शोभा गुर्टू  हिन्दी देवनागरी में पढ़ें।

shobha gurtoo
shobha gurtoo
prasiddh nam shobha gurtoo
any nam bhanumati shirodakar
janm 8 faravari, 1925
janm bhoomi karnatak
mrityu 27 sitambar, 2004
mrityu sthan munbee
abhibhavak menekabaee shirodakar
pati/patni vishvanath gurtoo
karm bhoomi bharat
karm-kshetr shastriy gayan
mukhy filmen 'paqiza', 'phagun', 'main tulasi tere angan ki'
puraskar-upadhi 'sngit natak akadami puraskar' (1978), 'padmabhooshan' (2002), 'maharashtr gaurav puraskar', 'lata mngeshakar puraskar', 'film feyar puraskar'
prasiddhi thumari gayika
nagarikata bharatiy
any janakari 1978 men film 'main tulasi tere angan ki' men shobha ji ne ek thumari 'saiyyan rooth ge main manaoon kaise' gayi, jo ki bahut prasiddh huee.

shobha gurtoo (angrezi: Shobha Gurtu; janm- 8 faravari, 1925, karnatak; mrityu- 27 sitambar, 2004, munbee) bharatiy shastriy shaili ki ek prasiddh gayika thin. unaka mool nam 'bhanumati shirodakar' tha. ve ek aisi shastriy shilpi thin, jinhonne gayan ki thumari shaili ko vishv bhar men khyati dilaee. shobha gurtoo ko 'thumariyon ki rani' kaha jata hai. unhonne thumari ke atirikt kajari, hori aur dadara adi up-shastriy shailiyon ke astitv ko bhi bachane men mahattvapoorn bhoomika nibhaee thi.

janm tatha shiksha

shobha gurtoo ka janm 8 faravari, 1925 ko karnatak ke belaganv zile men hua tha. unaki mataji menekabaee shirodakar svayn bhi ek nrityangana thin tatha jayapur-atarauli gharane ke ustad alladiya khan se gayaki sikhati thin. shobha gurtoo ko shastriy sngit sikhane ki prerana apani man se hi mili thi. unhonne sngit ki prathamik shiksha ustad alladiya khan ke suputr ustad bhurji khan sahab se prapt ki. isake bad ustad alladiya khan ke bhatije ustad natthan khan se mili talim ne unake suron men jayapur-atarauli gharane ki ninv ko sudridh kiya. kintu unaki gayaki ko ek nayi disha aur pahachan mili ustad ghamaman khan ki chhatrachhaya men, jo unaki man ko thumari aur dadara v any shastriy shailiyan sikhane munbee men unake parivar ke sath rahane aye the.[1]

vivah

shobha ji ka vivah belaganv ke vishvanath gurtoo se hua tha, jinake pita pndit narayananath gurtoo belaganv pulis ke ek varishth adhikari the. isake sath hi vah sh‍vayn bhi ek sngit vidvan tatha sitar vadak the. gurtoo dnpatti ke tin suputron men sabase chhote trilok gurtoo ek prasiddh talavady shilpi hain.

prasiddhi

shuddh shastriy sngit men shobha ji ki achchhi pakad to thi hi, kintu unhen desh-videsh men khyati prapt huee thumari, kajari, hori, dadara adi up-shastriy shailiyon se, jinake astitv ko bachane men unhonne vishesh bhoomika nibhaee thi. age chalakar apane manamohak thumari gayan ke lie ve 'thumari kvin' kahalaeen. ve n keval apane gale ki avaz se balki apani ankhon se bhi gati thin. ek git se doosare men jaise kisi kavita ke charitron ki bhanti ve bhav badalati thin, chahe vah rayatmak ho ya premi dvara thukaraya hua ho athava nakharebaz ya ishkaz ho. unaki gayaki begam akhtar tatha ustad bade gulam ali khan sahab se khasa prabhavit thi. unhonne apane kee karyakram kathak nrityachary pndit birajoo maharaj ke sath prastut kie the, jinamen vishesh roop se unake gayan ke 'abhinay' ang ka prayog kiya jata tha.[1]

filmon men yogadan

shobha gurtoo ne kee hindi aur marathi filmon men bhi git gae. san 1972 men aee kamal amarohi ki film 'paqiza' men unhen pahali bar parshvagayan ka mauka mila tha. isamen unhonne ek bhopali 'bndhan bandho' gaya tha. isake bad 1973 men film 'phagun' men 'more saiyyan bedardi ban ge koee jao manao' gaya. phir san 1978 men asit sen dvara nirdeshit film 'main tulasi tere angan ki' men shobha ji ne ek thumari 'saiyyan rooth ge main manaoon kaise' gaya, jo ki bahut prasiddh huee.

puraskar v samman

apani vishisht gayika ke lie shobha gurtoo ko kee puraskaron se bhi sammanit kiya gaya. film 'main tulasi tere angan ki' ki thumari ke lie unhen "film feyar puraskar" ke lie namankit kiya gaya. isake atirikt unhen nimn puraskar bhi prapt hue-

  1. 'sngit natak akadami puraskar' - (1978)
  2. 'padmabhooshan' - (2002)
  3. maharashtr gaurav puraskar
  4. lata mngeshakar puraskar

nidhan

lagabhag panch dashakon tak 'thumariyon ki rani' ke roop men shobha ji prasiddh rahin. 27 sitambar, 2004 ko shobha gurtoo namak hindustani shastriy sngit ka yah nakshatr ast ho gaya.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 shobha gurtoo (hindi). . abhigaman tithi: 12 aktoobar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah