उस्ताद अमीर ख़ाँ  हिन्दी देवनागरी में पढ़ें।

ustad amir khan
ustad amir khan
poora nam ustad amir khan
prasiddh nam ustad amir khan sahab
janm 15 agast, 1912
janm bhoomi indaur, madhy pradesh
mrityu 13 faravari, 1974
mrityu sthan kalakatta (ab kolakata) pashchim bngal
abhibhavak chnge khan (dada), shahamir khan (pita)
karm bhoomi bharat
karm-kshetr shastriy gayan
mukhy filmen 'baijoo bavara', 'shabab', 'jhanak jhanak payal baje', 'ragini', 'goonj uthi shahanaee' adi.
puraskar-upadhi sngit natak akadami puraskar, padm bhooshan
vishesh yogadan ustad amir khan ne "ativilnbit lay" men ek prakar ki "badhat" lakar sabako chakit kar diya tha. is badhat men age chalakar saragam, tanen, bol-tanen, jinamen merukhandi ang bhi hai, aur akhir men madhyalay ya drut lay, chhota khayal ya rubaedar tarana pesh kiya.
nagarikata bharatiy
any janakari inake pita shahamir khan bhindi bazar gharane ke sarngi vadak the, jo indaur ke holakar rajagharane men bajaya karate the aur inake dada, chnge khan to bahadur shah zafar ke darabar men gayak the.

ustad amir khan (angrezi: Ustad Amir Khan, janm: 15 agast, 1912; 13 faravari, 1974) bharat ke prasiddh shastriy sngit gayak the. ustad amir khan ko kala ke kshetr men bharat sarakar dvara, san 1971 men padm bhooshan se sammanit kiya gaya tha.

jivan parichay

ustad amir khan ka janm 15 agast, 1912 ko indaur men ek sngit parivar men hua tha. pita shahamir khan bhindi bazar gharane ke sarngi vadak the, jo indaur ke holakar rajagharane men bajaya karate the. unake dada, chnge khan to bahadur shah zafar ke darabar men gayak the. amir ali ki man ka dehant ho gaya tha jab ve keval nau varsh ke the. amir aur unaka chhota bhaee bashir, jo bad men akashavani indaur men sarngi vadak bane, apane pita se sarngi sikhate hue bade hone lage. lekin jald hi unake pita ne mahasoos kiya ki amir ka rujhan vadan se zyada gayan ki taraf hai. isalie unhonne amir ali ko zyada gayan ki talim dene lage. khud is lain men hone ki vajah se amir ali ko sahi talim milane lagi aur vo apane hunar ko pukhta, aur zyada pukhta karate ge. amir ne apane ek mama se tabala bhi sikha. apane pita ke sujhav par amir ali ne 1936 men madhy pradesh ke rayagadh snsthan men maharaj chakradhar sinh ke pas karyarat ho gaye, lekin vahan ve keval ek varsh hi rahe. 1937 men unake pita ki mrityu ho gee. vaise amir khan 1934 men hi bambee (ab mumbee) sthanantarit ho gaye the aur mnch par pradarshan bhi karane lage the. isi dauran ve kuchh varsh dilli men aur kuchh varsh kalakatta (ab kolakata) men bhi rahe, lekin desh vibhajan ke bad sthayi roop se bambee men ja base.[1]

gayan shaili

ustad amir khan ke gayaki ka jahan tak saval hai, unhonne apani shaili akhtiyar ki, jisamen abdul vahid khan ka vilnbit andaz, rajab ali khan ke tan aur aman ali khan ke merukhand ki jhalak milati hai. indaur gharane ke is khas shaili men adhyatmikta, dhrupad aur khayal ke mishran milate hain. ustad amir khan ne "ativilnbit lay" men ek prakar ki "badhat" la kar sabako chakit kar diya tha. is badhat men age chalakar saragam, tanen, bol-tanen, jinamen merukhandi ang bhi hai, aur akhir men madhyalay ya drut lay, chhota khayal ya rubaedar tarana pesh kiya. ustad amir khan ka yah manana tha ki kisi bhi khayal kampozishan men kavy ka bahut bada hath hota hai, is or unhonne 'sur rng' ke nam se kee kampozishans khud likhe hain. amir khan ne tarana ko lokapriy banaya. jhumara aur ekatal ka prayog apane gayan men karate the, aur sngat dene vale tabala vadak se vo sadharan theke ki hi mang karate the.[1]
ustad amir khan

khayal ka azim-o-shan shahnshah

ustad amir khan sahab hindustani shastriy sngit ke us aise fanakar the, jinhen kabhi bhulaya nahin ja sakata. indaur gharane ke ustad amir khan sahab, jinhen khayal ka azim-o-shan shahnshah mana jata hai. isake bavajood ki khan sahab indaur riyasat ke asapas pale-badhe, unake pita aur dada ji usi riyasat men sngit ke roop men mulajim the, jis vajah se unhonne apane gharane ko indaur ka nam diya. unaki gayan shaili men koee riyasat vali soch ya protsahan nahin tha, balki unaki shaili men ek aisa vairagy sunane men ata hai, jisase asani se pata chal jata hai ki asal men aur akhir tak ve soofi hi the. ustad amir khan roohani taur par apane apako amir khusaro ke gharane se jodate the, ek aisi parnpara, jisamen gane-bajane vale sngitakar log soofi snton ke asapas ek alaukik jhund banakar baithe rahate aur unake kaul aur bachan gate. jahan mausiki aur sngit ko ibadat ka ek jariya mana jata. aur jaise-jaise ustad amir khan sahab apane vaqt ke kalakaron ko sunane lage, unhonne apani hi soch se ek aisi shaili ka nirman kiya, jo riyasat ke phndon se koson door bhag chali aee, jahan sngit ki paribhasha dhyan aur ibadat hi thi. yahan rajaon aur maharajaon ko rijhane vali bat n thi, n maharaja ki najar men doosare kalakaron se baji marane vali bat. n sngit ke saman ka koee pradarshan bhi. dekha jae to gayaki ki is anokhi khoj ko yadi ek shabd men kaha jae to vah shabd tha sadagi, jo soophiyon ki bhasha men ek jabardast pahuncha hue shabd mana jata hai.
avaz ki alag-alag kismen hoti hain, aur in alag-alag kismon se hi khayal gayakiyan banin, lekin ustad amir khan sahab ki avaz ki koee kism hi n thi. vah to sirph ek adhoori bhav se bani. ap gale ko phad kar avaz bahar ki taraf n phenke. ap avaz ko apane andar lagaen, jab tak use koee andar se n pakad le. ek bar yah ho jae, phir ap ki avaz sunaee de, jaise bhi sunaee de. is svar ki koee shart hi nahin thi. n yah svar samajhata, n hi sundar hi banane ki koshish karata. n yah svar koee drama karata, n oopari taur se shrringarik banane ki koshish rakhata. is svar se to koee gata rahata aur isi svar lagav se ustad amir khan, amir khan bane. soofiyon ki bhasha men ise fana kahate hain, apane ap men pahale mit jana, phir us mitane men se usako zinda rakhana. hindustani shastriy sngit ke lie yah garv ki bat hai ki ustad amir khan sahab ke bad, kee pidhiyan- gane vale aur bajane vale- unhen pagalapan ki had tak mohabbat karane lage. ek vaqt aisa aya, jab dooradaraj, unake sngit ko sune bina, ab gana-bajana hi namumakin ho gaya tha. sach bat to yah hai ki suee ka kona poori pradakshina kar chuka tha.[2]

mahan gayak

ustad amir khan ki pratibha ke asvikar ka arnbh to usi samay ho gaya tha, jab ve shastriy sngit ke ek daksh gayak banane ke svapn se bhare hue the aur rayagadh darabar men ek yuvatar gayak ki tarah apani apratim pratibha ke valaboote sngit-snsar men ek sarvamany jagah banane men lage hue the. ek bar unake ashrayadata ne unhen mirjapur men sampann hone vali ek bhavy-sngit sabha men pratibhagi ki bataur bheja, taki ve vahan jakar apani gayaki ki ek prabhavakari upasthiti darj karava ke lauten. lekin, unhonne jaise hi apana gayan shuroo kiya chautarapha ek khalabali-si hone lagi aur rasikon ke bich se unake virodh ke svar uthane lage, jo jald hi shoragul men badal gaye. us sngit-sabha men prasiddh gayak inayat khan, phaiyaj khan aur kesharabaee bhi apani prastutiyan dene ke lie maujood the. halanki in varishth gayakon ne samuday se agrah karake unako sune jane ki taqid bhi ki lekin asnyat-shrota samuday ne unake us nivedan ki sarvatha anasuni kar di. is ghatana se hue apaman-bodh ne yuva gayak amir khan ke man men ‘amir‘ banane ke dridh snkalp se sath diya. ve janate the, ek gayak ki ‘sampannata‘, usake ‘svar‘ ke sath hi sath ‘kathin sadhana‘ bhi hai. natijatan, ve apane grih nagar indaur laut aye, jahan unaki parampara aur poorvajon ki poonji dabi padi thi. unake pita ustad shahamir khan the, jinaka gahara sambandh bhindi bazar gharane ki prasiddh gayika anjanibaee malapekar ke sath tha. ve unake sath sarngi par sngat kiya karate the. pita ki yahi vastavik khvahish bhi thi ki unaka beta amir khan apane samay ka ek mashahoor sarngi vadak ban jaye. unhen lagata tha, yah doobata ilm hai. kyonki, sarngi ki pratishtha kafi kshin thi aur vah keval kothe se judi mahaphilon ka anivary hissa thi, lekin ve yah bhi janate the ki manushy ke kanth ke baraks hi sarngi ke svar hain. aur unake pas ki yah poonji putr ke pas pahunch kar akshunn ho jaegi.


baharahal, putr ki vapasi se unhen ek kism ki tasalli bhi huee ki shayad vah phir se apane pushtaini vady ki or apani purani aur paramparagat asakti badha le. lekin, yuva gayak ‘amir‘ ke avachetan jagath men mirjapur ki sngit-sabha men hue apaman ki tikt-smriti thi, na bhooli ja sakane kisi granthi ka roop dhar chuki thi, jisake chalate vah koee bada aur rachanatmak-javab dene ki jid pal chuka tha. vah apane us ‘apaman’ ka uttar ‘vady’ nahin, ‘kanth’ ke jariye hi dena chahata tha. baharahal, yah ek yuva srijanashil-man ke gahare atm-sngharsh ka kalakhand tha, jahan use apane hi bhitar se kuchh ‘avishkrit’ kar ke use virat banana tha. natijatan, usane svar-sadhana ko apana avalamb banaya, aur aisi sadhana ne ek din usako usaki ichchha ke nikat lakar chhod diya. shayad isi ki vajah rahi ki bad men, jab amir khan sahab desh ke sarvotkrisht gayakon ki katar men khade ho gaye to bade-bade amntranon aur prastavon ko ve bas isalie asvikar kar diya karate the ki ‘vahan ane-jane men unaki ‘riyaj‘ ka bahut zyada nuqasan ho jayega.‘[3]

film sngit

film sngit men bhi ustad amir khan ka yogadan ullekhaniy hai. 'baijoo bavara', 'shabab', 'jhanak jhanak payal baje', 'ragini', aur 'goonj uthi shahanaee' jaisi filmon ke lie unhonne apana svaradan kiya. bngala film 'kshudhito pashan' men bhi unaka gayan sunane ko mila tha.

samman aur puraskar

ustad amir khan

sngit ke kshetr men ullekhaniy yogadan ke liye ustad amir khan ko 1967 men sngit natak akadami puraskar aur 1971 men padm bhooshan se sammanit kiya gaya.

vishesh yogadan

kaha jata hai ki ustad amir khan ne hindustani shastriy sngit ko mndara khayal diya. zaroor, kyonki ve kaha karate ki jitani gahari apaki ninv, utani oonchi apaki imarat, lekin isase bhi jyada bat hai ki unhonne khayal sngit ko ek aisa alap bataya, jo rag ko avarohi se barata, jaise ki ghadi ghoomati hai. dhyan ka vasool bhi yahi hai. aur isi usool ko sadhate-sadhate unhen apani gayaki men dhyan ke akar mile, aur ve ek avarohi pradhan khayal gane lage, jahan rag bhi asal men khulata hai. yahi vajah thi ki unhonne avaz ka mndara bhi khola, aur gayaki banaee. yah bhi jani-mani bat hai ki ustad amir khan ne hindustani shastriy sngit ko 'paj' yani usaka anahad phikra diya, jisase unaka vilnbit khayal bahut chainadar sunane men ata tha. isake pichhe bat yah thi ki sngit, atma ki kabhi n mitane vali bhookh, pahale atma men socha jata hai, aur phir usaka sakshatkar hota hai. isi karan khan sahab ne 'paj' ko age rakhakar gey phikra gaya. unake sngit ka snchalan hi anakahi se hota, jise ham kabhi se pahale sunate. yahi unaki soch thi. jis vajah se unaki indaur ki gayaki ko shastriy sngit ka pahala antarmukhi gharana kaha jata hai.[2]

nidhan

ek sadak durghatana men ustad amir khan sahab ko 13 faravari, 1974 ke din ham se hamesha hamesha ke lie vida ho gaye.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 sur sngam men aj - ustad amir khan ka gayan - rag malakauns (hindi) avaz. abhigaman tithi: 22 janavari, 2015.
  2. 2.0 2.1 vah avaz kabhi bhulaee nahin ja sakati (hindi) navabharat taims. abhigaman tithi: 22 janavari, 2015.
  3. joshi, prabhu. mahan gayak ustad amir khan (hindi) abhivyakti. abhigaman tithi: 22 janavari, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah