झलकारी बाई  हिन्दी देवनागरी में पढ़ें।

jhalakari baee
jhalakari baee pratima, gvaliyar
poora nam virangana jhalakari baee
janm 22 navnbar, 1830
janm bhoomi bhojala ganv, jhansi
mrityu 1890
abhibhavak pita- sadovar sinh, mata- jamuna devi
pati/patni pooran kori
karm bhoomi madhy pradesh
karm-kshetr jhansi ki rani lakshmibaee ki niyamit sena men, mahila shakha durga dal ki senapati thin.
puraskar-upadhi virangana
nagarikata bharatiy
andolan svatntrata sngram 1857
any janakari bharat sarakar ne 22 julaee, 2001 men jhalakari baee ke samman men ek dak tikat jari kiya hai.

jhalakari baee (angrezi: Jhalkari Bai, janm: 22 navnbar 1830 - mrityu: 1890[1]) jhansi ki rani lakshmibaee ki niyamit sena men, mahila shakha 'durga dal' ki senapati thin. ve lakshmibaee ki hamashakl bhi thin is karan shatru ko dhokha dene ke lie ve rani ke vesh men bhi yuddh karati thin. apane antim samay men bhi ve rani ke vesh men yuddh karate hue ve angrezon ke hathon pakadi gayin aur rani ko qile se bhag nikalane ka avasar mil gaya. unhonne pratham svadhinata sngram men jhansi ki rani ke sath british sena ke viruddh adbhut virata se ladate hue british sena ke kee hamalon ko viphal kiya tha. yadi lakshmibaee ke senanayakon men se ek ne unake sath vishvasaghat n kiya hota to 'jhansi ka kila' british sena ke lie pray: abhedy tha. jhalakari baee ki gatha aj bhi bundelakhnd ki lokagathaon aur lokagiton men suni ja sakati hai.

jivan parichay

jhalakari baee ka janm 22 navambar 1830 ko jhansi ke pas ke bhojala ganv men ek nirdhan koli parivar men hua tha. jhalakari baee ke pita ka nam sadovar sinh aur mata ka nam jamuna devi tha. jab jhalakari baee bahut chhoti thin tab unaki man ki mrityu ke ho gayi thi aur usake pita ne unhen ek ladake ki tarah pala tha. unhen ghudasavari aur hathiyaron ka prayog karane men prashikshit kiya gaya tha. un dinon ki samajik paristhitiyon ke karan unhen koee aupacharik shiksha to prapt nahin ho paee, lekin unhonne khud ko ek achchhe yoddha ke roop men vikasit kiya tha. jhalakari bachapan se hi bahut sahasi aur dridh pratigy balika thi. jhalakari ghar ke kam ke alava pashuon ke rakharakhav aur jngal se lakadi ikattha karane ka kam bhi karati thi.[2]

bachapan

gvaliyar rod se bhojala ganv najadik tha. kheton men hari-bhari chane ki phasal lahara rahi thi. charon taraph rng-birnge phool khile the. prakriti apane anokhe shrringar men thi. unhin ki anupam chhata niharate hue rahagir sadak se utarakar chhote raste par a gaya tha. din ka samay tha. charon taraph dhoop phaili thi. ganv ki virat snskriti ka anootha saundary apani asmita aur pahachan ke sath sarvatr dikhaee deta tha. alag-bagal se gujarate hue log. rahagir kuchh ke lie apana tha aur any ke lie paraya, par ajanabi nahin tha. jamin ki gandh jitani bahar thi utani hi usake bhitar bhi. khet par kar achanak rahagir ki nigahen chhah sat varshiy ek ladaki ki or uth gee. usaka rng thoda sanvala tha. ankhon men dher sari chamak, bikhare bal. rahagir ne palabhar socha. use dhyan aya. pahale is ladaki ko kahin dekha hai. vah vyakti ganv men do-tin baras pahale bhi a chuka tha. usi vyakti ne man men socha. kahin yah sadova ki modi to nahin hai.

rahagir pas aya, to poochh baitha vah, ‘‘binnoo ka kar ree ?’’
mitti ke dher par baithi ladaki ke kano men anajane vyakti ki avaj padi to chaunk-si uthi vah. usane dekha adhed umr ka adami usake pas akar thahar gaya tha.
ladaki ke honthon par halki moonchhen thin. sir par saphedi bikhari huee thi. sharir par matamaila kurta aur dhoti, panv men sadharan jootiyan, jo dhool-mitti se ati huee thin. lagata tha jaise vah kafi door se paidal chalakar aya ho. bina kisi hichakichahat ke tapak se usane kaha tha, ‘‘kilau banaee ree hoon.’’
poochhane vale ke munh se ashchary se nikala, ‘‘kya ?’’
jhalakari phir boli, ‘‘kilau, toy sunaee nee dairayau.’’
usake svar men thodi turshi thi. sunane vale ko bura laga. thoda narajagi ke svar men bola, ‘‘binnoo tain to bhautee khunnas kha ree. yy to batala, kaun ki modi hai too ?’’
jhalakari is bar dhire se boli, ‘‘sadova moolachandr ki.’’
sunakar agantuk jane ke lie pichhe muda hi tha ki vah poochh baithi, ‘‘hamay bare men poochh layo apane bare men nee batao kachhu.’’[3]

rani lakshmibaee ki sena men bharti

ek bar jngal men usaki muthabhed ek tendue ke sath ho gayi thi, aur jhalakari ne apani kulhadi se us janavar ko mar dala tha. ek any avasar par jab dakaiton ke ek giroh ne ganv ke ek vyavasayi par hamala kiya tab jhalakari ne apani bahaduri se unhen pichhe hatane ko majaboor kar diya tha. usaki is bahaduri se khush hokar ganv valon ne usaka vivah rani lakshmibaee ki sena ke ek sainik pooran kori se karava diya, pooran bhi bahut bahadur tha aur poori sena usaki bahaduri ka loha manati thi. ek bar gauri pooja ke avasar par jhalakari ganv ki any mahilaon ke sath maharani ko samman dene jhansi ke kile me gayin, vahan rani lakshmibaee unhen dekh kar avak rah gayi kyonki jhalakari bilkul rani lakshmibaee ki tarah dikhatin thin. any auraton se jhalakari ki bahaduri ke kisse sunakar rani lakshmibaee bahut prabhavit hueen. rani ne jhalakari ko durga sena men shamil karane ka adesh diya. jhalakari ne yahan any mahilaon ke sath bndook chalana, top chalana aur talavarabaji ki prashikshan liya. yah vah samay tha jab jhansi ki sena ko kisi bhi british dussahas ka samana karane ke lie majaboot banaya ja raha tha.[2]

svntatrata sngram men yogadan

samman men jari dak tikat

lard dalahauji ki rajy hadapane ki niti ke chalate, britishon ne niahsntan lakshmibaee ko unaka uttaradhikari god lene ki anumati nahin di, kyonki ve aisa karake rajy ko apane niyntran men lana chahate the. halanki, british ki is karravaee ke virodh men rani ke sari sena, usake senanayak aur jhansi ke log rani ke sath lamabnd ho gaye aur unhonne atmasamarpan karane ke bajay britishon ke khilaf hathiyar uthane ka snkalp liya. aprail, 1858 ke dauran, lakshmibaee ne jhansi ke kile ke bhitar se, apani sena ka netritv kiya aur british aur unake sthaniy sahayogiyon dvara kiye kee hamalon ko nakam kar diya. rani ke senanayakon men se ek doolherav ne use dhokha diya aur kile ka ek snrakshit dvar british sena ke lie khol diya. jab kile ka patan nishchit ho gaya to rani ke senapatiyon aur jhalakari baee ne unhen kuchh sainikon ke sath kila chhodakar bhagane ki salah di. rani apane ghode par baith apane kuchh vishvast sainikon ke sath jhansi se door nikal geen. jhalakari baee ka pati pooran kile ki raksha karate hue shahid ho gaya lekin jhalakari ne bajay apane pati ki mrityu ka shok manane ke, britishon ko dhokha dene ki ek yojana banaee. jhalakari ne lakshmibaee ki tarah kapade pahane aur jhansi ki sena ki kaman apane hath me le li. jisake bad vah kile ke bahar nikal british janaral hyoog roz ke shivir me usase milane pahnchi. british shivir men pahnchane par usane chillakar kaha ki vo janaral hyoog roz se milana chahati hai. roz aur usake sainik prasann the ki n sirph unhonne jhansi par kabja kar liya hai balki jivit rani bhi unake kabze men hai. janaral hyoog roz jo use rani hi samajh raha tha, ne jhalakari baee se poochha ki usake sath kya kiya jana chahie? to usane dridhata ke sath kaha, mujhe phansi do. janaral hyoog roz jhalakari ka sahas aur usaki netritv kshamata se bahut prabhavit hua, aur jhalakari baee ko riha kar diya gaya. isake viparit kuchh itihasakar manate hain ki jhalakari is yuddh ke dauran viragati ko prapt huee. ek bundelakhnd kinvadnti hai ki jhalakari ke is uttar se janaral hyoog roz dng rah gaya aur usane kaha ki "yadi bharat ki 1% mahilayen bhi usake jaisi ho jayen to britishon ko jaldi hi bharat chhodana hoga".[2]

samman

bharat sarakar ne 22 julaee, 2001 men jhalakari baee ke samman men ek dak tikat jari kiya hai. unaki pratima aur ek smarak ajamer, rajasthan men nirmanadhin hai, uttar pradesh sarakar dvara unaki ek pratima agara men sthapit ki gayi hai, sath hi unake nam se lakhanoo men ek dharmarth chikitsalay bhi shuru kiya gaya hai.

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. When Jhalkari Bai fought as Lakshmi Bai
  2. 2.0 2.1 2.2 jhalakari baee ki jivan gatha (hindi) SAMRAT BUNDELKHAND. abhigaman tithi: 24 joon, 2013.
  3. naimisharay, mohanadas. virangana jhalakari baee (hindi) bharatiy sahity sngrah. abhigaman tithi: 24 joon, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah