दीना पाठक  हिन्दी देवनागरी में पढ़ें।

dina pathak
dina pathak (ek philm ke drishy men)
poora nam dina pathak
janm 4 march, 1922
janm bhoomi amareli, gujarat
mrityu 11 aktoobar, 2002
mrityu sthan bandra, mumbee
pati/patni baladev pathak
sntan supriya pathak aur ratna pathak
karm-kshetr sinema
mukhy filmen 'mausam', 'kinara', 'kitab', 'chitachor', 'gharaunda', 'golamal', 'khoobasoorat' adi.
puraskar-upadhi sngit natak akadami puraskar
nagarikata bharatiy
any janakari varsh 2000 men, 78 sal ki umr men bhi, dina pathak ‘neshanal phedareshan aauph indiyan vimen’ jaise bharatiy star ke mahila sngathan ki adhyaksha thin.

dina pathak (angrezi: Dina Pathak; janm: 4 march, 1922, gujarat; nidhan: 11 aktoobar, 2002) hindi filmon ki abhinetri thin. unaki prasiddh philmon men 'mausam', 'kinara', 'kitab', 'chitachor', 'gharaunda', 'golamal', 'khoobasoorat' adi shamil hain. dina pathak ne apane kariyar ki adhikatar philmen art nirdeshakon ke sath kin. aisa isalie kyoonki vah thiyetar jagath se judi thin aur kamarshiyal philmon ki chamak-damak unhen pasnd nahin thi. bharatiy sinema jagath men dina pathak ne na sirph abhinay ke kshetr men apana dnka bajaya balki unhonne thiyetar jagath ko sinema ke sath jodane men behad aham bhoomika nibhaee. azadi se pahale mahilaon ka rngamnch se judav behad kam hota tha. aise samay men bhi dina pathak ne rngamnch ko apani karmabhoomi banaya aur usamen saphalata hasil karane ki koshish ki. angrezon se ladaee ki jng men dina pathak ne bhi apana yogadan diya. unhonne nukkad aur natakon dvara janata ko angrezon ke khilaf ekajut hone ki apil ki. gujarati thiyetar ko apani pahachan dilane men dina pathak ka behad aham yogadan raha hai. 1940 se hi dina pathak gujarati thiyetaron men kam karane lagin thin. dina pathak ki betiyan ratna pathak aur supriya pathak bhi hindi kala jagath ki charchit abhinetri hain. donon ne hi adhikatar hasy pradhan tivi karyakramon men apani chhap chhodi hai. 80 ke dashak ke sabase charchit tivi sho 'malagudi dej' men bhi dina pathak najar aeen. dina pathak ki akhiri philm sal 2003 ki 'pinjar' thi.[1]

jivan parichay

dina pathak ka janm gujarat ke amareli men 4 march, 1922 ko hua tha aur unake pitaji sivil injiniyar the. unaki paravarish poona aur bambee men bhi huee thi. isalie ve marathi bhi achchhi bol letin thin. unake padhaee ke dinon men azadi ka andolan apane zoron par tha. is liye un dinon sheri natak ka bhi khoob chalan tha. dina ji, yani us samay ki dina gandhi, bhi unamen badh-chadh kar hissa leti thin. ve khasakar mahila jagriti ke lie karyashil thin. vividh andolanon ka hissa hone ki vazah se unhonne karavas bhi saha tha. unaki badi bahan shanta gandhi tatha chhoti bahan tarala bhi thiyetar se judi thin. shanta gandhi neshanal skool aauph drama men bhi pravritt thin. jabaki tarala to bad men dharmendr ki arnbhik film ‘shola aur shabanam’ ki nayika bhi bani thin.[2]

karyakshetr

dina gandhi ki svatntrata sngram men hissedari ka alam ye tha ki bambee ki sent zeviyars kalij ko unhen nikal dena pada tha. march ‘79 ke ‘filmafeyar’ men dina ji ne is bat ko batate hue kaha tha ki unhonne doosari kalij men padhaee kar apani bi.e. ki upadhi prapt ki thi. desh ko svatntrata milate hi ‘strit ple’ jaise karyakram bnd ho gaye. unake mata-pita ne usaka virodh to nahin kiya; magar kaha, ‘ek bar shadi kar lo, phir jo chahe karo’. tab dina gandhi ne kangres karyakarta ramesh snghavi se shadi ki. parntu, ‘sine blitj’ samayik ko agast, 1995 ke ank men apani zindagi ke bare men vistar se batate hue dina ji ne janakari di thi ki donon ke raste alag hone ki vazah se shadi ke ek hi sal men ve alag ho gaye the.[2]

abhinay ki shuruat

shadi ke alagav ke bad dina ne apana poora dhyan indiyan pipals thiyetar esosieshan ‘ipta’ men laga diya. yahan balaraj sahani aur e.ke. hngal jaise abhinetaon ke sath drama men hissa lete hue, snyogavash hi ek film ki hiroin banane ka aauphar mila aur use gnvaya bhi! hua tha yoon ki khvaja ehamad abbas bhi lephtist hone ke karan ‘ipta’ ke kalakaron se jude the. unhonne apani ek film ‘dharati ke lal’ ke lie dina ji ka nam unhen poochhe bina akhabar men de diya. film ke hiro dev annd honge ye bhi kaha gaya tha. jab unake dans grup ke lidar ne kaha ki unhen poochhe bina kaise film svikar kar li? kya vo rngamnch ko chhod rahi hain? tab dina ji ne abbas sahab ko inakar kar diya. bad men maze ki bat ye huee ki antatah dev annd ne bhi vo film nahin ki aur jis ladaki ne nayika ki bhoomika ki vah dina ji ke grup ki hi ek any sadasya thi! dina ji ka natak ‘mena gurjari’ un dinon kafi lokapriy tha. ve gujarat ke lokasngit bhavaee ki achchhi kalakar hi nahin, us kala ki suraksha men bhi itani hi lagi rahati thi. unaka grup jahan apani riharsal karata tha, usi ke pados men mohan stoodiyo hua karata tha. isalie grup ke kalakar bhi vahan shooting dekhane jaya karate the. vahan bimal ray ke sabhi sahayakon se dina milati thin; jinamen rishikesh mukharji, gulazar, basu bhattachary bhi shamil the. unamen se basu bhattachary ne ‘usaki kahani’ film men kam dekar hindi filmon ka saphar prarnbh karavaya. parntu, unaka kariyar sahi mayanon men shuroo hua, basu chetarji ki 1966 men aee ‘sara akash’ se. is bich unhonne baladev pathak se shadi kar li thi aur do betiyon supriya aur ratna ki mata bhi ban chuki thin. vartaman men supriya pathak ne pnkaj kapoor ke sath aur ratna pathak ne nasiruddin shah se shadi kar apana ghar to basaya hi hai; sath hi apani mata ki tarah abhinay men bhi vyast rahati hain.[2]

pramukh filmen

dina pathak ki pramukh filmon men ‘sat hindustani’, ‘ap ki kasam’, ‘satyakam’, ‘anurodh’, ‘jal bin machhali nrity bin bijali’, ‘devi’, ‘avishkar’, ‘kinara’, ‘chitachor’, ‘mausam’, ‘sachcha jhootha’, ‘kitab’, ‘gharaunda’, ‘mira’, ‘badalate rishte’, ‘drim garl’, ‘bhoomika’, ‘bhav ni bhavaee’, ‘vijeta’, ‘thodi si bevaphaee’, ‘prem rog’, ‘prem tapasya’, ‘umarav jan’, ‘naram garam’, ‘arth’, ‘vo sat din’, ‘holi’, ‘anakahi’, ‘mirch masala’, ‘ijazat’, ‘sanam bevapha’, ‘saudagar’, ‘ankhen’, ‘sabase bada khiladi’, ‘yarana’, ‘ashik’, ‘tum bin’, ‘lajja’, ‘ek chadar maili si’, ‘parades’, ‘devadas’ aur 2003 men aee ‘pinjar’ tak ka ullekh intaranet se milata hai.[2]

kartavyanishth vyaktitv

dina pathak ki kartavyanishtha aisi ki ‘devadas’ ke git “dola re dola...” ke filmankan samay unako bukhar tha; phir bhi set par ve sabase pahale a jati thin. apane pati baladev pathak ke sath 23 sal ki shadishuda zindagi aur unake dehant ke bad jivan ke antim 23 varsh pati ke bina guzare. magar har samay unaki shan vahi rahi, jo pahale se thi. unhen kabhi film ‘lajja’ men betiyon ki samajik halat ke lie apani pidhi ko zimmedar thaharate suno, tab ye mat samajhana ki ve koee snvad bol rahin thin. mahila uddhar ke lie apane niji jivan men bhi ve utani hi pravritt thi. jaise ki varsh 2000 men, 78 sal ki umr men bhi, ve ‘neshanal phedareshan aauph indiyan vimen’ jaise bharatiy star ke mahila sngathan ki adhyaksha thin.[2]

mrityu

apane lnbe kariyar men dina pathak ne amarish puri se lekar om puri aur ashok kumar se amitabh bachchan tak ke har pidhi ke sabhi maharathi kalakaron ke sath kam kiya tha. unake nirdeshakon ne bhi apani filmon men unhen bar-bar doharaya tha, phir vo rishikesh mukharji aur basu chatarji hon ya gulazar tatha ketan mehata ho. aisi atynt pratibhavnt abhinetri ka dehant 11 aktoobar, 2002 ke din ho gaya. magar unaki yadagar filmon ke apane abhinay se dina pathak aj bhi zinda hi hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. inhen dekh ati thi dadi ki yad (hindi) jagaran jnkshan. abhigaman tithi: 24 navnbar, 2016.
  2. 2.0 2.1 2.2 2.3 2.4 dina pathak: ek pratibhavnt kalakar aur ajivan bagi mahila karyakarta bhi! (hindi) d hindi taims. abhigaman tithi: 24 navnbar, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah