राजस्थान के रीति-रिवाज  हिन्दी देवनागरी में पढ़ें।

rajasthan bharat ka ek prant hai. yahan ki rajadhani jayapur hai. rajasthan bharat ganarajy ke kshetraphal ke adhar par sabase bada rajy hai. rajasthan melon aur utsavon ki dharati hai. holi, dipavali, vijayadashami, krisamas jaise pramukh rashtriy tyoharon ke alava anek devi-devataon, snton aur lokanayakon tatha nayikaon ke janmadin manae jate hain. yahan ke mahattvapoorn mele hain tij, ganagaur, ajamer sharif aur galiyakot ke varshik urs, beneshvar (doongarapur) ka janajatiy kunbh, shri mahavir ji savaee madhopur mela, ramadeura (jaisalamer), jnbheshvar ji mela (mukam-bikaner), kartik poornima aur pashu-mela (pushkar-ajamer) aur khatooshyam ji mela (sikar) adi. rajasthan ke kuchh prasiddh riti-rivaj nimnalikhit hain-

athavan poojan

stri ke garbhavati hone ke sat mah poore kar leti hai tab isht dev ka poojan kiya jata hai aur pritibhoj kiya jata hai.

panaghat poojan ya jalama poojan

bachche ke janm ke kuchh dinon pashchath (sava mah bad) panaghat poojan ya kuan poojan ki rasm ki jati hai ise jalama poojan bhi kahate hain.

akhya

balak ke janm ke athaven din bahanen jachcha ko akhya karati hai aur ek mangalik chihn 'sathiya' bhent karati hai.

jadoola utarana

jab balak do ya tin varsh ka ho jata hai to usake bal utarae jate hain. vastutah mundan snskar ko hi jadoola kahate hain.

sagaee

vadhoo paksh ki or se snbndh tay hone par samarthy anusar shagun ke rupaye tatha nariyal diya jata hai.

binaura

sage snbndhi v ganv ke any log apane gharon men var ya vadhoo tatha usake parivar ko bula kar bhojan karate hain jise binaura kahate hain.

toran

vivah ke samay var jab barat lekar kanya ke ghar pahunchata hai to ghodi par baithe hue hi ghar ke daravaze par bndhe hue toran ko talavar se chhoota hai jise toran marana kahate hain. toran ek prakar ka mangalik chihn hai.

khetapal poojan

rajasthan men vivah ka karyakram ath das dinon poorv hi prarnbh ho jate hain. vivah se poorv ganapati sthapana se poorv ke ravivar ko khetapal bavaji (kshetrapal lokadevata) ki pooja ki jati hai.

kankan dorada

vivah se poorv ganapati sthapana ke samay tel poojan kar var ya vadhoo ke daen hath men mauli ya lachchha ko bnt kar banaya gaya ek dora bandhate hain jise kankan dorada kahate hain. vivah ke bad var ke ghar men var-vadhoo ek doosare ke kankan dorada kholate hain.

ban baithana v pithi karana

lagnapatr pahunchane ke bad ganesh poojan (kankan dorada) pashchath vivah se poorv tak pratidin var v vadhoo ko apane apane ghar men chauki par baitha kar gehoon ka ata, besan men haldi v tel mila kar bane ubatan (pithi) se badan ko mala jata hai, jisako pithi karana kahate hain. is samay suhagan striyan mangalik git gati hai. is rasm ko 'ban baithana' kahate hain.

bindoli

vivah se poorv ke dinon men var v vadhoo ko saja dhaja aur ghodi par baitha kar ganv men ghumaya jata hai jise bindoli nikalana kahate hain.

mod bandhana

vivah ke din suhagin striyan var ko nahala dhula kar susajjit kar kul devata ke samaksh chauki par baitha kar usaki pag par mod (ek mukut) bandhati hai.

bari padala

vivah ke samay barat ke sath var ke ghar se vadhoo ko sadiyan v any kapade, abhooshan, meva, mishthan adi ki bhent vadhoo ke ghar par jakar di jati hai jise padala kahate hain. is bhent kie ge kapadon ko 'padale ka vesh' kahate hain. pheron ke samay inhen pahana jata hai.

marat

vivah se ek din poorv ghar men ratajaga hota hai, devi-devataon ki pooja hoti hai aur mangalik git gae jate hain. is din parijanon ko bhojan bhi karavaya jata hai. ise marat kahate hain.

paharavani ya rngabari

vivah ke pashchath doosare din barat vida ki jati hai. vidaee men var sahit pratyek barati ko vadhoopaksh ki or se pagadi bndhaee jati hai tatha yatha shakti nagad rashi di jati hai. ise paharavani kaha jata hai.

samela

jab barat dulhan ke ganv pahunchati hai to var paksh ki or se naee ya brahman age jakar kanyapaksh ko barat ke ane ki soochana deta hai. kanya paksh ki or use nariyal evn dakshina di jati hai. phir vadhoo ka pita apane sage snbndhiyon ke sath barat ka svagat karata hai, svagat ki yah kriya samela kahalati hai.

badhar

vivah ke avasar par doosare din diya jane vala samoohik pritibhoj badhar kahalata hai.

kunvar kaleva

samela ke samay vadhoo paksh ki or se var v barat ke alpahar ke lie samagri di jati hai jise kunvar kaleva kahate hain.

bind goth

vivah ke doosare din snpoorn barat ke log vadhoo ke ghar se kuchh door kuen ya talab par jakar sthan ityadi karane ke pashchath alpahar karate hain jisamen var paksh ki or se die ge kunvar-kaleve ki samagri ka prayog karate hai. ise bind goth kahate hain.

mayara bharana

rajasthan men mayara bharana vivah ke samay ki ek rasm hai. isamen bahan apani putri ya putr ka vivah karati hai to usaka bhaee apani bahan ko mayara odhata hai jisamen vah use kapade, abhooshan adi bahut sari bhent deta hai evn use gale lagakar prem svaroop chunadi odhata hai. sath hi usake bahanoee evn usake any parijanon ko bhi kapade bhent karata hai.

davariya pratha

yah rivaj ab samapt ho chuka hai. isamen raja-maharaja aur jagiradar apani putri ke vivah men dahej ke sath kunvari kanyaen bhi dete the jo umr bhar usaki seva men rahati thi. inhen davariya kaha jata tha.

nata pratha

kuchh jatiyon men patni apane pati ko chhod kar kisi any purush ke sath rah sakati hai. ise nata karana kahate hain. isamen koee aupacharik riti rivaj nahin karana padata hai. keval apasi sahamati hi hoti hai. vidhava auraten bhi nata kar sakati hai. inhen bhi dekhen: agni pariksha, dahej pratha, das pratha evn dakan pratha

nangal

navanirmit grihapravesh ki rasm ko nangal kahate hain.

mausar

kisi vriddh ki mrityu hone par parijanon dvara usaki atma ki shanti ke lie diya jane vala mrityubhoj mausar kahalata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah