संस्कृति के लक्षण  हिन्दी देवनागरी में पढ़ें।

bharatiy snskriti vishv ki sarvadhik prachin evn samriddh snskriti hai. any deshon ki snskritiyan to samay ki dhara ke sath-sath nasht hoti rahi hain, kintu bharat ki snskriti adi kal se hi apane paramparagat astitv ke sath ajar-amar bani huee hai. isaki udarata tatha samanyavadi gunon ne any snskritiyon ko samahit to kiya hai, kintu apane astitv ke mool ko surakshit rakha hai. tabhi to pashchaty vidvan apane desh ki snskriti ko samajhane hetu bharatiy snskriti ko pahale samajhane ka paramarsh dete hain.

snskriti ke lakshan athava visheshataen

snskriti ke pramukh lakshan ya visheshataen nimnalikhit hain-

sikha hua vyavahar-

vyakti samaj men rahakar janm se mrityu tak kuchh n kuchh sikhata hi rahata hai aur anubhav prapt karata rahata hai, jo age chalakar snskriti ka roop dharan kar leta hai. snskriti kisi ek ki n hokar, samooh ki hua karati hai. at: samooh ke sikhe hue vyavaharon ko hi snskriti kaha jata hai.

hastantaranashilata-

snskriti sikha hua vyavahar hai, jo anek pidhiyon tak hastantarit hota rahata hai. manushy ek bauddhik prani hai, at: vah apane gyan ke adhar par apane sikhe hue vyavahar ko ane vali pidhi ko hastantarit kar deta hai aur is hastantaran ka adhar us samooh ki bhasha aur us samooh ke dvara svikriti prapt pratik ya chihn hote hain, jo ki atyant hi pavitr samajhe jate hain, aur in pratikon ke prati samooh ki gahari shraddha hoti hai. hastantaranashilata ke karan hi snskriti hazaron-lakhon varshon ke bad bhi nasht nahin hoti hai.

samajikata-

vyakti ke dvara snskriti ka nirman hota hai aur har vyakti men snskriti ke gun paye jate hain. pratyek vyakti snskriti ke sambandh men prayatnashil rahata hai, kintu snskriti vyaktigat nahin hoti, vah samajik hoti hai. kisi vyakti vishesh ke gunon ko snskriti nahin kaha ja sakata hai. snskriti samajik gunon ka nam hai. snskriti men sabhi samajik gunon ka samavesh hota hai, jaise - dharm, pratha, parampara, riti-rivaj, rahan-sahan, qanoon, sahity, bhasha adi.

adarshatmak-

snskriti samooh ke sadasyon ke vyavaharon ka adarsh roop hoti hai aur pratyek sadasy use adarsh manata hai. snskriti men samajik vichar, vyavahar, pratiman evn adarsh praroop hote hain aur inhin ke anusar kary karana shreshth samajha jata hai. pratyek samaj apani snskriti ko doosare samajon ki snskriti se shreshth manata hai. is shreshthata ka adhar usaki snskriti ke adarsh pratiroop hi hain.

avashyakataon ki poorti-

avashyakata avishkar ki janani hai, aur inhin avashyakataon ki poorti ke lie jo sadhan ya upakaran apanae jate hain, kalantar men ve hi snskriti ka roop dharan kar lete hain. anek avashyakataen aisi hoti hain, jinaki poorti any sadhanon se n hokar snskriti ke madhyam se hoti hai. samajik aur pranishastriy donon prakar ki avashyakataon ki poorti satat snskriti dvara hoti hai.

anukoolan ki kshamata-

samaj parivartanashil hai aur isake sath hi sath snskriti bhi parivartit hoti rahati hai. in parivartanon ke bich pratyek snskriti ko apane paryavaran se anukoolan karana padata hai. isake sath hi, samay ki mang ke anusar bhi snskriti ko parivartit hona padata hai. yah parivartan satat chalata rahata hai.

ekikaran ki kshamata-

snskriti ke vibhinn ang milakar ek samagrata ka nirman karate hain. snskriti ke ye pratiman sthir aur dridh hote hain. pratyek snskriti apane avayavon ko ekasootr men bandhe rahati hai, aur sath hi doosari snskriti ke tattvon ko bhi atmasat karati rahati hai. choonki snskriti ke tattv ekikrit rahate hain, at: inamen shighr parivartan nahin ho pata hai.

prithakata ya bhinnta-

snskriti ka nirman desh, kal aur paristhiti ke madhy hota hai. pratyek desh ke vyaktiyon ki avashyakataen bhinn-bhinn hoti hain. at: in avashyakataon ki poorti ke lie upakaran bhi bhinn-bhinn hote hain. choonki vibhinn deshon ke nivasiyon ki avashyakataen alag-alag hoti hain, at: achar-vichar aur vyavahar bhi alag-alag hote hain. isilie ek desh ki snskriti doosare desh ki snskriti se bhinn ya prithakh hoti hai.

adhi vaiyaktik tatha adhi savayavi-

snskriti ek vyakti ke vyavahar ka parinam hoti hai. isilie aisa kaha jata hai ki snskriti vyakti ki shakti ke oopar hoti hai. yah samoohik vyavahar ek pidhi se doosari pidhi tak hastantarit hota hai. snskriti dvara vyakti ke achar-vichar, rahan-sahan, veshabhoosha prabhavit hote hain, jabaki akela vyakti snskriti ke pratimanon ko badal nahin sakata hai. isilie aisa mana jata hai ki snskriti adhi vaiyaktik hoti hai.



panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah