राजस्थानी कला  हिन्दी देवनागरी में पढ़ें।

ghoomar nrity, rajasthan
Ghoomar Dance, Rajasthan

rajasthan ke itihas ke sadhanon men shilalekh, puralekh aur sahity ke samanantar kala bhi ek mahattvapoorn sthan rakhati hai. isake dvara hamen manav ki manasik pravritiyon ka gyan hi prapt nahin hota varanh nirmitiyon men unaka kaushal bhi dikhalaee deta hai. yah kaushal tatkalin manav ke vigyan tatha takanik ke sath-sath samaj, dharm, arthik aur rajanitik vishayon ka tathyatmak vivaran pradan karane men itihas ka srot ban jata hai. isamen sthapatya, moorti, chitr, mudra, vasrabhooshan, shrringar-prasadhan, gharelu upakaran ityadi jaise kee vishay samahit hai jo pun: vibhinn bhagon men vibhakt kie ja sakate hain.

sthapaty kala

rajasthan men prachin kal se hi hindoo, bauddh, jain tatha madhyakal se muslim dharm ke anuyayiyon dvara mndir, stambh, math, masjid, maqabare, samadhiyon aur chhatariyon ka nirman kiya jata raha hai. inamen kee bhagnavesh ke roop men tatha kuchh sahi halat men abhi bhi vidyaman hai. inamen kala ki drishti se sarvadhik prachin devalayon ke bhagnavashesh hamen chittaud ke uttar men nagari namak sthan par milate hain. prapt avasheshon men vaishnav, bauddh tatha jain dharm ki takshan kala jhalakati hai.

mudra kala

rajasthan ke prachin pradesh mevad men majjhamika (madhyamika) namadhari chittaud ke pas sthit nagari se prapt tamramudra is kshetr ko shivijanapad ghoshit karati hai. tatpashchath chhathi-satavin shatabdi ki svarn mudra prapt huee. janaral kaningham ko agara men mevad ke snsthapak shasak guhil ke sikke prapt hue tatpashchath aise hi sikke aujhaji ko bhi mile. isake urdhvapatal tatha adhovat ke chitran se mevad rajavnsh ke shaivadharm ke prati astha ka pata chalata hai. rana kumbhakalin (1433-1468 ee.) sikkon men tamr mudraen tatha rajat mudra ka ullekh janaral kaningham ne kiya hai.

moorti kala

rajasthan men kale, safed, bhoore tatha halke saleti, hare, gulabi patthar se bani moortiyon ke atirikt pital ya dhatu ki moortiyan bhi prapt hoti hain. gnga nagar zile ke kalibnga tatha udayapur ke nikat ahad-sabhyata ki khudaee men paki huee mitti se banaee huee khilaunakriti ki moortiyan bhi milati hain. kintu adikal se shasroky moorti kala ki drishti se eesa poorv pahali se doosari shatabdi ke madhy nirmit jayapur ke lalasot nam sthan par 'banajare ki chhatari' nam se prasiddh char vedika stambh moortiyon ka lakshan drashtaty hai.

dhatu moorti kala
  • dhatu moorti kala ko bhi rajasthan men prayapt prashray mila.
  • poorv madhy, madhy tatha uttaramadhy kal men jain moortiyon ka yahan bahutayat men nirman hua.
  • sirohi zile men vasootagadh pindavada namak sthan par kee dhatu pratimaen prapt huee hain jisamen sharada ki moorti shilp ki drishti se drastavy hai.
chitrakala
mitti ke saman ki dukan, jayapur

rajasthan men yon to ati prachin kal se chitrakala ke prati logon men ruchi rahi thi. mukandara ki pahadiyon v aravali parvat shreniyon men kuchh shail chitron ki khoj isaka praman hai. kota ke dakshin men chambal ke kinare, madhopur ki chattanon se, alaniya nadi se prapt shail chitron ka jo byora milata hai usase lagata hai ki yah chitr bagair kisi prashikshan ke manav dvara vatavaran prabhavit, svabhavik ichchha se banae ge the. inamen manav evn javanaron ki akritiyon ka adhiky hai. kuchh chitr shikar ke kuchh yantr-tantr ke roop men jyamitik akar ke lie pooja aur tona totaka ki drishti se ankit hain.

dhatu evn kashth kala
  • isake antargat top, bandook, talavar, myan, chhuri, katari, adi asr-shasr bhi itihas ke srot hain.
  • inaki banavat in par ki gee khudaee ki kala ke sath-sath in par prapt sanh evn abhilekh hamen rajanitik soochanaen pradan karate hain.
lokakala

lokakala ke antargat vady yntr, lok sngit aur naty ka havala dena bhi avashyak hai. yah sabhi sanskritik itihas ki amooly dharoharen hain jo itihas ka amooly ang hain. bisavin sadi ke poorvarddh tak rajasthan men logon ka manornjan ka sadhan lok naty v nrity rahe the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah