bharatakosh ke snsthapak/snpadak ke fesabuk laiv ke lie yahan klik karen.

जनरल डायर  हिन्दी देवनागरी में पढ़ें।

janaral dayar

janaral dayar, british bharatiy sarakar ka ek senadhikari tha. vah aprail 1919 ee. men amritasar pnjab men tainat tha.

raulat ekt

is varsh ke arambh men raulat ekt namak atyant damanakari qanoon banaya gaya. kendriy vidhan parishad ke gair-sarakari (nirvachit) sadasyon ke virodh ke bavajood yah qanoon pas kiya gaya tha. bharatiy janamat ki is prakar ki ghor upeksha kiye jane se samast bharat men rosh utpann ho gaya aur dilli, gujarat, pnjab adi pranton men jagah-jagah par is qanoon ke virodh men pradarshan hue. 10 aprail ko amritasar men jo pradarshan hua, vah adhik ugr ho gaya aur usamen char yooropiyan mare ge. ek yooropiy eesaee sadhvi ko pita gaya aur kuchh bainkon aur sarakari bhavanon men ag laga di gee.

sarakar ka nirnay

pnjab sarakar ne turant badale ki karravaee karane ka nishchay kiya aur ek ghoshana prakashit kar amritasar men sabhaon adi par pratibndh laga diya tatha nagar ka prashasan janaral dayar ke netritv men sena ke supurd kar diya. ukt pratibndh ko todakar jaliyanvala bag men sabha ka ayojan kiya gaya. yah sthan tin taraf se ghira hua tha. keval ek hi taraf se ane aur jane ka rasta tha.

bhishan nar-snhar

jaliyanvala bag hatyakand aj bhi british shasan ke janaral dayar ki kahani kahata nazar ata hai, jab usane saikadon nirdosh deshabhakton ko andhadhundh golibari kar mar dala tha. jaliyanvala bag men sabha ka samachar pate hi janaral dayar apane 90 sashastr sainikon ke sath jaliyanvala bag aya aur bag men pravesh evn nikas ke ekamatr raste ko gher liya. usane ate hi bag men nishshastr purushon, striyon aur bachchon ko bina kisi chetavani ke goli marane ka adesh de diya. chikhate, atnkit bhagate nihatthe bachchon, mahilaon, boodhon ki bhid par 10-15 minat men 1650 goliyan dag di gee. jinamen se kuchh log apani jan bachane ki koshish karane men lage logon ki bhagadad men kuchal kar mar ge. sarakari riport ke anusar 379 vyakti mare ge tatha 1208 ghayal hue. hatahaton ke upachar ki koee vyavastha nahin ki gee aur janaral dayar sainikon ke sath sadar muqam par vapas a gaya, mano usane ek oonche kartavy ka palan kiya ho. 13 aprail 1919 ki vah tarikh aj bhi vishv ke bade narasnharon men se ek ke roop men darj hai. is ghatana ke bad mahatma gandhi ne 1920-22 ke asahayog andolan ki shuruat ki. us din vaishakhi ka tyohar tha.

dayar ke adesh

dayar kadachit kuchh yooropiyanon ki hatya ke is pratishodh ka paryapt nahin samajhata tha. atev usane nagar men marshal laau lagoo kiya, janata ke viruddh kathor dandatmak karravaee tatha sarvajanik roop se kode lagaye jane ki apamanajanak agya di. yah adesh bhi diya ki jo bhi bharatiy us sthan se guzare, jahan par yooropiy eesaee sadhvi ko pita gaya tha, vah us sadak par pet ke bal letata hua jae. dayar ki yah karravaee bharatiyon ka daman karane ke lie nrishns shakti prayog ka nagn pradarshan thi. samast bharat men isaka tivr virodh hua. ravindranath thakur ne ghrinapoorvak sar ki upadhi sarakar ko vapas kar di. lekin british bharatiy sarakar ne is sarvajanik rosh-pradarshan ki koee paravah nahin ki. itana hi nahin, pnjab sarakar ne janaral dayar ki is behoodi karravaee par apani svikriti pradan ki aur use sena men uchch pad dekar afaganistan bhej diya.

ninda

phir bhi inglainnd men kuchh bhale angrezon ne janaral dayar ki karravaee ki ninda ki. eskith ne jaliyanvala bag kand ko apane itihas ke sabase jaghany krityon men se ek bataya. british janamat ke dabav se tatha bharatiyon ki vyapak mang ko dekhate hue bharat sarakar ne aktoobar 1919 men ek janch kameti niyukt ki, jisaka adhyaksh ek skatish jaj, laaurd hantar ko banaya gaya. kameti ne janch ke pashchath apani riport men janaral dayar ki karravaee ko anuchit bataya. bharat sarakar ne ukt riport ko mnzoor karate hue janaral dayar ki ninda ki aur use istifa dene ke lie vivash kiya. lekin samrajy mad men choor angrezon men bahut se janaral dayar ke prashnsak bhi the, jinhonne chnda karake dhan ekatr kiya aur usase janaral dayar ko puraskrit kiya. yahan par yah bhi ullekhaniy hai ki briten ki 'haus aauf lardas' ne janaral dayar ko british samrajy ka sher kahakar sambodhit kiya.

janaral dayar ka tark

janaral dayar ne apani karravaee ko sahi thaharane ke lie tark diye aur kaha ki ‘naitik aur dooragami prabhav’ ke lie yah zaroori tha. isalie unhonne goli chalavaee. dayar ne svikar kar kaha ki agar aur karatoos hote, to fayaring zari rahati . nihatthe nar-nari, balak-vriddhon par angrezi sena tab tak goli chalati rahi jab tak ki unake pas goliyan samapt nahin ho geen.

kangres ki janch kameti ke anuman ke anusar ek hazar se adhik vyakti vahin mare ge the. saikadon vyakti zinda kune men kood gaye the. goliyan bharatiy sipahiyon se chalavaee gayin thin aur unake pichhe snginen tanen gore sipaee khade the. is hatyakand ki sab jagah ninda huee .


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah