पुलकेशी द्वितीय  हिन्दी देवनागरी में पढ़ें।

pulakeshi dvitiy, pulakeshi pratham ka pautr tatha chaluky vnsh ka chautha raja tha, jisane 609-642 ee. tak rajy kiya. vah maharajadhiraj harshavardhan ka samasamayik tatha pratidvandvi tha. usane 620 ee. men dakshin par harsh ka akraman viphal kar diya.

prasiddhi

vatapi ke chaluky vnsh men pulakeshi dvitiy sabase adhik shaktishali aur prasiddh hua hai. mngalesh aur pulakeshi ke grih-kalah ke avasar par chaluky vnsh ki shakti bahut hi kshin ho gee thi aur kirtivarma pratham dvara vijit anek pradesh phir se svatntr ho ge the. itana hi nahin, anek any rajaon ne bhi chaluky samrajy par akraman prarambh kar die the. is dasha men pulekashi dvitiy ne bahut dhirata aur shakti ka parichay diya. usane n keval vidrohi pradeshon ko phir se vijay kiya, apitu anek ne pradeshon ki bhi vijay ki.

abhilekhiy praman

abhilekhiy praman ke adhar pratit hota hai ki pallavnshi shasak narasinhavarman pratham ne pulakeshin dvitiy ko parast kar usaki rajadhani badami par adhikar kar liya. sambhavatah apani rajadhani ki suraksha karata hua hi pulakeshin dvitiy pallav senanayak dvara yuddh kshetr men hi mar diya gaya. is vijay ke bad hi narasinh varman 'vatapikond' ki upadhi dharan ki.

vibhinn vnshon se yuddh

  • rajasinhasan par aroodh hone ke bad pulakeshi dvitiy ne maisoor ke gng raja, uttar konkan ke maury raja aur malabar ke anoop raja ko parast kiya. latadesh (dakshini gujarat), malava aur gurjaron ne bhi pulakeshi dvitiy ke sammukh sir jhukaya aur is prakar uttar disha men bhi usane apani shakti ka vistar kiya. itana hi nahin, uttar-poorv ki or age badhakar usane dakshin kaushal aur kaling ko bhi parast kiya. dakshin disha men vijay yatra karate hue pulakeshi dvitiy ne vengi (krishna aur godavari nadiyon ke bich men sthit) ke raja ko jita, aur phir pallav vnsh ke raja ko buri tarah parast kar vah kanchi (kanjivaramh) ke samip tak pahunch gaya. kaveri nadi ko par kar is pratapi chaluky raja ne chol, pandy aur keral rajyon ko apani adhinata svikrit karane ke lie vivash kiya. in vijayon ke karan pulakeshi dvitiy vindhyachal ke dakshin ke sampoorn dakshini bharat ka adhipati ban gaya.
  • kannauj ka samrat harshavardhan, pulakeshi dvitiy ka samakalin tha. vah bhi uttari bharat men apane samrajy ki sthapana men tatpar tha. narmada nadi ke uttar ke sab pradesh usaki adhinata ko svikrit karate the. vastutah is samay bharat men do hi pradhan rajashaktiyan thin, uttar men harshavardhan aur dakshin men pulakeshi dvitiy.
  • yah svabhavik tha, ki unamen sngharsh hota. narmada nadi ke tat par dakshini aur uttari rajashaktiyon men ghor yuddh hua jisamen pulakeshi dvitiy, harshavardhan ko parast karane men saphal hua.
  • harshavardhan ke sath sngharsh men vijayi hokar pulakeshi sudoor dakshin ki vijay ke lie pravritt hua tha aur usane vengi aur kanchi ka parast karate hue chol, pandy aur keral rajyon ko bhi apane adhin kiya tha.
  • is yug ke any bharatiy rajaon ke saman pulakeshi dvitiy bhi kisi sthayi samrajy ki ninv dal sakane men asamarth raha. pallav adi shaktishali rajavnshon ke rajaon ko yuddh men parast kar unhen vah apana vashavarti banane men avashy saphal hua tha, par usane unaka moolochchhed nahin kiya tha. isilie jab pallavaraj narasinh varman pratham ne apane rajy ki shakti ko punah sngathit kiya, to vah n keval chaluky rajy ki adhinata se mukt ho gaya, apitu ek shaktishali sena ko sath lekar asane chalukyon ke rajy par bhi akraman kiya aur yuddh men pulakeshi ko marakar vatapi par adhikar kar liya. is yug ki rajanitik dasha ke spashtikaran ke lie is ghatana ka mahattv bahut adhik hai. jo pallav vnsh shuroo men chalukyon ke dvara buri tarah parast hua tha, ek naye mahattvakankshi raja ke netritv men vah itana adhik shaktishali ho gaya tha ki, usane chaluky rajy ko jad se hila diya tha. is kal men samrajyon ke nirman aur vinash samrat ke vaiyaktik shaury aur yogyata par hi ashrit the.

utkarsh kal

apane utkarsh kal men chaluky samrajy itana vistrit aur shaktishali tha, ki pulakeshi dvitiy ne eeran ke shah khusaroo dvitiy ke pas apane rajadoot bheje the. ye doot 652 ee. men eeran ge the. badale men khusaroo dvitiy ne bhi apane doot pulakeshi ki seva men bheje. ajanta ke ek chitr men ek eerani rajadoot ke agaman ko ankit bhi kiya gaya hai. pulakeshi ddhitiy ki kirti sudooravarti faras desh tak pahunch gayi thi. faras ke shah khusaro dvitiy ne 625-26 ee. men pulakeshi dvitiy ke dvara bheje gaye dootamndal se bhent ki thi. isake badale men usane bhi apana dootamndal pulakeshi dvitiy ki seva men bheja. ajnta ki gupha snkhya 1 men ek bhittichitr men faras ke dootamndal ko pulakeshi dvitiy ke sammukh apana parichay patr prastut karate hue dikhaya gaya hai. chini yatri hvenasang 641 ee. men usake rajy men aya tha aur usake rajy ka bhraman kiya tha. usane pulakeshi dvitiy ke shaury aur usake samnton ki svamibhakti ki prashnsa ki hai. kintu 642 ee. men is shaktishali raja ko pallav raja narasinh varman pratham ne ek yuddh men parajit kar mar dala. usane usaki rajadhani par bhi adhikar kar liya aur kuchh samay ke lie usake vnsh ka uchchhed kar diya.

upadhi

aihol prashasti ke anusar kirtivarman pratham ka putr pulakeshin dvitiy apane chacha mngalesh ki hatya kar sinhasan par baitha. usane 'satyashray', 'shri prithvi vallabh maharaj' ki upadhi dharan ki. usane apane sainy abhiyan ke antargat kadambon ki rajadhani banavasi par akraman kar vijayi hua. isake atirikt pulakeshin dvitiy ne gng rajy, konkan rajy, lat rajy, malava rajy evn gurjan rajy par vijay upadhi dharan ki.



panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah