राजाराम  हिन्दी देवनागरी में पढ़ें।

bhajjasinh ka putr rajaram sinasinavar jaton ka saradar banaya gaya. vah bahumukhi pratibha ka dhani tha, usane agara ke nikat sikandara men akabar ke maqabare ko loota tha. vah ek sahasi sainik aur vilakshan rajanitigy tha. usane jaton ke do pramukh qabilon-sinasinavaron aur soghariyon (sogharavalon) ko apas men milaya. soghar ganv sinasini ke dakshin-pashchim men tha. ramachahar soghariya qabile ka mukhiya tha. rajaram aur ramachahar soghariya shighr hi apani upasthiti karane lage.


sinasini se uttar ki or, aoo namak ek samriddh ganv tha. yahan ek sainy dal niyukt tha, jo lagabhag 2,00,000 rupaye salana malaguzari vale is kshetr men vyavastha banane ke lie niyukt tha. is chauki adhikari ka nam lalabeg tha jo atyadhik nich pravritti ka tha. ek din ek ahir apani patni ke sath ganv ke kuen par vishram ke lie ruka. lalabeg ka ek karmachari udhar se nikala aur usane ahir yuvati ki atulaniy sundarata ko dekha aur turant lalabeg ko khabar ki. lalabeg ne kuchh sipahi bhejakar ahir pati-patni ko bula bheja. pati ko chhod diya gaya, aur patni ko lalabeg ke nivas men bhej diya gaya. yah khabar tez se phaili aur rajaram ne yojana banaee. kuchh hi doori par govardhan men varshik mela hone vala tha. bahut-se log is mele men ate the. zyadatar log bailagadiyon par, oonton par aur ghodon par ate the aur in pashuon ko chare ki jarurat hoti thi. lalabeg ko ghas le jane vali gadiyon ko mele ke maidan men jane ki anumati deni padi. in ghas ki gadiyon ke andar rajaram aur usake vir sainik chhipe hue the. chauki ko par karate hi unhonne gadiyon men ag laga di aur usake bad bhaynkar yuddh hua aur usamen lalabeg mara gaya aur is tarah rajaram ne apani virata pramanit ki. is yuddh ke bad rajaram ne apane qabile ko suvyavasthit sena banana prarambh kar diya, jo rejiment ke roop men sngathit thi, astr-shastron se yukt yah sena apane nayakon ki agya manane ko prashikshit thi. surakshit jat-pradesh ke jngalon men chhoti-chhoti qile numa gadhiyan banavayin geen. in par gare ki (mitti ki) paraten chadhakar mazaboot banaya gaya. in par top-golon ka asar bhi na ke barabar hota tha.


rajaram ne mugal shasan se vidroh kar yuddh ke lie lalakara. jat-qabilon ne rajaram ka sath diya. mukhy lakshy agara tha aur rajaram, jo gokula ke vadh ka pratishodh le raha tha, usane apana kar lagaya, dhaulapur se agara tak ki yatra ke lie prati vyakti 200 rupaye liye jate the. is ekatrit dhan ko rajaram ne agara ki imaraton ko nasht karane men prayog kiya. rajaram ke bhay se agara ke soobedar safi khan ne bahar nikalana band kar diya tha. pahali koshish nakam rahi aur sikandara ke faujadar mir abulafazal ne badi mushkil se maqabare ko bachaya. sinasini ki or lautate hue rajaram ne kee mugal ganvo ko loota. use paise ki zaroorat thi , vah svachchhand upayon se dhan prapt karata tha. dhire-dhire rajaram dabng hota gaya. sanh 1686 men senadhyaksh aga khan qabul se bijapur samrat ke pas ja raha tha. jab vah dhaulapur pahuncha, rajaram ke chhapamar dal ne aga khan ke asavadhan sainikon par hamala kiya. shahi kafilon par kisi ki hamala karane ki himmat nahin thi. aga khan kafi samay se qabul men tha, usane akramanakariyon ka pichha kiya. jab vah unake pas pahuncha to rajaram ne use aur usake assi sainikon ko mar dala.


dakshin men aurngazeb ne jab yah suna to usane turant karravaee ki. usane jat- vidroh se nipatane ke lie apane chacha, zafarajng ko bheja. vah nakam raha. usake bad aurngajeb ne yuddh ke lie apane bete shahazada azam ko bheja. shahazada burahanapur tak hi aya tha ki aurngajeb ne use golakunda jane ko kaha. aurngajeb ne rajaram ke khilaf mugal senaon ke netritv ke lie azam ke putr bidarabakht ko bheja. bidarabakht satrah sal ka tha. vah umr men kam par bahut sahasi tha. zafarajng ko pradhan salahakar banaya gaya. bar-bar ke badalavon se shahi fauj men shadyantr hone lage. rajaram ne mauke ka fayada uthaya. mugalon ki sena men usake guptachar the. jisase use mugal sena ki gatividhiyon ka pata rahata tha.

satrahavin shatabdi men mugal sainik poore lashkar ke sath yatra karate the. bidarabakht ke agara ane se pahale hi rajaram mugalon par ek aur hamala kar chuka tha. pahale usane agara men mir ibrahim haidarabadi par hamala kiya. mir pnjab ki soobedari snbhalane ja raha tha.


sanh 1688, march men rajaram ne akraman kiya. rajaram ne akabar ke maqabare ko lagabhag tod hi diya tha. yah nishchay mugalon ki prabhuta ka pratik tha. manoochi ka kathan hai ki jaton ne lootapat "kanse ke un vishal phatakon ko todakar shuroo ki, jo isamen lage the; unhonne bahumooly ratnon aur sone-chandi ke pattharon ko ukhad liya aur jo kuchh ve le ja nahin sakate the, use unhonne nasht kar diya."[1] is prakar rajaram ne gokula ka badala liya. rajaram jit to gaya, par bahut samay tak jaton par lutera aur barbar hone ka kalnk laga raha. rajaram ka kam maphi ke yogy nahin par is yuddh ke bij aurngazeb ke atyacharon ne boe the. hindoo mandiron ke vinash aur mandiron ki jagah par masjidon ka nirman karane se badale ki bhavana panapi. sikandara yuddh ke bad chauhan aur shekhavat rajapooton ne rajaram se sahayata mangi, vah turant taiyar ho gaya. vah 4 julaee, 1688 ko baijal nam ke chhote-se aur aprasiddh ganv men ek mugal ki goli se mara gaya. usi din yahi dasha soghariya saradar ki bhi huee.

tika tippani aur sndarbh

  1. en.manoochi, 'storiya do mogor,' khnd do pri. 230

snbndhit lekh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah