सुरैया  हिन्दी देवनागरी में पढ़ें।

suraiya
suraiya
poora nam suraiya jamal shekh
prasiddh nam suraiya
janm 15 joon, 1929
janm bhoomi gujaranvala, pnjab (vartaman pakistan)
mrityu 31 janavari, 2004
mrityu sthan mumbee, bharat
pati/patni avivahit
karm bhoomi mumbee
karm-kshetr abhinay aur gayan
mukhy filmen 'mirza galib', 'khiladi', 'jit', 'vidya', 'do sitare' adi.
nagarikata bharatiy
any janakari hindi filmon men apar lokapriyata hasil karane vali suraiya us pidhi ki akhiri kadi men se ek thin jinhen abhinay ke sath hi parshv gayan men bhi nipunata hasil thi.

suraiya (angrezi: Suraiya, janm: 15 joon, 1929; mrityu: 31 janavari, 2004) poora nam suraiya jamal shekh, hindi filmon ki ek prasiddh abhinetri aur gayika thin. 40ven aur 50ven dashak men inhonne hindi sinema men apana yogadan diya. adaon men nazakat, gayaki men nafasat ki malika suraiya jamal shekh ne apane husn aur hunar se hindi sinema ke itihas men ek nee ibarat likhi. vo pas rahen ya door rahen, nuqtachin hai game dil, aur dil e nadan tujhe hua kya hai jaise git sunakar aj bhi jahan men suraiya ki tasvir ubhar ati hai.

jivan parichay

15 joon, 1929 ko gujaranvala, pnjab (vartaman pakistan) men janmi suraiya apane mata pita ki ikalauti sntan thin. nazon se pali suraiya ne halanki sngit ki shiksha nahin li thi lekin age chalakar unaki pahachan ek behatarin adakara ke sath ek achchhi gayika ke roop men bhi bani. suraiya ne apane abhinay aur gayaki se har kadam par khud ko sabit kiya hai.

filmi kairiyar

suraiya ke filmi kairiyar ki shuruat bade rochak tariqe se huee. gujare zamane ke mashahoor khalanayak jahoor suraiya ke chacha the aur unaki vajah se 1937 men unhen film 'usane kya socha' men pahali bar bal kalakar ke roop men bhoomika mili. 1941 men skool ki chhuttiyon ke dauran vah mohan stoodiyo men film 'tajamahal' ki shooting dekhane geen to nirdeshak nanoobhaee vakil ki nazar un par padi aur unhonne suraiya ko ek hi nazar men mumataz mahal ke bachapan ke rol ke lie chun liya. isi tarah sngitakar naushad ne bhi jab pahali bar aaul indiya rediyo par suraiya ki avaz suni aur unhen film 'sharada' men gavaya. 1947 men bharat ki azadi ke bad noorajahan aur khurshid bano ne pakistan ki nagarikata le li, lekin suraiya yahin rahin.[1]

devannd aur suraiya

ek vaqt tha, jab romantik hiro dev annd suraiya ke divane hua karate the. lekin antat: yah jodi vastavik jivan men jodi nahin paee. vajah thi suraiya ki dadi, jinhen dev sahab pasnd nahin the. magar suraiya ne bhi apane jivan men dev sahab ki jagah kisi aur ko nahin ane diya. taumr unhonne shadi nahin ki aur munbee ke marinalain men sthit apane phlait men akele hi zindagi jiti rahin. dev annd ke sath unaki filmen 'jit' (1949) aur 'do sitare' (1951) khas rahin. ye filmen isalie bhi yadagar rahin kyonki film 'jit' ke set par hi dev annd ne suraiya se apane prem ka ijahar kiya tha, aur 'do sitare' is jodi ki akhiri film thi. khud dev annd ne apani atmakatha 'romansing vid laiph' men suraiya ke sath apane rishte ki bat kabooli hai. vah likhate hain ki suraiya ki ankhen bahut khoobasoorat thin. vah badi gayika bhi thin. han, mainne unase pyar kiya tha. ise main apane jivan ka pahala masoom pyar kahana chahoonga.[1]

pramukh filmen

  • shama (1961)
  • mirza galib (1954)
  • do sitare (1951)
  • khiladi (1950)
  • sanam (1951)
  • kamal ke phool (1950)
  • shayar (1949)
  • jit (1949)
  • vidya (1948)
  • anamol ghadi (1946)
  • hamari bat (1943)

gayan

abhinay ke alava suraiya ne kee yadagar git gae, jo ab bhi kafi lokapriy hai. in giton men, socha tha kya main dil men dard basa laee, tere nainon ne chori kiya, o door jane vale, vo pas rahe ya door rahe, too mera chand main teri chandani, murali vale murali baja adi shamil hain.

rochak tathy

  • 1948 se 1951 tak keval tin varsh ke dauran suraiya hi aisi mahila kalakar thin, jinhen baaulivud men sarvadhik parishramik diya jata tha.
  • hindi filmon men 40 se 50 ka dashak suraiya ke nam kaha ja sakata hai. unaki lokapriyata ka alam yah tha ki unaki ek jhalak pane ke lie unake prashnsak munbee men unake ghar ke samane ghnton khade rahate the aur yatayat jam ho jata tha.
  • 'jit' film ke set par dev annd ne suraiya se apane pyar ka ijahar kiya aur suraiya ko tin hazar rupayon ki hire ki angoothi di.
  • hindi filmon men apar lokapriyata hasil karane vali suraiya us pidhi ki akhiri kadi men se ek thin jinhen abhinay ke sath hi parshv gayan men bhi nipunata hasil thi aur is vajah se unhen apani samakalin abhinetriyon se badhat mili.
  • bharat ke pahale pradhanamntri javaharalal neharoo ne bhi suraiya ki mahanata ke bare men kaha tha ki unhonne mirza galib ki shayari ko avaz dekar unaki atma ko amar bana diya.

nidhan

31 janavari, 2004 ko suraiya duniya ko alavida kah geen. sngit ka mahatv to hamare jivan men har pal rahega lekin sarthak aur madhur giton ki agar bat aegi to suraiya ka nam zaroor aega. unaka gaya git 'vo pas rahen ya door rahen' un par kafi satik baithata hai. unaki adaen aur bhav bhngimaen unaki gayaki ki sabase badi visheshata thin. apane chehare ke bhav se hi ve sabhi bhavon ko pradarshit kar deti thin. aj bhi unake kadradanon ki kami nahin hai. suraiya bhale hi aj hamare bich nahin hain, lekin unaka abhinay, unaka sngit hamesha ham sabako unaki yad dilata rahega.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 sur aur abhinay ki malika suraiya (hindi) (ech.ti.em.el) laiv hindustan. abhigaman tithi: 2 disambar, 2012.

snbndhit lekh