दया याचिका  हिन्दी देवनागरी में पढ़ें।

bharatiy snvidhan ke anuchchhed 72 ke mutabik, rashtrapati phansi ki saja ko maph kar sakate hain, sthagit kar sakate hain, kam kar sakate hain ya usamen badalav kar sakate hain. lekin rashtrapati apani marji se aisa nahin karate. snvidhan men saph kaha gaya hai ki rashtrapati mntri parishad se salah lekar hi saja maph kar sakate hain ya usamen chhoot de sakate hain.

daya yachika ke niyam, prakriya aur itihas

  • maujooda niyamon ke mutabik, daya yachika mamale par grih mntralay rashtrapati ko likhit men apana paksh deta hai. ise hi kaibinet ka paksh manakar rashtrapati daya yachika par phaisala lete hain.
  • suprim kort se phansi ki saja milane ke bad koee bhi shakhs, videshi nagarik bhi, aparadhi ke snbndh men rashtrapati ke daphtar ya grih mntralay ko daya yachika bhej sakata hai. snbndhit rajy ke rajyapal ko bhi daya yachika bheji ja sakati hai. rajyapal apane pas ane vali daya yachikaon ko grih mntralay ko bhej dete hain.
  • doshi vyakti adhikariyon, vakilon ya parivar ke logon ke jariye daya yachikaen bhej sakate hain. grih mntralay ya rashtrapati ke daphtar ko yachikaen mel bhi ki ja sakati hain.
  • alag-alag rashtrapatiyon ne daya yachikaon ka alag-alag tarah se nipatara kiya hai. isake lie koee samay sima tay nahin hai. lihaja rashtrapati aur grih mntralay, donon ke pas kee yachikaen kee sal tak lnbit rahi hain.
  • poorv rashtrapati epije abdul kalam ka jab karyakal khatm hua to vah karib 2 darjan daya yachikaen lnbit chhodakar ge. unhonne sirph do daya yachikaon ka nipatara kiya. rep aur mardar ke doshi dhannjay chatarji ki daya yachika ko 2004 men unhonne kharij kar diya aur 2006 men khiraj ram ki phansi ki saja kam karake umrakaid men tabdil kar di.
  • abdul kalam ke bad ke. ar. narayanan rashtrapati bane. unhonne 1997 se 2002 ke bich apane karyakal men ek bhi daya yachika ka nipatara nahin kiya.
  • halanki jyadatar rashtrapatiyon ne daya yachikaon par bina kisi daya ke phaisale lie. aratiaee se mili janakari ke mutabik, 1991 se 2010 ke bich 77 daya yachikaon men se rashtrapatiyon ne 69 ko kharij kar diya.
  • sabase jyada daya yachikaen kharij karane ka rikaaurd ar. venkataraman (1987-1992) ke nam hai. unhonne 44 daya yachikaen kharij kin.
  • desh ki pahali mahila rashtrapati pratibha devi sinh patil ne 30 doshiyon ki daya yachikaen svikar kar lin. sarakaron par apane rajanitik hit ke mutabik rashtrapati ko sipharishen bhejane ka arop lagata raha hai.[1]

smaraniy tathy

  • ek riport ke anusar 26 janavari 1950 se ab tak (2015) desh ke rashtrapati ne kul 437 daya yachikaon men se 306 ko svikar kiya. mrityudnd paye 306 doshiyon ki saja rashtrapati ne ajivan karavas men badal di jabaki 131 daya yachikaon ko is avadhi ke dauran kharij kar diya gaya. riport men atnkavad aur desh ke viruddh yuddh chhedane valon ke alava mrityudnd samapt karane ka sujhav diya gaya hai. isamen kaha gaya hai ki 1950 se 1982 ke dauran chhah rashtrapati hue aur is avadhi men mrityudnd paye 262 doshiyon ki saja ko ajivan karavas men badala gaya aur sirph ek daya yachikaon ke ankade abhilekhiy shodh par adharit hain. mrityudnd paye doshiyon ke jivan aur mrityu ka mamala sirph tatkalin sarakar ke adarshon aur najariye par hi nirbhar nahin ho sakata balki yah rashtrapati ke vyaktigat najariye v vishvas pranali par bhi nirbhar karata hai.
  • bharat ke pratham rashtrapati rajendr prasad ne mrityudnd paye 181 doshiyon men se 180 ki saja ko ajivan karavas men badala gaya aur sirph ek daya yachika kharij ki. sarvapalli radhakrishnan ne sabhi 57 yachikaen svikar ki. daau. jakir husain aur vivi giri ne bhi sabhi ka mrityudnd ajivan karavas men badal diya. 1982 se 1997 ke dauran tin rashtrapati ke karyakal men 93 daya yachikaen kharij huee aur 7 ki saja parivartit ki gee. gyani jail sinh ne 32 men se 30 yachikaen aur ar. venkataraman ne 50 men se 45 yachikaen kharij ki thin. shnkar dayal sharma ne apane samane aee sabhi daya yachikaen kharij kar di thin.
  • 1997-2007 ki avadhi men rashtrapati ke. ar. narayanan ne kisi daya yachika par koee nirnay nahin liya. rashtrapati abdul kalam ne ek daya yachika kharij ki tatha ek ajivan karavas men badali. pratibha patil ne 5 daya yachika kharij kin aur 34 ki saja ko ajivan karavas men badala.
  • rashtrapati pranab mukharji ne ab tak 33 men se 31 daya yachikaon ko kharij kiya hai.[2]

ashcharyajanak tathy

  • duniya ke 99 desh mrityudnd ki saja nahin dete.
  • phiji, soorinam aur medagaskar ne varsh 2015 men mrityudnd ki saja ke pravadhan ko khatm kiya.
  • 58 deshon men ab bhi mrityudnd ki saja di jati hai.
  • 35 deshon ne pichhale das sal (2005-2015) se kisi ko maut ki saja aropit ghoshit nahin kiya hai.
  • bharat ne pichhale das sal (2005 se 2015 tak) men 1304 logon ko phansi ki saja sunaee hai. jisamen uttar pradesh se 395, bihar men 144, maharashtr men 129, tamil nadu men 106, karnatak men 106 logon ko phansi ki saja sunaee gayi.
  • bharat ne pichhale das sal men 4 logon {dhannjay chatarji (2004), ajamal kasab (2012), aphajal guru (2013), yakoob meman (2015)} ko phansi par latakaya.
  • sanh 1977 men chh: deshon ne mrityadnd nishedh kiya.
  • 2014 men 95 deshon ne mrityadnd nishedh kiya.
  • bharat sahit 33 deshon men mrityudnd ka tarika ek jaisa hai.
  • 45 desh goli marakar jan lete hain.
  • 6 desh patthar marakar mrityudnd dete hain.
  • duniya men 5 desh injekshan lagakar mrityudnd dete hain.
  • 3 desh sir kalam karake mrityudnd ki saja dete hain.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. daya yachika ke bare men 10 zaroori baten (hindi) (html) aj tak. abhigaman tithi: 5 pharavari, 2016.
  2. 2.0 2.1 amar ujala, 2 sitnbar, 2015, priri. 16

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah