शुंग  हिन्दी देवनागरी में पढ़ें।

(शुंग काल se punarnirdeshit)
shung kalin mrinmoorti
Shunga Terracottas

shung vnsh bharat ka ek shasakiy vnsh tha jisane maury rajavnsh ke bad uttar bharat men 187 ee.poo. se 75 ee.poo. tak 112 varshon tak shasan kiya. maury samrajy ke patan ke uparant isake madhy bhag men satta shung vnsh ke hath men a gee. is vnsh ki utpatti ke bare men koee nishchit janakari nahin hai. shung ujjain pradesh ke the, jahan inake poorvaj mauryon ki seva men the. shungavnshiy pushyamitr antim maury samrat brihadrath ka senapati tha. usane apane svami ki hatya karake satta prapt ki thi. is navodit rajy men madhy gnga ki ghati evn chambal nadi tak ka pradesh sammilit tha. pataliputr, ayodhya, vidisha adi isake mahattvapoorn nagar the. divyavadan evn taranath ke anusar jalndhar aur sakal nagar bhi isamen sammilit the. pushyamitr shung ko yavan akramanon ka bhi samana karana pada.

samakalin patnjali ke mahabhashy se hamen do baton ka pata chalata hai -

  1. patnjali ne svayn pushyamitr shung ke lie ashvamedh ygy karae.
  2. us samay ek akraman men yavanon ne chittaud ke nikat madhyamika nagari aur avadh men saket ka ghera dala, kintu pushyamitr ne unhen parajit kiya.
  • gargi snhita ke yug puran men bhi likha hai ki dusht parakrami yavanon ne saket, pnchal aur mathura ko jit liya.
  • kalidas ke 'malavikagnimitr' natak men ullekh aya hai ki yavan akraman ke dauran ek yuddh sindhu nadi ke tat par hua aur pushyamitr ke pote aur agnimitr ke putr vasumitr ne is yuddh men vijay prapt ki.
  • itihasakar sindhu nadi ki pahachan ke saval par ekamat nahin hain - ise rajapootana ki kali sindhu (jo chambal ki sahayak nadi hai), doab ki sindhu (jo yamuna ki sahayak nadi hai) ya pnjab ki sindhu adi kaha gaya hai, kintu is nadi ko pnjab ki hi sindhu mana jana chahie, kyonki malavikagnimitr ke anusar vidisha men yah nadi bahut door thi. shayad is yuddh ka karan yavanon dvara ashvamedh ke ghode ko pakad liya jana tha. isamen yavanon ko parajit karake pushyamitr ne yavanon ko magadh men pravisht nahin hone diya. ashok ke samay se nishiddh ygyadi kriyaen, jinamen pashubali di jati thi, ab pushyamitr ke samay men punarjivit ho uthi.
  • bauddh rachanaen pushyamitr ke prati udar nahin hain. ve use bauddh dharm ka utpidak batati hain aur unamen aisa varnan hai ki pushyamitr ne bauddh viharon ka vinash karavaya aur bauddh bhikshuon ki hatya karavaee. sambhav hai kuchh bauddhon ne pushyamitr ka virodh kiya ho aur rajanitik karanon se pushyamitr ne unake sath sakhti ka varnan kiya ho. yadyapi shungavnshiy raja brahman dharm ke anuyayi the, phir bhi unake rajy men bharahut stoop ka nirman aur sanchi stoop ki vedikaen (reling) banavaee geen.
  • pushyamitr shung ne lagabhag 36 varsh tak rajy kiya. usake bad usake uttaradhikariyon ne eesa poorriv 75 tak rajy kiya. kintu aisa pratit hota hai ki shungon ka rajy snkuchit hokar magadh ki simaon tak hi rah gaya. unake uttaradhikariyon (kanv) bhi brahman vnsh ke the.

shung vnsh ke shasak

maury vnsh ka antim shasak vrihadray tha. vrihadray ko usake brahman senapati pushyamitr shung ne ee. poorv 185 men mar diya aur is prakar maury vnsh ka ant ho gaya. pushyamitr ne ashvamedh ygy kiya tha. pushyamitr ne sinhasan par baithakar magadh par shung vnsh ke shasan ka arambh kiya. shung vnsh ka shasan sambhavatah ee. poo. 185 ee. se poo. 100 tak dridh bana raha. pushyamitr is vnsh ka pratham shasak tha, usake pashchath usaka putr agnimitr, usaka putr vasumitr raja bana. vasumitr ke pashchath jo shung samrath hue, usamen kautsiputr bhagamadr, bhadraghosh, bhagavat aur devabhooti ke nam ullekhaniy hai. shung vnsh ka antim samrat devahooti tha, usake sath hi shung samrajy samapt ho gaya tha. shug-vnsh ke shasak vaidik dharm ke manane vale the. inake samay men bhagavat dharm ki vishesh unnati huee. shung vnsh ke shasakon ki soochi is prakar hai -

  • pushyamitr shung (185 - 149 ee.poo.)
  • agnimitr (149 - 141 ee.poo.)
  • vasujyeshth (141 - 131 ee.poo.)
  • vasumitr (131 - 124 ee.poo.)
  • andhrak (124 - 122 ee.poo.)
  • pulindak (122 - 119 ee.poo.)
  • ghosh shung
  • vajramitr
  • bhagabhadr
  • devabhooti (83 - 73 ee.poo.)

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah