मूली  हिन्दी देवनागरी में पढ़ें।

mooli

mooli zamin ke andar paida hone vali sabzi hai. vastutah yah ek roopantirat pradhan jad hai jo bich men moti aur donon siron ki or kramashah patali hoti hai. poore bharatavarsh men jadon vali sabjiyon men mooli ek pramukh fasal hai. yah antah fasal tatha sahachar fasalon ke roop men any fasalon ke sath do lainon ke bich men tatha dhire-dhire badhane vali fasalon ke paudhon ki lainon men ugane ke liye yah bahut hi labhadayak fasal hai. mooli men protin, kailshiyam, gndhak, ayodin tatha lauh tatv paryapt matra men upalabdh hote hain. isamen sodiyam phasphoras, klorin tatha maignishiyam bhi hain. mooli, vitamin-e ka khazana hai. vitamin-bi aur si bhi isamen prapt hote hain. isake sath hi mooli ke patte adhik poshak tatvon se bharapoor hote hain. mooli ke patte gunon ki khan hain, inamen khanij lavan, kailshiyam, phasphoras adi adhik matra men hote hain.

itihas

isake itihas evn utpatti ke bare men bahut se alag-alag vichar hain, lekin aisa samajha jata hai ki isaka utpatti kshetr kendriy evn pashchimi chin aur bharat hai. jahan par yah prachin samay se hi khady-padarth ke roop men upayog ki jati rahi hai. yah medireriyan kshetr men jngali roop men payi jati hain. atah kuchh logon ka aisa vishvas hai ki isaki utpatti ya janm sthan dakshini-pashchimi yoorop hai. poore bharatavarsh men jadon vali sabjiyon men mooli ek pramukh fasal hai. yah antah fasal tatha sahachar fasalon ke roop men any fasalon ke sath do lainon ke bich men tatha dhire-dhire badhane vali fasalon ke paudhon ki lainon men ugane ke liye bahut hi labhadayak fasal hai.

krishak sabhyata

mooli krishak sabhyata ke sabase prachin avishkaron men se ek hai. 3000 varsho se bhi pahale ke chini itihas men isaka ullekh milata hai. atynt prachin chin aur yoonani vynjanon men isaka prayog hota tha aur ise bhookh badhane vali samajha jata tha. yoorop ke anek deshon men bhojan se pahale isako parosane ki parnpara ka ullekh milata hai. mooli shabd snskrit ke 'mool' shabd se bana hai. ayurved men ise moolak nam se, svasthy ka mool atynt mahattvapoorn bataya gaya hai.

poshak tattv

mooli men protin, kailshiyam, gandhak, ayodin tatha lauh tatv paryapt matra men upalabdh hote hain. isamen sodiyam, phaausphoras, klorin tatha maignishiyam bhi hota hai. mooli men vitamin 'e' bhi hota hai. vitamin 'bi' aur 'si' bhi isase prapt hote hain. jise ham mooli ke roop men janate hain, vah dharati ke niche paudhe ki jad hoti hain. dharati ke oopar rahane vale patte se bhi adhik poshak tatvon se bharapoor hote hain.
mooli
samanyat: ham mooli ko khakar usake patton ko phenk dete hain. yah galat adat hain. mooli ke sath hi usake patton ka sevan bhi kiya jana chahie. isi prakar mooli ke paudhe men ane vali phaliyan 'mogar' bhi saman roop se upayogi aur svasthyavardhak hai. samanyat: log moti mooli pasand karate hain. karan usaka adhik svadisht hona hai, magar svasthy tatha upachar ki drishti se chhoti, patali aur charapari mooli hi upayogi hai. aisi mooli tridosh vat, pitt aur kaph nashak hai. isake viparit moti aur paki mooli tridosh karak mani jati hai.
anumanit poshak tatv

100 gram mooli men anumanit nimn tatv hain : protin - 0. 6 gram, vasa - 0.1 gram, karbohaidret - 3.4 gram, kailshiyam - 35 mi.gra., phaausphoras - 22 mi.gra, loh tatv - 0.4 mi.gra., kerotin- 3 ma.gra., thayesin - 0. 06 mi.gra., rivophlevin - 0.02 mi.gra., niyasin - 0.5 mi.gra., vitamin si -15 mi.gra..

krishi

jalavayu

eshiyaee mooli adhik tapaman ke prati sahanashil hai lekin achchhi paidavar ke lie thndi jalavayu uttam hoti hai. mooli ki kheti ab poore varshabhar ki ja sakati hai. zyada tapaman par jaden, kathor tatha charapari ho jati hain. isaki kheti ke lie sarvottam tapaman 12-16 digri sentigred hai.

bhoomi aur bhoomi ki taiyari

isaki kheti pray: sabhi prakar ki mitti men ki ja sakati hai. baluee domat aur domat bhoomi men jadon ki badhavar achchhi hoti hai kintu matiyar bhoomi, kheti ke lie achchhi nahin mani jati hai. mooli ki kheti karane ke lie gahari jutaee ki avashyakata hoti hai. kyonki isaki jaden gaharaee tak jati hai at: gahari jutaee karake mitti bhurabhuri bana lete hain.

mooli

buaee ka samay

uttar bharat ke maidani kshetron men eshiyaee mooli bone ka mukhy samay sitambar se faravari tatha yooropiyan kismon ki buaee aktoobar se janavari tak karate hain. pahadi kshetron men buaee march se agast tak karate hain. buaee ke samay khet men nami achchhi prakar honi chahie. khet men nami ki kami hone par paleva kar ke khet taiyar karate hain. isaki buaee ya to chhoti chhoti samatal kyariyon men ya 30-45 se.mi. ki doori par bani medon par karate hain. yadi kyariyon men buaee karani ho to 30 se.mi. ke antaral par haind-ho se halki qatare bana len aur un kataron men bij boyen. medon par bij 1-2 se.mi. gaharaee par lain bana kar bote hain.

khad evn urvarak

mooli shighr taiyar hone vali fasal hai. bhoomi men paryapt matra men khad v urvarak hona chahie. achchhi paidavar ke lie ek ekad khet men 8-10 tan achchhi prakar sadi huee gobar ki khad ya kampost buaee se 24-30 din poorv prarambhik jutaee ke samay khet men mila den isake atirikt 40 ki.gra. yooriya 21 ki.gra. di.e.pi. tatha 42 ki.gra. myooret aauf potash (em.o.pi.) prati ekad ki avashyakata padati hai. yooriya ki adhi matra, di.e.pi. aur potash ki poori matra buaee ke pahale khet men dal den. adhi yooriya ki matra buaee ke 20 din bad shitoshn kismon men aur 25-30 din bad eshiyaee kismon men tap derasing ke rup men den. parantu yah dhyan rahe ki urvarak pattiyon ke oopar n paden. at: yah avashyak hai ki yadi pattiyan gili ho to chhidakav n karen.

sinchaee

varsha ritu ki fasal men sinchaee ki avashyakata nahin padati parantu garmi ki fasal ko 4-5 din ke antar par sinchaee avashy karate rahana chahie. sharad kalin fasal men 10-15 din men antar par sinchaee karate hain. medon par sinchaee hamesha adhi med hi karani chahie taki poori med nami yukt v bhurabhur bani rahe.

pramukh kit

manhoo - is kit ke nimph v vayask, donon hi paudhon ko nukasan pahunchate hain. yah gobhi ke patton par hazaron ki snkhya men chipake rahate hain. inaka prakop janavari v faravari men adhik hota hai jisase pattiyan pili pad jati hai. mahoon apane sharir se shrav karate hain jisase phaphoond ka akraman hota hai evn gobhi khane ya bikane yogy nahin rahati hai. isase bij vali fasal ko adhik nukasan hota hai.

mooli

niyntran

is kit ke niyntran ke lie mailathiyan 1.5 mili litar prati litar pani men milakar ya daiklorovas 1 mili litar prati litar pani ya indosalphan 2 mili litar prati litar pani ka chhidakav upayogi hai. ya 4 pratishat nim giri ke ghol kisi chipakane vala padarth ke sath milakar chhidakav karen.

royedar soodi- kit ka soodi bhoore rng ka royedar hota hai evn zyada snkhya men ek jagah pattiyon ko khate hain. bahut jaldi ek se doosare paudhe par phail jate hain.

pramukh rog

altaraneriya jhulasa yah mooli ki gnbhir bimari hai. yah rog janavari se march ke dauran bij vali fasal par zyada lagata hai. sabhi parniy bhag rogakarak se grasit hote hain. pattiyon par chhote gheredar gahare kale dhabbe banate hain. pushpakram v phal silikua par andakar se lnbe dhabbe dikhaee dete hain. bij ki phal bhitti bhi rogakarak se gnbhir rup se savnmit ho jati hai.

khudaee ya bazar ke lie taiyari

mooli ko sadaiv naram aur komal avastha men hi khurapi ya kudali ki sahayata se hi khudaee ya ukhadani chahie. mooli ki khudaee ek taraph se n karake taiyar jadon ko chhantakar karen. jadon ko adhik din tak nahin chhodana chahie. is prakar 10-15 dinon men poori khudaee karate hain. bazar men le jane se poorv ukhadi huee mooli ki jaden saf pani se achchhi prakar dhokar moti jadon se patali jaden unaka bandal bana len, jisase uthane aur bechane donon men sahooliyat hoti hai. jadon ke sath keval hari mulayam pattiyon ko chhodakar pili v purani pattiyon ko tod dena chahie.

mooli ke vibhinn gun

mooli
  • mooli hamare danton ko mazaboot karati hai tatha hadihdayon ko shakti pradan karati hai.
  • mooli ka taja ras pine se mootr snbndhi rogon men rahat milati hai. piliya rog men bhi mooli labh pahunchati hai.
  • mooli ke ras men thoda namak aur niboo ka ras milakar niyamit roop men pine se motapa kam hota hai aur sharir sudaul ban jata hai.
  • pani men mooli ka ras milakar sir dhone se juen nasht ho jati hain.
  • mooli saundaryavarddhak bhi hai. niboo ke ras men mooli ka ras milakar chehare par lagane se chehare ka saundary nikharata hai.
  • mooli patte chabane se hichaki bnd ho jati hai.
  • mooli ke patte jimiknd ke kuchh tukade ek saptah tak kanji men dale rakhane tatha usake bad usake sevan se badhi huee tilli thik hoti hai. aur bavasir ka rog nasht ho jata hai.
  • ek kap mooli ke ras men ek chammach adarak ka aur ek chammach niboo ka ras milakar niyamit sevan se bhookh badhati hai.
  • mote logon ke lie mooli ke patton ka sevan kafi fayademnd hai, kyonki inamen pani ki matra adhik rahati hai.
  • sau gram mooli ke kachche patton men niboo nichodakar chabakar nigal len. isase pet saf hoga aur sharir men sphoorti aegi.
  • ajirn rog hone par mooli ke patton ki konpalon ko barik katakar, niboo ka ras milakar v chutaki bhar sendha namak dalakar khane se labh hota hai.
  • choonki mooli ke patton men phasphoras hota hai. bhojan ke bad inaka sevan karane se balon ka asamay girana bnd ho jata hai.
  • mooli ke patton ko dhokar miksi men pis len. phir inhen chhanakar inaka ras nikalen v mishri mila den. is mishran ko rojana pine se piliya rog men aram milata hai.
  • mooli ke patton men lauh tatv bhi kafi matra men rahata hai isalie inaka sevan khoon ko saf karata hai aur isase sharir ki tvacha bhi mulayam hoti hai.
  • hadihdayon ke lie mooli ke patton ka ras pina fayademnd hai.
  • adhi mooli ko pisakar usaka ras nikal len. ise do-do ghnte bad pien. yah kamazor danton ke lie labhadayak hai.
  • mooli ke patton ka shak pachan kriya men vriddhi karata hai.
  • mooli ke naram patton par sendha namak lagakar prat:khaen, isase munh ki durgndh door hogi.
  • hath-pairon ke nakhoonon ka rng safed ho jae to mooli ke patton ka ras pina hitakari hai.
  • mooli ke patton men sodiyam hota hai, jo hamare sharir men namak ki kami ko poora karata hai.
  • mooli ke patte khane se danton ka asamay hilana bnd hota hai.
  • pet men gais banati ho to mooli ke patton ke ras men niboo ka ras milakar pine se turnt labh hota hai.
  • mooli svayn hajam nahin hoti, lekin any bhojy padarthon ko pacha deti hai. bhojan ke bad yadi gud ki 10 gram matra ka sevan kiya jae to mooli hajam ho jati hai.
  • mooli ka ras ruchikar evn hriday ko praphullit karane vala hota hai. yah halaka evn knthashodhak bhi hota hai.
  • ghrit men bhuni mooli vat-pitt tatha kafanashak hai. sookhi mooli bhi nirdosh sabit hai. gud, tel ya ghrit men bhuni mooli ke phool kaph vayunashak hain tatha phal pittanashak.
  • yakrit v pliha ke rogiyon ko dainik bhojan men mooli ko prathamikata deni chahie.
  • udar vikaron men mooli ka khar vishisht gunakari hai.
  • mooli ke patale katare sirake men dalakar dhoop men rakhen, rng badami ho jane par khaie. isase jatharagni tez ho jati hai.
  • mooli ke ras men namak milakar pine se pet ka bharipan, aphara, mootrarog door hota hai|
mooli

chikitsakiy gun

sardi ki sabjiyon men salad men khire, tamatar ke sath mooli ka bhi samavesh ho jata hai. mooli keval svad badhane ke lie nahin hai, balki isake chikitsakiy gun itane adhik hai, n keval mooli balki isake patte bhi kaph, pitt aur vat tinon doshon ko nash karane men madad karate hain. mooli ko kachcha khana vishesh roop se labh deta hai. mooli patali li jani chahiye. zyadatar log moti mooli lena pasnd karate hain, kyonki vah khane men mithi lagati hai parantu gunon men patali mooli adhik shreshth hai.

  • mooli sharir se karban daee aauksaid nikalakar aauksijan pradan karati hai.
  • .mooli hamare danton aur haddiyon ko mazaboot karati hai.
  • thakan mitane aur achchhi nind lane men mooli ka vishesh yodan hota hai.
  • yadi pet men ki़den ho gaye hon, to unako nikalane men bhi kachchi mooli labhadayak hoti hai.
  • haee blad preshar ko shant karane men mooli madad karati hai.
  • pet snbndhi rogon men yadi mooli ke ras men adarak ka ras aur niboo milakar niyam se piya jaye, to bhookh badhati hai aur vishesh labh hota hai.
  • mooli ke bare men yah dharana hai ki yah thandi tasir ki hai aur khansi badhati hai. parantu yah dharana galat hai. yadi sookhi mooli ka kadha banakar jire aur namak ke sath usaka sevan kiya jaye, to n keval khansi balki dame ke rog men bhi labh hota hai. tvacha ke rogon men yadi mooli ke patton aur bijon ko ek sath pisakar lep kar diya jaye, to yah rog khatm ho jate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah