लॉर्ड एलगिन द्वितीय  हिन्दी देवनागरी में पढ़ें।

laaurd lainsadaun ke bad janavari, 1894 ee. men laaurd elagin dvitiy bharat ka vaisaray bana. laaurd elagin dvitiy ne bharat ke vishay men kaha tha ki, "bharat ko talavar ke bal par vijit kiya gaya hai, aur talavar ke bal par hi isaki raksha ki jayegi". isake shasan kal men 1895 ee. se 1898 ee. tak madhy pradesh, uttar pradesh, bihar tatha pnjab men bhaynkar akal pada. elagin dvitiy ne 'sar jems layal' ki adhyakshata men ek 'akal ayog' ki niyukt ki thi. elagin dvitiy ke samay men 'chitaral' v 'afaridiyon' ki samasya ubhari. 1895 ee. men chitaral shasak ki hatya kar di gee, tatpashchath uttaradhikar ke lie ladaee arambh ho gee. kalantar men british sena ne hastakshep kar chitaral ko apane qabze men kar liya. kabayaliyon ne asantushth hokar khaibar darre ko band kar diya. joon, 1897 ee. men ek bar phir kabayaliyon se jhadap huee aur antat: afaridiyon ne poorn atm-samarpan kar diya.

bhagy rahit vyakti

laaurd elagin dvitiy apane pita ki bhanti isake poorv kisi mahattvapoorn pad par nahin raha aur n hi usamen koee vishesh yogyata thi. isake alava usaka bhagy bhi kharab tha. usi ke karyakal men 1896 ee. men bnbee men pleg ki bimari phaili aur 1896-97 ee. men deshavyapi aqal pada. in donon vipattiyon ko rokane men athava janata ko rahat pahunchane men usaka prashasan saphal nahin ho saka. natija yah hua ki pleg aur aqal ke karan british bharat men 10 lakh vyakti kal ke gal men sama ge.

bharatiy janata se katuta

isake alava bnbee men pleg phailane se angrezon ke hath-pair phool ge. unhonne sena ki sahayata se use rokane ke lie atyant kathor qadam uthae. angrez adhikari logon ko gharon se nikalane ke lie jananakhane tak men ghus jate the. isase bharatiy janata men badi katuta utpann huee. phal yah hua ki poona men do angrez, jinamen ek siviliyan tatha doosara sainik adhikari tha, mar dale ge. is ghatana ne rajanitik roop grahan kar liya.

british sarakar ki vittiy niti

laaurd elagin dvitiy ke zamane men hi yah tathy bhi nagn roop men samane aya ki, bharat sarakar ki vittiy niti kis prakar angrez udyogapatiyon ke labh ke lie chalayi jati hai. 1895 ee. men bajat men snbhavy ghate ko rokane ke lie sabhi prakar ke ayat par 5 pratishat shulk lagaya gaya. keval lnkashayar se bharat ane vale kapade par yah shulk nahin lagaya gaya. is pakshatapoorn niti ka bharatiyon dvara kathor virodh kiya gaya. phal yah hua ki agale bajat men lnkashayar se ayatit kapade par bhi shulk lagane ka nishchay kiya gaya, lekin isake sath hi bharat men bane kapade par bhi utpadan shulk laga diya gaya. isase yah spasht ho gaya ki british sarakar bharat ke kapada udyog ke vikas ko pasnd nahin karati hai.

elagin ki niti

laaurd elagin dvitiy ne 1895 ee. men gilagit ke pashchim aur hindookush parvat ke dakshin men sthit chitral riyasat men uttaradhikari ke prashn par anavashyak riti se hastakshep kiya, jisake phalasvaroop use pashchimottar pradesh men lamba aur kharchila yuddh chalana pada. is yuddh men british bharatiy sashastr sena ki vijay avashy huee aur bharat-afagan sima se lekar chitral tak sainik yatayat ke lie sadak ka nirman kar diya gaya. lekin chitral ke antarik mamale men angrez sarakar ke hastakshep se asapas ke mohammad aur afaridi qabilon men rosh phail gaya aur unhonne 1897 ee. men angrezon ke viruddh vidroh kar diya. laaurd elagin dvitiy ko us vidroh ka daman karane ke lie sngharsh karana pada aur ant men 35 hazar fauj laga deni padi, tab kahin jakar ve qaboo men ae. 1857 ee. ke bharatiy svadhinata sngram ke pashchath angrezon ke lie yah sabase kathin sngharsh siddh hua.

sainik sudhar

laaurd elagin dvitiy ke karyakal men ek mahattvapoorn sainik sudhar hua. samast bharatiy sena ke lie ek pradhan senapati niyukt kiya gaya aur usake adhin bngal, madras, bnbee tatha pnjab evn pashchimottar prant men tainat palatanon ko sambhalane ke lie char lephtinent janaral niyukt kiye gaye. laaurd elagin dvitiy ke karyakal men keval yahi ek mahattv ka sudhar hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh