धन सिंह थापा  हिन्दी देवनागरी में पढ़ें।

dhan sinh thapa
dhan sinh thapa
poora nam mejar dhan sinh thapa
janm 10 aprail, 1928
janm bhoomi shimala, himachal pradesh
mrityu 6 sitambar, 2005 (ayu- 77)
sena bharatiy thal sena
raink mejar, leftinent karnal
yoonit 1/8 gorakha raiphals
seva kal 1949-1975
yuddh bharat-chin yuddh (1962)
samman paramavir chakr
nagarikata bharatiy
any janakari mejar dhanasinh thapa shatru dvara bandi bana lie ge the. desh lautakar dubara sena men ane ke bad mejar thapa antat: leftinent karnal ke pad tak pahunche aur pad mukt hue. usake bad unhonne lakhanoo men sahara eyar lains ke nideshak ka pad snbhala.

mejar dhan sinh thapa (angrezi: Dhan Singh Thapa, janm: 10 aprail, 1928; mrityu: 6 sitambar, 2005) paramavir chakr se sammanit nepali mool ke bharatiy the. unhen yah samman san 1962 men mila. 1962 ke bharat-chin yuddh men jin char bharatiy bahaduron ko paramavir chakr pradan kiya gaya, unamen se keval ek vir us yuddh ko jhelakar jivit raha, us vir ka nam dhan sinh thapa tha jo 1/8 gorakha raiphals se, bataur mejar is ladaee men shamil hua tha. dhan sinh thapa bhale hi chin ki barbar sena ka samana karane ke bad bhi jivit rahe, lekin yuddh ke bad chin ke pas bandi ke roop men jo yatana unhonne jheli, usaki smriti bhar bhi tharathara dene vali hai. dhan sinh thapa is yuddh men pan gaung tso (jhil) ke tat par siri jap morche par tainat the, jahan unake parakram ne unhen paramavir chakr ke samman ka adhikari banaya.

jivan parichay

dhan sinh thapa ka janm 10 aprail, 1928 ko shimala men hua tha aur 28 aktoobar 1949 ko vah ek kamishnd adhikari ke roop men phauj men ae the. vah ek aise sainik adhikari ke roop men gine jate the, jo chupachap apane kam men laga rahata ho. anavashyak bolana ya badh-chadh kar ding marana, ya khud ko bahadur jatana unake svabhav men kabhi nahin tha. chin ne 1962 men jab bharat par akraman ki karyavahi ki, tab bharat is sthiti ke lie katee taiyar nahin tha. bharat ke rajanaitik nayak pndit javaharalal neharoo antararashtriy star par shanti ke doot mane jate the. unaki nazar men desh ke bhitar vikas ka rasta kholana jyada mahattvapoorn tha. unaki isi tarah unaka dhyan antararashtriy phalak par bharat ki chhavi vaisi hi prastut rakhane par tha, jaisi mahatma gandhi ya gautam buddh ke desh ki mani jati hai. is nate desh ki yojanaen krishi aur vikas ke lie udyogon par pahale kendrit thin aur raksha upakram tatha sena unaki najar men sabase oopar nahin thi. isi tarah chin ko bhi bharat ki rajanaitik nazar bas utana aur vaisa hi samajh rahi thi, jaisa chin khud ko pesh kar raha tha. lekin sach to yah tha. bharat ki shanti ki niti ka pakshadhar hote hue bhi usaki vistaravadi kutil niti bhi sath men lagoo thi. tibbat ko kabje men lena usake is chhadm vyavahar ko darshata tha. lekin bharat is or se ek se, bekhabar tha. isalie bharat ki sena n to yuddh ke lie taiyar thi, aur n use is bat ki koee khabar thi ki chin ki senaen bharat ki sima ke bhitar n sirph ghus chuki hain, balki apani chaukiyan aur bnkar bhi bana chuki hain.

bharat-chin yuddh (1962)

chin ki sainy shakti men anaginat yoddha to the hi, vah poori tarah prashikshit tatha chust-mustaid bhi the. unake pas hathiyaron aur gola barood ka akoot bhandar tha. unaki snchar vyavastha ekadam thik-thak thi aur sabase badi bat, unhen is bat ka pata tha ki bharat is yuddh ke lie to taiyari se lais hai, n hi usake rajanayakon ki yuddh jaisi manahsthiti hai. chin ke lie itana hi kafi tha. in paristhitiyon men 8 gorakha raiphals ki 1st bataliyan ki di kampani ko siri jap par chauki banane ka hukum diya gaya. us kampani ki kaman mejar dhan sinh thapa snbhal rahe the. panagaung tso jhil ke kinare siri jap 1 par thapa ko chauki banani thi, jab ki chini laddakh men bahut men bahut sari chaukiyan pahale se bana chuke the. siri jap ka yah ilaqa qarib 48 varg kilomitar tak phaila hua tha. choonki chhoti-chhoti chaukiyan banana tay hua tha, isalie thapa ki di kampani ko keval 28 log die ge the. is kam ke lie thapa ke bad doosare star ke adhikari soobedar guthng unake sath the. isake alava, sthiti yah thi ki us chauki ke tin taraph chini sainikon ne phataphat apani chaukiyan bana kar khadi kar li thin.

19 aktoobar 1962 ko thapa ki tukadi ne dekha ki siri jap ke as-pas chini sainikon ka beshumar jamavada ho raha hai. unake pas bhari matra men hathiyar v bandooken hain aur tay hai ki kuchh badi karyavahi ki yojana unaki taraph chal rahi hai. aisa hi kuchh nazara dhola ke samane, poorvi chhor par bhi dekha gaya. yah dutarapha hamale ki sambhavana ka snket tha. ise samajhakar thapa ne apane sainikon ko turnt aur jaldi gahari khaiyan khodane ka adesh diya, lekin yah kam behad kathin tha. jamin barph ki sakht satah se dhaki huee thi. is par kampani kamandar ne yah adesh bhi diya ki ret ki boriyon aur rashan ki boriyon tak se bnkar bana lie jaen, jo bachav ke lie divar ka kam karen.

ashnka ko sach karate hue, chin ki phaujon ne 20 aktoobar 1962 ko subah sadhe char baje hamala kar diya. unake pas mortar ke sath-sath lagatar goliyan chalane ki bhi vyavastha thi. dhaee ghnte tak yah kram chalata raha jisaka phayada utha chini sainik qarib dedh sau gaj bhitar tak a ge. jab golabari thami tab bharatiy phaujon ne qarib chhah sau sainikon ka hallabol suna jo chauki par hamala karane ke lie badhe chale a rahe the. darasal isi sthiti ka bharatiy gorakha sainik intajar kar rahe the. ab chini sainik bharatiy gorakha tukadi ki mashinagan ki mar ke andar the. us tak ate hi thapa ke sipahi apani mashinagan aur raiphals se dushman ki sena par toot pade jisase bahut se chini sainik hatahat hue aur kee ghayal ho ge. is tarah bharat ke bahaduron ne chini phaujiyon ko chauki se sau gaj ke phasale par ruk jane ke lie majaboor kar diya. chini sainikon ki or se goliyon ki bauchhar aur mortar dage jane se mejar dhanasinh thapa ki di tukadi ka nukasan hona hi tha. usake bhi bahut se sainik mare ge ya ghayal ho ge the. sekshan kamandar nayak krishna bahadur thapa ne sainikon ke hatahat hote jane par khud lait mashinagan snbhal kar goliyan barasani shuroo ki thin. unhonne bhi bahut se dushmanon ko maut ki nind sulakar svayn viragati prapt ki thi. is dauran unaki snchar vyavastha bhi nakam ho gee thi isalie bharatiy sena apani bataliyan se snvad sthapit karane men bhi asamarth thi.

is kathin paristhiti men soobedar min bahadur guroong aur mejar dhanasinh thapa apani rananiti ke anusar tukadi ko utsahit bhi kar rahe the aur niyojit bhi. chin ke sath phaujiyon ki nee tukadi a gee thi vah taja dam sainik aur bhi jyada josh men the. aise men chini sainik rengate hue chauki ke 50 gaj tak pas badh ae the, jab ki donon taraph se unaki tukadiyan goliyan barasa kar unake badhane ka rasta bana rahi thin. dushman ke pas agnivarshak bam bhi the, jinhen phenk kar vah ag aur dhuen ka kavaj bana rahe the. isake bavajood, gorakhon ne is sthiti ki chunauti ko svikar kiya aur apani chhoti doori vale hathiyaron se unaka javab dena shuroo kiya. achanak soobedar gurung apane hi ek bnkar ke dhah jane par usake niche dab ge. unake hath men us samay lait mashinagan thi, jisase vah goliyan barasa rahe the. unhonne kisi tarah sngharsh karake khud ko bnkar ke niche se bahar nikala aur phir lagatar goliyan barasane lage. isase chini sainikon ko bhari nukasan hua, jo bhi guroong ke nishane par aya, vah dharashayi ho gaya lekin tabhi vah khud aghat ka shikar hue aur unhonne viragati paee. ab mejar dhanasinh thapa us chauki par date hue the aur unake sath 34 men se keval 7 javan bache the. is bich dushman haivi mashinagan, bajooka ke sath 4 aise yan le aya tha, jo pani aur jamin donon par chalakar mar karate the. aise yanon par do-do haivi mashinagan lagi huee thin. bharat ki snchar vyavastha pahale hi toot chuki thi. dhanasinh thapa ki chauki bhari dabav men a gee thi. is bich bataliyan tak snvad lekar nayak ravilal ko ek chhoti nav men bheja gaya kyonki snvad ka aur koee tarika nahin tha. bataliyan se tokung ke raste do naven sahayata lekar a rahi thin. donon navon par chini sainikon ne nishana sadh liya. ek nav unaki goli khakar vahin doob gee. usake sath sabhi sainik doob ge. doosari nav, jisamen nayak ravilal svayn tha, vah kisi tarah bach pane men saphal ho gee lekin mejar dhanasinh thapa tak sahayata nahin pahunch paee.

shatru dvara bndi

ab mejar dhanasinh thapa ke pas sirph tin sainik rah ge, baki char hatahat ho ge. unaka yah hal mejar dhanasinh thapa ke bnkar par agni bam girane se hua. isake sath hi chini phauj ne us chauki aur bnkar par kabja kar liya aur mejar dhanasinh thapa shatru dvara bandi bana lie ge. usake bad chin ki phaujon ne tisara hamala taink ke sath kiya. is bich nav lekar bach nikala nayak ravilal phir bataliyan men pahuncha aur usane siri jap chauki ke parajit hone, tatha sare sainikon aur mejar dhanasinh thapa ke mare jane ki khabar vahan adhikariyon ko di. usane bataya ki vahan sabhi sainik aur mejar thapa bahaduri se, apani akhiri sans tak lade. bataliyan nayak dvara di gee is khabar ko sach man rahi thi, jab ki sach yah nahin tha. mejar thapa apane tin sainikon ke sath bndi bana lie ge the. lekin bhagy ko abhi bhi naya kuchh dikhana tha. pakade ge thapa sahit tin bandiyon men se raiphal main tulasi ram thapa, chini sainikon ki pakad se bhag nikalane men saphal ho gaya. vah char dinon tak apani soojh-boojh se chini phaujon ko chakama deta raha aur kisi tarah bhag kar chhipata hua apani bataliyan tak pahunch paya. tab usane mejar dhanasinh thapa tatha do any sainikon ke chin ke yuddhabandi ho jane ki soochana di, lekin tab tak bahut der ho chuki thi. mejar thapa lambe samay tak chin ke pas yuddhabandi ke roop men yatana jhelate rahe. chini prashasak unase bharatiy sena ke bhed ugalavane ki bharapoor koshish karate rahe. vah unhen had darje ki yatana dekar todana chahate the, lekin yah sambhav nahin hua. mejar dhanasinh thapa n to yatana se darane vale vyakti the, n pralobhan se.

desh lautakar sena men ane ke bad mejar thapa antat: lephtinent karnal ke pad tak pahunche aur pad mukt hue. usake bad unhonne lakhanoo men sahara eyar lains ke nideshak ka pad snbhala.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • pustak- paramavir chakr vijeta | lekhak- ashok gupta | prishth snkhya- 56

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah