhane ke lie banaye ge lakadi ke pustak avaran par ki gee chitrakari bhi hamen tatkalin kal ke drishtant pradan karati hai.

khvaja garib navaz ki daragah, ajamer
Khwaja Garib Nawaz Dargah, Ajmer

barahavin shatabdi tak nirmit aisi kee chitr pattikaen hamen rajasthan ke jain bhandaron men upalabdh hain. in par jain sadhuon, vanaspati, pashu-pakshi, adi chitrit hain. ajamer, pali tatha aboo aise chitrakaron ke mukhy kendr the. tatpashath ahad evn chittaud men bhi is prakar ke sachitr grnth banane arambh hue. 1260-1317 ee. men likha gaya 'shravak pratikraman sootrachoorni' namak granth mevad shaili (ahad) ka pratham upalabdh chihn hai, jisake dvara rajasthani kala ke vikas ka adhyayan kar sakate hain. gyaharavin se pandrahavin shatabdi tak ke upalabdh sachitr grnthon men nishithachoorni, trishashtishalaka purush charitr, neminath charitr, kala saritsagar, kalpasootr (1483/1426 ee.) kalak katha, supasanachariyamh (1485-1428 ee.) rasikashtak (1435/1492 ee.) tatha git govind adi hain. 15vin shadi tak mevad shaili ki visheshata men savachashmh, garud nasika, paraval ki khadi phank se netr, ghumavadar v lambi ungaliyan, guddikar janasamuday, cheharon par jakadan, alnkaran bahuly, lal-pile rng ka adhik prayog kahe ja sakate hain.
mevad ke anuroop maravad men bhi chitrakala ki parampara prachin kal se panapati rahi thi. kintu maharana mokal se rana sanga (1421-1528 ee.) tak mevad-maravad kala ke rajanitik prabhav ke phalasvaroop samy dikhalaee hota hai. rav maladev (1531-1462 ee.) ne pun: maravad shaili ko prashy pradan kar chitrakaron ko is or prerit kiya. is shaili ka udaharan 1591 ee. men chitrit granth uttaradhyayan sootr hai. maravad shaili ke bhittichitron men jodhapur ke chokhela mahal ko chhaton ke andar bane chitr drishtavy hain.

mugal shaili ka prabhav

rajasthan men mugal prabhav ke parinam svaroop satrahavin shati se mugal shaili aur rajasthan ki paramparagat rajapoot shaili ke samanvay ne kee prantiy sheliyon ko janm diya, inamen mevad aur maravad ke atirikt boondi, kota, jaisalamer, bikaner, jayapur, kishanagadh aur nathadvara shaili mukhy hai. mugal prabhav ke phalat: chitron ke vishay ant:pur ki rngareliyan, sriyon ke snan, holi ke khel, shikar, bag-bagiche, ghudasavari, hathi ki savari adi rahe. kintu itihas ke poorak srot ki drishti se inamen chitrit samaj ka ankan evn ghatanaon ka chitran hamen satrahavin se atharahavi shatabdi ke avalokan ki vistrit samagri pradan karata hai. udaharanat: maravad shaili men upalabdh 'pnchatntr' tatha 'shukanasik charitr' men kumhar, dhobi, naee, mazadoor, chidimar, lakadahara, bhishti, sunar, saudagar, panihari, gvala, mali, kisan adi se sambandhit jivan-vrit ka chitran milata hai. kishanagadh shaili men radha krishn ki premabhivyakti ke chitran milate hain. is kram men banithani ka ekal chitr prasiddh hai. kishanagadh shaili men qad v chehara lamba nak nukili banaee jati rahi vahi vistrit chitron men darabari jivan ki jhankiyon ka samavesh bhi dikhalaee deta hai.

siti pailes, alavar
City Palace, Alwar

mugal shaili ka adhikatam prabhav hamen jayapur tatha alavar ke chitron men milata hai. baramasa, rag mala, bhagavat adi ke chitr isake udaharan hain. 1671 ee. se mevad men pushti marg se prabhavit shrinath ji ke dharm sthal nathadvara ki kalam ka alag mahattv hai. yadyapi yahan ke chitron ka vishay krishn ki lilaon se sambandhit raha hai phir bhi jan-jivan ki abhikriyaon ka chitran bhi hamen inamen sahaj dikh jata hai.

british prabhav

19vin shatabdi men british prabhav ke phalat: rajasthan men potret bhi banane shuroo hue. yah potret tatkalin rahan-sahan ko abhivyakt karane men itihas ke achchhe sadhan hain. chitrakala ke antargat bhitti chitron ka adhiky hamen athaharavin shatabdi ke uttarardh se dikhalaee deta hai, kintu isake poorv bhi mandiron aur raj prasadon men aise chitrankan ki parampara vidyaman thi. chittaud ke prachin mahalon men aise bhitti chitr upalabdh hain jo saulahavin sadi men banae ge the. satrahavin shatabdi ke chitron men mojamabad (jayapur), udayapur ke mahalon tatha ambamata ke mndir, nadol ke jain mndir, amer (jayapur) ke nikat mavadoomashah ki qabr ke mukhy gumbad ke chitr, joonagadh (bikaner), maroth ke man mandir gine ja sakate hain. athaharavin shatabdi ke chitranon men krishn vilas (udayapur) amer mahal ki bhojanashala, galata ke mahal, pundarik ji ki haveli (jayapur) soorajamal ki chhatari (bharatapur), jhalim sinh ki haveli (kota) aur moti mahal (nathadvara) ke bhitti chitr mukhy hain. yah chitr alagila paddhati ya tempara se banae ge the. shekhavati, jaisalamer evn bikaner ki haveliyon men is prakar ke bhitti chitr adhyayanarth abhi bhi dekhe ja sakate hain. kapadon par ki jane vali kala men chhapaee ki chitrakari bhi kala ke itihas sahit itihas ke any angon par prakash dalane men samarth ho sakati hai. yadyapi vasr rngaee, chhapaee, tatha kadhaee chitrakala se pratyaksh sambandhit nahin hain, kintu kal vishesh men apanaee jane vali is takanik, vidya ka adhyayan kalagat takaniki itihas ki upadey samagri ban sakati hai. chandi aur sone ki zari ka kam kie vastr shamiyane, hathi, ghode tatha bail ki jhoole adi is adhyayan ke sadhan hain.


panne ki pragati avastha
adhar
prarambhik
madhyamik
poornata
shodh

tika-tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah