रामलला नहछू  हिन्दी देवनागरी में पढ़ें।

ramalala nahachhoo
tulasidas ji rachana karate hue.
kavi gosvami tulasidas
mool shirshak 'ramalala nahachhoo'
mukhy patr shriram
desh bharat
bhasha avadhi
shaili chhnd
vishay yah kriti shriram ke vivah ke avasar par 'nahachhoo'[1] ka varnan karati hai.
bhag is rachana ke do path prapt hue hain.
tippani tulasidas ki 'ramalala nahachhoo' rachana avadhi bhasha men hai aur yah saral stri lokopayogi shaili men prastut ki gayi hai.

ramalala nahachhoo gosvami tulasidas ki rachana hai. is rachana ke do path prapt hue hai- ek vah, jo prakashit milata hai, jisamen 40 dvipadiyan hain, aur doosara usase chhota, jisaki abhi tak ek hi prati mili hai aur jisamen keval 26 dvipadiyan hain. donon pathon men saman dvipadiyan keval 12 hain.

'nahachhoo' ka arth

tulasidas ji ki yah rachana sohar chhndon men hai aur bhagavan shriram ke vivah ke avasar ke nahachhoo ka varnan karati hai. nahachhoo nakh katane ek riti hai, jo avadh kshetron men vivah aur ygyopavit ke poorv ki jati hai. yah vishesh roop se naee ya nain ke negachar se sambandhit hoti hai. nakh katane par use neg-char diya jata hai. tulasidas ki 'ramalala nahachhoo' rachana avadhi bhasha men hai aur saral stri lokopayogi shaili men prastut ki gayi hai.

varnan

is rachana men jis 'nahachhoo' ka varnan hua hai, vah avadhapur men hota hai-

  • "aju avadhapur anand nahachhoo ram kaho" (chhand 12)
  • "kotinh bajan bajahi dasarath ke grih ho" (chhand 2)

kintu ram vivah se poorv hi vishvamitr ke sath chale gaye the, jahan unaka vivah janakapuri men sita ke sath hua. isalie is rachana ke sambandh men ek mat yah bhi raha hai ki isamen ygyopavit ke avasar ka nahachhoo varnit hua hain. kintu isamen ram ke lie 'var' aur 'doolah' shabd prayukt hue hain[2] aur isamen 'mayan'[3] ka bhi varnan hua hai, jo vivah ke avasar par hota hai.[4] 'mayan' men pavani jatiyon ke stri-purush apane upahar lekar ate hain aur yathochit puraskar pate hain. is rachana men bhi loharin barayan, ahirin dahendi, tnbolin bida, darajin doolhe ke lie joda-jama, mochin panahi aur malin maur lati hain.[5] isalie isamen sandeh tanik bhi nahin hai ki moodrit path men varnit 'nahachhoo' vivah se sambandhit hai. mudrit path men in pavani jatiyon ki striyon ke hav-bhav katakshadi ka bhi varnan kiya gaya hai aur dasharath agat ahirin ke yauvan par mugdh dikhaye gaye hain.[6] pun: isamen kausalya ki kisi jethi ka bhi ullekh kiya gaya hai, jisake anushasan se ve 'nahachhoo' karati hain.[7]

chhota path

jo chhota path prapt hua hai, usamen n mayan hai aur n hav-bhav katakshadi ka varnan. dasharath ka charitr-shaithily aur kausalya ka kisi jethi se anumati prapt karana bhi nahin hain, shesh uparyukt varnan- ayodhya men nahachhoo ka hona aur usake prasng men nain ke dvara ram ka nakh kata jana bhi hai. usamen kaha gaya hai ki janak aur kausalya ko lagakar gali bhi gaee jati hai. at: yah prakat hai ki is path ke anusar bhi nahachhoo ayodhya men hota hai aur vah vivah ke poorv ka hai.

kal v samay

in tathyon par vichar karane par mudrit path tulasidas ka gyat nahin hota. amudrit chhota path hi unaka ho sakata hai, kintu yah chhota path bhi kadachit us samay ka hona chahie, jab unhen katha ke srijan samaj men prachalit roop ko akshun rakhane ke lie koee dhyan n raha hoga. unhonne ram ke vivah ka varnan apani ram-katha vishayak shesh sabhi rachanaon men kiya hai, kintu avadhapur men ram ke nahachhoo hone ka ullekh kisi bhi any rachana men nahin kiya hai. isalie rachana apane chhote path men unaki prarambhik rachanaon men se hi ho sakati hai. unaki gyat tithivali rachanaen 'ramacharitamanas'[8] tatha 'ramgya prashn'[9] hain. at: ise yadi ham 'ramagya prashn' se bhi kam se kam panch varsh snmvat 1616 ke lagabhag ki rachana manen, to sambhav hai hamara anuman vastavikata ke nikat ho. rachana ki shithil aur aparipakv shaili bhi ise tulasidas ki any svikrit rachanaon se poorv ka batati hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. nakh katane ek riti
  2. chhand 9,10,19
  3. matri ka poojan
  4. chhand 19
  5. chhand 5-8
  6. chhnd 5-8
  7. chhand 9
  8. snmvat 1631
  9. samvat 1621

dhirendr, varma “bhag- 2 par adharit”, hindi sahity kosh (hindi), 521.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah