करौंदा  हिन्दी देवनागरी में पढ़ें।

karaunde

karaunda athava karonda ka vriksh jhadadar jati ka hota hai usamen kante hote hain. isaka vaigyanik/vanaspatik nam kairisa kairendas (Carissa carandus) hai. am gharon men karaunda sabji, chatani, murabbe aur achar ke lie prachalit hai. jngalon, khet khaliyanon ke as-pas kntali jhadiyon ke roop men karaunda prachurata se ugata hua paya jata hai, halanki karaunde ke ped pahadi deshon men jyada hote hain aur kante bhi hote hai. yah paudha bharat men rajasthan, gujarat, uttar pradesh aur himalay ke kshetron men paya jata hai. yah nepal aur afaganistan men bhi paya jata hai.

is paudhe ke bij ko agast ya sitambar men 1.5 mitar ki doori par lagaya jata hai. kating ya bading se bhi lagaya ja sakata hai. do sal ke paudhe men phal ane lagate hain. phool ana march ke mahine men shuroo hota hai aur julaee se sitambar ke bich phal pak jata hai.

paudhe ki visheshataain

karaunde ka paudha ek jhad ki tarah hota hai. isake ped kantedar aur 6 se 7 phut oonche hote hain. patton ke pas kante hote hai jo majaboot hote hai. karaunda ke vriksh do prakar ke hote hain. ek prakar ke karaundon men chhote phal lagate hain. doosari prakar ke karauden men bade karaunde lagate hain.

karaunde ka phool

karaunde ka paudha

isake phool saphed hote hain tatha phoolon ki gandh joohi ke saman hote hai.

karaunde ka phal

isake phal gol, chhote kachche saphed lali yukh‍t tatha pakane par aur lal kale pad jate hain. karonda ke kachche phal saphed v lalima sahit andakar doosare baingani v lal rng ke hote hain dekhane men sundar tatha kachche phal ko katane par doodh sa padarth nikalata hai. pak jane par phal ka rng kala ho jata hai. isake andar 4 bij nikalate hain. karaunde ke phalon men lauh tatv aur vitamin si prachurata se pae jate hai.

vibhinn bhashaon men karaunda ke nam
bhasha nam
hindi karonda, karondi.
angrezi jasmid phlavard.
snskrit karamard, sukhen, krishnapak phal.
marathi maravandi.
gujarati karamndi.
bngali karakacha.
tailagi baka.
laitin kairisa karndas.

karonda ke gun

karaunde ka phool

kachcha karaunda khath‌ta aur bhari hota hai. pyas ko shant karane men ati uttam hai. rakh‍t pitt ko harata hai, garam tatha ruchikari hota hai. paka karaunda, halka mitha ruchikar aur vatahari hota hai.

  • rng - karonda ka rng saphed, syah, surkh aur hara hota hai.
  • svad - karonda ka svad khatta hota hai.
  • svabhav - karonda ki tasir garam hoti hai.
  • hanikarak - karonda rakt pitt aur kaph ko ubharate hai.
  • doshon ko door karane vala - karonda men vyapt doshon ko namak, mirch aur mithe padarth door ho jate hain.

upayog

  • kachche karaunde ka achar bahut achchha hota hai. isaki lakadi jalane ke kam ati hai.
  • ek vilayati karaunda bhi hota hai, jo bharatiy bagichon men paya jata hai. isaka phal thoda bada hota hai aur dekhane men sundar bhi. is par kuchh surkhi-si hoti hai. isi ko achar aur chatani ke kam men jyada liya jata hai.
  • phalon ke choorn ke sevan se pet dard men aram milata hai. karonda bhookh ko badhata hai, pitt ko shant karata hai, pyas rokata hai aur dast ko bnd karata hai. khasakar paittik daston ke liye to atyant hi labhadayak hai.
  • sookhi khansi hone par karaunda ki pattiyon ke ras ka sevan labhakari hota hai.
  • patalakot men adivasi karaunda ki jadon ko pani ke sath kuchalakar bukhar hone par sharir par lepit karate hai aur garmiyon men loo lagane aur dast ya dayariya hone par isake falon ka joos taiyar kar pilaya jata hai, turnt aram milata hai.
  • khatti dakar aur aml pitt ki shikayat hone par karaunde ke phalon ka choorn kafi fayada karata hai, adivasiyon ke anusar yah choorn bhookh ko badhata hai, pitt ko shant karata hai.
  • karonda ke phal ko khane se masoodhon se khoon nikalana thik hota hai, dant bhi majaboot hote hain. phalon se sevan rakt alpata men bhi fayada milata hai.

karaunda ka prayog

karaunde ka phal
  • sarp ke katane par karaunde ki jad ko pani men ubalakar kvath karen. phir is kvath ko sarp kate rogi ko pilane se labh hota hai.
  • ghav ke kidon aur khujali par karaunde ki jad nikal kar pani men saf dhokar use pani ke sath mahin pis kar phir tel men dalakar khoob pakayen, phir is tel ka prayog ghav ke kidon aur khujali par karane se phayada pahunchata hai.
  • jvar ane par karaunde ki jad ka kvath banakar dene se labh milata hai.
  • khansi men karaunde ke path‍ton ke ars ko nikalakar usamen shahad milakar chatana shreshth hai.
  • jalndar rog men karaundon ka sharbat, har din ek tola doosare din do tola tisare din tin tola isi prakar ek haphte tak ek tola roj badhate jae. ek haphte ke bhitar labh milana shuroo ho jayega.
  • karaunda ka prayog moonga v chandi ki bhasm banane men bhi kiya jata hai. moonga bhasm banane ke liye kachche karaundon ko lekar barik pisen phir usaki bhali bhanti lugadi banakar us lugadi men moogon ko rakhen phir us lugadi ke oopar sat kapat mitti kar, upalon ki ag men rakhakar phoonke. pahale mandagni, bich men madhyam tikshn agni den to moonga bhasm ban jayegi.
  • chandi ki bhasm karane ke liye karaundon ki lugdi banakar oopar ki vidhi dvara sahi samput banakar phooken. is prakar ikkis bar phoonkane par chandi ki bhasm banegi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah