रामास्वामी परमेस्वरन  हिन्दी देवनागरी में पढ़ें।

ramasvami paramesvaran
mejar ramasvami paramesvaran
poora nam mejar ramasvami paramesvaran
janm 13 sitambar, 1946
janm bhoomi bambee (ab mumbee), maharashtr
shahadat 25 navambar, 1987
sthan shrilnka
sena bharatiy thal sena
raink mejar
yoonit 8 mahar rejiment
seva kal 1972-1987
yuddh shrilnkaee grihayuddh
samman paramavir chakr (1987)
nagarikata bharatiy
any janakari sanh 1987 se 1990 tak shrilnka men vishv star par shanti banae rakhane ke lie 'aaupareshan pavan' mishan chala, jisamen bharatiy sena ke vir mejar ramasvami paramesvaranh ne shanti virodhi tatvon ke hathon apane pran gnvae.

mejar ramasvami paramesvaran (angrezi: Major Ramaswamy Parameshwaran, janm: 13 sitambar, 1946; shahadat: 25 navambar, 1987) paramavir chakr se sammanit bharatiy the. unhen yah samman san 1987 men maranoparant mila. bharat ki senaon ne hamesha yuddh ke lie hathiyar nahin uthae balki aisa bhi mauka aya, jab usaki bhoomika vishv star par shanti banae rakhane ki rahi. shrilnka men aise hi udaharan ke sath bharat ka nam juda hua hai. vistrit itihas ke bich ek prasng 'aaupareshan pavan' ka hai, jo 1987 se 1990 tak shrilnka men chala, jisamen bharatiy sena ke vir mejar ramasvami paramesvaranh ne shanti virodhi tatvon ke hathon apane pran gnvae aur isake lie unhen bharat sarakar dvara paramavir chakr pradan kiya gaya.

jivan parichay

mejar ramasvami paramesvaranh ka janm 13 sitambar 1946 men bambee men hua tha. sena men kamishnd adhikari ke roop men vah mahar rejiment men 16 janavari, 1972 ko ae the. unhonne mijoram tatha tripura men yuddh men bhag liya tha. vah apane svabhav men anushasan tatha sahanashilata ke karan bahut lokapriy adhikari the aur unhen unake sathi 'peri sahab' kaha karate the.

tamil eelam ki mang

shrilnka men shanti bhng ki samasya ki jad men vahan ke nivasi singhali tatha tamilon ke bich ka dvandv hai. tamil log vahan par alpasnkhyakon ke roop men base hain. ankade batate hain ki tamil shrilnka ki kul abadi ka keval 18 pratishat hissa hain aur shrilnka ki singhali bahul sarakar ki or se tamilon ke hiton ki anadekhi hoti rahi hai. isase tamilon men asntosh ki bhavana itani bharati gee ki usane vidrah ka roop le liya aur vah svatntr rajy tamil eelam ki mang ke sath ugr ho gaya. spasht hai ki shrilnka is prakar ki ugr tatha vighatanakari bhavana ka daman karati. is daman chakr ka parinam yah hua ki shrilnka se tamil nagarik bataur sharanarthi bharat ke tamilanadu men bhagakar ane lage. yah sthiti bharat ke lie anukool nahin thi. aise men 29 julaee, 1987 ko bharat aur shrilnka ke bich ek anubndh hua, jisamen shrilnka ke kee tamil pratinidhi bhi sath lie ge. is anubndh ke anusar bharat ki indiyan pis kiping phors (IPKF) ka shrilnka jana tay hua jahan vah tamil ugravadiyon ka samana karate hue vahan shanti banane ka kam karen taki shrilnka se bharat ki or sharanarthiyon ka ana ruk jae.

taigars aauf tamil eelam (LTTE)

is IPKF arthath bharatiy shanti sena ne sabhi ugravadiyon se hathiyar dalane ka davab vanaya, jisamen vah kafi had tak saphal bhi huee lekin tamil eelam ka ugravadi sngathan LTTE arthath taigars aauph tamil eelam is kam men kutilata barat gaya. usane poori tarah se hathiyar n dal kar apani niti badal li aur unhonne atmaghati daston ka gathan karake gorilla yuddh shilp apana liya. 5 aktoobar, 1987 ko taigars ki or se aisa hi krity dekhane ko mila. aisi sthiti men bharat ki shanti sena ki bhoomika badal gee. khud ko taigars ke hamale se bachane ke lie unhen bhi satark yoddha ka tariqa apanana pada aur vahan bhi yuddh jaisi sthiti ane se bach nahin paee.

aaupareshan pavan

isi shanti sena ki bhoomika men 8 mahar bataliyan se mejar ramasvami paramesvaranh shrilnka pahunche the. unake sath 91 inphentari briged tatha 54 inphentari divijan tha aur unake is lakshy ka nam 'aaupareshan pavan' diya gaya tha. yah grup 30 julaee, 1987 ko hi, yani anubndh hone ke agale hi din shrilnka pahuncha tha aur jafana peninasula men tainat hua tha vahan pahunchate hi inhen kee morchon par taigars ka samana karana pada tha, jinamen maruthanamadas, tatha kntarodaee pramukh kahe ja sakate hain. 24 navambar, 1987 ko is bataliyan ko, jisaki aguvaee mejar ramasvami kar rahe the, soochana mili ki kntarotaee ke ek ganv men shastr tatha golabarood ka ek jakhira kisi ghar men utara gaya hai. soochana milate hi kaiptan di. ar. sharma ke sath 20 sainikon ka ek dal is soochana ki satyata aur usase jude tathy pata karane ravana kar diya gaya. is gasti dal par, us sndigdh ghar ke pas ek mandir ke parisar se goli barasaee gee jisase is dal ko bhi goliyan chalani padin. us samay bharat ki bataliyan udoovil men thi. vahan is dal ne soochana bheji ki sndigy makan men taigars ka adda hai aur vahan inaki ginati hamare anuman se kahin jyada hai. is soochana ke adhar par mejar ramasvami tatha 'si' kampani ke kamandar ne yah tay kiya ki is sthiti ka mukabala niyojit dhng se kiya jana chahie. unhonne majaboor gashti dal ke sath-sath sadhe 8 baje kaiptan sharma ke dal ke sath milane ke lie kooch kiya taki us sndigdh makan par karyavahi ki ja sake. mejar ramasvami ka poora dal us makan ke pas rat ko dedh baje 25 navambar 1987 ko pahunch gaya. vahan koee halachal unhen najar nahin aee, sivay isake ki ek khali trak ghar ke pas khada hua tha. mejar ramasvami ke dal ne us makan ki ghera bandi kar li aur tay kiya ki savere raushani ki pahali kiran ke sath hi vahan talashi abhiyan shuroo kar diya jaega.

subah panch baje talashi ka kam shuroo hua lekin vahan kuchh bhi nahin mila. akhir ve log vapas chal pade. tabhi mandir ke bagiche se golabari shuroo ho gee. is dal ne bhi javabi karyavahi ki. dushman ki achanak golabari se is dal ka ek javan mara gaya tha aur ek ghayal ho gaya tha. is par mejar ramasvami tatha kaiptan sharma ne apani rananiti tay ki aur usake hisab se karyavahi shuroo ki. is dauran mandir ki bagiya aur vahan nariyal ke jhuramuton ke bich se dushman golabari kar raha tha. isi ka samana karate hue jab mejar ramasvami nariyal ke bag ke samane pahunche to unaka samana ugravadi taigars se ho gaya aur sthiti amane-samane ki muthabhed ki ban gee. tabhi achanak ek ugravadi ki raiphal se chhoot kar ek goli sidhe mejar ramasvami paramesvaranh ki chhati par lagi. yah ek pranaghati hamala tha lekin ramasvami ne isaki paravah kie bagair us ugravadi se jhapat kar usaki raiphal chhini aur usi dushman ka kam tamam kar diya. chhati par goli lagane se mejar ramasvami paramesvaranh nidhal ho ge the, tab bhi vah sahas poorn netritv kshamata dikhate hue apane dal ko nirdesh dete rahe unake dal ne phurti se dushman ko gher liya tha aur dushman bhi samajh gaya tha ki ab vah akramak rukh nahin apanae rah sakata. usane turnt paintara badal aur jngal ki taraph bhagane ke lie rukh kiya, phir bhi bharat ke, javanon ne inamen se chhah ugravadi tamil eelamon ko mar giraya tatha unase tin e. ke. 47 raiphals tatha do raauket lanchars hathiya lie jinamen bam bhi lage hue the. is tarah se viratapoorvak mejar ramasvami paramesvaranh shrilnka ke 'aaupareshan pavan' men shahid ho ge aur unhonne bharat sarakar ka yuddh men diya jane vala sarvashreshth samman paramavir chakr prapt kiya. 25 navambar, 1987 ko 46 varsh ki ayu men parakrami ramasvami viragati ko prapt hue lekin unhonne desh ke hit men ek adarsh sthapit kiya.



panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • pustak- paramavir chakr vijeta | lekhak- ashok gupta | prishth snkhya- 116

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah