पार्वती मंगल  हिन्दी देवनागरी में पढ़ें।

parvati mngal
'parvati-mngal' ka avaran prishth
kavi gosvami tulasidas
mool shirshak 'parvati mngal'
mukhy patr shiv, parvati
prakashak gitapres gorakhapur
desh bharat
bhasha avadhi
shaili chhnd, doha
vishay bhagavan shiv tatha parvati ka vivahotsav.
tippani 'parvati mngal' ka vishay shiv-parvati vivah hai. 'janaki mngal' ki bhanti yah bhi 'sohar' aur 'harigitika' chhandon men rachi gayi hai.

parvati mngal gosvami tulasidas ki prasiddh rachanaon men se ek hai. isaka vishay shiv-parvati vivah hai. 'janaki mngal' ki bhanti yah bhi 'sohar' aur 'harigitika' chhandon men rachi gayi hai. isamen sohar ki 148 dvipadiyan tatha 16 harigitikaen hain. isaki bhasha bhi 'janaki mngal ki bhanti avadhi hai.

kathanak

isaki katha 'ramacharit manas' men ane vale shiv vivah ki katha se kuchh bhinn hai aur snkshep men is prakar hai-

himavan ki stri maina thi. jagajjanani bhavani ne unaki kanya ke roop men janm liya. ve sayani huee. dampatti ko inake vivah ki chinta huee. inhin dinon narad inake yahan aye. jab dampati ne apani kanya ke upayukt var ke bare men unase prashn kiya, narad ne kaha -

'ise bavala var prapt hoga, yadyapi vah devataon dvara vndit hoga.'

yah sunakar dampati ko chinta huee. narad ne is dosh ko door karane ke lie girija dvara shiv ki upasana ka upadesh diya. at: girija shiv ki upasana men lag gayin. jab girija ke yauvan aur saundary ka koee prabhav shiv par nahin pada, devataon ne kamadev ko unhen vichalit karane ke lie prerit kiya kintu kamadev ko unhonne bhasm kar diya. phir bhi girija ne apani sadhana n chhodi. kand-mool-phal chhodakar ve bel ke patte khane lagin aur phir uhonne usako bhi chhod diya. tab unake prem ki pariksha ke lie shiv ne batu ka vesh dharan kiya aur ve girija ke pas gaye. tapasya ka karan poochhane par girija ki sakhi ne bataya ki vah shiv ko var ke roop men prapt karana chahati hain. yah sunakar batu ne shiv ke sambandh men kaha-

've bhiksha mangakar khate-pite hain, masan men ve sote hain, pishach-pishachinen unake anuchar hain- adi. aise var se use kya sukh milega?'

kintu girija apane vicharon men avichal rahin. yah dekhakar svayn shiv sakshat prakat hue aur uhonne girija ko kritarth kiya. isake anntar shiv ne saptarshiyon ko himavan ke ghar vivah ki tithi adi nishchit karane ke lie bheja aur himavan se lagan kar saptarshi shiv ke pas gaye. vivah ke din shiv ki barat himavan ke ghar gayi. bavale var ke sath bhoot-pretadi ki vah barat dekhakar nagar men kolahal mach gaya. maina ne jab suna to vah badi du:khi huee aur himavan ke samajhane - bujhane par kisi prakar shant huee. yah lila kar lene ke bad shiv apane sundar aur bhavy roop men parivartit ho gaye aur girija ke sath dhoom-dham se unaka vivah hua.

ramacharit manas men

'manas' men shiv ke lie girija ki tapasya tatha shiv ka ekakipan dekhakar ram ne shiv se girija ko angikar karane ke lie kaha hai, jise unhonne svikar kiya hai. tadntar shiv ne saptarshiyon ko girija ki prem-pariksha ke lie bheja hai. 'parvati mngal' men ram bich men nahin padate aur girija ki tapasya se prasann hokar shiv svayn batu roop men jakar parvati ki pariksha lete hain. 'manas' men jo snvad saptarshi aur girija ke bich men hota hai, vah 'parvati mngal' men batu aur unake bich hota hai. 'manas' men kamadahan is prem-pariksha ke bad hota hai, jo 'parvati mngal' men pahale hi hua rahata hai. isilie isake bad 'manas' men vishnu adi ko mil kar shiv se anurodh karana padata hai ki ve parvati ko arddhangini roop men angikar kare, jo 'parvati mngal' men nahin hai. tadanantar 'manas' men brahma ne saptarshi ko himavan ke ghar lagn-patrika prapt karane ke lie bheja hai, jisake lie 'parvati mngal' men shiv hi unhen bhejate hain. shesh katha donon rachanaon men pray: ek-si hai.

donon rachanaon men antar

prashn yah hai ki is antar ka karan kya hai?'manas' ki katha shiv-puran ka anusaran karati hai aur 'parvati mngal' ki katha 'kumar-sambhav' ka. aisa gyat hota hai ki kisi samay tulasidas ne shiv-vivah ke vishay ka bhi usi prakar ka ek stri-lokopayogi khandakavy rachana chaha, jis prakar unhonne ram-vivah ka 'janaki mngal' racha tha. is samay 'shiv-puran' ki tulana men unhen 'kumar sambhav' ka adhar grahan karana adhik jncha aur isilie unhonne aisa kiya.

rachana-kal

'parvati mngal' men usaka rachana-kal 'jay snvat', phalgun shukl paksh 5 'guruvar' diya hua hai. jay snvat, snvat 1642 men tha, kintu ukt tithi vistar snvat 1642 men thik nahin utarata, isaki rachana-tithi snvat 1643 mani jati hai kintu tithi ka ashuddh hona us chhand ki pramanikata men sandeh upasthit karata hai, jisamen tithi ati hai. is prasng men vicharaniy yah hai ki 'ramagya prashn' ke kuchh sthalon par kalidas ke 'raghuvnsh' ka prabhav jhalakata hai, jo 'manas' ke pichhe un sthalon par dikhaee nahin pada hai. yahi bat 'janaki mngal' men bhi dikhaee padati hai. phir 'parvati mngal' anek baton men 'janaki mngal' ke saman hai hi isalie ashchary n hoga yadi 'parvati mngal' 'janaki mngal' ke as-pas ki hi aur 'ramacharit manas' ke poorv ki rachana pramanit ho.


panne ki pragati avastha
adhar
prarambhik
madhyamik
poornata
shodh

tika tippani aur sndarbh


dhirendr, varma “bhag- 2 par adharit”, hindi sahity kosh (hindi), 337.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah