पन्ना धाय  हिन्दी देवनागरी में पढ़ें।

panna dhay
Blankimage.png
poora nam panna dhay
janm bhoomi kameri ganv, rajasthan
parichay panna dhay rana sanga ke putr rana udayasinh ki dhay man thin.
any janakari mevad ke itihas men jis gaurav ke sath prat: smaraniy maharana pratap ko yad kiya jata hai, usi gaurav ke sath panna dhay ka nam bhi liya jata hai, jisane svamibhakti ko sarvopari manate hue apane putr chandan ka balidan de diya tha.

panna dhay rana sanga ke putr rana udayasinh ki dhay man thin. panna dhay kisi rajaparivar ki sadasy nahin thin. apana sarvasv svami ko arpan karane vali virangana panna dhay ka janm kameri ganv men hua tha. rana sanga ke putr udayasinh ko man ke sthan par doodh pilane ke karan panna 'dhay man' kahalaee thi. panna ka putr chandan aur rajakumar udayasinh sath-sath bade hue the. udayasinh ko panna ne apane putr ke saman pala tha.[1] pannadhay ne udayasinh ki man karmavati ke samoohik atm balidan dvara svargarohan par balak ki paravarish karane ka dayitv snbhala tha. panna ne poori lagan se balak ki paravarish aur suraksha ki. panna chittaud ke kumbha mahal men rahati thi.[2]

putr ka balidan

chittaud ka shasak, dasi ka putr banavir banana chahata tha. usane rana ke vnshajon ko ek-ek kar mar dala. banavir ek rat maharaja vikramadity ki hatya karake udayasinh ko marane ke lie usake mahal ki or chal pada. ek vishvast sevak dvara panna dhay ko isaki poorv soochana mil gee. panna rajavnsh aur apane kartavyon ke prati sajag thi v udayasinh ko bachana chahati thi. usane udayasinh ko ek bans ki tokari men sulakar use jhoothi pattalon se dhakakar ek vishvas patr sevak ke sath mahal se bahar bhej diya. banavir ko dhokha dene ke uddeshy se apane putr ko udayasinh ke palng par sula diya. banavir raktarnjit talavar lie udayasinh ke kaksh men aya aur usake bare men poochha. panna ne udayasinh ke palng ki or snket kiya jis par usaka putr soya tha. banavir ne panna ke putr ko udayasinh samajhakar mar dala.

panna apani ankhon ke samane apane putr ke vadh ko avichalit roop se dekhati rahi. banavir ko pata n lage isalie vah ansoo bhi nahin baha paee. banavir ke jane ke bad apane mrit putr ki lash ko choomakar rajakumar ko surakshit sthan par le jane ke lie nikal padi. svamibhakt virangana panna dhany hain! jisane apane kartavy-poorti men apani ankhon ke tare putr ka balidan dekar mevad rajavnsh ko bachaya.[1]

mevad ka vaidhanik maharana

putr ki mrityu ke bad panna udayasinh ko lekar bahut dinon tak saptah sharan ke lie bhatakati rahi par dusht banabir ke khatare ke dar se kee rajakul jinhen panna ko ashray dena chahie tha, unhonne panna ko ashray nahin diya. panna jagah-jagah rajadrohiyon se bachati, katarati tatha svamibhakt pratit hone vale prajajanon ke samane apane ko zahir karati bhatakati rahi. kumbhalagadh men use yah jane bina ki usaki bhavitavyata kya hai sharan mil gayi. udayasinh qiledar ka bhanja banakar bada hua. terah varsh ki ayu men mevadi umaravon ne udayasinh ko apana raja svikar kar liya aur usaka rajyabhishek kar diya. uday sinh 1542 men mevad ke vaidhanik maharana ban ge.

svamibhakt

mevad ke itihas men jis gaurav ke sath prat: smaraniy maharana pratap ko yad kiya jata hai, usi gaurav ke sath panna dhay ka nam bhi liya jata hai, jisane svamibhakti ko sarvopari manate hue apane putr chandan ka balidan de diya tha. itihas men panna dhay ka nam svamibhakti ke shiramoron men svarnaksharon men likha gaya hai |


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 panna dhay (hindi) (ech ti em el) rashtrapremi. abhigaman tithi: 26 apral, 2011.
  2. panna dhay (hindi) gyan darpan. abhigaman tithi: 26 apral, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah