वेलि क्रिसन रुकमणी री  हिन्दी देवनागरी में पढ़ें।

veli krisan rukamani ri dingal bhasha ka utkrisht khandakavy hai. isaki rachana rathaudaraj prithviraj ne 1580 ee. men ki thi. isi rachana men dingal ke chhnd veliyo git ka prayog hua hai. sampoorn kriti 305 padyon men samapt huee hai. yah krishn aur rukmini ke vivah ki katha kriti ka vishay hai. rajasthan men ‘veli krisan rukamani ri’ atynt lokapriy hai. usaki prashnsa men anek pady rajasthan men prachalit hain.

vishayavastu

kavi ne vishayavastu ki prerana ke lie apane ko ‘shrimadbhagavat’ ka abhari mana hai-

“valli tasu bich bhagavat vayo."

‘shrimadbhagavat’ ke dasham skndh uttarardh char adhyayon (52-55) men krishn-rukmini ki parinay katha hai, kintu prithviraj ne katha ki rooparekha ko samane rakhakar maulik kavy grnth ki rachana ki hai. rukmini ka nakhashikh-varnan shath-ritu, yuddh varnan jaise prasngon men kavi ki maulikata ke darshan hote hain. brahman ke dvara patr dvara sndesh bhejana tatha rukmini ke bhaee rukm ke sir par krishn ke hath pherane se phir keshon ke ug ane ke prasng kavi kalpit hain.[1]

alnkar yojana

'veli krisan rukamani ri' kriti shrringar ras aur vir ras pradhan hai. alnkaron ke prayog ki drishti se bhi yah mahattvapoorn hai. shabdalnkaron men dingal men vayan sagaee alnkar ka prayog bahut hi saphal hua hai. arthalnkaron men upama, roopak ka prayog vishesh akarshak hai.

ritu varnan

ritu varnan men rajasthan ki svabhavik sthaniy prakriti ka akarshak varnan milata hai. kavi ne sahityik dingal bhasha ka kriti men prayog kiya hai. kavy, yuddhaniti, jyotish, vaidyak adi anek vishayon ke jaise snket kriti men milate hain, unamen prithviraj ki bahugyta ka parichay milata hai.[1]

lokapriyata

rajasthan men ‘veli krisan rukamani ri’ atynt lokapriy rahi hai. usaki prashnsa men anek pady rajasthan men prachalit hain. prithviraj ke samakalin adhaji duracha charan kavi ne ‘veli krisan rukamani ri’ ko panchavan ved tatha unnisavan puran kaha tha. us par dhoondhadi, maravadi tatha snskrit men tikaen bhi likhi geen, jo paryapt prachin hain. is yug men ‘veli krisan rukamani ri’ ke sahityik saundary ki or dhyan akarshit karane ka shrey italavi vidvan el. pi. tessi tori ko milana chahie.

vividh snskaran

tessi tori ka susampadit snskaran 'raauyal eshiyatik sosaiti', bngal se varsh 1917 ee. men nikala. is kriti ka doosara mahattvapoorn snskaran ‘hindustan akadami’, prayag se 1931 ee. men nikala. udhar aur bhi saste snskaran nikale hain, jinamen koee visheshata nahin hai. akadami ka snskaran purana hote hue bhi mahattvapoorn samagri prastut karata hai.[2][1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 hindi sahity kosh, bhag 2 |prakashak: gyanamandal limited, varanasi |snkalan: bharatakosh pustakalay |snpadan: daau. dhirendr varma |prishth snkhya: 583 |
  2. sahayak grnth- rajasthani bhasha aur sahity-menariya : veli krisan rukamani ri; hindustani akadami, ilahabad, 1931 ee.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah