bharatakosh ke snsthapak/snpadak ke fesabuk laiv ke lie yahan klik karen.

डिमेट्रियस  हिन्दी देवनागरी में पढ़ें।

damitri athava dametriyas

chitrakar dvara dimetriyas ka sikke se banaya hua chitr

demetriyas apane pita 'yoothidemas' ki mrityu ke bad raja bana tha. sambhavatah sikandar ke bad demetriyas pahala yoonani shasak tha, jisaki sena bharatiy sima men pravesh kar saki thi. usane ek badi sena ke sath lagabhag 183 ee.poo. men hindukush parvat ko par kar sindh aur pnjab par adhikar kar liya. demetriyas ke bharatiy abhiyan ki pushti patnjali ke mahabhashyan 'gargi snhita' evn malavikagnimitramh se hoti hai. is prakar demetriyas ne pashchimottar bharat men indo-yoonani satta ki sthapana ki. isane sakal ko apani rajadhani banaya tha. demetriyas ne bharatiy rajaon ki upadhi dharan kar yoonani tatha kharoshthi lipi men sikke bhi chalavaye the.

samrajy vistar

'damitri' athava 'dametriyas' hindi-yoonani shasak tha. kharavel ke hathi guhpha ke lekhon men dametriyas ki sena sahit upasthiti pataliputr se 70 kilomitar dakshin poorv men sthit rajagrih men batayi gaya hai. siriyan samrat entiyokas ke sath sandhi aur vivah sambandh ho jane ke anantar baiktriya ke rajavnsh ki bahut unnati huee. usane samip ke anek pradeshon ko jitakar apane samrajy ka vistar kiya. baiktriya ke is utkarsh ka pradhan shrey demetriyas ko hai, jo siriyan samrat entiyokas tritiy ka jamata tha.
dimetriyas ka sikka, baiktriya
baiktriya ke rajaon ke itihas ka parigyan unake sikkon ke dvara hota hai, jo ki achchhi badi snkhya men bharat v any deshon men prapt hue hain. grik lekhak straibo ke anusar demetriyas aur minandar ke samay baiktriya ke yavan rajy ki simaen door-door tak pahunch gee thin. uttar men chin ki sima se lagakar dakshin men saurashtr tak in baiktriyan rajaon ka samrajy vistrit tha.

dimetriyas ka shasan

190 ee. poo. men ya isase kuchh poorv demetriyas baiktriya ke rajasinhasan par aroodh hua. usake rajyarohan se poorv hi yuthidimas ne hindukush parvat ko parakar us rajy ko jit liya tha, jis par subhagasen ka shasan tha. isalie hairat, kandhar, sistan adi men usake sikke badi snkhya men upalabdh hue hain. demetriyas ne bhi ek badi sena ke sath bharat par akraman kiya. grik vivaranon men use bharat ka raja likha gaya hai, aur isamen sandeh nahin ki bharat ki vijay karate hue vah door tak madhy desh men chala aya tha. is samay bharat men maury vnsh ke nirbal rajaon ka shasan tha aur magadh ki sainyashakti kshin ho chuki thi. sikandar ke akraman ke samay pnjab men kath, malav, kshudrak adi jo shaktishali ganarajy the, is samay ve apani svatntrata kho chuke the aur unaki sainy shakti nasht ho gee thi. yavanon ke akraman ko rokane ki uttaradayita ab un maury samraton par thi, jinhen bharatiy sahity men 'adharmik' aur 'pratigyadurbal' kaha gaya hai. ye samrat yavanon ka muqabala kar sakane men asamarth rahe.

itihasakar matabhed

patnjali muni ne 'mahabhashy' men 'arunath yavanah saketamh, arunath yavanah madhyamikamh,' likhakar jis yavan akraman ka snket kiya hai, vah sambhavatah demetriyas ka hi akraman tha, jo sambhavatah us samay (185 ee. poo. ke lagabhag) hua tha, jabaki antim maury raja brihadrath magadh ke rajasinhasan par aroodh hua.
udayagiri gufaen, bhuvaneshvar, udisa
Udayagiri Caves, Bhubaneswar, Orissa
senani pushyamitr ne use marakar jo svayn rajy prapt kar liya, usaka karan bhi sambhavatah yahi tha, ki yavan akraman ka muqabala n kar sakane se sena aur janata brihadrath ke viruddh ho gee thi. shri jayasaval adi katipay itihasakaron ke anusar kalingaraj kharavel ke hathigumfa shilalekh men bhi demetriyas ke akraman ka ullekh hai. shri jayasaval ne is shilalekh ke path ko jis roop men sampadit kiya hai, usake anusar vahan likha hai- "athaven varsh...gorathagiri ko todakar rajagrih ko gher dabaya. in karmon ke avadan (virakatha) ke sanad se yavanaraja dimit ghabaraee sena aur vahanon ko kathinata se bachakar mathura ko bhag gaya." par bahusnkhyak itihasakaron ko shri jayasaval ka yah path svikary nahin hai. ve is lekh men 'dimit' ke path ko sahi nahin manate. par isamen sandeh hin ki hathigumfa lekh men ek aise yavan raja ka ullekh avashy hai, jo kharavel akraman ke samachar se ghabara kar mathura ki or bhag gaya tha. yah asambhav nahin hai, ki yah yavan raja demetriyas hi ho.

anek itihasakaron ka mat hai, ki gargi snhita ke 'yug puran' men jis yavan raja ke akraman ka ullekh hai, aur jo mathura, panchal aur saket ki vijay karata hua pataliputr tak pahunch gaya tha, vah bhi yahi dimit ya demetriyas tha. yadyapi gargi snhita men is yavan akraman ka ullekh maury raja shalishuk ke vrittant ke sath kiya gaya hai. par yah sambhav nahin hai, ki yah demetriyas ke akraman ka hi nirdesh karata ho, kyonki prachin sahity ke ye vivaran poornataya spasht nahin hai. demetriyas jo magadh ya madhy desh men nahin tik saka, usaka ek pradhan karan kalingaraj kharavel ki sainyashakti thi. yavan sena ke bharat men door tak chale ane par kharavel apani sena ke sath usaka muqabala karane ke lie age badha, aur usane yavanon ko pashchim men mathura ki or khaded diya. yahi samay hai, jab ki pataliputr men senani pushyamitr ne nirbal maury raja brihadrath ki hatya kar svayn rajy prapt kar liya tha.


demetriyas ka akraman 185 ee. poo. ke lagabhag hua tha, aur maury raja usaka muqabala karane men asamarth the. maury vnsh ke patan ka yahi pradhan karan tha. sambhavatah kharavel ne isi samay door pashchim ki or age badhakar yavanon ko parast kiya tha. par is prasng men yah nahin bhoolana chahie ki demetriyas ka akraman aur kharavel ka samay adi vishayon par itihasakaron men bahut matabhed hai. demetriyas ke bharatiy akraman ke sambandh men katipay any nirdesh bhi upalabdh hote hain. 'siddhantakomudi' men dattamitri namak ek nagari ka ullekh hai, jo sauvir desh men sthit thi. sambhavatah yah dattamitri nagari demetriyas ke dvara hi basaee gee thi. 'gargi snhita' ke 'yugapuran' men 'dharmagit' namak ek yavan raja ka ullekh hai, jise jayasavalaji ne demetriyas ya dimitr ka roopantar mana hai.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah