अण्णा हज़ारे  हिन्दी देवनागरी में पढ़ें।

anna hazare
Anna-hazare166.jpg
poora nam kisan bapat baboorav hazare
any nam anna hazare/anna hazare
janm 15 joon, 1937
janm bhoomi ahamadanagar ke bhingar qasbe men, maharashtr
nagarikata bharatiy
prasiddhi 1998 aur 2005 men tatkalin sarakar ke kuchh netaon par bhrashtachar ke arop lagakar unhen giraphtar karane ke lie avaz uthaee thi.
pad gandhivadi samajasevak
bhasha hindi, angrezi
shiksha munbee men satavin tak padhaee ki.
puraskar-upadhi 1990 men padmashri se aur 1992 men padm bhooshan se, 1986 men indira priyadarshini vrikshamitr puraskar, 1989 men maharashtr sarakar ka krishi bhooshan puraskar, 1986 men vishv baink ka 'jit gil smarak puraskar'
bahari kadiyan adhikarik vebasait
adyatan‎ 12:06, 9 apral 2011 (IST)

anna hazare / anna hazare (angrezi: Anna Hazare, janm- 15 joon, 1938, ahamadanagar) gandhivadi vicharadhara par chalane vale ek samaj sevak hain, jo kisi rajanitik parti ki jagah svatntr rup se kam karate hain. bhrashtachar ke khilaf andolan men am adami ko jodane vale samajik karyakarta anh‍na hazare ka vash‍tavik nam kisan bapat baboorav hazare hai tatha pyar se log inhen anna kahate hain. anna hajare bharat ke un chnd netaon men se ek hai jo hamesha saphed khadi ke kapade pahanate hain aur sir par gandhi topi pahanate hain.

jivan parichay

15 joon, 1938 ko maharashtr ke ahamadanagar zile ke bhinagari qasbe men janme anna hazare ka bachapan bahut garibi aur abhavon men guzara. unake pita ayurved ashram men ek sadharan mazadoor the, dada fauj men the. dada ki posting bhinganagar men thi. pita ka nam baboorav hajare aur man ka nam lakshmibaee hajare hai. anna ka pushh‍taini ganv ahamadanagar zile men sthit ralegan siddhi men tha. dada ki maut ke sat sal bad anna ka parivar ralegan a gaya. unake parivar ki garibi aur tngi dekhakar anna hazare ki bua unhen apane sath munbee le geen. kuchh samay bad unaka parivar bhi bhingar se unake purakhon ke ganv ralegan siddhi chala aya tha. unake alava unake parivar men unake chhah aur bhaee the. munbee men bua ke sath rahate hue unhonne satavin tak padhaee ki. arthik abhav ki vajah se vah age ki padhaee nahin kar pae par desh ki vyavastha men vyapt gndagiyon ka achchha adhyayan kar liya. parivar ki arthik sthiti dekhakar vah dadar steshan ke bahar ek phool bechanevale ki dukan men 40 rupaye ki pagar par kam karana prarambh kiya. isake bad unhonne phoolon ki apani dukan khol li aur apane do bhaiyon ko bhi ralegan se bula liya.[1]

sena men bharti

1962 men indo-chaina yuddh ke bad jab kee sainik shahid ho ge the, tab bharat sarakar dvara yuvaon se sena men shamil hone ka agrah kiya. to anna bhi sath ke dashak 1963 men apane dada ki tarah fauj men bharti ho gaye. unaki pahali posting maratha rejiment men bataur draivar pnjab men huee. 12 navnbar 1965 ke bharat - pak yuddh bhi unhonne khemakaran sektar par lada tha. hamale men unaki yoonit ke sabhi sathi shahid ho ge aur ek goli hajare ke sir ke pas se bhi gujari, lekin ve bach ge. jis trak ko anna chala rahe the, us par golabari huee thi. is pakistani hamale men vah maut ko dhata bata kar bal-bal bache the. apane sathiyon ki maut se dukhi anna ne apana jivan samaj ke hit men lagane ka snkalp le liya. yahin se unaka jivan parivartan ka samay shuroo hua. sena men apane 15 varsho ke karyakal ke dauran hajare ne sikkim, bhootan, jammoo-kashmir, asam, mijoram, leh aur laddakh jaise kee kshetron men tainat rahakar desh ki seva ki.

parivartit samajik drishtikon aur adarsh ganv

is ghatana ke 13 sal bad sena se ritayar hue lekin apane paitrik ganv maharashtr ke ahamadanagar men bhinagari ganv nahin ge. pas ke ralegan siddhi men rahane lage. manav astitv ke bare men sochakar hajare kafi nirash ho ge aur ek samay aisa aya jab unaki hatasha charam par pahunch gee. unake dimag men atmahatya tak ka vichar a gaya. magar, bhagy se jab nee dilli relave steshan ke ek buk staaul par unaki najar svami vivekannd ki likhi ek pustak par padi. unhonne us pustak ko tatkal kharid liya. svami vivekannd ki tasvir ne unhen kafi prabhavit kiya aur pustak ke adhyayan ke bad unhen apane sabhi savalon ka javab mil gaya. pustak ne unhen bataya ki manav jivan ka param uddeshy manavata ki seva hai aur yah paramatma ki bhakti se kam nahin hai. unhonne gandhiji aur vinoba ko bhi padha aur unake vicharon ko apane jivan men dhal liya. parivarik dayitvon ko dekhate hue unhonne 1970 men 26 varsh ki ayu men ajivan avivahit rahane ka snkalp kiya.

sena se ritayarament

munbee posting ke dauran vah apane ganv ralegan ate-jate rahe. jammoo posting ke dauran 15 sal fauj men poore hone par 1975 men unhonne fauj ki naukari se svaichchhik avakash (V.R.S.) le lekar apane parivarik ganv ralegan siddhi laute to ganv men logon ki sharabakhori aur ganv ki badahali se kafi ahat hue. logon ko sudharane ke bahut jatan kie. usake bad unhonne ganv ki tasvir hi badal dali aur sath hi anna bhrashtrachar ke khilaf andolan men kood pade.

samaj sudharak kary - adarsh ganv

anna hazare

anna hazare ka vichar hai ki bharat ki asali takat ganvon men hai aur isilie unhonne ganvon men vikas ki lahar lane ke lie morcha khola. anna hazare ne sena se ritayarament ke turnt bad 1975 se sookha prabhavit raleganv siddhi men kam shuroo kiya. is ganv men bijali aur pani ki jabaradast kami thi. is ganv men garibi apane charam par thi. ganv men sharab adi ka avaidh vyapar hota tha. is ganv men maujood ikalauta daim bhi toot chuka tha. logon ka jivan kathin tha. jahan ausatan salana varsha 400 se 500 mi. mi. hi hoti thi, ganv men jal snchay ke lie koee talab nahin the. unaka ganv pani ke tainkaron aur padosi ganvon se mile khadyann par nirbhar rahata tha. anna ne logon ko samajhaya. unaka sahayog liya aur chhoti-chhoti naharon dvara pas ki pahadi se pani lakar sichaee ki achchhi vyavastha ki. anna ne ganv valon ko gaddhe khodakar barish ka pani ikattha karane ke lie prerit kiya aur khud bhi isamen yogadan diya. hajare ne ganv ke logon se apil ki ki ve samoohik roop se milakar daim ka pun: nirman karen. logon ne milakar daim ko dobara banaya aur sat ne kuen khodakar ganv ke logon ne pahali bar isamen pani bhara. isake bad se vartaman men ganv ke logon ke pas salabhar pani paryapt matra men maujood rahata hai. ab achchhi fasalen ugane lagin. anna ke kahane par ganv men jagah-jagah ped lagae ge. isake sath hi aj ganv men anaj baink, milk baink aur skool hai. ganv men saur oorja aur gobar gais ke jarie bijali ki saplaee ki gee. ab ganv se garibi poori tarah samapt ho chuki hai. logon ke jivan men khushiyan ane lagin aur ralegan siddhi ek adarsh ganv ban gaya, jo desh ke samane ek misal tha. unhonne apane balaboote varsha jal sngrah, saur oorja, bayogais ka prayog aur pavan oorja ke upayog se ganv ko svavalnbi aur samriddh bana diya. yah ganv vishv ke any samudayon ke lie adarsh ban gaya hai. vishv baink ne bhi is ganv ke bare men kaha hai ki is ganv men jabaradast parivartan hua aur kabhi garib raha yah ganv aj desh ke sabase amir ganv men se ek hai. pahale is ganv ke logon ki prati vyakti ay 250 rupe thi aur vartaman men logon ki prati vyakti 2500 rupe hai. ye hajare ke hi prayas hain ki ganv ke garib aj nashebaji chhodakar atmanirbhar ban ge hain. ganv men graminon ne sharab poori tarah se chhod di hai aur vahan sharab ki bikri nahin hoti hai. dukanadar pichhale 13 varsho se sigaret, bidi, tnbakoo adi nahin bech rahe hain. pahale ganv men 300 litar doodh rojana becha jata tha, jo ki ab 4,000 litar becha jata hai.

anna hazare, 1965 ke yuddh men

hajare ke netritv men yahan logon ne anaginat ped lagae, mitti ke katav ko rokane ke prayas kie, barish ka pani rokane ke lie naharen banavaeen. hajare ke prayason ne is ganv ko poori duniya ke samane misal bana diya hai. yahan ke log aj adhik se adhik saur oorja ka istemal karate hain. isake alava yahan bayogais aur pavan chakki ka bhi prayog kiya jata hai. ganv ki asali takat yahan gair-parnparagat oorja ka istemal karana hai. udaharan ke lie yahan ki sadakon par lagi sabhi laiten saur oorja se jalati hain aur pratyek lait ke lie ek alag solar painal hai.

pushtaini zamin ka dan

unhonne apani pustaini zamin bachchon ke haaustal ke lie dan kar di. aj unaki penshan ka sara paisa ganv ke vikas men kharch hota hai. snpatti ke nam par unake pas kapadon ki kuchh jodiyan hain. koee baink bailens nahin hain. vah ganv ke mndir men rahate hain aur haaustal men rahane vale bachchon ke lie banane vala khana hi khate hain. aj ganv ka har shakhs atmanirbhar hai. as-pados ke ganvon ke lie bhi yahan se chara, doodh adi jata hai. ganv men ek tarah ka ramaraj hai. ganv men to unhonne ramaraj sthapit kar diya hai.

samman aur puraskar

anna hazare ko mile samman aur puraskar[2]
kramank sanh samman aur puraskar
(1) 6 aprail 1992 padm bhooshan - bharat ke tatkalin rashtrapati ar. venkataraman dvara.
(2) 24 march 1990 padm shri - bharat ke tatkalin rashtrapati ar. venkataraman dvara.
(3) 19 navnbar 1986 indira priyadarshini vrikshamitr puraskar - tatkalin pradhanamntri rajiv gandhi dvara.
(4) 1989 maharashtr sarakar ka krishi bhooshan puraskar
(5) 1988 main aauf d eeyar avard
(6) 2000 paaul mittal neshanal avard
(7) 2003 transaperensi intaraneshanal integriti avard
(8) 1994 vivekannd seva puraskar
(9) 1996 shiromani avard
(10) 1997 mahavir puraskar
(11) 1999 divaliben mehata avard
(12) 1998 keyar intaraneshanal avard
(13) 2000 jaints intaraneshanal avard
(14) 2000 vasavashri prashasti avard
(15) 1999 neshanal intaragresan avard
(16) 1998 janaseva puraskar
(17) 1998 rotari intaraneshanal manav seva puraskar
(18) 2008 vishv baink ka 'jit gil smarak puraskar'
(18) yng indiya avaaurd

anna hazare ki samajaseva aur samaj kalyan ke kary ko dekhate hue tatha pratibaddh aur eemanadar prayas ke lie sarakar ne unhen samay-samay par anek puraskaron, jiname 1990 men padmashri aur 1992 men padm bhooshan shamil hai, diye gaye. amerika ke keyar intaraneshanal, siyol ne bhi unhen sammanit kiya. isake alava unhen 25 lakh rupe ka puraskar bhi diya gaya, jisaki poori rashi ko unhonne svami vivekannd kritadayata nidhi men dan de diya. unhonne apane rajy maharashtr men visham paristhitiyon men bhrashtachar ke khilaf anek ladaeeyan ladin aur saphal bhi hue. is 72 sal ki umr men bhi unaka ek hi sapana hai - bhrashtachar rahit bharat ka nirman.

padmashri anna hazare maharashtr ke raleganv men gram svaraj ke apane anubhav bantane B. H. U. men amntrit the. unhonne gandhiji ki is soch ko poori mazabooti se uthaya ki 'balashali bharat ke lie ganvon ko apane pairon par khada karana hoga.' unake anusar vikas ka labh saman roop se vitarit n ho pane ka karan raha, ganvon ko kendr men n rakhana. vyakti nirman se gram nirman aur tab svabhavik hi desh nirman ke gandhiji ke mantr ko unhonne hakikat men utar kar dikhaya aur ek ganv se arambh unaka yah abhiyan aj 85 gavon tak saphalatapoorvak jari hai. vyakti nirman ke lie mool mantr dete hue unhonne yuvaon men uttam charitr, shuddh achar-vichar, nishkalnk jivan v tyag ki bhavana vikasit karane v nirbhayata ko atmasat kar am adami ki seva ko adarsh ke roop men svikar karane ka ahvan kiya.

bhrashtachar ke virodhi

mahatma gandhi ke bad anna hajare ne hi bhookh hadatal aur amaran anashan ko sabase zyada bar bataur hathiyar istemal kiya hai. bhrasht prashasan ki khilaphavarji ho ya soochana ke adhikar ka istemal, hajare hamesha am adami ki avaz uthane ke lie age ate rahe hain.

anna hajare ne thik hi socha tha ki bhrashtachar desh ke vikas ko badhit kar raha hai. isake lie unhonne 1991 men bhrashtachar virodhi jan andolan shuroo kiya. unhonne paya ki maharashtr men 42 van adhikari sarakar ko dhokha dekar karodon rupe ki chapat laga rahe hain. unhonne isake saboot sarakar ko saunpe, lekin sarakar ne unake khilaf koee karravaee nahin ki kyonki sattadhari dal ka ek mntri unake sath mila tha. isase vyathit hajare ne bharat ke rashtrapati dvara diya gaya padmashri puraskar aur pradhanamntri rajiv gandhi dvara diya gaya vriksh mitr puraskar lauta diya. unhonne pune ke alndi ganv men isi mudde ko lekar bhookh hadatal kar di. akhir men sarakar kunbhakarni nind se jagi aur doshiyon ke khilaf karravaee ki. hajare ka yah andolan kafi kam aya aur 6 mntriyon ko tyag-patr dena pada jabaki vibhinn sarakari karyalayon men tainat 400 adhikariyon ko vapas unake ghar bhej diya gaya.

hajare ko mahasoos hua ki sarakar men maujood kuchh bhrasht netaon aur adhikariyon par karravaee karane se kuchh nahin hoga, poore sistam ko hi badalana hoga. isake lie unhonne soochana ka adhikar qanoon ke lie abhiyan chhed diya. rajy sarakar ne is disha men apani ankhen bnd rakhin. isake bad 1997 men unhonne munbee ke aitihasik azad maidan men pahala ugr andolan kiya. yuvaon me janajagriti phailane ke lie ve rajyabhar men ghoome. sarakar ne unase aratiaee ekt banane ka vada kiya, lekin ise kabhi rajy vidhanasabha men nahin uthaya. hajare bhi nahin mane aur unhonne kam se kam 10 bar ugr pradarshan kie. ant men ve munbee ke azad maidan men 9 agast 2003 men anishchitakalin bhookh hadatal par baith ge. unake 12 divasiy bhookh hadatal ke bad rashtrapati ne aratiaee ekt ke masaude par hastakshar kar die. sath hi rajy sarakar ko ise 2002 se lagoo karane ke adesh die ge. isi masaude ko bad men desh ke aratiaee ekt-2005 ko banane men adhar dastavej ke roop men prayog kiya gaya. 12 aktoobar 2005 ko kendr sarakar ne bhi is qanoon ko lagoo kar diya. agast, 2006 men soochana ke adhikar men snshodhan prastav ke khilaf anna ne 11 din tak amaran anashan kiya, jise deshabhar men samarthan mila. natijatan, sarakar ne snshodhan se hath khinch lie.

jan lokapal qanoon ke lie andolan ke doran anna hazare, dilli

1995 men anna hazare us samay charcha men a ge the, jab unhonne tatkalin shivasena-bhajapa ki sarakar ke do netaon par bhrashtachar ke arop lagakar unhen giraphtar karane ke lie avaz uthaee thi. sarakar men mntri shashikant sutar ko apani kursi chhodani padi. usi samay ke rozagar mntri mahadev shivanakar ko bhi sarakar se bahar hona pada. anna hajare ne un par ay se zyada snpatti rakhane ka arop lagaya tha.

yuti ke karyakal men mntri rahi shobhataee phadanavis ko bhi bhrashtachar ke arop ke chalate apane pad se istifa dena pada. 1998 men samajik nyayamntri babanarav gholap ko zamin ghotale ke chalate istifa dena pada.

2003 men maharashtr men kanges - enasipi gathabndhan sarakar ke char mntri suresh dada jain, navab malik, vijay kumar gavit aur padm sinh patil ko bhi aghadi sarakar men bhrashtachar ke aropon ke chalate hi apana pad chhodana pada.

sharab bndi abhiyan, kaauaauparetiv ghotala jaise kee aham bhrashtachar ke mudde samane lane ka shrey anna hazare ko jata hai. isi tarah 2005 men anna hazare ne tatkalin sarakar ko usake char bhrasht netaon ke khilaf karyavahi karane ke lie dabav dala tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kisan baboorav hazare urf anna (anna) hazare ! (hindi) (ech.ti.em.el) andhad !. abhigaman tithi: 9 apral, 2011.
  2. Awards to Anna Hazare (angrezi) (ech.ti.em.el) annahazare.org. abhigaman tithi: 10 apral, 2011.