गीतावली -तुलसीदास  हिन्दी देवनागरी में पढ़ें।

(गीतावली se punarnirdeshit)
gitavali -tulasidas
'gitavali' ka avaran prishth
kavi gosvami tulasidas
mool shirshak 'gitavali'
mukhy patr 'shriram
prakashak lokabharati prakashan
desh bharat
bhasha avadhi
shaili chhand
vishay shriram ki jivanakatha
bhag sat khandon men vibhakt.
mukhaprishth rachana sajild
tippani 'gitavali' sat khandon men vibhakt hai. kandon men katha ka vibhajan pray: usi prakar hua hai, jis prakar 'ramacharitamanas' men hua hai.

gitavali tulasidas ki ek pramukh rachana hai. isamen giton men bhagavan shriram ki katha kahi gayi hai athava yon kahana chahie ki ram-katha sambandhi jo git gosvami tulasidas ne samay-samay par rache, ve is granth men sngrahit hue hain. sampoorn rachana sat khandon men vibhakt hai. kandon men katha ka vibhajan pray: usi prakar hua hai, jis prakar 'ramacharitamanas' men hua hai. kintu n isamen katha ki koee prastavana ya bhoomika hai aur n hi 'manas' ki bhanti isamen uttarakand men adhyatmavivechan. bich-bich men bhi 'manas' ki bhanti adhyatmik vishayon ka upadesh karane ka koee prayas nahin kiya gaya hai. sampoorn padavali ram-katha tatha ramacharit se sambandhit hai. mudrit sngrah men 328 pad hain.

poorvavarti roop

'gitavali' ka ek poorvavarti roop bhi prapt hua hai, jo isase chhota tha. usaka nam 'padavali ramayan' tha. isaki keval ek prati prapt huee hai aur vah bhi atyant khandit hai. isamen sundar aur uttarakandon ke hi kuchh ansh bache hain aur uttarakand ka bhi antim ansh n hone ke karan pushpika nahin rah gayi hai. isalie prati ki thik tithi gyat nahin hai. yah sngrah vartaman se chhota raha hoga. yah isase prakat hai ki prapt ansho men vartaman sngrah ke anek pad bich-bich men nahin hai. yadi yah kaha jay ki yah vartaman ka koee chayan hoga, to yah thik nahin hai, kyonki kabhi-kabhi chhandon ka kram bhinn milata hai. isake atirikt isake sath ki hi ek prati 'vinayapatrika' ki prapt huee hai, jisaka prati men hi 'ram gitavali' nam diya hua hai. vah bhi 'vinayapatrika' ka vartaman se chhota path deti hai. isalie yah prakat hai ki 'padavali ramayan' ka vah path, jo prastut ek matr prati men milata hai, 'gitavali' ka hi koee poorv roop raha hoga.

alochak kathan

'gitavali' men kuchh pad[1] aise bhi hain, jo 'soorasagar' men milate hain. pray: yah kaha jata hai ki ye pad usamen 'soorasagar' se gaye honge. sooradas, tulasidas se kuchh jyeshth the, isalie kuchh alochak to yah bhi kahane men nahin hichakate ki inhen tulasidas ne hi 'gitavali' men rakh liya hoga aur jo is sima tak nahin jana chahate, ve kahate hain ki tulasidas ke bhakton ne unaki rachana ko aur poorn banane ke lie yah kiya hoga. kintu ek bat is sambandh men vicharaniy hai. 'gitavali' ki pratiyan kee darjan snkhya men prapt huee hai aur ve sabhi akar-prakar men sarvatha ek si hain aur un sabon men ye chhand paye jate hain.

soorasagar ki pratiyan

'soorasagar' ki jitani pratiyan milati hain, unamen akar-prakar bhed adhik hai. kuchh men keval kuchh sau pad hain to kuchh men kuchh hazar pad hain. unamen kram adi men bhi paraspar kafi vaibhinny hai aur phir 'soorasagar' ki sabhi pratiyon men ye pad paye jate hain, ya nahin, yah abhi tak dekha nahin gaya hai. 'soorasagar' ke mudrit path men any anek gyat kaviyon-bhakton ke pad bhi sammilit milate hain. aisi dasha men vastavikata to ulate yah gyan padati hai ki ye pad tulasidas ki hi 'gitavali' ke the, jo any kaviyon-bhakton ki padavali ki bhanti 'soorasagar' men sooradas ke premiyon ke dvara sammilit kar liye gaye.

antar

tulasidas ne kul lagabhag sat sau padon ki rachana ki hai aur giti shilp men ve kisi se pichhe nahin hain. aisi dasha men ve tin pad 'gitavali' men aur tin-char pad 'krishn gitavali' men sooradas ya kisi any kavi se lekar kyon rakhate? isamen jo ram katha ati hai, vah pray: 'ramacharitamanas' ke saman hi hai, keval kuchh vistaron men antar hai, jo 'ramacharitamanas 'ke poorv rache granthon men hi milate hain, aur kuchh aise hain, jo kavi ki kisi bhi any kriti men nahin milate hain.

  • pratham prakar ke antar nimnalikhit hain-
  1. parashuram-ram milan mithila ki svaynvar bhoomi men n hokar barat ki vapasi men hota hai aur usamen vivad parashuram-ram men hi hota hai, lakshman se nahin.
  2. ram ke rajyarohan ke anantar 'sthan, yati, khag' ke nyay, brahman balak ke jivan-dan, sita ke nirvasan aur lav-kush janm ki kathaen ati hain. isi vistar men 'ramagya prashn' bhi hai.
  • doosare prakar ke antar nimnalikhit hai-
  1. svaynvar bhoomi men jab vishvamitr ram ko dhanush todane ke lie agya dete hain, janak ram ke kritakary hone ke vishay men sandeh prakat karate hain. is prakar vishvamitr janak ke yog-vairagy ki sarahana karate hue kahate hain ki aisa ve ram ke sneh ke vash men hone ke karan samajhate hain aur ram bhi janak ke yog vairagy ki us sarahana ka samarthan karate hain; jab in sabake anantar janak ki shnka ka nivaran ho jata hai, 'gitavali' men tab ram dhanush todane ke lie age badhate hain.
  2. vishvamitr ke sath gaye hue ram-lakshman ke vishay men mataen chintit hoti hain.
  3. vanavas ki avadhi men kaushalya anek bar ram-virah men vyathit hoti hain.
  4. ram jatayu ke prati pitri-sneh aur shabari ke prati matri-sneh vyakt karate hain.
  5. ravan ke dvara sita ke haran ki soochana ram ko dev-gan dete hain.
  6. hanuman jab sita ko ram ki mudrika dete hain aur sita hanuman se ram ka kushal poochhati hain aur mudrika deti hai.
  7. ravan se apamanit hokar vibhishan sidhe ram ki sharan men nahin jata hai.
  8. yuddh sthal men lakshman ke ahat hone ka samachar pakar sumitra hanuman se apane doosare putr shatrughn ko bhi ram ke rajyabhishek ke anantar dolotsav, dipamalikotsav tatha basantotsav adi hote hain, jisamen ayodhya ka samast nar-nari samaj nissnkoch bhav se sammilit hota hai.
  • 'manas' 'gitavali' ki tulana men akar-prakar se chauguna hai aur prabandh kavy hain. phir bhi ye katha vistar se gyat hota hai ki 'gitavali' ke kuchh ansh 'manas' ke poorv ki rachana avashy honge aur isi prakar uparyukt doosare prakar ke katha-vistaron se gyat hota hai ki usake ansh 'ramacharitamanas' ke bad ki rachana honge. 'ramacharitamanas' ke saman to 'gitavali' ka adhikansh hai hi, jisaka yahan par koee praman dena anavashyak hoga. is prakar 'gitavali' ke padon ki rachana ek bahut vistrit avadhi men huee hogi.

vishisht sthan

'gitavali' ka tulasidas ki rachanaon men ek vishisht sthan hai, jis par abhi tak yathesht dhyan nahin diya gaya hai. anek baton men yah 'ramacharitamanas' ke saman hote hue bhi giton ke sanche usi ki ram-katha ko dhal dene ka prayas matr nahin hai. yah ek prakar se 'manas' ka poorak hai. 'manas' men jivan ke komal aur madhur-pakshon ko jaise jan-boojhakar dabaya gaya ho; 'manas' men kaushalya ram ko van bhejakar keval ek bar vyathit dikh padati hai, vah hai bharat ke agaman par, kintu phir putr shokatura kausalya ke darshan nahin hote. 'gitavali' men to anek bar vah ram virah men dhairy khoti chitrit hoti hai; usamen to vah ram virah men unmad-grast ho chuki hain-

kabahu pratham jyon jai jagavati kahi priy bachan sabare.

uthahu tat bali matri badan par anuj sakha sab dvare॥
kabahun kahati yon badi bar bhee jahu bhoop pahn bhaiya.

bandhu boli jeniy jo bhavai gee nichhavari maiya॥[2]
adi padon men kausalya ka jo chitr ankit kiya gaya hai, vah 'manas' men nahin kiya gaya hai aur kadachit jan-boojhakar nahin kiya gaya hai.
  • sita ke sath ram ki jis 'madhuri-vilas-hal' ka chitran chitrakoot ki dinacharya men 'gitavali'[3] men hua hai athava usake uttarakand men bhor men 'priy prem ras page' alasaye hue ram ka jo chitran hua hai,[4] aur vibhinn prasngon men ayodhya ke nari-samaj dvara ram ke jis saundary-pan ka varnan kiya gaya hai,[5] unaka ek bhi samatuly 'manas' men nahin hai.
  • 'manas' ki rachana tulasidas ne sampoorn samaj ke lie ki thi. 'sur sari sam sab kahai hit hoee' yah bhavana unaki rachana ke simaon ka kahin bhi atikraman nahin hone diya, jabaki 'gitavali' ke adhikatar padon ki rachana unhonne sambhavat: keval bhakt aur rasik samuday ke lie ki. isalie isamen hamen 'manas' ke tulasidas ki apeksha ek adhik vastavik aur had-mans ke tulasidas ke darshan hote hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. gitavali, balakand,23,24,28
  2. gitavali(ayo.52
  3. gitavali, ayo. pad 44
  4. gitavali, uttar.2
  5. gitavali (uttar.18-19 tatha 21-22

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah