शंकर जयकिशन  हिन्दी देवनागरी में पढ़ें।

shnkar jayakishan
shnkar (baen) aur jayakishan (daen)
poora nam shnkar sinh raghuvnshi aur jayakishan dayabhaee panchal
prasiddh nam shnkar jayakishan
janm shnkar- 15 aktoobar, 1922, haidarabad; jayakishan- 4 navambar 1932, gujarat
mrityu shnkar- 26 apral 1987 (ayu 64 varsh); jayakishan- 12 sitambar 1971 (ayu 41 varsh)
mrityu sthan mumbee
karm-kshetr sngitakar
mukhy rachanaen meri ankhon men bas gaya koee re, jiya bekarar hai chhaee bahar hai, mujhe kisi se pyar ho gaya, hava men udata jae mera lal dupatta malamal ka, ab mera kaun sahara, barasat men hamase mile tum sajan, tumase mile ham, bichhad gee main ghayal hirani adi
puraskar-upadhi nau bar sarvashreshth sngitakar ka filmapheyar puraskar
nagarikata bharatiy
any janakari jayakishan aur shnkar ki jodi ne lagabhag 170 se bhi jyada filmon men sngit diya.

shnkar jayakishan (angrezi:Shankar Jaikishan) hindi filmon ki ek prasiddh sngitakar jodi hai. bharatiy filmon men jab bhi sukoon aur tajagi ka ahasas dene vale madhur sngit ki charcha hoti hai. sngitakar jayakishan aur unake sathi shnkar ki barabas hi yad a jati hai. vah pahali sngitakar jodi thi, jisane lagabhag do dashak tak sngit jagat par badashah ki haisiyat se raj kiya aur hindi film sngit ko pahali bar antararashtriy star par lokapriyata dilane ka kam kiya.

parichay

svar samragi lata mngeshakar aj jis mukam par hain. vahan tak unake pahunchane men is jodi ke yogadan ko bhulaya nahin ja sakata. lata mngeshakar ke kairiyar ko bulndi par pahunchane men do filmon, mahal aur barasat ki aham bhoomika rahi. donon hi filmen 1949 men pradarshit huee thin. pahali film ka sngit mashahoor sngitakar khemachnd prakash ne diya tha aur doosari film ke sngitakar jayakishan aur shnkar the. yahi vah film thi, jisase unake sath gitakar shailendr aur hasarat jayapuri tatha abhinetri nimmi ne bhi apane kairiyar ka agaj kiya tha. is film men shnkar jayakishan ne giton ki ek se badhakar ek aisi saras aur karnapriy dhunen banaee thin ki yah film git aur sngit ki drishti se balivud ke itihas men "mil ka patthar" mani jati hai. meri ankhon men bas gaya koee re, jiya bekarar hai chhaee bahar hai, mujhe kisi se pyar ho gaya, hava men udata jae mera lal dupatta malamal ka, ab mera kaun sahara, barasat men hamase mile tum sajan, tumase mile ham, bichhad gee main ghayal hirani, ban ban dhoondhoon, ( jaise giton ki tajagi aj bhi kam nahin huee hai. lata mngeshakar badi vinamrata se apane kairiyar men maulik pratibha ki dhani is sngitakar jodi ke yogadan ko svikar karati hain. jab bhi shnkar jayakishan ka unake samane zikr hota hai. vah kahana nahin bhoolatin. unhonne shastriy, kaibare, nrity, prem tatha du:kh aur khushi ke nagamon ke lie svar rachanaen ki. unake sngit ne kee filmon ko jindagi di. anyatha ve bhula di jatin.[1]

shnkar

15 aktoobar 1922 ko janme shnkar ke pita ramasinh raghuvnshi moolat: madhy pradesh ke the aur kam ke silasile men haidarabad men bas gaye the. shnkar ko shuru se hi kushti ka shauq tha aur unaka kasarati badan bachapan ke isi shauq ka parinam tha. ghar ke pas ke ek shiv mndir men pooja archana ke dauran tabala vadak ka vadan bhi bachapan men bahut akarshit karata tha. tabala bajane ki lagan dinon din badhati gayi. mahafilon men tabala bajate hue ustad nasir khan ki nigah un par padi aur shnkar unake chele ho gaye. mali halat aise the ki tyooshan bhi karani padi. kahate hain ki haidarabad men hi ek bar kisi gali se gujarate hue tabala sunakar shnkar ek tavayaf ke kothe par pahunch gaye aur tabalavadak ko galat bajane par tok diya. bat badhi to shnkar ne is safaee se bajakar apani qabiliyat ka parichay diya ki vah-vahi ho gayi. shnkar apani kala ko aur nikharane ke lie ek naty mndali men shamil ho gaye, jisake snchalak mastar satyanarayan the aur hemavati ne bambee ja kar prithvi thiyetars men naukari kar li, to shnkar bhi 75 rupaye pratimah par prithvi thiyetars men tabalavadak ban gaye. prithvi thiyetars ke natakon men kuchh chhoti-moti bhoomikaen milane lagin aur vahin shnkar ne sitar bajana bhi sikh liya.[1]

jayakishan

4 navambar 1932 ko janme jayakishan moolat: gujarat ke valasad zile ke basnda ganv ke lakadi ka saman banane vale parivar se the. parivar garib tha aur jayakishan ke bade bhaee balavnt bhajan mndali men ga-bajakar kuchh yogadan karate the. prarambhik sngit ki shiksha badilal aur premashnkar nayak se mili. basnda ki hi pratap silvar jubali gayanashala men us vaqt ke mndiron ke tyauhar-sngit aur gujarati adivasiyon ke nrity sngit ke tattv unhin dinon jayakishan ke man men ghar kar gaye jisake kee rng bad men unake sngit men bhi samay samay par jhalake. bhaee balavnt ki nashe ki lat se maut ke bad jayakishan apani bahan rukmini ke pas valasad a gaye aur apane bahanoee dalapat ke sath karakhane men kuchh din kam kiya, phir dalapat ke sadhoo ke pas bambee men grant rod ke pas rahate hue ek kapade ke karakhane men kam karane ke sath sath aaupera haus ke sthit vinayak rav tanbe ki sngitashala men haramoniyam ka riyaz jari rakha.[1]

shnkar jayakishan ki mulaqat

shnkar jayakishan ki mulaqat bhi ajib dhng se huee. aaupera haus thiyetar ke pas ki vyayamashala men kasarat ke lie shnkar jaya karate the aur vahin dattaram se unaki mulaqat huee. dattaram shnkar se tabale aur dholak ki barikiyan sikhane lage, aur ek din unhen filmon men sngit ka kam dilane ke lie dadar men gujarati filmakar chndravadan bhatt ke pas le gaye. vahin jayakishan bhi filmon men kam ki talash men aye hue the. intazar ke kshanon men hi baton men shnkar ko pata chala ki jayakishan haramoniyam bajate the. us samay saubhagy se prithvi thiyetar men haramoniyam mastar ki jagah khali thi. shnkar ne prastav rakha to jayakishan jhat se man gaye aur is tarah prithvi thiyetars ke paracham tale shnkar aur jayakishan sath-sath kam karane lage. 'pathan' men donon ne sath-sath abhinay bhi kiya. kam ke sath-sath dosti bhi pragadh hoti gayi. shnkar sath-sath husnalal bhagataram ke lie bhi tabala bajane ka kam karate the aur donon bhaiyon se bhi sngit ki kee barikiyan unhonne sikhin. prithvi thiyetars men hi kam karate karate shnkar aur jayakishan rajakapoor ke bhi qaribi ho ge. halanki raj kapoor ki pahali film ke sngitakar the prithvi thiyetars ke varishth sngitakar ram ganguli aur shnkar jayakishan unake sahayak the, lekin barasat ke lie sngit ki rikarding ke shuruati daur men jab rajakapoor ko pata chala ki barasat ke lie banayi ek dhun ram ganguli usi samay ban rahi ek doosari film ke lie prayukt kar rahe hain to ve apa kho baithe. shnkar jayakishan ki pratibha ke to vo kayal the hi aur jab unhonne shnkar ke dvara unaki likhi kampozishan 'ambua ka ped hai, vahi muder hai, mere balama, ab kahe ki der hai' ki banayi dhun suni to unhonne ram ganguli ki jagah shnkar jayakishan ko hi barasat ka sngit saunp diya. yahi dhun bad men 'jiya bekarar hai, chhayi bahar hai' ke roop men 'barasat' men ayi. film barasat men unaki jodi ne jiya bekarar hai aur barasat men hamase mile tum sajan jaisa suparahit sngit diya. film ki kamayabi ke bad shnkar jayakishan bataur sngitakar apani pahachan banane me saphal ho gaye. ise mahaj ek snyog hi kaha jayega ki film barasat se hi gitakar shailendr aur hasarat jayapuri ne bhi apane sine kairiyar ki shurooat ki thi. film barasat ki saphalata ke bad shnkar jayakishan rajakapoor ke chahete sngitakar ban gaye. isake bad rajakapoor ki filmon ke liye shnkar jayakishan ne bemisal sngit dekar unaki filmon ko saphal banane me mahattvapoorn bhoomika nibhaee.[1]

kary

jayakishan aur shnkar ki jodi ne lagabhag 170 se bhi jyada filmon men sngit diya. unaki kuchh ullekhaniy filmen hain-

  • badal (1951)
  • nagina (1951)
  • poonam (1952)
  • shikast (1953)
  • sima (1955)
  • basnt bahar (1956)
  • chori-chori (1956)
  • nee dilli (1956)
  • rajahath (1956)
  • kathaputali (1957)
  • yahoodi (1958)
  • anadi (1959)
  • chhoti bahan (1959)
  • kanhaiya (1959)
  • lav mairij (1959)
  • dil apana aur prit paraee (1960)
  • jis desh men gnga bahati hai (1960)
  • jab pyar kisi se hota hai (1961)
  • jngali (1961)
  • sasural (1961)
  • asali nakali (1962)
  • prophasar (1962)
  • dil ek mndir (1963)
  • hamarahi (1963)
  • rajakumar (1964)
  • amrapali (1966)
  • sooraj (1966)
  • tisari kasam (1966)
  • brahmachari (1968)
  • kanyadan (1968)
  • shikar (1968)
  • mera nam jokar (1970)
  • andaj (1971)
  • lal patthar (1971)
  • snnyasi (1973)

samman aur puraskar

jayakishan aur shnkar ko chori chori (1956), anadi (1959), dil apana aur prit paraee (1960), prophesar (1963), sooraj (1966), brahmachari (1966), mera nam jokar (1970), pahachan (1971) aur beeeman (1972) ke lie nau bar sarvashreshth sngitakar ka filmapheyar puraskar mila. antim tin puraskar to unhen lagatar tin varsh tak mile.



panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 shnkar jayakishan ke sngit ka aj bhi nahin hai mukabala (hindi) laiv hindustan. abhigaman tithi: 19 julaee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah