भारतीय संस्कृति की विविधता  हिन्दी देवनागरी में पढ़ें।

bhaugolik drishti se bharat vividhataon ka desh hai, phir bhi sanskritik roop se ek ikaee ke roop men isaka astitv prachinakal se bana hua hai. is vishal desh men uttar ka parvatiy bhoo - bhag, jisaki sima poorv men brahmaputr aur pashchim men sindhu nadiyon tak vistrit hai. isake sath hi gnga, yamuna, sataluj ki upajaoo krishi bhoomi, vindhy aur dakshin ka vanon se achchhadit pathari bhoo - bhag, pashchim men thar ka registan, dakshin ka tatiy pradesh tatha poorv men asam aur meghalay ka ativrishti ka suramy kshetr sammilit hai. is bhaugolik vibhinnata ke atirikt is desh men arthik aur samajik bhinnata bhi paryapt roop se vidyaman hai. vastut: in bhinnataon ke karan hi bharat men anek sanskritik upadharaen vikasit hokar pallavit aur pushpit huee hain. bharatiy snskriti ki vividhata darshane vale tattv nimnalikhit hain -

bhaugolik vividhata

bhaugolik drishti se bharat men vividhata darshit hoti hai. bharat ki is bhaugolik vividhata ke sambandh men daau. rajendr prasad ne apane bhashan men spasht kaha hai ki -

‘yadi koee videshi, jise bharatiy paristhitiyon ka gyan nahin hai, sare desh ki yatra kare to, vah vahan ki bhinnataon ko dekhakar yahi samajhega ki, yah ek desh nahin, balki chhote-chhote deshon ka samooh hai aur ye desh ek-doosare se atyadhik bhinn hai. jitani adhik prakritik bhinnataen yahan hain, utani anyatr kahin par nahin hain. desh ke ek chhor par use him mndit himalay dikhaee dega aur dakshin ki or badhane par gnga, yamuna evn brahmaputr ki ghatiyan, phir vindhy, aravali, satapuda tatha nilagiri parvatashreniyon ka pathar. is prakar agar vah pashchim se poorv ki or jayega to use vaisi hi vividhata aur vibhinnata milegi. use vibhinn prakar ki jalavayu milegi. himalay ki atyadhik thand, maidanon ki grishmakal ki atyadhik garmi milegi. ek taraf asam ka samavarsha vala pradesh hai, to doosari or jaisalamer ka sookha kshetr, jahan bahut kam varsha hoti hai. is prakar bhaugolik drishti se bharat men sarvatr vividhata dikhaee padati hai.’

rajanitik vividhata

aitihasik adhyayan se gyat hota hai ki maury, gupt tatha angrezon ke shasanakal ko yadi chhod diya jae to bharat kabhi sngathit nahin raha, balki bharat ke vibhinn bhagon par ek hi samay men kee nareshon ne shasan kiya, udaharanarth - agar uttar bharat par harshavardhan ka shasan tha, to usi samay bngal men pal vnshiy shasakon ka tatha dakshin men chalukyon ka shasan tha. at: kaha ja sakata hai ki yahan rajanitik ekata ka abhav raha hai.

sanskritik vividhata

bharat ke anek kshetron men sanskritik vividhata dikhaee padati hai. yahan vibhinn kshetron ke vyaktiyon men sanskritik bhinnata milati hai. logon ka sharirik gathan, khan-pan, rahan-sahan, vesh-bhoosha, yahan tak ki manasikata bhi alag-alag prakar ki hai. udaharanarth - uttar bharat men anek jagah yatha - dilli, mumbee, kolakata adi men sabhy, shikshit evn shisht log milate hain, to asam tatha nagalaind men apekshakrit kuchh kam susnskrit evn shisht log milate hain.

dharmik vividhata

bharat ke vibhinn bhagon men alag-alag dharm yatha - hindoo, muslim, sikkh, eesaee, bauddh, parasi tatha jain dharm ke anuyayi rahate hain. pratyek dharm bhi kee maton men bnta hua hai, udaharanarth - hindoo dharm jise bharat ka sarvadhik prachin dharm mana jata hai, vaishnav, shaiv, sanatan, ary samaj, ram bhakt, krishn bhakt, kabir panthi, nath panthi adi maton men vibhajit hai. at: vibhinn dharm tatha maton ke anuyayiyon men dharmik vividhata dikhaee deti hai.

bhasha ki vividhata

bharat ke vibhinn pranton men anek bhashaen astitv men hain, jo bhinn-bhinn pranton ko paraspar alag sa kar deti hain. saiman kamishan ki riport ke anusar, yahan vyavahar men laee jane vali bhashaon ki snkhya lagabhag 222 hai. isake atirikt bharat ke vibhinn bhagon men lagabhag 545 bhashaen vyavahar men laee jati hain. in vibhinn bhashaon ke karan bharat men vividhata darshit hoti hai. vartaman men bharat ke snvidhan dvara 22 bhashaon ko manyata pradan ki gee hai. ye bhashaen hain - hindi, bangla, pnjabi, gujarati, marathi, udiya, urdoo, sindhi, asamiya, kashmiri, tamil, telugu, kannad, malayalam, konkani, manipuri, nepali, snskrit, dogari, snthali, bodon v maithili. kuchh any bhashaon ko bhi is soochi men sammilit karane ki mang ki ja rahi hai.

arthik vividhata

bharat men arthik drishti se bhi vividhata vyapt hai. yahan dhan ka asaman vitaran hai. ek taraf aisa varg hai, jo athak parishram ke pashchath do vakt ki roti layaq paisa nahin kama pata hai, vahin doosari taraf aisa bhi varg hai, jisaki arthik sthiti itani sudridh tatha ay itani adhik hai ki is varg ke vyaktiyon ki ganana vishv ke dhanadhy vyaktiyon men ki jati hai.

nishkarsh

at: uparyukt varnan ke adhar par kaha ja sakata hai ki bharat men vividhata vyapt hai. isake pichhe anek vidvanh tark dete hain ki aisa isilie hai, kyonki bharat ek rashtr n hokar afrika ki tarah bhaugolik ikaee hai, jahan anek chhote-bade rajy hain, jinamen kee kshetron men paraspar bhinnata hai.  


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah