सोमेश्वर प्रथम आहवमल्ल  हिन्दी देवनागरी में पढ़ें।

someshvar pratham (1043 se 1068 ee.) ne apane shasanakal men chaluky rajadhani manyakhet men sthanantarit kar kalyani men shasan kiya. yah kalyani ke chaluky vnsh ka sabase pratapi v shaktishali raja tha. apane virud 'ahavamall' ko sarthak kar usane door-door tak vijay yatraen kin, aur chalukyon ke rajy ko ek vishal samrajy ke roop men parivartit kar diya.

vibhinn vnshon ke sath yuddh

  • is samay chalukyon ke mukhy pratispardhi malava ke paramar aur sudoor dakshin ke chol raja the. someshvar ne in donon shatruon ke sath ghanaghor yuddh kie.
  • paramar raja bhoj ko parast kar usane paramar rajy ki rajadhani 'dhar' par adhikar kar liya, aur bhoj ko ujjayini men ashray lene ke lie vivash kar diya. par chalukyon ka malava par yah *adhipaty der tak sthir nahin rah saka. kuchh samay bad bhoj ne ek badi sena ko sath lekar dhara par chadhaee ki, aur chalukyon ke shasan ka ant kar apani rajadhani men punah pravesh kiya.
  • sudoor dakshin ke chol raja se bhi someshvar ke anek yuddh hue, aur kuchh samay ke lie kanchi par bhi chalukyon ka adhipaty ho gaya. keval paramaron aur cholon ke sath hue yuddhon men hi someshvar ne apani 'ahavamallata' ka parichay nahin diya. cholon ko parast kar usane uttari bharat ki digvijay ke lie prasthan kiya.
  • pallav vnsh ki yah purani rajadhani is samay chol shakti ki mahattvapoorn kendr thi.
  • ek shaktishali sena ko sath lekar usane pahale jejakabhukti ke chandel raja ko parast kiya.
  • mahamood gazanavi is rajy ko bhi jitane men samarth hua tha, par usake uttaradhikari ke shasan kal men gyarahavin sadi ke uttarardh men kirtivarma namak vir chandel ne apane poorvajon ke svatntr rajy ka punaruddhar kar liya tha.
  • someshvar ke akraman ke samay sambhavatah kirtivarma hi chandel rajy ka svami tha. chandel rajy ko jitakar someshvar ne kachchhapaghaton ko vijay kiya, aur phir gnga - yamuna ke un pradeshon par akraman kiya, jo kannauj ke rajy ke antargat the.
  • abhi kannauj par gahadaval vnsh ke pratapi rajaon ka adhipaty nahin hua tha, aur vahan gurjar pratihar vnsh ka hi shasan qayam tha. jo ki is samay tak bahut nirbal ho chuka tha. kannauj ka adhipati chaluky raj someshvar ke sammukh nahin tik saka, aur usane bhagakar uttari parvaton ki sharan li.
  • chedi ke kalachuri raja karnadev (1063-1093) ne chaluky akraman ka muqabala karane men adhik sahas dikhaya, par use bhi someshvar ke sammukh parast hona pada. jis samay someshvar svayn uttari bharat ki vijay yatra men tatpar tha, usaka putr vikramadity poorvi bharat men ang, bng, magadh aur mithila ke pradeshon ki vijay kar raha tha.
  • vikramadity ne poorv men aur age badhakar kamaroop (asam) par bhi akraman kiya, par use jitane men use saphalata prapt nahin huee.
  • par yah dhyan men rakhana chahie ki someshvar aur vikramadity ki vijay yatraon ne kisi sthayi samrajy ki ninv nahin dali. ve andhi ki tarah sampoorn uttari bharat par chha ge, aur vahan tahas-nahas machakar andhi ki tarah hi dakshinapath laut ge.
  • in digvijayon ne keval desh men uthal-puthal, avyavastha aur arajakata hi utpann ki. koee sthayi parinam unaka nahin hua. usamen sandeh nahin ki someshvar ek mahanh vijeta tha, aur anek yuddhon men usane apane anupam shaury ka pradarshan kiya tha.

anirnayak yuddh

begi rajy ko lekar cholon tatha pashchimi chalukyon ke bich nirantar shatruta bani rahi. chaluky naresh someshvar pratham ke prabhav ko kam karane ke lie rajendr pratham ne apane putr rajadhiraj ko usake viruddh bheja donon ke bich anirnayak yuddh hua. raja dhiraj ne pashchimi chaluky ki shakti ko dabane ke lie apane putr rajendr dvitiy ko niyukt kiya. rajendr dvitiy ne is prastav ko asvikar kar diya. chol sena lagatar age badhati rahi tatha krishna nadi ke tat par pundar nagari ko dhvast kar usake nikat gunindidh nagar ko jala kar rakh kar diya. bhettagiri sthan par cholon ne apana ek vijay stambh nirmit karakar us par apana rajachinh sinh ankit karaya.

upadhi

isi yuddh ke bad rajadhiraj ne apana rajyabhishek karakar 'vijay rajendr' ki upadhi dharan ki. usane chakrakoot, bhalakoot, marasinh, madamardan, viramartand, rajanarayan, dharavarshipatan, sevanadisvavah adi upadhiyan dharan ki.

mrityu

1068 men usaki mrityu huee. jivan ke saman usaki mrityu bhi asadharan thi. ek rog se pidit hokar jab usane anubhav kiya, ki usake lie rog se chhutakara pana sambhav nahin hai, to tungabhadra nadi men chhalang marakar usane apane sharir ka ant kar liya. is prakar ki mrityu ke lie jis sahas ki avashyakata thi, vahi someshvar ke sampoorn jivan men usake yuddhon aur sngharshon men pragat hua tha.



panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah