bharatakosh ke snsthapak/snpadak ke fesabuk laiv ke lie yahan klik karen.

फ़ैयाज़ ख़ाँ  हिन्दी देवनागरी में पढ़ें।

faiyaz khan
faiyaz khan
poora nam faiyaz khan
janm 1886
janm bhoomi sikandara, agara
mrityu 5 navambar, 1950
mrityu sthan badauda
abhibhavak safadar husain khan
karm bhoomi bharat
karm-kshetr sngit
puraskar-upadhi 'gyanaratn', 'aphatab-e-mausiki'
prasiddhi dhrupad, khayal aur thumari gayan
nagarikata bharatiy
any janakari faiyaz khan ko 1938 men maisoor darabar men 'aphatab-e-mausiki' (sngit ke soory) ki upadhi se navaja gaya tha.

faiyaz khan (angrezi:Faiyaz Khan; janm- 1886, sikandara, agara; mrityu- 5 navambar, 1950, badauda) dhrupad tatha khayal gayan shaili ke shreshthatam gayak the. pichhali shatabdi ke poorvarddh ke jin sngitgyon ki ganana shikhar purush ke roop men ki jati hai, unamen faiyaz khan ka nam bhi shamil hai. dhrupad, dhamar, khayal, tarana aur thumari adi, in sabhi shailiyon ki gayaki par unhen kushalata prapt thi. prakriti ne unhen gambhir kanth ka upahar to diya hi tha, isake sath hi vah apane madhur svaron se shrotaon par ras varsha kar dete the.

jivan parichay

faiyaz khan ka janm san 1886 men 'agara rngila gharana' ke nam se vikhyat dhrupad gayakon ke parivar men hua tha. inake janm se lagabhag tin mah poorv hi inake pita safadar husain khan ka nidhan ho gaya tha. janm se hi pitrivihin balak ko unake nana gulam abbas khan ne apana dattak putr bana liya tha.

shiksha

inake nana ne palan-poshan ke sath-sath sngit ki shiksha bhi inhen dilaee. faiyaz khan ki vidhivat sngit shiksha ustad gulam abbas khan se arambh huee thi. ye inake guru aur nana to the hi, god lene ke karan pita ke pad par bhi pratishthit ho chuke the. faiyaz khan ke pita ka gharana dhrupadiyon ka tha. atah dhrupad ang ki gayaki inhen snskaragat prapt huee thi. age chal kar faiyaz khan dhrupad ke 'nom-tom' ke alap men itane daksh ho ge ki sngit samarohon men unake samriddh alap ki pharamaish hua karati thi.[1]

vyaktitv

faiyaz khan ka vyaktitv bhi bahut khas tha. chh: phit oonche, chhalledar moonchhen, hasht-pusht sharir, sheravani aur saphe ki poshak men unaki shakhsiyat apana alag hi mukam rakhati thi. unaki avaz surili, bulnd aur bharavadar thi. svaron par sthir ho jana faiyaz khan ke gayan ki pramukh visheshata thi.

sngit sadhana

faiyaz khan ke nana ka gharana khayal gayakon ka tha. nana ne bachapan se hi inhen kathor riyaz karaya. sngit ke gharanon men sngit shiksha ke lie ek kathor vrat ka palan shishy se karaya jata hai, jise 'chilla' kaha jata hai. is vrat ke anusar shishy ko nirantar barah varshon tak pratidin sooryoday se sooryast tak sngit ka abhyas karana hota hai. prashikshan ki is avadhi men faiyaz khan ne svar sadhana, dhrupad aur hori gayan ka kathin abhyas kiya. 25 varsh ki ayu tak ve lokapriy hone lage the. unaki gayaki par apane nana gulam abbas khan ke atirikt tatkalin mahanh gayak natthan khan, jayapur ke abdul khan aur seniya gharane ke amir khan ka bhi prabhav tha.[1]

prasiddhi

pichhali shatabdi ke poorvarddh tak ke char dashakon tak ustad faiyaz khan desh men ayojit hone vale sngit samarohon ke pran hua karate the. sngit-premiyon ko sammohit kar lene ki adbhut kshamata unaki gayaki men thi. us daur men unhen jan-samany ki or se 'mahaphil ke badashah' ke nam se pukara jata tha. varsh 1930 ke as-pas faiyaz khan ne kaviguru ravindranath thakur ke nivas sthan 'jorasankon thakurabadi' men ayojit sngit samaroh men bhag liya. samaroh ke dauran ve ravindranath thakur se atyant prabhavit hue aur unhen hindustan ka sabase bada shayar ki upadhi di.

samman

apane prabhavashali sngit se faiyaz khan ne desh ke sabhi sngit kendron men khoob yash arjit kiya. unaki khyati ke karan badauda rajadarabar men sngitgy ke roop men unaki niyukti huee. yahan par inhen 'gyanaratn' ki upadhi se sammanit kiya gaya. 1938 men unhen maisoor darabar se 'aphatab-e-mausiki' (sngit ke soory) ki upadhi se navaja gaya tha.[1]

gayan kushalata

ustad faiyaz khan ki gayaki men javaridar svar, rag darabari ka gandhar, rag shri ka rishabh aur anoothi layakari shrotaon ko sammohit karati thi. bolatan men git ki pnktiyon ka chamatkarik pradarshan ve kiya karate the. ve svar, bhasha, arth, bhav, lay sabhi ka bharapoor anand lekar gate the. dhrupad aur khayal gayaki men daksh hone ke sath-sath thumari gayan men bhi ve atyant kushal the. faiyaz khan ne kalakatta (vartaman kolakata) men bhaiya ganapat rav aur maujuddin khan se thumari-dadara suna tha aur sngit ki is vidha se atyant prabhavit hue the.

prasiddh rachanaen

thumari ke donon diggajon se prerana pakar faiyaz khan ne is vidha men bhi dakshata prapt kar li thi. ve thumari aur dadara ke bich urdoo ke sher jodakar use aur bhi prabhavashali bana dete the.[1] isake sath hi tappe ki tanon ko bhi ve thumari gate samay jod liya karate the. unake dvara gayi gee upashastriy rachanaon men nimnalikhit rachanaen bahut prasiddh hain-

  1. 'banao batiyan chalo kahe ko jhoothi....'
  2. 'pani bhare ri kaun alabeli...'

shishy

faiyaz khan ki gayaki ke kuchh rikaaurd bhi bane. unaki shishy-parampara bahut vishal thi. usake kuchh nam is prakar hain-

  1. dilip chand vedi
  2. ustad jiya husain
  3. azamat husain
  4. shriqrishn narayan ratanjankar

nidhan

'rngile gharana' ke nam se faiyaz khan ka gharana prasiddh tha. gayan ke kshetr men kee oonchaeeyan prapt karane vale faiyaz khan ka 5 navambar, 1950 ko badoda men nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 mausiki arsh ke aphatab : ustad faiyaz khan (hindi). . abhigaman tithi: 15 aktoobar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah