विनय पत्रिका -तुलसीदास  हिन्दी देवनागरी में पढ़ें।

vinay patrika -tulasidas
'vinay patrika' ka avaran prishth
kavi gosvami tulasidas
mool shirshak 'vinay patrika'
mukhy patr hindoo devi-devataon ke stotr aur pad.
desh bharat
bhasha brajabhasha
shaili chhand, doha
vishay stuti
tippani 'vinay patrika' men jitane bhi hindoo devi-devataon ke sambandh ke stotr aur pad ate hain, sabhi men unaka gunagan karake unase ram ki bhakti ki yachana ki gayi hai.

vinay patrika tulasidas ke 279 stotr giton ka sngrah hai. prarambh ke 63 stotr aur giton men ganesh, shiv, parvati, gnga, yamuna, kashi, chitrakoot, hanuman, sita aur vishnu ke ek vigrah vindu madhav ke gunagan ke sath ram ki stutiyan hain. is ansh men jitane bhi devi-devataon ke sambandh ke stotr aur pad ate hain, sabhi men unaka gunagan karake unase ram ki bhakti ki yachana ki gayi hai. isase spasht gyat hota hai ki tulasidas bhale hi in devi-devataon men vishvas rakhate rahe hon, kintu inaki upayogita keval tabhi tak manate the, jab tak inase ram bhakti ki prapti men sahayog mil sake.

ramabhakti

'vinayapatrika' ke hi ek prasiddh pad men unhonne kaha hai -

'tulasi so sab bhanti param hit poojy pran te pyaro.
jason hoy saneh ram pad eto mato hamaro॥'

in stotr aur padon se yah spasht gyat hota hai ki vah kora upadesh nahin tha, varanh apane jivan men unhonne isako charitarth bhi kiya hai. is ansh ke anntar tulasidas ke ramabhakti aur ram se atmanivedan ke sambandh ke pad ate hain. ant ke tin padon ve ram ke samaksh apani vinayapatrika[1] prastut karake hanuman, shatrughn, bharat aur lakshman se anurodh karate hain ki ve ram se unake anany prem ka anumodan karen aur inake anumodan karane par ram tulasidas ki vinay patrika svikrit karate hain.

ramagitavali

'vinayapatrika' men svami ki seva men karunatam shabdon men apani dinata ka nivedan kiya gaya hai. svami ke sammukh apane ko sabhi prakar se hin, malin aur nirashray kaha gaya hai, jisase ve karuna sagar dravit hokar das ko apane charanon ki sharan men rakh len aur usake janm janmantar ki sadh 'vinayapatrika' ka ek apekshakrit chhota roop mila hai, jisaki keval ek prati prapt huee hai kintu yah ek prati itani moolyavan aur mahattvapoorn hai, jitani kavi ki rachanaon ki koee bhi any prati nahin hai, karan yah hai ki jivan kal ki snkhya 1666 ki hai. is prati ke hashiye 'ra. gi.' snket likhe hue hain aur ant men ek shlok men rachana ka nam ramagitavali diya hua hai, isalie yah nishchit hai ki 'vinay patrika' ke is roop ka nam 'ramagitavali' tha. path keval 176 giton ka hai, jinamen se kuchh pad prati ke khandit hone ke karan aprapy bhi ho gaye hain, jitane pad poorn ya anshik roop men prapt hain, unamen se bhi panch pad aise hain, jo rachana ke 'vinay patrika' roop men n milakar vartaman 'gitavali' men milate hain aur 'gitavali' ke prasng men anyatr usaki 'padavali ramayan' path ki jis prati ka ullekh kiya gaya hai, usamen nahin milate hain. isase gyat hota hai ki 'ram gitavali' ke path men vartaman 'vinay patrika' ke adhik se adhik 171 pad the, 108 ya adhik pad bad men usamen milakar usaka 'vinay patrika' roop nirmit kiya gaya, aur us samay in panch ya adhik padon ko, jo ab 'gitavali' men hain gitavali ke lie adhik upayukt samay kar usamen rakh diya gaya.

padavali ramayan

'padavali ramayan' ke is roop men rachana ke vartaman 'vinay patrika' roop ke antim tin pad nahin hain, jinamen ram ke darabar men vinayapatrika[2] prastut ki jati aur svikrit hoti hai. usake ant men vartaman 'vinay patrika' stotr 39 tatha 40 ate hain, jo bharat aur shatrughn ki stutiyon ke hain. isase yah prakat hai ki is git - sngrah ko 'vinay patrika' ka roop dene ki kalpana bhi bad ki hai aur kadachit usi samay ram ke darabar men vinay- patrika ke prastut kiye jane aur usake svikrit hone ke sambandh ke pad usamen rachakar rakh diye gaye.

samay nirdharan

'vinay patrika' ke uparyukt pratham 63 tatha antim 3 stotr- padon ke atirikt shesh men koee spasht kram nahin lakshit hota hai aur isilie kinhin bhi shirshakon men ve vibhajit nahin milate hain. unaki rachana kis kram men huee hogi, yah kahana ek prakar se asambhav hi hai. ham itana hi nishchay ke sath kah sakate hai ki 'ram gitavali' path men snkalit stotr aur pad pahale ke hain unaki rachana snkhya 1666 ke poorv ho gayi thi, shesh pad kadachit un stotr- padon ke bad ke hain. itana hi aur bhi nishchit roop se kaha ja sakata hai ki 'vinay patrika' roop bhi kavi ka diya hua hai, jis prakar 'ram gitavali' roop usaka diya hua tha kyonki 'vinay patrika' ki darjanon pratiyan prapt huee aur unamen se ek bhi aisi nahin hain jinamen koee bhi stotr ya pad bhinn hon athava unaka kram bhi bhinn ho phir 'ram gitavali' ke kuchh pad 'ramacharit manas' ke bhi poorv rache gaye honge, yah isase gyat hota hai ki usake ek pad men, jo ab 'gitavali' ke ant men rakh diya hai, parashuram aur ram ka milan mithila se sita ke sath ayodhya ki or prasthan karane ke anntar hota hai aur katha ka yah roop kavi ki 'ramacharit manas' ke poorv ki rachanaon men hi milata hai. isalie yah nishchay ke sath kaha ja sakata hai ki 'vinay patrika' ke stotr- padon ki rachana ek bahut vistut arvadh men huee hai aur isalie vah kavi ke adhyatmik jivan ke ek bahut bade bhag ka parichay prastut karati hai.

giti sahity

atm- nivedanaparak giti- sahity men 'vinayapatrika' ki samata ki doosari rachana hindi sahity men nahin hai aur kuchh alochakon ne kaha hai ki isaki ganana snsar ke sarvashreshth atm - nivedanaparak giti sahity men bhi honi chahie. isake padon men man ko jagat ki or se khinchakar prabhu ke charanon men apane ko lagane ke lie udabodhan hai, isalie yahan ek or snsar ki asarata aur usake mithyatv ka pratipadan kiya gaya hai, doosari or yah bhi samajhaya gaya hai ki ram se badhakar doosara svami nahin hai. in prasngon men ram ke shil- svabhav ka vistrit gunagan kiya gaya hai aur unake nam smaran ko unake sneh ki prapti ka sarvotkrisht sadhan batate hue man ko pray: namanurag ka upadesh diya gaya hai. kuchh padon men svami ki seva men karunatam shabdon men apani dinata ka nivedan kiya gaya hai. svami ke sammukh apane ko sabhi prakar se hin, malin aur nirashray kaha gaya hai, jisase ve karunasagar dravit hokar das ko apane charanon ki sharan men rakh len aur usake janm - janmantar ki sadh poori ho. sath hi svami ki udarata ka unhen smaran karane ke lie unaki asharan-sharan viroodavali bhi unake sammukh pray: prastut ki gayi hai. kabhi- kabhi yachak mangate- mangate thak jata hai, jab vah svami ki or upeksha ka bhav dekhata hai kintu apane men hi kami ka anubhav karata hua asha khota nahin hai. kuchh padon men jivan ke pashchattap ke bade hi prabhavashali chitr prastut kiye gaye hain, man ki kutilata aur indriyaparata ki bharapoor bhartsana ki gayi hai kintu phir- phir usako prabhu ke prem ke marg men lagane ke lie yatn kiya gaya hai. ant men bhakt apane prayason men saphal hota hai aur usake svami ram usaki prarthana ko svikar karate hain.

rachanakram ki anishchitata

in padon men vairagy ke pratham sopan se lekar prabhu- kripa prapti tak ke anekanek sopanon ko tay tay karane ka ek bahut kuchh poorn itivrit ata hai. kami itani hi hai ki in padon ka rachana- kram nishchit nahin hai aur n hamen yah gyat hai ki kaun- sa pad kin paristhitiyon men racha gaya hai. phir bhi ye jis roop men hamen prapt hain, us roop men bhi ye tulasidas ki sadhana ka atynt pramanik yathatathy aur vishad parichay dete hain aur isalie ye samoohik roop se unaki rachanaon men pray: utane hi mahattv ke adhikari hai, jitana unaki aur koee rachana hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. avedan patr
  2. avedan patrika

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah